28-05-2024, 17:28
Qazaxın azad edilmiş kəndində minatəmizləmə - FOTO
Qazaxın işğaldan azad olunmuş kəndlərinə mediatur təşkil olunub.
Dövlət Sərhəd Xidmətinin (DSX) təşkilatçılığı baş tutan səfər çərçivəsində media nümayəndələri rayonun Bağanıs Ayrım kəndində minatəmizləmə işləri ilə tanış olublar.
Qeyd edək ki, delimitasiya işləri nəticəsində 12,7 km uzunluğunda sərhəd xətti müəyyən edilmiş və bununla Azərbaycan Respublikasının Qazax rayonunun 4 kəndinin: Bağanıs Ayrım, Aşağı Əskipara, Xeyrımlı və Qızılhacılının ərazilərinin (6,5 km2) Azərbaycana qaytarılması təmin edilib.
Mayın 24-də Azərbaycan Respublikasının Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərinin əraziləri Azərbaycan Respublikası Dövlət Sərhəd Xidməti tərəfindən nəzarətə götürülüb.
28-05-2024, 17:23
Danimarka Fələstini dövlət kimi tanımadı - Deputalar əleyhinə səs verdilər
Danimarka parlamenti Fələstinin dövlət kimi tanınmasının əleyhinə səs verib.
Qərar layihəsi bugünkü iclasda səsverməyə çıxarılsa da, parlamentarilərin dəstəyini qazana bilməyib.
Qeyd edək ki, İrlandiya, İspaniya və Norveç Fələstinin beynəlxalq hüququn subyekti kimi tanınması barədə qərar elan edib.
28-05-2024, 17:17
İraq Azərbaycanı belə təbrik etdi - FOTO
İraqın paytaxtı Bağdadda 28 May - Müstəqillik Günü münasibətilə ən hündür binalardan biri bayrağımızın rəngləri ilə işıqlandırılıb.
Bu haqda Azərbaycanın İraqdakı səfiri Nəsir Məmmədov “X” sosial şəbəkə hesabında paylaşım edib.
“Azərbaycan Respublikasının milli bayramı 28 May - Müstəqillik Günü münasibətilə Bağdadın ən hündür binalarından birində dövlət bayrağımız nümayiş etdirilib.
Təşəkkürlər İraq!”, - paylaşımda qeyd olunub.
28-05-2024, 16:44
Azərbaycan Şəhidlərini hörmətlə anırıq - Ərdoğan
Türkiyə Prezidenti Rəcəb Tayyib Ərdoğan Azərbaycanı Müstəqillik Günü münasibətilə təbrik edib.
Rəcəb Tayyib Ərdoğan bu barədə rəsmi "X" hesabında paylaşım edib.
“Bir millət, iki dövlət ruhuna sahib olduğumuz Azərbaycanın 28 May Müstəqillik Gününü təbrik edir, bütün azərbaycanlı qardaşlarımızın haqlı qürur və sevincini ürəkdən bölüşürəm. Müstəqillik uğrunda şəhid olan qəhrəmanlarımızı hörmət və rəhmətlə yad edirəm", - paylaşımda vurğulanıb.
28-05-2024, 16:17
Paşinyan keşiş Baqratın planlarını pozdu
Bu gün Ermənistanın baş naziri Nikol Paşinyan dövlət protokolunda səhər saatları üçün nəzədə tutulan ənənəvi tədbirə vaxtında getməyib.
Nikol Paşinyan "Sardarabat" abidəsini ziyarət etməyi təxirə salmaqla əleyhdarlarının planını pozub. Çünki səhər saatlarında "Sardarabat" abidəsinə yürüş edən keşiş Baqrat Srbazan öz tərəfdarları ilə Paşinyanın memorial kompleksinə gəlişini gözləyirdi. Lakin baş nazir həmin tədbirə getməyi təxirə salmaqla orada baş verə biləcək qarşıdurmanı zərərsizləşdirmiş olub. Bununla da o, taktiki və strateji baxımdan vacib addım atıb. Halbuki, Baqrat Srbazan və tərəfdarları "Sardarabat" kompleksində təxribat baş verməsinin və toqquşmanın marağında idilər.
Keşiş və tərəfdarları memorial komlkeksini tərk edəndən sonra baş nazir Nikol Paşinyan "Sardarabat" abidəsini ziyarət edib. Baş nazir Ermənistan prezidenti və parıamentin sədri ilə birlikdə "Sardarapat" abidənin önünə gül dəstələri qoyub. Nikol Paşinyan burada çıxış da edib.
Qeyd edək ki, Ermənistanda ali hakimiyyət nümayəndələrinin "Sardarabat" abidəsini ziyarət etməsi çox önəmli sayılır. 1918-ci il mayın 21-dən 29-na qədər davam etmiş "Sardarabat" döyüşündə erməni qoşunları Osmanlıya qalib gəlmişdilər. Daha sonra paytaxtı İrəvan olan Ermənistan Respublikası elan olunmuşdu.
28-05-2024, 16:07
İrlandiya Fələstini müstəqil dövlət kimi tanıdı
İrlandiya Fələstini müstəqil dövlət kimi rəsmən tanıyıb.
Bu barədə İrlandiyanın xarici işlər və müdafiə naziri Mixol Martin bildirib.
“Hökumətin bugünkü qərarı Fələstin dövləti ilə tam diplomatik münasibətlərin qurulmasına icazə verir”, - o qeyd edib.
M.Martin əlavə edib ki, Fələstinin İrlandiyadakı diplomatik missiyasının statusu Fələstin hakimiyyətinin Dublinə bu rəsmi müraciətindən sonra səfirliyə qədər qaldırılacaq.
28-05-2024, 15:44
Renat Dadaşov "Hatayspor"dan ayrıldı
Azərbaycan millisinin və "Hatayspor"un futbolçusu Renat Dadaşov klubundan ayrılıb.
Futbolçu özü bu barədə sosial şəbəkə hesabında yazıb.
"Hər şey üçün təşəkkür edirəm, HATAY!", - deyə o bildirib.
Qeyd edək ki, 25 yaşlı hücumçu 2023-cü ildə "Hatayspor"a keçmişdi.
28-05-2024, 14:32
İstirahət mərkəzində yeniyetmə körpüdən yıxıldı
Lerikdə istirahət mərkəzinin birində 14 yaşlı yeniyetmə körpüdən yıxılıb.
Bakı şəhərinin Yasamal rayonundan Lerikə istirahətə gedən ailə bədbəxt hadisə ilə üzləşib.
Bakı sakini 2010-cu il təvəllüdlü H.B ehtiyatsızlıqdan körpü üstündən aşağı düşüb. Yeniyetmə ağır vəziyyətdə Lənkəran rayon mərkəzi xəstəxanasına çatdırılıb. Ona ilkin tibbi yardım göstərilib. Vəziyyətinə uyğun olaraq müalicəsi xəstəxanada davam etdirilir.
28-05-2024, 14:19
İran parlamentinə yeni sədr seçildi
Bu gün İran parlamentin açıq iclasında rəhbərliyin seçkisi keçirilib.
Məhəmməd Baqir Qalibaf, Müctəba Zolnur və Mənuçöhr Mottaki parlamentin sədri vəzifəsinə namizədliklərini açıqlayıblar.
Məhəmməd Baqir Qalibaf 287 səsdən 198 səs toplayıb və 12-ci çağırışın ilk iclasında 1 illik müddətə parlamentin sədri seçilib.
Səsvermə zamanı Zolnur 60, Motaki 5 səs toplayıb, 24 səs etibarsız sayılıb.
Məhəmməd Baqir Qalibaf bundan əvvəl 4 il parlamentin sədri vəzifəsində çalışıb.
İranın yeni seçilmiş millət vəkilləri bazar ertəsi, mayın 27-də İslam İnqilabının qələbəsindən sonra 12-ci parlamentin ilk iclasını keçiriblər.
Bazar ertəsi səhər yeni parlamentin ilk iclası yüksək səviyyəli rəsmilərin, o cümlədən prezident səlahiyyətlərini icra edən Məhəmməd Moxber, Məhkəmə Sisteminin rəisi Qulamhüseyn Mohseni Ejei, yüksək səviyyəli hərbi komandirlər və xarici ölkələrin Tehrandakı səfirlərinin iştirakı ilə başlayıb.
28-05-2024, 13:25
Ermənistanın yerləşdirdiyi minalar azərbaycanlıları öldürməyə davam edir - XİN
"Ermənistanın yerləşdirdiyi minalar bu yaxınlarda işğaldan azad edilmiş ərazilərdə azərbaycanlıları öldürməyə və şikəst etməyə davam edir".
Bu fikirlər Azərbaycan Xarici İşlər Nazirliyinin “X” hesabındakı paylaşımında yer alıb.
“Bu gün Sırxavənd kəndində minanın partlaması nəticəsində 27 yaşlı işçi ağır xəsarət alıb, ayağı amputasiya edilib.
Geniş səylərə baxmayaraq, Ermənistanın minaların yerləşdiyi yerləri əks etdirən dəqiq xəritələri təhvil verməkdən imtina etməsi səbəbindən minatəmizləmə əməliyyatları bir çox problemlərlə üzləşir.
Beynəlxalq ictimaiyyət Azərbaycanda mina təhlükəsinin aradan qaldırılması üçün səylərini səfərbər etməlidir!” - paylaşımda qeyd olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!