29-05-2024, 22:42
Ceyhun Bayramovun Pakistan səfəri barədə rəsmi açıqlama
Azərbaycanın xarici işlər naziri Ceyhun Bayramov Pakistanın paytaxtı İslamabadda səfərdədir.
Bu barədə Pakistanın Xarici İşlər Nazirliyinin mətbuat xidməti bildirib.
“Azərbaycanın xarici işlər naziri Ceyhun Bayramov İslamabada ikigünlük rəsmi səfərə gəlib”, – xarici siyasət idarəsinin mətbuat xidməti diqqətə çatdırıb.
Qeyd olunub ki, Azərbaycanın baş diplomatını Pakistanın xarici işlər katibinin Əfqanıstan və Qərbi Asiya üzrə köməkçisi Əhməd Nasim Varraiç qarşılayıb.
“Xarici işlər naziri Ceyhun Bayramov Baş nazir Məhəmməd Şahbaz Şərifin qəbulunda olacaq və baş nazirinin müavini, xarici işlər naziri Məhəmməd İshaq Dar ilə geniş müzakirələr aparacaq”, – XİN bildirib.
29-05-2024, 19:29
''Nənəmin kəlağayısı'' kitabının təqdimatı keçirildi.
27 may, 2024-cü il tarixində Gəncliyə Yardım Fondunda Mirvarid Dilbazi Poeziya Məclisinin təşkilatçılığı ilə şair Brilyant Atəşin ''Nənəmin kəlağayısı'' kitabının təqdimatı keçirildi .
Tədbiri giriş.sözü ilə Mirvarid Dilbazi Poeziya Məclisinin sədri Güllü Eldar Tomarlı açdı, vvətənimizin ərazi bütövlüyü,suverenliyi, azadlığı uğrunda canından keçən şəhidlırimiz bir dəqiqəlik sükuta edildi. Azərbaycan himni səsləndirilidi. ''Sazın Sözün Butası'' təşkilatının sədri, Gürcüstanın ''Şərəf'' ordenli şairi Səadət Buta, yazıçı, ədəbi təhlilçi Vaqif Osmanlı, Azərbaycan Televizyası və radiosunun əməkdaşı Ötərxan Eltac, MDPM İB-nin idarə heyətinin üzvü, şair Səringül Sadə, Gürcüstanın sabiq milıət vəkili Ramiz Bəkirov, ''Nur Ocağı'' ədəbi məclisinin sədri Sehran Süleymanova, şairlərdən- Rəqibə Qəvvas, Rövşən Xaləddinoğlu, Qulu Xaləddinoğlu, Ramilə Əliyeva, Xəzər Məsimov və başqaları çıxış.etdilər. Aşıqlardan Rafiz Məmmədov və Museyib İlhamoğlu Brilyant Atəşin şeirlərini saz üstə gözəl ifa etdilər. Sumqayyıt şəhəri, İsmət Qayıbov adına 1 saylı məktəbin şagirdi Fərman Əzizovun ifası alqışlarla qarşılandı. Kitab şairin sayca 4-cü kitabıdı. Tədbirdə lKİV nümayəndələri, saz-söz aşiqləri çıxış etdilər.
Sonda xatirə şəkili çəkildi.
29-05-2024, 19:24
COP29-un Yaşıl Dünyaya töhfəsi
İqlim bir çox təbii amillərin nəticəsində əmələ gəlmişdir. İqlimi yaradan əsas amillərə Günəşdən Yer səthinə gələn istilik, Yer səthinin müxtəlifliyi və hava kütlələrinin xüsusiyyətləri aiddir. Yer səthində istiliyin paylanması Günəş şüalarının düşmə bucağından asılıdır. Tropik enliklərdə Günəş şüalarının düşmə bucağı böyük olduğuna görə Yer səthi daha çox istilik alır. Qütbyanı enliklərdə isə Yer səthi nisbətən az istilik alır. Buna görə də Yer səthinin iqlimi coğrafi enlikdən asılı olaraq dəyişir. İqlimin yaranmasında hava kütlələrinin, yəni troposferin özünəməxsus temperaturu və rütubəti ilə seçilən nəhəng hava hissələrinin rolu böyükdür.
Dünyanı narahat edən qlobal problemlərdən biri də İqlim dəyişmələridir. İqlim dəyişikliyinə qarşı mübarizə inkişafımız üçün prioritetdir. İqlim dəyişiklikləri və onların canlı aləmə təsiri dünya birliyini getdikcə daha çox narahat etməkdədir. Qeyri-sabit hava şəraiti tək Azərbaycanda deyil dünyanın bir sıra ölkələrində hiss olunmaqda və problemlər yaratmaqdadır. Bu problemlərə diqqətin artması özünü bir sıra beynəlxalq tədbirlərin, o cümlədən elmi və praktiki konfransların keçirilməsində göstərir. Azərbaycan bərpa olunan enerji sahəsində qabaqcıl ölkələr sırasına yüksəlmək istiqamətindədir. Bu məqsədlə zəngin külək və günəş potensialından istifadə edilir. Bu, həmçinin ölkənin 2050-ci ilə qədər istixana qazı emissiyalarını 40% azaltmaq planının mühüm tərkib hissəsidir. Ölkə 2030-cu ilə qədər elektrik enerjisində bərpa olunan enerjinin qoyuluş gücü üzrə payını 30%-ə çatdırmaq və yaşıl enerji sahəsində lider olmaq üçün mövcud enerji sistemini şaxələndirir. Azərbaycanın quruda və dənizdə mövcud olan külək enerjisi resursları dayanıqlı enerji istehsalı üçün əsas imkanlar yaradır. Ölkə yaşıl hidrogen sektoru ilə bağlı planlarını həyata keçirmək üçün fəal surətdə çalışır. Beynəlxalq investorlarla imzalanan əməkdaşlıq müqavilələri yaşıl hidrogen istehsalına töhfə verə bilər. BMT-nin İqlim Dəyişmələri üzrə Çərçivə Konvensiyasına Tərəflərin Konfransı – COP Konvensiyasının ali qərar qəbul edən orqanıdır. Hər il dünyanın hər yerindən hökumət nümayəndələri COP-da toplaşaraq iqlim dəyişmələrinin qarşısının alınması və fəsadlarının aradan qaldırılması istiqamətində birgə səylər göstərmək üçün çağırışlar edir. Qlobal istiləşmə səbəbi ilə ilk dəfə Berlində keçirilən Birləşmiş Millətlər Təşkilatının İqlim Dəyişikliyi Konfransı bu il ölkəmizdə təşkil olunacaq. COP29-un Bakıda keçirilməsi qərarı Azərbaycanın yaşıl enerji siyasətinə qlobal dəstəyi ifadə edir. Buna uyğun olaraq, Azərbaycan Respublikasının Prezidenti İlham Əliyevin Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilib. Heydər Əliyev Mərkəzi, Azərbaycan Dövlət İqtisad Universiteti (UNEC), Regional İnkişaf İctimai Birliyi (RİİB), Beynəlxalq Magistratura və Doktorantura Mərkəzinin birgə təşkilatçılığı ilə İqtisadiyyat və İdarəetmə Sahəsində Tədqiqatçıların VI Beynəlxalq Elmi Konfransı (ISCEMR-24) “Yaşıl dünya naminə həmrəylik” ilinə həsr olunmuş və “Dayanıqlı İnkişafın Yeni Dövrü: Yaşıl transformasiya və iqlim maliyyələşdirilməsi” mövzusunda təşkil olunmuşdur. Bu konfransın 2-ci günündə iştirak etdim. “Yaşıl transformasiya və iqlim maliyyələşdirməsi”, “Yaşıl iqtisadiyyata və texnologiyalara keçiddə özəl təşəbbüslərin rolu” mövzusunda müzakirələr oldu. Tullantıların yenidən emal olunması ağacların daha çox kəsilməsinin qarşısını alır. Meşələrin qorunması ekosistemlərin iqlim dəyişikliyi ilə mübarizədə əhəmiyyətini vurğulamaq və onların azalması təhlükəsi barədə xəbərdarlıq etmək üçün qlobal təşəbbüsdür. Meşələr mühüm ekoloji rol oynayır, iqlimi tənzimləyir. Gəlin, Tanrının bizə bəxş etdiyi ətraf mühitimizi, planetimizi qoruyaq və hər tərəfində daha parlaq, daha yaşıl həyata nail olmaq üçün birlikdə çalışaq!
Aytac Mübarizqızı (Babayeva)
Azərbaycan Dövlət İqtisad Universiteti (UNEC) Qiyabi və Əlavə Təhsil Mərkəzinin Ekologiya ixtisasının tələbəsi
29-05-2024, 19:19
Baş nazirdən maaşlarla bağlı QƏRAR
Təhsilverənlərin vəzifə maaşlarına aylıq əlavələrdə texniki məhdudiyyətlər aradan qaldırılıb.
Bu, Nazirlər Kabinetinin qərarı ilə Dövlət ümumi təhsil müəssisələrinin (ümumi təhsil üzrə təhsilverənlərə münasibətdə digər dövlət təhsil müəssisələrinin) təhsilverənlərinin (sertifikat-laşdırmanın nəticəsinə görə) vəzifə maaşlarına aylıq əlavələr”də edilən dəyişiklikdə əksini tapıb.
Qərara əsasən, Dövlət ümumi təhsil müəssisələrinin (ümumi təhsil üzrə təhsilverənlərə münasibətdə digər dövlət təhsil müəssisələrinin) təhsilverənlərinin (sertifikatlaşdırmanın nəticəsinə görə) vəzifə maaşlarına aylıq əlavələr “Dövlət ümumi təhsil müəssisələrində tədris edilən dərs saatına görə (faizlə)” şərtinə görə deyil “Tədris edilən dərs saatına görə (faizlə) şərtinə görə veriləcək. Nazirlər Kabinetindən qərara verilən izahda bildirilib ki, dəyişiklik, bəzi hallarda bu əlavələrin verilməsində yaranan texniki xarakterli məhdudiyyətlərin aradan qaldırılması məqsədilə edilib.
29-05-2024, 18:45
Türkiyə yerli tankların kütləvili istehsalına başlayır
Son illər müdafiə sənayesi sahəsi üzrə mühüm layihələrə imza atan Türkiyə yeni nəsil texnologiyalarla təchiz edilmiş yerli istehsal “Altay” tankının kütləvi istehsalına başlayır.
Bu barədə Türkiyə Müdafiə Sənayesi İdarəsinin sədri Haluk Görgün açıqlayıb.
Bildirilib ki, Türkiyə Silahlı Qüvvələrinin həyata keçirdiyi əməliyyatlar çərçivəsində əldə edilən təcrübələr əsasında yeni xüsusiyyətlər əlavə edilən “Altay” müasir döyüş mühitinin şərtlərinə uyğun olaraq təkmilləşdirilib. Ən son rəqəmsal texnologiyaların əlavə edilməsi ilə istifadə qabiliyyəti artırılan tank hədəfin müəyyən edilməsi və atəş açmaq üçün daha həssas-çevik vəziyyətə gətirilib.
29-05-2024, 18:20
Zakir Həsənov Gülerlə hərbi əməkdaşlıqdan danışdı
Türkiyədə işgüzar səfərdə olan Azərbaycan Respublikasının müdafiə naziri general-polkovnik Zakir Həsənov qardaş ölkənin milli müdafiə naziri cənab Yaşar Gülerlə görüşüb.
Bu barədə Müdafiə Nazirliyindən məlumat verilib.
Görüşdə ölkələrimiz arasında hərbi, hərbi-texniki, hərbi təhsil sahəsində əməkdaşlığın inkişaf perpektivləri müzakirə edilib, qarşılıqlı maraq doğuran bir sıra məsələlərə dair geniş fikir mübadiləsi aparılıb.
29-05-2024, 17:58
Rəisinin helikopterinin vurulması haqda heç bir səbəb aşkarlanmayıb
İranlı ekskpertlər indiyə kimi İran prezidenti İbrahim Rəisi və onu müşayiət edən heyəti Xudafərindən Təbrizə aparan helikopterin hər hansı xarici tərəf tərəfindən vurulması ilə əlaqədar heç bir səbəb aşkarlamayıblar.
Bunu İran prezidentinin qayınatası və İranın Ali Liderinin Rəzəvi Xorasan vilayəti üzrə nümayəndəsi Əhməd Ələmolhoda deyib.
Onun sözlərinə görə, ekspertlər İran prezidentinin qəzaya uğramasının müxtəlif səbəblərini araşdırıblar. Helikopterin qəzaya uğramasında müxtəlif ehtimallar irəli sürülürdü. Bu ehtimallara hadisənin qəza olması, yaxud xarici amil faktorunun olub-olmaması daxil idi.
Qeyd edək ki, 19 mayda İran prezidenti İbrahim Rəisi, xarici işlər naziri Hüseyn Əmir Abdullahian, İranın Ali Liderinin Təbriz üzrə nümayəndəsi Məhəmməd Əli Ali Haşim, Şərqi Azərbaycan vilayətinin valisi Malik Rəhmətini Xudafərindən Təbrizə aparan helikopter vilayətin Vərzəqan rayonunda qəzaya uğrayıb.
Qəza nəticəsində 9 nəfər həlak olub.
29-05-2024, 17:50
Qəzzada döyüş bu il bitməyəcək - İsrail MTX rəhbəri
Qəzzada döyüş bu il bitməyəcək.
Bu barədə İsrail Milli Təhlükəsizlik Xidmətinin rəhbəri, baş nazir Benyamin Netanyahunun milli təhlükəsizlik üzrə müşaviri Tzaçi Haneqbi bildirib.
O qeyd edib ki, hazırda İsrail Müdafiə Qüvvələri Qəzza zolağı ilə Misir arasındakı bufer zonası olan Fildelf marşrutunun 75%-nə nəzarət edir.
"Qəzzada döyüşlər ən azı daha 7 ay davam edəcək", - yəhudi rəsmi əlavə edib.
29-05-2024, 17:42
Ərdoğan İtaliya baş naziri ilə danışıqlar apardı
Türkiyə prezidenti Rəcəb Tayyib Ərdoğan İtaliya baş naziri Corciya Meloni ilə telefon danışığı aparıb.
Bu barədə TRT məlumat yayıb.
Türkiyə-İtaliya münasibətləri müzakirə olunub. İsrail-Fələstin münaqişəsi də nəzərdən keçirilib.
Ərdoğan telefon danışığı zamanı İtaliyanı Fələstini tanımağa çağırıb.
29-05-2024, 17:28
İranda 3 nəfər prezidentliyə namizədliyini irəli sürdü
Sabiq deputat, İran Demokrat Partiyasının qurucusu Mustafa Kəvakbian, 12-ci çağırış Məclisin (parlament) üzvləri Məhəmməd Səbaqian və Abbas Moğtadai yaxın bir ayda keçiriləcək prezident seçkilərində iştirak etmək üçün namizədliyini irəli sürüb.
Bu barədə SNN telekanalı məlumat yayıb.
Məlumata görə, namizədlər qeydiyyat prosedurunu başa vurduqdan sonra çıxış edərək seçki proqramının bəzi bəndlərini açıqlayıblar. Kəvakbian seçiləcəyi təqdirdə ölkənin büdcəsinin neft gəlirlərindən asılılığını azaltmaq niyyətində olduğunu, Səbaqiyan isə özünün əsas prioritetinin İslam Respublikasının siyasi və inzibati strukturunda islahatların aparılması olduğunu bəyan edib.
Kəvakbian ötən prezident seçkilərində bir neçə dəfə namizəd kimi qeydə alınıb. Dörd işdən üçündə onun namizədliyi Mühafizə Şurası tərəfindən rədd edilib. Digər iki namizəd isə əvvəllər prezidentliyə namizəd olmayıb.
İran parlamentində Səbaqian Yəzd əyalətini, Moğtadai isə İsfahan vilayətini təmsil edir.
Bu gün - cümə axşamı yerli vaxtla saat 08:00-da 14-cü prezident seçkilərində namizədlərin qeydiyyatı başlayıb. Proses iyunun 3-dək davam edəcək. İyunun 4-dən etibarən Konstitusiyanın Keşikçiləri Şurası namizədlərin ölkə prezidenti postunun tələblərinə uyğun olub-olmadığını müəyyən etmək üçün bir həftə ərzində araşdırma aparacaq. Namizədlərin yekun siyahısı iyunun 11-də açıqlanacaq.
İranda növbədənkənar prezident seçkiləri iyunun 28-nə planlaşdırılıb. Namizədlərdən heç biri lazımi miqdarda səs yığa bilməsə, iyulun 5-də ən çox səs toplayan iki namizədin iştirakı ilə seçkilərin ikinci turu keçiriləcək.
İran qanunvericiliyinə əsasən, prezident birbaşa ümumi səsvermə yolu ilə dörd il müddətinə seçilir. Eyni şəxs ardıcıl iki müddətdən çox dövlət başçısı seçilə bilməz. Prezident postuna namizəd olmaq istəyən şəxs 40-75 yaşlarında, dövlət qurumlarında rəhbər vəzifələrdə iş təcrübəsinə malik İran vətəndaşı olmalıdır.
Mayın 19-da İranın şimalındakı Şərqi Azərbaycan əyalətində göyərtəsində ölkə prezidenti İbrahim Rəisinin və xarici işlər naziri Hüseyn Əmir Abdullahianın olduğu helikopter qəzaya uğrayıb. Helikopterdə olan 9 nəfərin hamısı həlak olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!