Dünya » Səhifə 21

6-07-2025, 14:09

19 uşaq qurğuşundan zəhərləndi

Çinin Qansu əyalətindəki özəl bağçada 19 uşaq zəhərlənib.
Bu barədə “Shanghai Zhebao” nəşri məlumat yayıb.
Məlumata görə, uşaq bağçasının müdiri cinayət məsuliyyətinə cəlb edilib.
Xəsarət alan 19 uşaq xəstəxanaya yerləşdirilib. Onların qanında qurğuşun səviyyəsi 379 mkq/l-ə çatıb, halbuki norma 250 mkq/l hesab olunur. Valideynlərin dediyinə görə, uşaqlarda bir neçə ay ərzində ürəkbulanma, ishal, qarın və ayaq ağrısı kimi simptomlar müşahidə olunub.
Yerli hökumət çirklənmənin mənbəyini tapmaq üçün işçi qrupu yaradıb. Rəsmilər istifadə edilən qida əlavəsi ilə bağlı hələlik məlumat açıqlamayıblar.

19 uşaq qurğuşundan zəhərləndi

6-07-2025, 13:57

Təl-Əvivdə hava limanına hücum

Yəmənin “Ənsar Allah” hərəkatının husiləri İsrailin Təl-Əvivdəki Ben Qurion hava limanını ballistik raketlə vurduğunu açıqlayıb.
Bu barədə hərəkatın mətbuat katibi Yəhya Səriyyə teleqram kanalında məlumat yayıb.
Hava limanının 2 hipersəs ballistik raketi ilə hücuma məruz qaldığı bildirilir.

Təl-Əvivdə hava limanına hücum

6-07-2025, 11:00

Zaporojye və Kiyevə PUA hücumu - Yaralılar var

Ötən gecə Rusiya Ordusu Ukraynanın Zaporojye və Kiyev vilayətlərinə pilotsuz uçuş aparatları ilə hücum edib.
Zaporojye vilayətində 89 yaşlı qadın yaralanıb.
Kiyevin Vışqorodsk rayonuna PUA hücumu nəticəsində isə 3 nəfər xəsarət alıb. Bununla bərabər, iki çoxmərtəbəli binaya ziyan dəyib, 4 obyekt və avtomobil yanıb, o cümlədən 3 avtomobilə ziyan dəyib.

Zaporojye və Kiyevə PUA hücumu - Yaralılar var

5-07-2025, 23:48

Türkiyədə bələdiyyə sədri həbs olundu

Bu gün səhər saatlarında Türkiyə Cümhuriyyət Xalq Partiyası (CHP) bələdiyyələri ilə bağlı korrupsiyaya dair aparılan araşdırmalər çərçivəsində saxlanılanlardan biri haqqında həbs qərarı verilib.
Belə ki, Antalya Böyükşəhər Bələdiyyəsinin sədri Muhittin Böcek barəsində həbs qətimkan tədbiri seçilib.
Məlumata görə, Muhittin Böcek Prokurorluqda ifadə verdikdən sonra həbs tələbi ilə məhkəməyə təxliyə edilib.

Türkiyədə bələdiyyə sədri həbs olundu

5-07-2025, 21:53

Suriya ilə əlaqələr bərpa olunur - 14 ildən sonra...

Britaniya 14 ildən sonra Suriya ilə diplomatik münasibətləri bərpa edib.
Bunu Dəməşqə səfəri zamanı Böyük Britaniyanın xarici işlər naziri Devid Lemmi bildirib.
"Böyük Britaniya diplomatik münasibətləri bərpa edir. Çünki bütün suriyalılar üçün sabit, daha təhlükəsiz və firavan gələcək qurmaq öhdəliyini yerinə yetirməkdə yeni hökuməti dəstəkləmək bizim maraqlarımıza uyğundur", - o deyib.

Suriya ilə əlaqələr bərpa olunur - 14 ildən sonra...

5-07-2025, 20:21

Xameneidən 25 gündür xəbər yoxdur

İranın Ali Lideri ayətullah Əli Xamenei artıq 25 gündür, ictimaiyyət qarşısına çıxmayıb.
Qeyd edilir ki, bu müddət ərzində Xamenei cəmi iki dəfə xalqa videomüraciət edib və hər iki çıxışın bunkerdə lentə alındığı iddia olunur.
Məlumata görə, Xamenei iyunun 13-də İsrailin İrana hava hücumlarına başlamasından sonra dərhal gizli sığınacağa aparılıb. Mənbələr onun təhlükəsizlik səbəbilə bunkeri tərk etmədiyini bildirirlər.
Lakin İran daxilində ayətullahın ciddi xəstə olduğu və ya vəfat etdiyi barədə müxtəlif şayiələr yayılır. Sözügedən iddialar rəsmi şəkildə təsdiqlənməyib.
Qeyd edək ki, İsrail hərbi əməliyyat çərçivəsində İranın nüvə və müdafiə obyektlərini hədəfə alıb. İyunun 22-də isə ABŞ hərbi qüvvələri İranın İsfahan, Natanz və Fordo şəhərlərindəki strateji nüvə obyektlərinə zərbələr endirib.
İyunun 24-də ABŞ prezidenti Donald Tramp Vaşinqton və Tehran arasında atəşkəs razılaşması əldə olunduğunu bəyan edib.

Xameneidən 25 gündür xəbər yoxdur

5-07-2025, 19:54

Ərdoğan yeni model elektromobili sınaqdan keçirdi - FOTO

Türkiyə Prezidenti Rəcəb Tayyib Ərdoğan "Togg" elektromobilinin yeni versiyasını sınaqdan keçirib.
Ərdoğan T10F-in İstanbulda sınaq sürüşünü həyata keçirib.

Ərdoğan yeni model elektromobili sınaqdan keçirdi - FOTO

5-07-2025, 17:44

Danimarka ordusunu gücləndirir - 530 milyon dollar ayrıldı

Danimarka silahlı qüvvələrini peyklər vasitəsilə müşahidə imkanlarını gücləndirmək üçün 530 milyon dollardan çox vəsait ayırır.
Bu barədə ölkənin Müdafiə Nazirliyi məlumat yayıb.
Qeyd olunur ki, təkmilləşdirilmiş peyk əhatə dairəsi və müşahidə imkanları Danimarka Silahlı Qüvvələrinin aşkarlama və cavab vermək qabiliyyətini artıracaq.

Danimarka ordusunu gücləndirir - 530 milyon dollar ayrıldı

5-07-2025, 17:07

Ermənistana yeni konstitusiya lazımdır - Paşinyan

Ermənistan baş naziri Nikol Paşinyan ölkəyə yeni konstitusiya lazım olduğunu bir daha təkrarlayıb.
O, bu barədə Konstitusiyanın qəbul edilməsinin 30 illiyi münasibətilə keçirilən təntənəli tədbirdə bildirib.
"Ermənistan xalq səsverməsi ilə təsdiqlənmiş yeni konstitusiyaya ehtiyac duyur. Xalqın doğma hesab edəcəyi konstitusiyaya ehtiyac var", - o bildirib.
Onun sözlərinə görə, yeni konstitusiya ölkənin bu gün mövcud olduğu reallığı əks etdirən konkret məqsədə malik olmalıdır.

Ermənistana yeni konstitusiya lazımdır - Paşinyan

5-07-2025, 16:58

Rusiyanın İsveçdəki nümayəndəliyinə dronla hücum

Rusiyanın İsveçdəki ticarət nümayəndəliyinə növbəti hücum edilib.
Bu barədə diplomatik missiyanın teleqram kanalında yerləşdirilən məlumatda qeyd olunub.
Əraziyə pilotsuz uçuş aparatından boya paketi atılıb.
"İyulun 5-də saat 03:30 radələrində Rusiyanın İsveçdəki ticarət nümayəndəliyi yenidən dronla hücuma məruz qalıb. Sonuncu belə hücum iyunun 17-də baş vermişdi", - məlumatda bildirilib.
Səfirlikdən qeyd ediblər ki, Rusiyanın səfirliyinə və ticarət nümayəndəliyinə bu cür hücumlar bir ildən çoxdur davam edir:
“Dəfələrlə İsveç polisi və İsveç Xarici İşlər Nazirliyinə bu cür hücumların qarşısını almaq ilə bağlı müraciət etmişik. Gördüyümüz kimi, nəticələr hələ də yoxdur. Burada qanunauyğun sual yaranır: İsveç hakimiyyəti bu hadisələri araşdıra bilmir, yoxsa araşdırmaq istəmir ya da diplomatik nümayəndəliklərin müdafiəsini təmin etmək istəmir?”.
Bildirilib ki, səfirlik bu cür hücumlarının tam araşdırılmasını, bu aksiyaların təşəbbüskarlarının və icraçılarının müəyyən edilərək məsuliyyətə cəlb olunmasını, gələcəkdə bu cür hücumların qarşısının alınmasını tələb edir.
“Stokholm başa düşməlidirlər ki, İsveç hakimiyyəti bu vəziyyətin inkişafı üçün tam məsuliyyət daşıyır", - məlumatda vurğulanıb.

Rusiyanın İsveçdəki nümayəndəliyinə dronla hücum