Dünya » Səhifə 23

3-07-2025, 23:16

Rusiya Əfqanıstanı tanıdı

Rusiya rəsmi olaraq Əfqanıstan İslam Əmirliyini tanıyıb.
Bu barədə Rusiya Xarici İşlər Nazilriyindən məlumat verilib.
Daha əvvəl bildirilib ki, 2021-ci ildən hakimiyyətə gələn Taliban tərəfindən qəbul olunan Əfqanıstanın yeni bayrağı ölkənin Moskvadakı səfirliyinin üzərində dalğalanmağa başlayıb.
Qeyd edək ki, Rusiya Əfqanıstan İslam Əmirliyini rəsmi olaraq tanıyan ilk ölkə olub.

Rusiya Əfqanıstanı tanıdı

3-07-2025, 21:43

İsrail "Hizbullah" komandirini öldürdü

İsrail "Hizbullah" hərəkatının silahlı qanadının komandirlərindən birini zərərsizləşdirib.
Bildirilir ki, o, İsrail Hərbi Hava Qüvvələrinin Livanın paytaxtı Beyrutun cənubunda hərəkətdə olan avtomobilə dronla endirdiyi zərbə nəticəsində öldürülüb.
Qeyd edilir ki, öldürülən komandir "Hizbullah" rəhbərliyində İranın İslam İnqilabi Keşikçiləri Korpusunun (SEPAH) tərkibinə daxil olan "Əl-Qüds" qüvvələri ilə qarşılıqlı əlaqəyə görə cavabdehlik daşıyıb.

İsrail "Hizbullah" komandirini öldürdü

3-07-2025, 20:43

Putinlə Trampın telefon danışığı başa çatdı

Rusiya və ABŞ prezidentləri - Vladimir Putin ilə Donald Tramp arasında növbəti telefon danışığı başa çatıb.
Bunu Rusiya dövlət başçısının köməkçisi Yuri Uşakov deyib.
Onun sözlərinə görə, liderlər arasında telefon danışığı təxminən bir saat davam edib.

***

19:30

ABŞ Prezidenti Donald Trampla rusiyalı həmkarı Vladimir Putin arasında telefon danışığı başlayıb.
Bu barədə Rusiya liderinin mətbuat katibi Dmitri Peskov məlumat verib.
O bildirib ki, telefon danışığı hələ davam edir.
Qeyd edək ki, bu, iki ölkə liderləri arasında son ay yarım ərzində dördüncü telefon danışığıdır.

Putinlə Trampın telefon danışığı başa çatdı

3-07-2025, 19:14

Türkiyədə təhlükəli virus yayılır: bazarlar bağlandı

Türkiyədə dabaq xəstəliyinə yoluxma hallarında ciddi artım müşahidə olunub.
Bu barədə "İhlas" agentliyi məlumat yayıb.
Qeyd olunub ki, xüsusilə Qurban Bayramından sonra heyvanlar arasında virusun yayılma sürəti kəskin şəkildə yüksəlib.
Türkiyənin Kənd Təsərrüfatı Nazirliyi vəziyyətin ciddiliyini nəzərə alaraq, 81 vilayətin hamısına təcili xəbərdarlıq məktubu göndərib. Bunun ardınca ölkə üzrə bütün heyvan bazarları müvəqqəti olaraq bağlanıb, virusun yayıldığı riskli bölgələrdə karantin rejimi tətbiq olunub.
Virus insanlara necə təsir edir?
Mütəxəssislər bildirir ki, dabaq virusu insandan insana keçmir. Əsas yoluxma mənbələri infeksiyalı heyvanlarla birbaşa təmas, həmçinin çiy ət və ya pasterizasiya olunmamış süd məhsullarının qəbulu ilə bağlıdır. Ancaq virusun ultrabənövşəyi şüa ilə asanlıqla məhv olduğu da vurğulanır.

Türkiyədə təhlükəli virus yayılır: bazarlar bağlandı

2-07-2025, 19:52

Ermənistan Rusiyaya qadağa qoydu

Ermənistan Qida Təhlükəsizliyi Müfəttişliyi “Korovka iz Korenovki” brendi ilə məhsul istehsal edən Rusiyanın “Əsl Dondurma Zavodu”nun dondurmalarının idxalına müvəqqəti qadağa qoyub.
Bu barədə agentliyin saytında bildirilir.
“Qida təhlükəsizliyi müfəttişliyi orqanı rəhbərinin qərarı ilə iyulun 2-dən etibarən Rusiyanın “Əsl Dondurma Zavodu” MMC-nin istehsal etdiyi dondurmanın Ermənistana idxalı müvəqqəti olaraq qadağan edilib”, - məlumatda deyilir.
Məhsulların ölkəyə idxalına qadağa qoyulması ilə bağlı qərar məhsulun təhlükəsizliyi riskinin qiymətləndirilməsi zamanı qəbul edilib. Qeyd olunub ki, məhdudiyyətlər əvvəllər idxal olunan məhsullara şamil edilmir.

Ermənistan Rusiyaya qadağa qoydu

2-07-2025, 17:53

İranın hava sahəsi qismən bağlandı

İranın mərkəzi və qərb hissəsinin hava sahəsi sabah günorta saat ikiyə qədər beynəlxalaq uçuşlar üçün bağlanıb.
Bununla bağlı İranın Yol və Şəhərsalma nazirliyi məlumat yayıb.
Buna səbəb olaraq təhlükəsizliklə bağlı məsələlər göstərilib.
Qeyd olunub ki, ölkənin hava sahəsinin digər hissələri yerli və beynəlxalq uçuşlara açıqdır.

İranın hava sahəsi qismən bağlandı

1-07-2025, 16:04

Rusiya Azərbaycana NOTA verdi

Azərbaycanın Rusiyadakı səfiri Rəhman Mustafayevə "Bakının qeyri-dost hərəkətlərinə görə etiraz edilib".
Bu barədə Rusiya XİN məlumat yayıb.
Rusiyalı jurnalistlərin "dərhal azad edilməsi tələbi ilə" səfirə şifahi nota təqdim edilib.

Rusiya Azərbaycana NOTA verdi

1-07-2025, 00:43

Macarıstan Ermənistana yardım ayrılmasını bloklayır

Macarıstan Ermənistan üçün Avropa Sülh Fondundan əlavə vəsaitin ayrılmasını bloklayır.
Bu barədə İrəvanda keçirilən mətbuat konfransında Ermənistan üçün Avropa Sülh Fondundan əlavə vəsait ayrılmasına veto qoyulması ilə bağlı xəbərlərin həqiqət olub-olmadığı sualına cavablandıran Avropa İttifaqının Xarici Siyasət və Təhlükəsizlik Siyasəti üzrə ali nümayəndəsi, Avropa Komissiyası prezidentinin müavini Kaya Kallas bildirib.
Qeyd edib ki, Avropa İttifaqı 27 suveren dövlətdən ibarətdir, hər bir ölkənin öz mövqeyi var və qərarlar konsensus əsasında qəbul olunur.
“Məsələnin həllini tapmağa çalışırıq. Bəli, hələlik qərar yoxdur, amma həll yolu axtarırıq”, – deyə K.Kallas bildirib.

Macarıstan Ermənistana yardım ayrılmasını bloklayır

30-06-2025, 21:41

Ərdoğan Azərbaycan xalqına təşəkkür etdi

"Zəlzələnin ilk günündən ölkəmizə kömək etməyə tələsən Azərbaycan xalqına təşəkkür etmək istəyirəm".
Bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra verdiyi açıqlamalar zamanı bəyan edib.
"Azərbaycan məhəlləmizin açılışını qardaşım İlham Əliyevlə birlikdə etdik. 2025-ci ilin sonuna kimi 453 min ev və iş yeri təhvil verəcəyik", - deyə Ərdoğan qeyd edib.

Ərdoğan Azərbaycan xalqına təşəkkür etdi

30-06-2025, 20:57

Paşinyan Kallasla görüşdü

Ermənistanın baş naziri Nikol Paşinyan Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallası qəbul edib.
Onlar regional vəziyyətə və sülh prosesinə toxunublar.
Aİ-nin ali nümayəndəsi qeyd edib ki, Brüssel Ermənistan-Azərbaycan ikitərəfli danışıqları zamanı qeydə alınan, regionda sabitlik və sülhün bərqərar olması üçün əsas ola biləcək müsbət irəliləyişi qeyd etməkdən məmnundur.

Paşinyan Kallasla görüşdü