Dünya » Səhifə 230

8-01-2025, 15:11

Ermənistan-Türkiyə sərhədi açılsa... - Mirzoyan cavab verdi

Hazırda Rusiya hərbi bazasının dislokasiyası ilə bağlı sazişin dəyişdirilməsi məsələsi gündəmdə deyil.
Bu barədə Ermənistanın xarici işlər naziri Ararat Mirzoyan brifinqdə bildirib.
“Əgər Türkiyə ilə sərhəd açıq olarsa, bu iki ölkə arasında, məsələn, Ermənistan və İranla olduğu kimi yüksək etimad yaranarsa, o zaman biz Ermənistan-Türkiyə sərhədində Rusiya sərhədçilərinin ixtisar edilməsi məsələsini nəzərdən keçirə və müzakirə edə bilərik”, - Mirzoyan qeyd edib.

Ermənistan-Türkiyə sərhədi açılsa... - Mirzoyan cavab verdi

7-01-2025, 20:27

Güclü zəlzələdə ölənlərin sayı 126-a çatdı

Tibet bölgəsində baş verən zəlzələ nəticəsində ölənlərin sayı ən azı 126 nəfərə çatıb.
Zəlzələ nəticəsində yaralananların sayı isə 188 nəfərə çatıb.

Güclü zəlzələdə ölənlərin sayı 126-a çatdı

7-01-2025, 17:03

Çində virusa görə məktəblər bağlanır

Çinin Uhan şəhərində metapnevmovirus HMPV virusunun sürətlə yayılması nəticəsində məktəblərin bağlanmasına qərar verilib.
Xüsusilə uşaqları təsir edən virus COVID-19-a bənzər simptomlar göstərir. Xəstəxanalardakı həddindən artıq sıxlıq COVID-19-un ilk günlərini xatırladır. Virusun yayılmasının qarşısının alınması üçün həyata keçirilən tədbirlər çərçivəsində Hindistanın Karnataka ştatında üç yoluxma halı aşkarlanıb.

Çində virusa görə məktəblər bağlanır

7-01-2025, 16:53

[b]Ərdoğan 2025-ci ili Türkiyədə “Ailə ili” elan etdi[/b]

Prezident Rəcəb Tayyib Ərdoğan 2025-ci ili Türkiyədə “Ailə ili” elan edib.
Türkiyə lideri 2023-cü ildə doğum əmsalının 1,51 səviyyəsinə enməsini “ciddi həyəcan siqnalı” və “Türkiyənin gələcəyi üçün təhlükə” adlandırıb.
Siyasətçi xatırladıb ki, imkan daxilində ailələri ən azı üç uşaq sahibi olmağa çağırır.
Dövlət başçısının qərarına əsasən, yanvarın 9-da Ankarada Türkiyənin Əhali Məsələləri üzrə Ali Şurasının ilk iclası keçiriləcək.
Vitse-prezident Cevdet Yılmazın sədrliyi ilə keçiriləcək iclasda iştirakçılar ölkənin demoqrafik inkişafının vəziyyəti və perspektivlərini müzakirə edəcəklər.
Bu arada Türkiyənin ailə məsələləri və sosial xidmətlər naziri Mahinur Özdemir Göktaş sosial şəbəkələrdə yazıb ki, hökumət ölkədə ailə institutunun gücləndirilməsi üçün bütün lazımi addımları atacaq.

Ərdoğan 2025-ci ili Türkiyədə “Ailə ili” elan etdi

7-01-2025, 16:44

Pezeşkian Ermənistan səfirinin etimadnaməsini qəbul edib

Ermənistanın İrandakı səfiri Qriqor Akopyan etimadnaməsini Prezident Məsud Pezeşkiana təqdim edib.
Bu barədə İran Prezidentinin rəsmi saytında məlumat dərc edilib.
İran Prezidenti İrlandiya, Böyük Britaniya, Niderland, Keniya, Mavritaniya, Türkmənistan, Kuba, Küveyt və Syerra Leone səfirlərinin də etimadnaməsini qəbul edib.

Pezeşkian Ermənistan səfirinin etimadnaməsini qəbul edib

7-01-2025, 16:21

İranda məcburi hicab barədə yeni qanun layihəsindən imtina edildi

İran hökumətinin sözçüsü Fatimə Mühacirani bu gün jurnalistlərlə keçirdiyi mətbuat konfransında "Hicab və İffət Qanunu" layihəsindən imtina edildiyini açıqlayıb.
Bu barədə "Azad İran" "Telegram" kanalı məlumat yayıb.
Fatimə Mühacirani məcburi hicab layihəsi barədə qeyd edib ki, qanunun bəzi müddəalarının ağır sosial nəticələri ola bilərdi.
"Düzgün və ağıllı addım ataraq biz "Hicab və İffət Qanunu"ndan imtina etdik. İranlı qadınlar qədimdən iffətli olublar", - deyə hökumət sözçüsü vurğulayıb.

İranda məcburi hicab barədə yeni qanun layihəsindən imtina edildi

7-01-2025, 11:07

Tibetdə güclü zəlzələ baş verib - 50-dən çox insan ölüb

Çinin cənub-qərbində, Nepalla sərhədə yaxın Tibet Muxtar Bölgəsində gücündə zəlzələ qeydə alınıb.
bu barədə Çin Seysmoloji Mərkəzi məlumat yayıb.
Mütəxəssislərin fikrincə, afterşoklardan 33-ünün maqnitudası 3-dən aşağı, 16-sının maqnitudası 3-dən yüksək olub.
Zəlzələ nəticəsində ölənlərin sayı 53-ə çatıb. Bildirilib ki, təbii fəlakət nəticəsində 62 nəfər xəsarət alıb.

Tibetdə güclü zəlzələ baş verib - 50-dən çox insan ölüb

6-01-2025, 20:42

Bu ölkə də BRİKS-in üzvü oldu

İndoneziyanın BRİKS-in tamhüquqlu üzvü olub.
Bu barədə Braziliya Xarici İşlər Nazirliyi məlumat yayıb.
Nazirliyin məlumatına görə, qərar 2023-cü ildə Yohannesburqda keçirilən sammit zamanı qrupun bütün ölkələri tərəfindən təsdiqlənib.
Qeyd olunur ki, İndoneziyanın qrupa daxil edilməsi ilə bağlı qərar 2024-cü ildə ölkədə keçirilən prezident seçkiləri və yeni hökumətin formalaşmasından sonra qəbul edilib. Braziliya Xarici İşlər Nazirliyi ölkəni Cənub-Şərqi Asiyanın əhalisi və iqtisadi ölçüsü baxımından əsas ölkələrdən biri adlandırıb. Nazirlik bildirib ki, İndoneziyanın BRİKS-ə daxil olması Qlobal Cənub ilə əməkdaşlığa müsbət təsir edəcək.
İndoneziya ilə yanaşı, Belarus, Boliviya, Qazaxıstan, Kuba, Malayziya, Tailand, Uqanda və Özbəkistan 2025-ci ildən BRİKS-in tərəfdaşları olublar.

Bu ölkə də BRİKS-in üzvü oldu

6-01-2025, 20:20

Trüdo istefa qərarını açıqladı

Kanadanın baş naziri Castin Trüdo istefa vermək qərarına gəlib.
Bu barədə o, Ottavada keçirdiyi mətbuat konfransında bildirib.
Trüdo qeyd edib ki, o, hakim Liberal Partiyasının rəhbəri postunu tərk edib və partiya yeni lider seçdiyi zaman baş nazir postundan istefa verəcək.

Trüdo istefa qərarını açıqladı

6-01-2025, 11:09

Yeni virus Qırğızıstana çatdı

Qırğızıstanda metapnevmovirusa (HMPV) iki yoluxma halı qeydə alınıb.
Bu barədə məlumatı Qırğızıstanın Səhiyyə Nazirliyi yayıb.
Məlumata görə, hazırda ölkədə kəskin respirator virus infeksiyalarına yoluxma müşahidə edilir.
Mütəxəssislərin məlumatına görə, son bir həftə ərzində Qırğızıstanda 5737 kəskin respirator virus infeksiyası və qripə yoluxma halı qeydə alınıb. Ötən ilin eyni həftəsi ilə müqayisədə xəstələnmədə 1,7 dəfə azalma müşahidə olunur.
Qırğızıstan Səhiyyə Nazirliyinin məlumatına görə, ölkədə qrip, kəskin respirator virus infeksiyaları və COVID-19 üzrə epidemioloji vəziyyətin monitorinqi və qiymətləndirilməsi davam etdirilir.
Qeyd edək ki, metapnevmovirus infeksiyası sürətli gedişi ilə xarakterizə olunan kəskin respirator infeksiyadır. İlk dəfə 1968-ci ilin iyulunda Honq-Konqda qeydə alınıb. Əsasən hava damcıları və daha az dərəcədə məişət təmasları ilə ötürülür. İnfeksiyanın əsas əlamətləri öskürək, burun axması, nəfəs darlığı, qızdırma, baş ağrısıdır.

Yeni virus Qırğızıstana çatdı