2-08-2025, 19:41
Türkiyədə növbədənkənar seçki? - Nazir tarix AÇIQLADI
Türkiyədə növbədənkənar prezident seçkiləri keçirilə bilər.
Bu barədə ölkənin nəqliyyat və infrastruktur naziri Abdulkadir Uraloğlu danışıb.
“Qarşıdan prezident seçkiləri gəlir. Seçkilər 2027-ci ildə olacaq. Mən belə düşünürəm”, - nazir qeyd edib.
Xatırladaq ki, Türkiyə Prezidenti Rəcəb Tayyib Ərdoğan daha əvvəl seçkilərin öz vaxtında - 2028-ci ildə keçiriləcəyini bildirmişdi.
2-08-2025, 12:42
Türkiyədə İŞİD ilə əlaqəli 26 nəfər saxlanıldı
Türkiyənin daxili işlər naziri Ali Yerlikaya ölkənin 14 vilayətini əhatə edən növbəti antiterror əməliyyatı barədə məlumat verib.
Hüquq-mühafizə orqanlarının əməkdaşları İŞİD terror təşkilatı ilə əlaqədə şübhəli bilinən 26 nəfəri saxlayıb.
Nazirin sözlərinə görə, əməliyyat Ankara, Kahramanmaraş, Mersin, Adana, İstanbul və Kayseri vilayətlərini əhatə edib. Şübhəlilər sosial şəbəkələrdə qadağan olunmuş təşkilatların ideyalarını təbliğ etməkdə və terrorçuluğu maliyyələşdirməkdə ittiham olunurlar.
Daxili işlər naziri milli təhlükəsizliyin və asayişin təmin edilməsində xidmətlərinə görə polis və jandarm əməkdaşlarını təbrik edib.
1-08-2025, 23:35
Türkiyədə təyyarə qəzası - yaralılar var
Türkiyədə özəl şirkətə məxsus təlim təyyarəsi qəzaya uğrayıb.
Hadisə Adana şəhərində qeydə alınıb.
Hadisə nəticəsində pilot və ekipajın daha bir üzvü isə ağır yaralanıb.
Onlar xəstəxanaya yerləşdiriliblər.
Qəzanın səbəbi məlum deyil.
1-08-2025, 22:19
Tramp Medvedevin sözlərinə görə atom sualtı qayıqları göndərir
“Rusiyanın sabiq prezidenti, hazırda Rusiya Federasiyasının Təhlükəsizlik Şurasının sədr müavini olan Dmitri Medvedevin son dərəcə təxribat xarakterli bəyanatlarına əsaslanaraq, bu axmaq və qızışdırıcı bəyanatların real addıma çevrilməsi halına qarşı müvafiq regionlarda iki atom sualtı qayığının yerləşdirilməsi üçün göstəriş vermişəm.”
Bu sözləri ABŞ prezidenti Donald Tramp sosial media hesabında bildirib.
“Sözlər çox vacibdir və çox vaxt gözlənilməz nəticələrə səbəb ola bilər. Ümid edirəm ki, bu, o hallardan biri olmayacaq.”, - deyə Tramp əlavə edib.
1-08-2025, 17:42
7 avqustdan sonra hər şey dəyişəcək - Dünya Trampın bu qərarından danışır
ABŞ Prezidenti Donald Trampın imzaladığı yeni tarif qərarı 7 avqust gecədən etibarən qüvvəyə minəcək.
Qərar 70-ə yaxın ölkəni əhatə edir və ABŞ Gömrük və Sərhəd Xidmətinə dəyişiklikləri tətbiq etmək üçün bir həftəlik texniki hazırlıq müddəti verilib. Yeni rejimə əsasən, ABŞ-a daxil olan məhsullara tətbiq ediləcək minimal tarif 10% təşkil edəcək. Ən yüksək tarif isə 41 faizlə Suriya üçün nəzərdə tutulub.
Trampın tariflərə dair sərəncamı bazarlarda ani reaksiya doğurub.
ABŞ dolları möhkəmlənib, neft qiymətləri artıb, Asiya birjaları isə itkilərlə bağlanıb. CNN yazır ki, yeni sistemdə ölkələr üç əsas qrupa bölünüb. Belə ki, ABŞ-ın ixracının idxalı üstələdiyi ölkələrə 10%-lik baza tarifi, kiçik ticarət kəsiri olan 40-a yaxın ölkəyə 15%-lik tarif, ticarət sazişi olmayan və ya ciddi kəsir yaranan ölkələrə isə daha yüksək tariflər tətbiq olunacaq.
Açıqlanan siyahıda Rusiya yer almayıb. Maliyyə naziri Skott Bessentin sözlərinə görə, ABŞ-ın Rusiya ilə rəsmi ticarət əlaqələri olmadığı üçün bu ölkəyə tarif tətbiq olunmur. Kanada isə gözlənilən 25% əvəzinə 35%-lik tariflə qarşılaşıb, amma bu addım Kanadanın valyutasına ciddi təsir etməyib.
Ekspertlər deyir ki, Avropadan idxal edilən dərman preparatlarının qiymətinin artacağı gözlənilir. Cənubi Koreya isə Tramp administrasiyası ilə razılaşaraq əvvəl planlaşdırılan 25% yerinə 15%-lik tarif əldə edib. Bu tarif həm də Cənubi Koreya avtomobillərinə şamil ediləcək. "Hyundai Motor" isə cavab olaraq ABŞ-da 21 milyard dollarlıq sərmayə yatıracağını və Corciya, Alabama və Luizianada istehsal güclərini artıracağını açıqlayıb.
Yeni dünya ticarəti
"Reuters"in analitikləri qeyd edirlər ki, Trampın bu addımı "yeni qlobal ticarət rejiminin başlanğıcı" ola bilər. Hərçənd ki, tariflərin siyahısı və rəqəmləri açıqlansa da, onların arxasında yatan məntiqin qeyri-şəffaf qalması vurğulanır.
Agentlik qeyd edir ki, bu siyasət Tramp administrasiyası üçün siyasi cəhətdən qələbə sayıla bilər, lakin ekonomik baxımdan ciddi nəticələr doğuracaq. Bura qiymət artımı (inflyasiya), tədarük zəncirlərinin pozulması, ixracat və idxalat balanslarının dəyişməsi və qlobal iqtisadi artımın ləngiməsi daxildir.
Ekspertlərin fikrincə, Trampın bu addımı yalnız Birləşmiş Ştatlar üçün deyil, bütün dünya üçün yeni iqtisadi mərhələnin başlanğıcı ola bilər. Tariflər vasitəsilə ticarət tərəfdaşlarına təzyiq göstərmək siyasəti əvvəlki dövrlərdə də sınaqdan çıxıb, lakin bu dəfə daha təşkilatlanmış və miqyasca böyük paket tətbiq edilir.
İstər Avropa dərmanları, istərsə də Asiya texnologiyaları üçün bu qərarlar qiymət artımı, bazar daralması və iqtisadi strategiyaların yenilənməsi deməkdir...
1-08-2025, 17:36
İstanbulda üçtərəfli zirvə görüşü - FOTO
İstanbulda Türkiyə-İtaliya-Liviya üçtərəfli zirvə görüşü keçirilir.
Görüş Dolmabağça sarayında təşkil edilib.
Danışıqlar çərçivəsində Türkiyə Prezidenti Rəcəb Tayyib Ərdoğan İtaliyanın Baş naziri Giorcia Meloni və Liviyanın hökumət başçısı Abdulhamid Dibeybe ilə görüş keçirib.
1-08-2025, 17:16
Putindən Trampa üstüörtülü mesaj - Əgər kimsə məyus olubsa...
Rusiya Prezidenti Vladimir Putin Moskvanın Ukrayna ilə daha çox sülh danışıqları aparmaq istədiyini bildirib, lakin müharibənin gedişatının Rusiya üçün əlverişli olduğunu vurğulayıb.
Putin bu barədə Belarus Prezidenti Aleksandr Lukaşenko ilə birlikdə Ladoga gölündə yerləşən məşhur Valaam monastırında görüş zamanı danışıb.
Rusiya televiziyası liderlərin ibadət zamanı şam yandırdığını və monaxlarla görüşdüyünü də yayımlayıb.
Putinin bu çıxışı ABŞ Prezidenti Donald Trampın ultimatumundan sonraya təsadüf edib. Tramp bəyan edib ki, əgər Rusiya avqustun 8-dək 3,5 ildir davam edən müharibəyə son qoymasa, Kremlə və onun enerji məhsullarını alan ölkələrə, xüsusilə Çin və Hindistana qarşı yeni sanksiyalar tətbiq olunacaq.
Putin Trampın xəbərdarlığına birbaşa toxunmasa da, İstanbuldakı danışıqlar çərçivəsində keçirilmiş üç görüşün müəyyən müsbət nəticələr verdiyini və danışıqların davamını gözlədiklərini bildirib:
“Əgər kimsə məyus olubsa, bu, şişirdilmiş gözləntilərin nəticəsidir. Əsas məsələ məsələni sakit və detallı şəkildə müzakirə etməkdir, bu da açıq arenalarda deyil, danışıqlar masasının sakitliyində baş verməlidir.”
Putin Rusiyanın cəbhənin bütün xətti boyunca hücumda olduğunu və təşəbbüsün öz əllərində olduğunu bildirib. Müdafiə Nazirliyinin açıqlamasına istinad edən Putin Rusiya qüvvələrinin 16 ay davam edən döyüşlərdən sonra Çasov Yar şəhərini ələ keçirdiyini söyləyib. Ukrayna tərəfi isə bu məlumatı təkzib edir və şəhərin tam nəzarətdə olmadığını bildirir.
Ukrayna Prezidenti Volodimir Zelenski bir daha Putinə birbaşa görüş təklif edib: “Rusiya ilə sülh üçün qərarı kimin verə biləcəyini biz də, dünya da anlayır. Biz bu müharibənin bitməsini istəyirik və Putinlə üz-üzə danışıqlara hazırıq.”
Zelenski həmçinin qeyd edib ki, ABŞ bu təşəbbüsü dəstəkləyir və Ukrayna bu təklifi qəbul edib, indi yalnız Rusiyanın razılığına ehtiyac var.
Kreml isə bu mövqeyə cavab olaraq bildirir ki, liderlərin görüşü yalnız əvvəlcədən razılaşdırılmış sənədlərin imzalanması üçün keçirilə bilər.
Putin sonda bildirib: “Biz uzunmüddətli və etibarlı sülh istəyirik, bu, həm Rusiya, həm Ukrayna, həm də bütün Avropa üçün təhlükəsizlik məsələsidir.”
1-08-2025, 13:00
İsrailin razılığı olmasa, Fələstin dövləti qurula bilməz!
ABŞ dövlət katibi Marko Rubio bəzi Qərb ölkələri liderlərinin Fələstin dövlətinin tanınması ilə bağlı son qərarlarını rədd edib və onları “qeyri-adekvat” adlandırıb.
Rubio “Fox Radio”ya müsahibəsində bildirib: “Bu ölkələrin heç birinin Fələstin dövləti yaratmaq imkanı yoxdur”. O əlavə edib ki, İsrail razılaşmasa, heç bir Fələstin dövləti ola bilməz.
Rubio daha sonra deyib: “Onlar sizə bu Fələstin dövlətinin harada olduğunu belə deyə bilməzlər. Onu kimin idarə edəcəyini də bilmirlər. Məncə, bu bəyanatlar konstruktiv deyil”.
HƏMAS-ın hələ də 20 nəfəri girov saxladığını və 50-dən çox adamın cəsədinin onun əlində olduğunu vurğulayan Rubio, sözügedən Qərb ölkələrini bu qruplaşmanı dəstəkləməkdə ittiham edib. O vurğulayıb: “Belə çıxır ki, HƏMAS tərəfi Fələstin dövlətçiliyini təmsil edir. Deməli, siz bu mükafatı onlara təqdim edirsiniz”.
Təşəbbüsə qoşulan ölkələr isə bunun mükafat olmadığını, əksinə, regionda sülhün bərqərar olması üçün ilkin şərt olduğunu bildiriblər.
Rubio, həmçinin iddia edib ki, son bəyanatlar tərəflər arasında davam edən atəşkəs danışıqlarına zərər verir. Onun sözlərinə görə, bu qərarlar bir çox hallarda daxili siyasətlə bağlıdır. Bəzi ölkələr geosiyasi nəticələrdən asılı olmayaraq, tərəf tutmaq üçün daxili təzyiqlərlə üzləşir. “Onlar, əslində, işə zərər verirlər, kömək etmirlər, çünki həmin bəyanatlar indi atəşkəslə razılaşmamaq və girovları azad etməmək üçün bütün səbəbləri olan HƏMAS-ı həvəsləndirmək və mükafatlandırmaqdan başqa heç nəyi dəyişməyəcək”, -deyə Rubio əlavə edib.
Rubio bütün bu ölkələri 20 canlı girovu dərhal azad etmək üçün HƏMAS-a təzyiq göstərmək üçün birləşməyə çağırıb. Onun bu müraciəti Fransa, Böyük Britaniya, Kanada, Maltanın liderlərinə ünvanlanıb. Həmin dövlətlərin qərarlarının sentyabrda keçiriləcək BMT Baş Assambleyası zamanı rəsmiləşdiriləcəyi gözlənilir.
1-08-2025, 12:22
]Rusiya Kiyevə hücum etdi - Azərbaycan Evinə ziyan dəydi - FOTO
Rusiya ordusunun Ukraynanın paytaxtı Kiyevə çoxkambinasiyalı hava hücumu zamanı Azərbaycan Evinə ziyan dəyib.
Bu barədə Ukrayna Azərbaycanlıları Radasının direktoru Elşad İbrahimov AZƏRTAC-a bildirib. Onun sözlərinə görə binanın ön və arxa tərəfdən şüşələri qırılıb, jalüz və mebellər zədələnib, xəsarət alan olmayıb.
Qeyd edək ki, iyulun 31-də Rusiya 300-dən çox zərbə dronu və 8 raketlə Ukraynaya hava hücumu edib. Əsas hədəf isə paytaxt Kiyev olub. Şəhərdə yaşayış evlərinə, inzibati binalara və infrastruktura ciddi ziyan dəyib. Burada həlak olanların sayı 28 nəfərə çatıb.
Avqustun 1-i Kiyevdə matəm günü elan edilib.
1-08-2025, 10:50
Putin heç vaxt məzuniyyətə çıxmır - KREML
Rusiya prezidenti Vladimir Putin heç vaxt rəsmi olaraq məzuniyyətə çıxmır.
Bunu Kremlin mətbuat katibi Dmitri Peskov bildirib.
"Bu, praktiki olaraq heç vaxt baş vermir, ona görə də o, heç vaxt rəsmi olaraq məzuniyyətə çıxmır. Dövlət başçısının funksiyaları isə məzuniyyətə çıxmaq imkanını nəzərdə tutmur", - o, qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!