7-08-2025, 17:19
Ermənistanın dövlət borcu 13 milyardı ötüb
Ermənistanın dövlət borcu 30 iyun 2025-ci il tarixinə 13 milyard 852 milyon 137 min dollardır.
Bu barədə Ermənistan Respublikasının Statistika Komitəsi məlumat yayıb.
Məlumata görə, xarici borc 6 milyard 943 milyon 296 min dollar, daxili borc isə 6 milyard 908 milyon 842 min dollar təşkil edir.
7-08-2025, 17:06
Fidan Əl Şaraa ilə görüşdü
Türkiyənin xarici işlər naziri Hakan Fidan işgüzar səfər çərçivəsində Dəməşqə gedib.
O, Suriyanın keçid dövrü prezidenti Əhməd Əl Şaraa ilə görüşüb.
Görüşdə iki ölkə arasında terror təşkilatlarına qarşı mübarizədə əməkdaşlıq məsələləri, xüsusilə Suriyanın şimalında SDQ terror təşkilatının varlığı müzakirə edilib.
7-08-2025, 16:41
BƏƏ Trampla görüş üçün münasib yerlərdən biridir - Putin
BƏƏ Rusiya və ABŞ liderləri arasında görüş üçün münasib yerlərdən biridir.
Bu barədə Rusiya prezidenti Vladimir Putin deyib.
Putinin sözlərinə görə, Rusiyanın bir çox dostları var ki, onunla Tramp arasında görüş təşkil etməyə hazırdır.
7-08-2025, 15:10
Hakan Fidan Suriyaya getdi
Türkiyənin xarici işlər naziri Hakan Fidan Suriyaya gedib.
Bu barədə "TRT Haber" məlumat yayıb.
Səfər çərçivəsində Fidanın Suriyanın keçid lideri Əhməd əl-Şaraa ilə görüşəcəyi gözlənilir.
7-08-2025, 00:05
Saakaşvili də Vaşinqton görüşündən danışdı
Tezliklə Azərbaycan və Ermənistan arasında sülh sazişi imzalanacaq.
Bunu Gürcüstanın sabiq prezidenti Mixail Saakaşvili bildirib.
“Avqustun 8-də Vaşinqtonda çox mühüm tarixi hadisə baş verəcək: Azərbaycan və Ermənistan Donald Tramp vasitəsilə sülh müqaviləsi imzalayacaq.
Prezident Əliyevlə Baş nazir Paşinyan bir müddətdir danışıqlar aparır, amma ABŞ prezidentinin vasitəçiliyi ilə proses sürətlənib. O gün dünya tarixində Qafqazın Rusiyanın caynağından azad olunma tarixi kimi qalacaq.
Rusiya artıq rəsmi olaraq üç Cənubi Qafqaz ölkəsindən ikisində hegemonluğunu itirir”, - sabiq prezident bildirib.
M.Saakaşvili əlavə edib ki, Rusiya daxildəki şəbəkəsi vasitəsilə Gürcüstana nəzarəti saxlasa da, bu vəziyyətdə dəyişmək üzrədir.
6-08-2025, 22:48
Zelenski Trampla nələrdən danışdı...
Ukrayna prezidenti Volodmir Zelenski ABŞ lideri Donald Trampla telefon danışığı aparıb.
Zelenski danışıqlarda Avropa liderlərinin iştirak etdiyini bildirib.
Onun sözlərinə görə, söhbət zamanı Moskvada ABŞ-ın xüsusi nümayəndəsi Stiven Uitkoffun Rusiya prezidenti Vladimir Putinlə görüşündə elan edilənləri müzakirə ediblər.
“Bizim tərəfdaşlarımızla ümumi mövqeyimiz tamamilə aydındır: müharibə başa çatmalıdır və bu, vicdanlı son olmalıdır”.
Zelenski vurğulayıb ki, Ukrayna mütləq öz müstəqilliyini qoruyacaq: “Ölkəmiz uzunmüddətli və davamlı sülh istəyir. Rusiya başladığı müharibəyə son qoymalıdır. Ukraynanı dəstəkləyən hər kəsə təşəkkür edirəm”.
6-08-2025, 21:02
Tramp yenə Hindistanı hədəfə aldı
ABŞ Prezidenti Donald Tramp Rusiyadan neft aldığı üçün Hindistan məhsullarına əlavə 25 faizlik gömrük rüsumunun tətbiq edəcəyini açıqlayıb.
ABŞ Prezidenti bununla bağlı sərəncam imzalayıb. “Rusiya Federasiyasının neftini birbaşa və ya dolayı yolla idxal edən Hindistandan malların idxalına əlavə rüsumunun tətbiqinin zəruri və məqsədəuyğun olduğunu müəyyən edirəm”, - deyə Tramp bildirib.
Sərəncamın 21 gün sonra qüvvəyə minəcəyi deyilir. Bununla da, Hindistan məhsullarına ümumi tariflər 50 faizə yüksəlib.
Tramp bu sərəncamı Ağ evin yüksəksəviyyəli nümayəndəsi Stiv Vitkoffun Moskvada Rusiya Prezidenti Vladimir Putinlə görüşündən qısa müddət sonra imzalayıb.
6-08-2025, 19:14
Zelenski cəbhə xəttində
Ukrayna Prezidenti Volodimir Zelenski 225-ci həmlə alayının Sumı vilayətindəki idarəetmə məntəqəsinə gedib.
Bu barədə onun özü “Telegram” hesabında yazıb.
O qeyd edib ki, şəxsi heyətlə görüş zamanı Andreyevka və Kondratovka istiqamətlərindəki vəziyyətlə bağlı məruzələr dinlənilib, Rusiyanın nəzarətindəki ərazilərin azad edilməsi üzrə növbəti addımlar müzakirə edilib:
“Şəxsi heyətin təminatı, o cümlədən gənc əsgərlərin və təlimçilərin hərbi hazırlıq məsələləri ilə bağlı fikir mübadiləsi apardıq. Alayın komandiri onun briqada səviyyəsində komplektləşdirilməsini xahiş etdi. Bu məsələ Baş Qərargahın rəisi ilə müzakirə olunacaq”.
Zelenski Kursk əməliyyatında iştirak edən hərbçiləri təltif edib:
“Ukrayna uğrunda xidmətlərinizə görə hər zaman sizə minnətdar olacaq, vətən üçün canından keçən hər bir kəsin xatirəsinə daim ehtiram göstərəcəyik”.
6-08-2025, 18:19
Daha bir Hizbullah komandiri öldürüldü
İsrail Müdafiə Qüvvələri tərəfindən “Hizbullah” komandiri Hassam Kassam Ghraib öldürülüb.
Bu barədə “The Jerusalem Post” məlumat yayıb.
Bildirilib ki, o, Livanın Beka vadisində keçirilən əməliyyat zamanı zərərsizləşdirilib.
Qeyd olunub ki, Ghraib “Hizbullah” rəhbərliyinin İsrail əleyhinə verdiyi yeni açıqlamalardan sonra öldürülüb.
6-08-2025, 17:22
Vaşinqton görüşü: İlham Əliyevlə Paşinyan “tarixi sənəd” imzalaya bilər
Avqustun 8-də ABŞ prezidenti Donald Trampın iştirakı ilə Azərbaycan Prezidenti İlham Əliyev və Ermənistan Baş naziri Nikol Paşinyanın Vaşinqtonda baş tutacaq üçtərəfli görüşü dünya mediasının diqqət mərkəzindədir.
Müxtəlif nüfuzlu beynəlxalq media orqanları bu barədə fərqli təhlil və məlumatlar təqdim edir.
"British Broadcasting Corporation" (BBC) xatırladır ki, 2024-cü ilin iyulunda Birləşmiş Ərəb Əmirliklərinin paytaxtı Əbu-Dabidə Azərbaycan Prezidenti İlham Əliyev və Ermənistanın Baş naziri Nikol Paşinyan ilk dəfə təkbətək formatda görüş keçiriblər. Bu görüş tərəflərin əvvəlki bütün təmaslarının vasitəçilər və ya beynəlxalq sammitlər çərçivəsində baş tutması fonunda mühüm dəyişiklik kimi qiymətləndirilir. BBC Vaşinqton görüşünü bu diplomatik prosesin davamı kimi dəyərləndirir.
“The Washington Post” yazır ki, Əbu-Dabidəki beş saatlıq danışıqlara baxmayaraq, heç bir sənəd imzalanmayıb. ABŞ paytaxtında keçiriləcək görüşdən sonra “nəhayət sülh sazişi”nin elan ediləcəyi gözləntiləri olsa da, nə Azərbaycan, nə də Ermənistan bu barədə təsdiq verib. Nəşr qeyd edir ki, tərəflər arasında hələ də həll olunmamış problemlər var.
“Middle East Eye” portalı yazır ki, Azərbaycan sülh sazişinin yekun bağlanması üçün Ermənistanın konstitusiyasına dəyişiklik edilməsini tələb edir. Söhbət Ermənistan 7
Konstitusiyasında Azərbaycanın ərazi bütövlüyünə zidd olan maddələrin olmasından gedir. Bu dəyişikliyin həyata keçirilməsi üçün İrəvanda ümumxalq referendumu keçirilməlidir. Portalın mənbələri hesab edir ki, Vaşinqton görüşündə tərəflər sadəcə “niyyət protokolu” (letter of intent) imzalaya bilərlər.
Ermənistanın “News.am” portalı Vaşinqton görüşünü “regionda sülh, rifah və iqtisadi əməkdaşlığı təşviq etməyə yönəlmiş üçtərəfli təşəbbüs” kimi təqdim edir. Portal bu təşəbbüsü Cənubi Qafqazda geosiyasi dəyişikliklərin mümkün başlanğıcı kimi qiymətləndirir.
“Əl-Cəzirə” isə daha ehtiyatlı mövqe sərgiləyərir. Portal qeyd edir ki, hələlik real və davamlı sülh perspektivi ilə bağlı nikbin proqnoz vermək çətindir.
Rusiyanın “Kommersant” nəşrində dərc edilən məqalədə deyilir ki, Vaşinqtonda ABŞ prezidentinin respublikaçı köməkçiləri artıq qarşıdakı görüşdən danışırlar və Ağ Evin rəhbəri üçün yeni diplomatik qələbə kimi qiymətləndirirlər. “Hazırlanan sənəd sülh müqaviləsi olmasa da, onun imzalanması faktı Ağ Evdə Donald Trampa Cənubi Qafqazda sülhməramlı kimi çıxış etmək imkanı verəcək. Moskva ilə münasibətlərdə böhran yaşayan İrəvan və Bakı ABŞ-ni regionun əsas tənzimləyicisi kimi tanımağa hazır olduqlarını nümayiş etdirirlər”, - deyə məqalədə bildirilir.
Ermənistanın “Joğovurd” qəzeti hakimiyyətə yaxın mənbələrə istinadən qeyd edir ki, Vaşinqtonda keçiriləcək növbəti görüş zamanı “tarixi irəliləyiş” kimi təqdim ediləcək sənədin imzalanması mümkündür. Qəzetin iddiasına görə, Nikol Paşinyan hakim “Vətəndaş Müqaviləsi” partiyasının iclasında ABŞ-da müəyyən bir sənədin imzalanacağı ehtimalının yüksək olduğunu bildirib. Məlumata əsasən, sözügedən sənəd Zəngəzur dəhlizi ilə bağlı ABŞ tərəfindən irəli sürülən yeni təklifi əhatə edir. Bu təklifdə “dəhliz” termini işlədilmir və heç bir səlahiyyətin ötürülməsi nəzərdə tutulmur. Bununla belə, xarici nəzarət mexanizmləri təklifə daxil edilib.
Türkiyənin "Anadolu" agentliyində dərc edilən xəbərdə isə deyilir ki, İkinci Qarabağ müharibəsindən sonra Bakının təklifi ilə sülh danışıqlarına başlayan Azərbaycan və Ermənistan 2025-ci ilin martında sülh sazişinin mətni ilə bağlı razılığa gəliblər. Agentlikdə sülhün imzalanması üçün Azərbaycanın iki əsas şərtini - Ermənistan konstitusiyasının dəyişdirilməsini və ATƏT-in Minsk Qrupunun ləğv edilməsini xatırladıb.
Ümumilikdə, beynəlxalq medianın təhlilləri Vaşinqton görüşündən böyük gözləntilərin olsa da, ehtiyatlı optimizmin hakim olduğunu göstərir. Sülh sazişinin imzalanması ehtimalı ilə yanaşı, tərəflərin sadəcə qarşılıqlı öhdəlikləri əks etdirən “niyyət sənədi” ilə kifayətlənə biləcəyi də vurğulanır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!