Dünya » Səhifə 256

6-07-2024, 15:42

Səid Cəlili Məsud Pezeşkiana uduzduğunu etiraf etdi

Məsud Pezeşkianın prezident seçkilərinin ikinci turundakı rəqibi, mühafizəkar namizəd Səid Cəlili də onu qazandığı qələbə münasibətilə təbrik edib.
Səid Cəlili öz mesajında keçmiş rəqibini qələbəsi münasibətilə təbrik edib və şəffaf seçkiləri bir daha İran İslam Respublikasının demokratik mahiyyətinin nümayişi kimi qiymətləndirib.
Cəlili deyib ki, “indi ölkədəki bütün insanların ölkənin beynəlxalq arenada statusunun yüksəldilməsi üçün Pezeşkiana kömək etmələrinin vaxtı çatıb”.
İranın Seçki Qərargahının məlumatına görə, ölkə daxilində və xaricində namizədlərə verilən səslərin ümumi sayı 30 milyon 530 min 157 səsdir. Səslər aşağıdakı kimi bölünüb:
Məsud Pezeşkian 16 milyon 384 min 403 səs;
Səid Cəlili 13 milyon 538 min 179 səs.

Səid Cəlili Məsud Pezeşkiana uduzduğunu etiraf etdi

5-07-2024, 17:19

Bayden seçki qərarını elan etdi: Namizədlikdən geri çəkilməyəcək

ABŞ Prezidenti Co Bayden seçki kampaniyasından geri çəkilmək niyyətində olmadığını və onu davam etdirmək niyyətində olduğunu açıqlayıb.
Bu barədə o, dünən seçki qərargahına bildirib.
“Mən sona qədər seçki kampaniyasında iştiraka davam edəcəyəm və biz qalib gələcəyik”, - deyə Bayden vurğulayıb.
Bəziləri hesab edirdilər ki, eks-prezident Donald Trampla sonuncu teledebatın uğursuzluğundan sonra Bayden namizdəlikdən geri çəkiləcək.

Bayden seçki qərarını elan etdi: Namizədlikdən geri çəkilməyəcək

5-07-2024, 16:46

Ərdoğan Putinlə Bəşər Əsədi Ankaraya dəvət edir

Türkiyə lideri qeyd edib ki, terrorçular Ankara ilə Suriya hökuməti arasında əlaqələrin bərpasından narahatdırlar.
Türkiyə prezidenti Rəcəb Tayyib Ərdoğan Rusiya prezidenti Vladimir Putinin Türkiyəyə gözlənilən səfəri çərçivəsində Suriya prezidenti Bəşər Əsədlə görüşə razılıq verib.
Bu barədə Türkiyə mətbuatı məlumat yayıb.
"Biz Suriya ilə yeni prosesə başlaya bilərik. Putin və Əsədi dəvət edə bilərik. Əgər Putin Türkiyəyə səfər edərsə, bu, yeni prosesin başlanğıcı ola bilər. Suriyada daimi nizamlanma mexanizmi yaradılmalıdır", - Ərdoğan bildirib.
O deyib ki, infrastrukturu dağıdılan və əhalisi səpələnmiş Suriyanın ayağa qalxması üçün qeyri-sabitliyə son qoyulması vacibdir.
Türkiyə prezidenti vurğulayıb ki, terrorçular Türkiyə ilə Suriya hökuməti arasında əlaqələrin bərpasından narahatdırlar.
Onun sözlərinə görə, Türkiyə əvvəlki kimi yeni əhatəli konstitusiyaya malik birləşmiş Suriyanın müdafiəsini davam etdirir.
“Suriyanın gələcəyini qurmaq, terror qruplarının kökünü kəsmək üçün birgə çalışmaq vacibdir”, - Ərdoğan əlavə edib.
Bundan əvvəl Türkiyə lideri Suriya ilə diplomatik münasibətləri bərpa etməkdən imtina etmək üçün heç bir səbəb görmədiyini bildirib.

Ərdoğan Putinlə Bəşər Əsədi Ankaraya dəvət edir

4-07-2024, 21:10

Ərdoğan vasitəçi ola bilməz - Peskov

Türkiyə Prezidenti Rəcəb Tayyib Ərdoğan hazırda Ukraynadakı münaqişənin həllində vasitəçi kimi çıxış edə bilməz.
Bu barədə Rusiya prezidentinin mətbuat katibi Dmitri Peskov bildirib.
O bildirib ki, buna səbəb Ukraynanın dialoqa hazır olmamasıdır.
“Ukrayna həm vasitəçi ilə, həm də vasitəçisiz istənilən danışıqları rədd edir. Ona görə də hazırda nə Ərdoğan, nə də başqası vasitəçi ola qismində çıxış edə bilər”, - Peskov vurğulayıb.
Qeyd edək ki, Ərdoğan Astana sammitində Ukrayna və Rusiya arasında vasitəçilik təklif edib.

Ərdoğan vasitəçi ola bilməz - Peskov

3-07-2024, 22:20

Ərdoğan və Şərif COP29-da iştirak edəcəklər

Türkiyə Respublikasının Prezidenti Rəcəb Tayyib Ərdoğan və Pakistan İslam Respublikasının Baş naziri Məhəmməd Şahbaz Şərif COP29-da iştirak edəcəklər.
Astanada Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğan və Pakistan İslam Respublikasının Baş naziri Məhəmməd Şahbaz Şərif arasında üçtərəfli görüşdə Türkiyə Prezidentini və Pakistanın Baş nazirini COP29-da iştiraka bir daha dəvət edib.
Prezident Rəcəb Tayyib Ərdoğan və Baş nazir Məhəmməd Şahbaz Şərif dəvəti məmnunluqla qəbul ediblər.

Ərdoğan və Şərif COP29-da iştirak edəcəklər

3-07-2024, 19:32

Ermənistan Türkiyə ilə münasibətləri tam şəkildə normallaşdırmağa hazırdır

Ermənistan Türkiyə ilə münasibətləri tam şəkildə normallaşdırmağa hazırdır.
Bunu Ermənistanın xarici işlər naziri Ararat Mirzoyan Tbilisidə gürcüstanlı həmkarı ilə birgə mətbuat konfransında deyib. Onun sözlərinə görə, Ermənistan qonşuları ilə münasibətlərin normallaşdırılmasında maraqlıdır və bunun üçün əməli səylər göstərir.
“Biz Türkiyə ilə münasibətləri tamamilə normallaşdırmağa, əlaqələr qurmağa, sərhədi açmağa və bunun fonunda artıq əldə edilmiş razılaşmaları həyata keçirməyə hazırıq”, - deyə Mirzoyan vurğulayıb.

Ermənistan Türkiyə ilə münasibətləri tam şəkildə normallaşdırmağa hazırdır

3-07-2024, 16:21

Putin Ərdoğana söz verdi - Mütləq Türkiyəyə gələcəm

Türkiyə Prezidenti Rəcəb Tayyib Ərdoğan Qazaxıstanın Astana şəhərindəki görüş zamanı Rusiya Prezidenti Vladimir Putini ölkəsinə dəvət edib.
Rusiya prezidenti Vladimir Putin Türkiyə lideri Rəcəb Tayyib Ərdoğana danışıqlarda iştirak etmək üçün Türkiyəyə gələcəyini vəd edib.
“Mən mütləq gələcəm”, - deyə Putin cavab verib və türk həmkarına təşəkkür edib.

Putin Ərdoğana söz verdi - Mütləq Türkiyəyə gələcəm

3-07-2024, 13:16

Mirzoyan Gürcüstanda səfərdədir

Ermənistanın xarici işlər naziri Ararat Mirzoyan Gürcüstanda rəsmi səfərdədir.
Bu barədə Ermənistanın Xarici İşlər Nazirliyinin (XİN) mətbuat xidməti məlumat yayıb.
Gürcüstan XİN-in binasında onu gürcü həmkarı İlya Darçiaşvili qarşılayıb.
Nazirlər arasında təkbətək formatda görüş keçirilib.

Mirzoyan Gürcüstanda səfərdədir

3-07-2024, 12:34

Ermənistanda hərbçi öldü

Ermənistan ordusunun müddətdən artıq xidmət edən hərbi qulluqçusu Sarkis Xaçatryan naməlum şəraitdə adlığı güllə yarasından ölüb.
Bu barədə Ermənistan Müdafiə Nazirliyi məlumat yayıb.
Bildirilib ki, hadisə gecə saatlarında baş verib.
Nazirlik həmçinin faktla bağlı araşdırmaların aparıldığını da açıqlayıb.

Ermənistanda hərbçi öldü

2-07-2024, 23:27

Dini ibadətgahdakı izdihamda 116 nəfər öldü

Hindistanın Uttar Pradeş ştatında dini ibadətgahda ayin zamanı baş verən izdihamda ölənlərin sayı 116-ya çatıb.
Bu barədə ştatın rəsmi qurumları açıqlama yayıb. Bildirilir ki, 88 nəfər ibadətgahda keçinib, yaralı vəziyyətdə olan 27 nəfər qonşu Etah rayonunun hospitalında, bir nəfər isə Hathras rayon xəstəxanasında ölüb. Səlahiyyətli qurumlar ölü sayının artacağını istisna etmir. Çünki xəsarət alanlar arasında ağır vəziyyətdə olanlar da var.
Qeyd edək ki, hadisə iyulun 2-də ştatın Hathras ştatının Muğal Qarhi kəndində baş verib. Təxminən 50 minə yaxın adamın iştirak etdiyi dini ayin zamanı yaranmış sıxlıqda ölənlərin çoxu qadınlardır. Bundan başqa, ölənlər arasında uşaqlar da var. Hadisə baş verən vaxt havanın isti olması ölüm hallarının çoxalması ilə nəticələnib.

Dini ibadətgahdakı izdihamda 116 nəfər öldü