13-07-2025, 13:55
İsrail ilk rabitə peykini kosmosa buraxdı
İsrailin "Dror-1" rabitə peyki iyulun 13-də ABŞ-nin Florida ştatındakı Kanaveral burnundan buraxılıb.
Peyk İlon Maskın "SpaceX" şirkəti tərəfindən “Falcon 9” raket daşıyıcısı vasitəsilə buraxılıb.
Kanalın məlumatına görə, layihənin dəyəri təxminən 200 milyon dollardır.
"Aviasiya sənayesi" ("Taasia avirit") konserni tarixdə ilk dəfə olaraq İsrailin kommersiya peyk şirkətlərindən xidmətlər almaq əvəzinə öz milli rabitə peykinə sahib olacağını açıqlayıb. "Dror-1"in ilk növbədə müdafiə sisteminin ehtiyacları üçün təxminən 15 il ərzində peyk rabitə ehtiyaclarını təmin edəcəyi gözlənilir. Məsələn, İrana qarşı hərbi kampaniya zamanı İsrail Ordusu ölkə ərazisindən təxminən 2 000 km məsafədə pilotlu və pilotsuz uçuş aparatlarından istifadə edib. Rabitə şəbəkələrinin (qırıcılar və yanacaqdoldurma məntəqələri) və yüksək dəqiqlikli silahların istismarı da daxil olmaqla bütün rabitə peyk əlaqəsi tələb edir.
Peykin çəkisi 4,5 tondur və qanadları 18 metrdir. O, 36 min km yüksəklikdə sabit nöqtədə yerləşdiriləcək ki, bu da birbaşa əlaqə yaratmağa imkan verəcək.
13-07-2025, 13:40
Texasda daşqınlar - Ölənlərin sayı 129 nəfərə çatdı
ABŞ-nin Texas ştatında daşqınlar nəticəsində ölənlərin sayı 129 nəfərə çatıb.
Bu barədə CBS yerli hakimiyyət orqanlarına istinadən məlumat yayıb.
"Texasda qəfil baş verən daşqınlar azı 129 nəfərin həyatına son qoyub", - məlumatda deyilir.
Qeyd olunur ki, itkin düşmüş 170-dən çox şəxsin axtarışları davam edir.
Daha əvvəl “NBC News” Texasın qubernatoru Qreq Abbotta istinadən təbii fəlakət nəticəsində 120 nəfərin öldüyünü bildirmişdi.
13-07-2025, 13:13
Prezident olmaq çox təhlükəlidir - Tramp
ABŞ Prezidenti Donald Tramp prezident fəaliyyəti ilə bağlı zarafat edib.
Ağ Ev rəhbərinin sözlərini “Fox News” yayıb.
O bildirib ki, seçkiyə qatılmağın nə qədər təhlükəli olduğunu bilsəydi, namizədliyini irəli sürmək barədə iki dəfə düşünərdi, lakin heç kim ona bu barədə xəbərdarlıq etməyib.
“Prezident olmaq çox təhlükəli işdir”, - o qeyd edib.
Trampın fikrincə, prezidentin işi yarış maşını sürücüsü olmaqdan və ya öküz idarə etməkdən daha təhlükəlidir.
13-07-2025, 12:44
Pezeşkian 12 günlük müharibədə yaralanıb
İran prezidenti Məsud Pezeşkian 12 günlük müharibə zamanı İsrailin endirdiyi zərbə nəticəsində yaralanıb.
Bu barədə İranın dövlət xəbər agentliyi "Fars" məlumat yayıb.
Bildirilib ki, İran prezidenti Məsud Pezeşkian iyunun 16-da İsrailin Ali Milli Təhlükəsizlik Şurasının iclasının keçirildiyi binaya endirdiyi hava zərbəsi nəticəsində yaralanıb.
Görüşdə Pezeşkiandan başqa, parlamentin spikeri Məhəmməd-Bağer Qalibaf, məhkəmə sisteminin rəhbəri Qulam Hüseyn Möhseni-Ejei və digər yüksək vəzifəli şəxslər də iştirak ediblər.
Məlumata görə, İsrail binaya ən azı 6 bomba atıb və beləliklə, təxliyə yollarını bağlayıb.
12-07-2025, 14:23
Kim Çen In Lavrovu qəbul edib
Şimali Koreya lideri Kim Çen In Rusiyanın xarici işlər naziri Sergey Lavrovu qəbul edib.
Görüş Vonsan şəhərində baş tutub.
Lavrov dünəndən Şimali Koreyaya səfər edir.
Bundan əvvəl o, Şimali Koreyanın xarici işlər naziri Çoi Son Xi ilə danışıqlar aparıb. Bundan sonra hər iki ölkənin xarici işlər nazirliklərinin rəhbərlərinin birgə mətbuat konfransı olub.
12-07-2025, 13:02
“41 illik çirkin oyunu pozub alt-üst etdik” - Ərdoğan
“47 ildir davam edən terror bəlası sona çatma prosesinə daxil olub”.
Bunu Prezident Rəcəb Tayyib Ərdoğan deyib.
"47 ildir davam edən terror bəlası dünəndən etibarən, inşallah, sona çatma prosesinə girdi. Axan qanı dayandıracaq, anaların göz yaşlarını durduracaq, iztirabları yüngülləşdirəcək, qardaşlığı gücləndirəcək hər təşəbbüsü yaxından izləyirik”.
Ərdoğan bildirib ki, bu gün dünyaya qüdrətli bir Türkiyəsinin qapıları açılır.
Prezident Ərdoğan daha sonra deyib: "İttifaq ortağımız MHP sədri Bahçelinin və komandasının millətçiliyini, vətənpərvərliyini, Türkiyə sevgisini şübhə altına almaq heç kimin haqqı deyil. Mənim və ya AK Partiya komandasının milliyyətçiliyini, vətənpərvərliyini, Türkiyə sevgisini heç kim şübhə altına ala bilməz”.
Ərdoğan deyib ki, terror təşkilatının silahı yerə qoymasından Türkiyə qazandı, türk milləti qazandı.
“86 milyonluq türk, kürd, ərəb vətəndaşımızın hər biri qalib gəldi. Türkiyə Cümhuriyyəti bu gün ucadır, dünənkindən daha qüdrətlidir, əzəmətlidir, ən əsası da gələcəyi üçün çox ümidlidir. Türkiyə ay-ulduzlu bayrağımızla bəzədilməlidir”.
Prezident Ərdoğan "türk, kürd, ərəb birdirsə, birlik var, bölünəndə, məğlubiyyət, zillət, kədər var" deyib.
Dövlət başçısı qeyd edib ki, Türkiyə Böyük Millət Məclisində komissiya yaradıb PKK-nın silahı buraxma prosesinin qanuni tələblərini müzakirə etməyə başlayacaqlar.
“41 il terrorçu baronlar, qanla qidalananlar - türklərə, kürdlərə qarşı olanlar qalib gəlib. Biz bu çirkin oyunu pozub alt-üst etdik”.
Prezident Ərdoğan "yalnız kürd vətəndaşlarımızın deyil, İraq və Suriyadakı kürd qardaşlarımın da məsələsi bizim məsələmizdir. Onlarla bu prosesi müzakirə edirik və onlar çox xoşbəxtdirlər. Kürd qardaşınız və bacınız varsa, oturub danışarıq. Ələvi qardaş və ya bacınızla probleminiz varsa, bunu dialoq yolu ilə həll edəcəyik, danışıqlarımıza davam edəcəyik. Suriya hökuməti və beynəlxalq tərəfdaşlarımızla orada terror kitabının bağlanacağına və qardaşlığın qalib gələcəyinə ürəkdən inanıram”.
12-07-2025, 12:36
Rusiya Ukraynaya hücum etdi: 2 ölü, 20 yaralı
"Rusiya qoşunları ötən gecə, iyulun 12-də Ukraynaya 26 raket və təxminən 600 pilotsuz uçan aparat buraxıb, onların yarıdan çoxu “Şahed"lər olub”, - deyə Ukrayna prezidenti Vladimir Zelenski bildirib.
Bu barədə “RBK-Ukrayna”nın məlumatında bildirilib.
"Rusiya ötən gecə Xarkov və Sumı vilayətlərindən Lvov və Bukovina vilayətlərinə zərbələr endirib. Orada 26 qanadlı raket və 597 pilotsuz uçan aparat olub ki, onların da yarıdan çoxu "Şahed"lərdi. 20-dən çox raket və hücumçu pilotsuz uçan aparatların əksəriyyəti zərərsizləşdirilib", - Zelenski bildirib.
Onun sözlərinə görə, mülki infrastruktura, o cümlədən yaşayış binalarına zərbələr endirilib. İndiyədək Çernivtsidə 2 nəfərin öldüyü məlumdur. Hücum nəticəsində yaralanan daha 20-yə yaxın insana lazımi yardım göstərilir.
11-07-2025, 20:54
İsrail HƏMAS-ın 6 komandirini öldürdü
İsrail Müdafiə Qüvvələri, Kəşfiyyat İdarəsi, Milli Təhlükəsizlik Agentliyi və Cənub Komandanlığı birgə əməliyyat keçirib.
Əməliyyatda HƏMAS-ın 6 dəniz komando komandiri öldürülüb.
"Öldürülən terrorçular Dəmir Qılınclar Müharibəsi zamanı İsrail mülki əhalisinə və təhlükəsizlik qüvvələrinə qarşı dənizdə terror hücumları planlaşdırıblar. Öldürülən terrorçulardan bir neçəsi oktyabrın 7-də vəhşicəsinə qətliamın planlaşdırılmasında iştirak edib", - İsrail ordusu bildirib.
İsrail ordusu hazırda HƏMAS-ın dəniz qüvvələrinə qarşı hərbi əməliyyatlar aparır. Hərbçilər döyüş gəmiləri, silah anbarları və HƏMAS-la əlaqəli digər aktivlər də daxil olmaqla "çoxsaylı terror hədəflərini" bloklayır.
11-07-2025, 20:18
Avropa Bakı-İrəvan danışıqlarını izləyir
Avropa İttifaqı (Aİ) Cənubi Qafqaz regionundakı vəziyyəti diqqətlə izləyir.
Bunu Brüsseldə keçirilən brifinqdə Avropa İttifaqının yüksək vəzifəli nümayəndəsi deyib.
“Bu mühüm danışıqları qeyd etdiyiniz üçün təşəkkür edirik. Biz regionda baş verənləri diqqətlə izləyirik, həmçinin hər iki tərəfi münasibətləri normallaşdırmağa və sülh danışıqlarını uğurla yekunlaşdırmağa təşviq edirik”, - o vurğulayıb.
Bununla belə, onun sözlərinə görə, Azərbaycan və Ermənistan arasında sülh prosesi ilə bağlı məsələ Aİ Xarici İşlər Nazirləri Şurasının gələn həftənin əvvəlində Brüsseldə keçiriləcək iclasının gündəliyinə daxil edilməyib.
“Lakin xarici işlər nazirləri tərəflər arasında sülh prosesinə öz dəstəyini ifadə etmək istəyə bilər”, - Aİ nümayəndəsi əlavə edib.
Qeyd edək ki, iyulun 10-da Əbu-Dabidə Azərbaycan Prezidenti İlham Əliyevlə Ermənistanın baş naziri Nikol Paşinyan arasında görüş keçirilib. Liderlər sülh yolu ilə nizamlanma məsələlərini müzakirə edib və ikitərəfli danışıqların davam etdirilməsi, eləcə də ölkələr arasında etimadın möhkəmləndirilməsi istiqamətində atılan addımlar barədə razılığa gəliblər.
11-07-2025, 19:25
Lavrov Şimali Koreyaya getdi
Rusiyanın xarici işlər naziri Sergey Lavrov Şimali Koreyaya səfər edib.
Lavrov səfər çərçivəsində olan Şimali Koreyanın xarici işlər naziri Çoi Son Xi ilə danışıqlar aparacaq.
Məlumata görə, Rusiya XİN rəhbərinin səfəri iyulun 13-dək davam edəcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!