14-07-2025, 18:12
ABŞ-dən Zəngəzur dəhlizi ilə bağlı mühüm təklif - 100 il MÜDDƏTİNƏ...
ABŞ Zəngəzur dəhlizini idarə etməyi öz üzərinə götürməyə hazır olduğunu bəyan edib.
Bu barədə ABŞ-nin Türkiyədəki səfiri Tom Barrak Nyu-Yorkda jurnalistlərə açıqlamasında bildirib.
Onun açıqlamasını "Middle East Eye" nəşri yayıb.
Diplomatın sözlərinə görə, ABŞ 100 il müddətinə 32 kilometrlik Zəngəzur dəhlizinin idarəçiliyini öz üzərinə götürməyi təklif edib.
"Beləliklə, hər iki tərəf bu dəhlizdən istifadə edə biləcək", - səfir vurğulayıb.
Tom Barrak, həmçinin qeyd edib ki, bu təklifin əsas məqsədi Azərbaycan və Ermənistan arasında diplomatik danışıqların irəliləməsinə kömək etməkdir.
14-07-2025, 18:12
ABŞ-dən Zəngəzur dəhlizi ilə bağlı mühüm təklif - 100 il MÜDDƏTİNƏ...
ABŞ Zəngəzur dəhlizini idarə etməyi öz üzərinə götürməyə hazır olduğunu bəyan edib.
Bu barədə ABŞ-nin Türkiyədəki səfiri Tom Barrak Nyu-Yorkda jurnalistlərə açıqlamasında bildirib.
Onun açıqlamasını "Middle East Eye" nəşri yayıb.
Diplomatın sözlərinə görə, ABŞ 100 il müddətinə 32 kilometrlik Zəngəzur dəhlizinin idarəçiliyini öz üzərinə götürməyi təklif edib.
"Beləliklə, hər iki tərəf bu dəhlizdən istifadə edə biləcək", - səfir vurğulayıb.
Tom Barrak, həmçinin qeyd edib ki, bu təklifin əsas məqsədi Azərbaycan və Ermənistan arasında diplomatik danışıqların irəliləməsinə kömək etməkdir.
14-07-2025, 15:30
Paşinyan Avropadakı üçtərəfli görüşdən razı qalıb
Ermənistanın baş naziri Nikol Paşinyan Brüsseldə Avropa İttifaqı Şurasının sədri Antonio Kosta və Avropa Komissiyasının sədri Ursula fon der Leyen ilə görüşünü məhsuldar hesab edir.
Bu barədə Paşinyan “Facebook” səhifəsində yazıb.
“Avropa Şurasının sədri Antonio Kosta və Avropa Komissiyasının sədri Ursula fon der Leyenlə məhsuldar və ətraflı söhbətimiz oldu”, - Nikol Paşinyan yazıb.
14-07-2025, 15:24
Aİ Ermənistan-Azərbaycan danışıqlarını yüksək qiymətləndirir - Kosta
Biz Ermənistanın Cənubi Qafqazda sabitliyi təmin etmək səylərini, xüsusən də Azərbaycanla sülh danışıqlarında iştirakını və Türkiyə ilə münasibətlərin normallaşması istiqamətində atdığı addımları yüksək qiymətləndiririk.
Bunu Avropa İttifaqı Şurasının prezidenti Antonio Kosta deyib.
Onun sözlərinə görə, Avropa İttifaqı Ermənistanla daha dərin və geniş tərəfdaşlıq və İrəvanla münasibətləri inkişaf etdirməyə çalışır.
Antonio Kosta Brüsseldə Ermənistanın baş naziri Nikol Paşinyan və Avropa Komissiyasının sədri Ursula fon der Leyenlə görüşündə deyib:
"Brüssel Ermənistanla daha dərin və geniş tərəfdaşlıq üzərində işləyir və Avropa İttifaqının İrəvanla münasibətləri inkişaf etdirmək istədiyini vurğulayır. Ümid edirəm ki, bu görüş işimizi irəli aparacaq", - Kosta qeyd edib.
O, həmçinin Aİ-nin ali nümayəndəsi Kaja Kallasın 29-30 iyun tarixlərində Ermənistana səfərinə toxunaraq, bunun Aİ-Ermənistan münasibətlərində aydın irəliləyiş olduğunu vurğulayıb.
"Bu görüş həm də bizə sülh və digər hadisələr haqqında danışmaq imkanı verəcək", - Kosta bildirib.
14-07-2025, 13:21
Brüsseldə Paşinyan- Kosta- Fon der Leyen görüşü keçirilir
Brüsseldə Ermənistanın baş naziri Nikol Paşinyan, Avropa İttifaqı Şurasının sədri Antonio Kosta və Avropa Komissiyasının sədri Ursula fon der Leyen arasında üçtərəfli görüş başlayıb.
Bu barədə Ermənistan KİV-i məlumat yayıb.
Tərəflər Ermənistan-Avropa tərəfdaşlığı ilə bağlı əsas məsələləri, həmçinin regional təhlükəsizlik, iqtisadi əməkdaşlıq və Avropa İttifaqı tərəfindən Ermənistana mümkün dəstək formatlarını müzakirə edəcəklər.
Səfər Ermənistan və Aİ arasında intensivləşən siyasi dialoq çərçivəsində həyata keçirilir.
13-07-2025, 17:23
Rusiyada azərbaycanəsilli polis rəisi saxlanıldı - VİDEO
Rusiyanın Nijni Novqorod hava limanının polis şöbəsinin rəisi azərbaycanlı Namiq Musayev “qanunsuz miqrasiya kanalının təşkili” ilə bağlı cinayət işinin istintaqı çərçivəsində saxlanılıb.
Bu haqda RBC məlumat yayıb.
Onun saxlanılmasını xəbərini Rusiya Daxili İşlər Nazirliyinin Volqa Federal Dairəsi təsdiqləyib.
“İlkin olaraq müəyyən edilib ki, o, Rusiyanın miqrasiya qanunvericiliyini pozan əcnəbi vətəndaşların inzibati məsuliyyətə cəlb edilməməsi üçün dəfələrlə tədbirlər görüb”, - məlumatda deyilir.
13-07-2025, 16:25
Azərbaycan-Ermənistan sülh danışıqlarını yaxından izləyirəm - Ərdoğan
Türkiyə Prezidenti Rəcəb Tayyib Ərdoğan Birləşmiş Ərəb Əmirliklərinin Prezidenti Şeyx Mohamed bin Zayed Al Nahyanla telefon danışığında ölkəsinin Azərbaycan və Ermənistan arasında Əbu-Dabidə başlayan sülh danışıqlarını yaxından izlədiyini bildirib.
Ərdoğan Qafqazda sülhün bərqərar olması üçün səyləri dəstəkləməyə davam edəcəklərini deyib.
13-07-2025, 15:56
Bu ölkə Rusiyaya milyonlarla mərmi göndərdi
Şimali Koreya Rusiyaya ümumilikdə 12 milyondan çox mərmi göndərib.
Bu barədə Cənubi Koreyanın hərbi kəşfiyyatı məlumat yayıb.
“Kəşfiyyat məlumatları göstərir ki, Şimali Koreya Rusiyaya təxminən 28 min konteyner silah və artilleriya mərmisi tədarük edib”, - məlumatda qeyd olunub.
13-07-2025, 15:10
PKK-nın 11 düşərgəsi ləğv ediləcək
Türkiyədə Kürd Fəhlə Partiyasının (PKK) Şimali İraqdakı 11 düşərgəsinin tamamilə ləğv edilməsi və orada olan minlərlə silahlının başqa yerlərə köçürülməsi planlaşdırılır.
“Sabah” qəzetinin verdiyi məlumata görə, bu tədbir Ankaranın terrorizmdən azad olunması istiqamətində həyata keçirdiyi proses çərçivəsində nəzərdə tutulur.
PKK 47 il əvvəl Türkiyənin Diyarbəkir şəhərində yaradılıb və bu müddət ərzində Şimali İraqda 11 əsas düşərgə qurub. Bunlar ölkədə təşkilatın əsas bazaları sayılır və çoxsaylı kiçik dayaq nöqtələrindən əlavədir. Türkiyə sərhədinə ən yaxın yerləşən düşərgələrdən biri - böyük Zap düşərgəsidir ki, o, Türkiyənin Hakkari vilayətindən də görünür. Bu yer PKK üçün ən vacib məntəqələrdən biridir. Qəzetin məlumatına görə, təşkilatla əlaqəsi olmayan şəxslərin ora girişi qadağandır və dəfələrlə oradan Türkiyə ərazisinə keçmək cəhdləri baş verib.
Sərhəddən 20-40 kilometr dərinlikdə yerləşən digər düşərgələr isə Sinat, Haftanin, Gara, Hakurk, Metina, Avaşin-Basyan düşərgələridir. PKK-nın İraqdakı infrastrukturuna xəstəxanalar, elektrik istehsalı üçün kiçik su bəndləri, poliqonlar və təlim obyektləri, çoxsaylı mağaralar, gizlənəcək yerlər və silah anbarları daxildir. Qəzetin bildirdiyinə görə, bu obyektlərin hamısı təşkilatın tərksilah olunması və ləğv olunması mərhələsi başa çatdıqdan sonra PKK-nın mövcudluğundan tamamilə təmizlənəcək.
Ən iri üç düşərgə – Kəndil və Maxmur (İraqda), həmçinin Sincar (Suriyada) – zamanla tamamilə bağlanaraq yerli hakimiyyət orqanlarına təhvil veriləcək. Bu düşərgələrdə PKK-nın ən çox silahlısı və təşkilatın bütün komandirləri yaşayır. Yalnız Maxmur düşərgəsində təqribən 15 min nəfər var. Bu şəxslərin hamısının oradan təxliyə ediləcəyi və müxtəlif yaşayış məntəqələrinə yerləşdiriləcəyi planlaşdırılır. PKK üzvlərinin və ya onların ailə üzvlərinin bir hissəsi Türkiyədə də məskunlaşa bilər. Bunun üçün isə parlamentin hazırlayacağı qanunvericilik bazasına ehtiyac var.
Cümə günü PKK-nın ilk silahlı qrupu tərksilah prosesi çərçivəsində silahlarını təhvil verdi. Silahların təslim olunması və yandırılması mərasimi İraq Kürdüstanının bir hissəsi olan Süleymaniyyə vilayətində baş tutdu. Mərasimdə 30 PKK üzvü iştirak edirdi, onların təxminən yarısı qadın idi.
Qeyd edək ki, hazırda Türkiyədə terror fəaliyyətinə görə ömürlük həbs cəzası çəkən PKK lideri Abdullah Öcalan bu ilin fevral ayında təşkilatla əlaqəli bütün qrupları silahı yerə qoymağa və Ankarayla silahlı münaqişəyə son qoymağa çağırmışdı. May ayında PKK qurultay keçirmiş və orada təşkilatın ləğvi və Türkiyə hakimiyyəti ilə təxminən 50 il davam edən qarşıdurmaya son qoyulması barədə qərar qəbul etmişdi.
13-07-2025, 14:38
Ukrayna polkovnikini öldürən rus agentləri zərərsizləşdirildi
Ukraynanın Təhlükəsizlik Xidmətinin (UTX) əməkdaşları Rusiyanın Federal Təhlükəsizlik Xidmətinin (FTX) göstərişi ilə xüsusi əməliyyat çərçivəsində Kiyevdə UTX-nin polkovnikini öldürən xüsusi xidmət orqanlarının agentlərini zərərsizləşdiriblər.
Bu barədə Ukrayna xüsusi xidmət orqanı özünün teleqram kanalında məlumat yayıb.
Xüsusi əməliyyata UTX-nin rəhbəri Vasili Malyukun şəxsən rəhbərlik etdiyi qeyd olunur.
"Rusiyanın Federal Təhlükəsizlik Xidmətinin agent-döyüş qrupu əvvəlcədən Ukraynaya göndərilib və üç gün əvvəl UTX-nin əməkdaşı, polkovnik yoldaşımız İvan Voroniç öldürülüb. Gizli axtarış və aktiv əks-kəşfiyyat fəaliyyəti nəticəsində düşmənin məkanı aşkar edilib. Həbs zamanı müqavimət göstərməyə başlayıblar, atəş açanlar zərərsizləşdirilib", - Malyuk deyib.
İstintaqın məlumatına görə, ukraynalı polkovnikin qətlini iki nəfər - kişi və qadın törədib. Onların idarəçisi UTX-nin əməkdaşını izləməyi, onun gündəlik cədvəlini və səyahət marşrutlarını təyin etməyi əmr edib.
Xatırladaq ki, iyulun 10-da Ukrayna Təhlükəsizlik Xidmətinin polkovniki Kiyevin Qoloseyevski rayonunda güllələnib. O, 5 güllə yarası alıb və hadisə yerində ölüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!