20-06-2025, 23:34
Paşinyan Ərdoğanla görüşündən yazdı
"İstanbulda Türkiyə prezidenti Ərdoğanla dərin fikir mübadiləsi apardıq".
Bunu Ermənistanın baş naziri Nikol Paşinyan sosial şəbəkə hesabında yazıb.
"Biz Ermənistan-Türkiyə münasibətlərinin normallaşdırılması prosesini, regional hadisələri və davamlı dialoqun vacibliyini müzakirə etdik. Ermənistan regionumuzda sülh və sabitliyin qurulmasına sadiqdir", - Paşinyan qeyd edib.
20-06-2025, 22:43
İranda güclü zəlzələ
İranın şimalında 5,1 bal gücündə zəlzələ qeydə alınıb.
Bu barədə Avropa-Aralıq dənizi Seysmoloji Mərkəzi məlumat yayıb.
Zəlzələnin episentri təxminən 124 min nəfər əhalisi olan Semnan şəhərindən 36 km şimal-qərbdə, ocağı isə 10 km dərinlikdə yerləşib.
Tələfat və dağıntılar barədə məlumat yoxdur.
20-06-2025, 21:41
Ərdoğanla Paşinyanın görüşü başa çatdı - Nələr müzakirə edildi?
Türkiyə Prezidenti Rəcəb Tayyib Ərdoğanla Ermənistanın Baş naziri Nikol Paşinyan arasında görüş başa çatıb.
Görüşlə bağlı Türkiyə tərəfi məlumat yayıb.
Bildirilib ki, görüşdə iki ölkə arasında təmaslar, Cənubi Qafqazda sülh və dialoq prosesi, regionla bağlı cari proseslər müzakirə olunub.
Ərdoğan Azərbaycan və Ermənistan arasında sülh danışıqlarında əldə olunan razılaşmanın hazırkı konyukturada əhəmiyyətinə diqqət çəkib.
O, Türkiyənin bölgənin “qazan-qazan” anlayışı ilə inkişafı məqsədi ilə həyata keçirilən səylərə hər cür dəstəyi verməyə davam edəcəyini bildirib.
Görüşdə Türkiyə ilə Ermənistan arasında normallaşma prosesi çərçivəsində atılacaq addımlar da müzakirə edilib.
R.T.Ərdoğan bildirib ki, Türkiyə təkcə Qafqazda deyil, bütün regionda sabitliyin bərqərar olması üçün bütün diplomatiya vasitələrindən istifadə edir və İsrailin İrana hücumları ilə başlayan zorakılıq spiralının yaratdığı riskləri aradan qaldırmaq üçün liderlərlə təmaslarını davam etdirir.
20-06-2025, 21:29
Üçüncü dünya müharibəsi - Putindən XƏBƏRDARLIQ
Rusiya Prezidenti Vladimir Putin üçüncü dünya müharibəsi təhlükəsindən narahatdır.
O, bu barədə Sankt-Peterburq Beynəlxalq İqtisadi Forumunun plenar iclasında danışıb.
O, dünyamızın üçüncü dünya müharibəsinə doğru sürüşməsindən, o cümlədən İran və İsrail arasında qarşıdurma səbəbindən narahat olduğunu bildirib.
Rusiya lideri münaqişənin həlli yollarını tapmağa çağırıb:
“Münaqişə üçün böyük potensial var və bu, getdikcə artır. Bu, birbaşa bizə də aiddir - Ukraynada yaşadığımız münaqişə. Və əlbəttə ki, biz İranın nüvə obyektləri ətrafında baş verənlərdən də çox narahatıq. Yaxın Şərqdə baş verənlər diqqət və münaqişənin, xüsusən də sülh yolu ilə - bütün istiqamətlərdə həlli yollarının axtarışını tələb edir. Bura toplaşmağımızın səbəblərindən biri də budur”.
20-06-2025, 20:31
İran İsrailin iki hərbi bazasını vurdu
İran İsrailin bir sıra hərbi obyektlərinə, o cümlədən Nevatim və Hatzerim aviabazalarına raket zərbələri endirib.
Bu barədə İran İslam İnqilabı Keşikçiləri Korpusunun (SEPAH) bəyanatında bildirilir.
Məlumata görə, "Doğru vəd - 3" əməliyyatının 17-ci mərhələsi çərçivəsində hərbi komplekslər, müdafiə müəssisələri, komanda mərkəzləri, İsrailin hərbi əməliyyatlarına dəstək verən şirkətlər, eləcə də Nevatim və Hatzerim aviabazaları da daxil olmaqla bir sıra hədəflərə zərbələr endirilib.
İsrail mediasının məlumatına görə, İranın raket hücumu nəticəsində Hayfa şəhərinin əsas limanı yaxınlığındakı binalar zədələnib. Xəsarət alanların sayı 17 nəfərə çatıb və onlara lazımi tibbi yardım göstərilib.
20-06-2025, 20:10
Ərdoğanla Paşinyan arasında görüş başladı
İstanbul şəhərində Türkiyə Prezidenti Rəcəb Tayyib Ərdoğanla Ermənistanın baş naziri Nikol Paşinyan arasında görüş başlayıb.
İki liderin məhdud tərkibdə görüşü Dolmabağça sarayında keçirilir.
20-06-2025, 19:54
İsrail İran ordusunu vurdu
İsrail ordusu İranın cənub-qərbində hərbi infrastrukturu vurub.
Bildirilib ki, hava hücumları nəticəsində İranın yer-hava tipli ballistik raket batareyalarını zərərsizləşdirilib.
20-06-2025, 17:56
Balasanyan Paşinyana qarşı çıxdı
Qarabağ separatçılarının tanınmış nümayəndəsi, Xocalı qatili Vitali Balasanyan İrəvanda həbs edilən biznesmen Samvel Karapetyanın müdafiəsinə qalxıb.
Vitali Balasanyan həm də baş nazir Nikol Paşinyanın tənqid etdiyi Erməni Apostol Kilsəsinin yanında olduğunu bildirib.
Xocalı qatili deyib ki, kilsə erməni milli kimliyinin formalaşmasında xüsusi yer tutur. O, Samvel Karapetyana qarşı yönəlmiş hərəkətlər qanunsuzluq adlandırıb və onun tərifləyib.
“Samvel Karapetyan həmişə “Artsax”ın yanında olub - həm müharibə illərində, həm də “dövlət quruculuğu”nun çətin anlarında”, - Balasanyan vurğulayıb.
Xatırladaq ki, Samvel Karapetyan 2021-ci ildə Azərbaycan tərəfindən axtarışa verilən erməni cinayətkarlar siyahısına daxildir. O, 18 iyun 2025-ci ildə İrəvanda saxlanılıb və barəsində 2 aylıq həbs qərarı çıxarılıb. Hazırda istintaq davam edir. Karapetyan Ermənistanda hakimiyyət çevirilişini dəstəkləməkdə və digər cinayətlərdə təqsirləndirilir.
Vitali Balasanyan Xocalı qətliamını törədənlərdən biridir. O, Xocalıdakı döyüşlər zamanı əsir alınan Azərbaycanın Milli Qəhrəmanı Natiq Qasımovu şəxsən işgəncə verməklə qətlə yetirib.
Azərbaycan Ordusu 2023-cü ilin sentyabrında Qarabağda separatçılara qarşı antiterror əməliyyatları keçirəndə, Balasanyan Əsgəranda gizlənmişdi. 2023-cü il sentyabrın 28-də o, Qarabağı tərk edərək gizli yollarla Ermənistana qaçıb.
20-06-2025, 17:40
İran İsrailə yeni raket hücumuna başladı
İran İnqilab Keşikçiləri Korpusu (SEPAH) İsrailə yeni hücum təşkil edib.
İyunun 20-də təşkil edilən raket hücumunu SEPAH polkovniki İman Tacik təsdiqləyib. O, İrandan İsrailə raket hücumlarının 17-ci dalğasının başladığını bildirib.
SEPAH rəsmisi İsrailin hərbi məntəqələri, müdafiə sənayesi zonaları və hərbi komandanlıq mərkəzlərini hədəfə almaq üçün həyata keçirilən yeni əməliyyatda pilotsuz uçuş aparatları (PUA) və uzaqmənzilli ballistik raketlərdən istifadə edildiyini açıqlayıb.
Son məlumata görə, İsrailin Hayfa şəhərindəki bir sıra obyektlər vurulub.
20-06-2025, 17:35
Ərdoğandan İsrail-İran müharibəsi ilə bağlı XƏBƏRDARLIQ
Türkiyə Prezidenti Rəcəb Tayyib Ərdoğan İsraillə İran arasında 8 gündür davam edən müharibə ilə bağlı xəbərdarlıq edib.
Ərdoğan deyib ki, daha çox mülki itki və Avropa ilə Asiyaya uzun illər təsir edə biləcək dəhşətli fəlakət yaşanmadan əllərin tətikdən çəkilməsi şərtdir.
“İsrail üzərində təsir gücünə malik olan qüvvələr Netanyahunun oyununa getməməli və təsir imkanlarından müharibəni dərinləşdirmək üçün deyil, bölgəmizdə atəşkəs və sabitliyi bərqərar etmək üçün istifadə etməlidirlər”, - Ərdoğan vurğulayıb.
O, Türkiyənin bu istiqamətdə atılan hər bir addımı dəstəkləyəcəyini və buna töhfə verəcəyini qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!