25-03-2023, 14:37
ABŞ F-16 qırıcıları ilə İran hərbi bazalarına zərbələr endirdi
ABŞ Hərbi Hava Qüvvələrinə məxsus F-16 qırıcıları İranın Suriyada yerləşən hərbi bazalarına zərbələr endirib. Bu barədə xarici mətbuat məlumat yayıb. Hücumun detalları və itkilər barədə əlavə məlumat verilməyib. Qeyd edək ki, Suriyanın şərqində yerləşən Deyrizor rayonunda İranın dəstəklədiyi terrorçu qruplaşmalar ABŞ qüvvələrinin nəzarətində olan Ömer petrol və Kuniko qaz sahələrinə raketlə hücum edib. ABŞ qüvvələri hücumlara top və raketlə cavab verib. Hücum zamanı ABŞ hərbçiləri arasında yaralananlar olub.
25-03-2023, 14:31
İranla münaqişəyə can atmırıq, amma.. - Bayden
ABŞ Prezidenti Co Bayden ölkəsinin Suriyada yerləşən hərbi bazasının İranın dəstəklədiyi qüvvələr tərəfindən raket hücumuna məruz qalmasına münasibət bildirib. Bayden ABŞ-ın İranla hərbi münaqişəyə girmək istəmədiyini söyləyib. “İranla münaqişəyə can atmırıq. Lakin vətəndaşlarımızın müdafiəsi üçün qətiyyətlə addım atmağa hazırıq”, - deyə prezident vurğulayıb. Qeyd edək ki, Suriyanın şərqində yerləşən Deyrizor rayonunda İranın dəstəklədiyi terrorçu qruplaşmalar ABŞ qüvvələrinin nəzarətində olan Ömer petrol və Kuniko qaz sahələrinə raketlə hücum edib. ABŞ qüvvələri hücumlara top və raketlə cavab verib. Hücum zamanı ABŞ hərbçiləri arasında yaralananlar olub.
25-03-2023, 14:11
Cəsur əsgərlərimizi ön cəbhəyə göndərə bilmərik - Zelenski
Ukrayna ordusu silah çatışmazlığı səbəbindən əks-hücuma keçməyə hazır deyil. Bu barədə Ukrayna Prezidenti Vladimir Zelenski bildirib. “Hələ başlaya bilmərik. Tanklar, artilleriya və HIMARS olmadan biz cəsur əsgərlərimizi ön cəbhəyə göndərə bilmərik”, - deyə Zelenski vurğulayıb. Prezident qeyd edib ki, hazırda Ukrayna ordusunda ciddi silah-sursat çatışmazlığı yaşanır.
25-03-2023, 14:05
İran Naxçıvana sərhədində hərbi təlimə start verir
İran Naxçıvan sərhədi yaxınlığında yeni hərbi təlim keçirməyə hazırlaşır. Bu barədə SEPAH-a yaxın "Telegram" kanalında məlumat yayılıb. Bölgəyə 300-dən çox hərbi texnika və tankın göndərildiyi bildirilib.
24-03-2023, 23:55
İran Naxçıvanla sərhədində hərbi təlimə start verir
İran Naxçıvan sərhədi yaxınlığında yeni hərbi təlim keçirməyə hazırlaşır. Bu barədə SEPAH-a yaxın "Telegram" kanalında məlumat yayılıb. Bölgəyə 300-dən çox hərbi texnika və tankın göndərildiyi bildirilib.
24-03-2023, 23:47
Rusiya İrəvanın mövqeyi ilə bağlı hələ də izahat almayıb - Peskov
Ermənistan Konstitusiya Məhkəməsi Beynəlxalq Cinayət Məhkəməsinin (BCM) Roma Statutunun öhdəliklərini tanıdıqdan sonra Rusiya İrəvanın mövqeyi ilə bağlı hələ də izahat almayıb. Bunu Rusiya Prezidentinin mətbuat katibi Dmitri Peskov bildirib. "Biz bunu tərəfdaşlarımızla müzakirə edəcəyik”, - deyə Dmitri Peskov vurğulayıb. Xatırladaq ki, bu gün Ermənistan Konstitusiya Məhkəməsi Beynəlxalq Cinayət Məhkəməsi (BCM) haqqında Roma Statutunda təsbit olunmuş öhdəlikləri konstitusiyaya uyğun hesab edib. Bundan əvvəl Beynəlxalq Cinayət Məhkəməsi Rusiya Prezidenti Vladimir Putinin həbs edilməsi barədə order çıxarıb. BCM-nin qərarına əsasən, Putin məhkəmənin qərarını tanıyan ölkələrin ərazisində olan zaman həbs olunmalıdır. Rəsmi Moskva BCM-nin məlum qərarını tanımadığını, bu qərarın Rusiya Federasiyası üçün əhəmiyyətsiz olduğunu açıqlayıb.
24-03-2023, 22:26
Ermənistan da Putinin həbsiylə bağlı hüquqa malik oldu
Ermənistan Konstitusiya Məhkəməsi Beynəlxalq Cinayət Məhkəməsi (BCM) haqqında Roma Statutunda təsbit olunmuş öhdəlikləri konstitusiyaya uyğun hesab edib. Bu barədə Ermənistan Konstitusiya Məhkəməsinin qərarında bildirilib. Qeyd edilib ki, Ermənistan Konstitusiya Məhkəməsi Beynəlxalq Cinayət Məhkəməsi (BCM) haqqında Roma Statutunda təsbit edilmiş öhdəliklərin konstitusiyaya uyğun olduğunu tanıyıb. Beynəlxalq Cinayət Məhkəməsi 1998-ci il Roma Nizamnaməsinə əsasən təşkil olunub və 123 ölkə tərəfindən imzalanıb. Avropa İttifaqının 27 üzvünün hamısı nizamnaməni imzalayıb. Məhkəmənin yurisdiksiyası Rusiya, eləcə də ABŞ və Çin tərəfindən tanınmır. Roma Statutunun 63-cü maddəsinə əsasən, qiyabi məhkəmə prosesi mümkün deyil. Oderlərin icrası Roma Statutunun üzvü olan dövlətlərin üzərinə düşür. Ermənistan 1999-cu ildə Roma Statutunu imzalayıb, lakin BCM-nin nizamnamə sazişlərini hələ də ratifikasiya etməyib. Xatırladaq ki, Beynəlxalq Cinayət Məhkəməsi Rusiya Prezidenti Vladimir Putinin həbs edilməsi barədə order çıxarıb. BCM-nin qərarına əsasən, Putin məhkəmənin qərarını tanıyan ölkələrin ərazisində olan zaman həbs olunmalıdır. Rəsmi Moskva BCM-nin məlum qərarını tanımadığını, bu qərarın Rusiya Federasiyası üçün əhəmiyyətsiz olduğunu açıqlayıb.
24-03-2023, 22:10
Türkiyədə zəlzələdən təsirlənən 1.3 milyon seçici səs verə bilməyəcək
Türkiyədə ötən ay baş verən zəlzələnin təsir etdiyi vilayətlərdə yaşayan seçicilərin səsvermə hüquqlarından istifadə etmələri üçün şərait yaradılıb. Bu barədə "Milliyet" qəzetində məqalə dərc olunub. Bildirilir ki, AKP və MHP-nin apardığı araşdırmaya görə, zəlzələdən təsirlənən 1.3 milyon seçicinin səs verə bilməyəcəyi ehtimal edilir. Araşdırmalar nəticəsində məlum olub ki, 2 milyon seçici vilayətlərini tərk edib, onlardan 20 faizi geri qayıdıb. Geri qayıtmayanlardan isə yalnız 250 min nəfərin səs verəcəyi güman edilir.
24-03-2023, 21:56
Fransada 457 etirazçı həbsə məhkum edildi
Fransada pensiya islahatlarına etiraz edən 457 nəfər həbs edilib. Bu barədə Fransanın daxili işlər naziri Jerald Darmanen məlumat verib. Nazir qeyd edib ki, aksiya zamanı 441 polis və jandarm xəsarət alıb. Qeyd edək ki, Fransa şəhərlərində pensiya islahatına qarşı kütləvi etirazlar keçirilir. Son günlərdə keçirilən aksiyalarda iştirak edənlərin sayı milyon nəfəri keçib.
24-03-2023, 21:53
İstanbulda 2 nəfərin ölümüylə nəticələnən yanğın baş verib
Türkiyənin İstanbul şəhərində yerləşən 7 mərtəbəli oteldə yanğın baş verib. Otelin birinci mərtəbəsində çıxan yanğının səbəbi məlum deyil. Təxminən bir saatdan sonra söndürülən yanğın nəticəsində 2 nəfər həlak olub, 3 nəfər xəsarət alıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!