Yarım tonluq kosmik aparat Yerə yaxınlaşır - Siyahıda Azərbaycan da var .....                        Bakıda bu yol 20 gündə ikinci dəfə çökdü - VİDEO .....                        Turçinin Azərbaycana səfəri başa çatdı .....                        Güclü yağışa görə bu yolda problem yarandı .....                        Pezeşkiandan sonra Netanyahu ilə danışdı .....                        İlham Əliyev “Vietnam News Agency” agentliyinə müsahibə verdi .....                        Almaniyada yeni kansler .....                        Bakıda yaşayış binasında yanğın söndürüldü .....                        Avropadan Rusiyaya yeni sanksiyalar .....                       
23-05-2024, 14:29
Ailə üzvlərini öldürən Əhməd xüsusi xəstəxanaya köçürüldü


Ailə üzvlərini öldürən Əhməd xüsusi xəstəxanaya köçürüldü

İkisi uşaq olmaqla beş nəfər ailə üzvünü amansızlıqla öldürməkdə ittiham olunan Əhməd Əhmədov xüsusi tibb müəssisəsinə yerləşdirilib.
Bu barədə “qafqazinfo” məlumat yayıb.
Xətai Rayon Məhkəməsi prokurorluğun təqdimatı əsasında belə qərar qəbul edib.
Ə.Əhmədov ekspert rəyləri ilə cəmiyyət üçün təhlükəli olduğu üçün təhlükəsizlik tədbirlərinin görülməsi qaçılmaz olub. O, saxlanıldığı istintaq təcridxanasından birbaşa xüsusi tibb müəssisəsinə etap edilib.
Təkrar ekspertiza rəyinə əsasən, Əhmədin hadisəni anlaqsız vəziyyətdə törətdiyi təsdiqini tapıb. Hazırda cinayət işi üzrə ibtidai istintaq hərəkətləri aparılır.



Qanuni qüvvəyə minmiş məhkəmə hökmünə qədər Ə.Əhmədov haqda xüsusi tibb müəssisəsinə yerləşdirmə təhlükəsizlik tədbiri qüvvədə qalacaq. Həmin vaxtdan sonra Əhmədovun gələcək taleyinə aydınlıq gətiriləcək.



Qeyd edək ki, 25 yaşlı Əhməd Əhmədov valideynlərini, 9 yaşlı qardaşını, bacısını və onun azyaşlı qızını xüsusi amansızlıqla öldürməkdə ittiham olunur.
23-05-2024, 13:43
Transxəzər nəqliyyat dəhlizi Avropa üçün daha çox əhəmiyyət kəsb edir


Transxəzər nəqliyyat dəhlizi Avropa üçün daha çox əhəmiyyət kəsb edir

Təbii ki, bizim müzakirə etdiyimiz (Tacikistan Prezidenti ilə - red.) mövzulardan biri də Tacikistanın və Azərbaycanın nəqliyyat-logistika infrastrukturunun yeni imkanlarının nəzərə alınması ilə nəqliyyat sektorunda əməkdaşlıqdır. Hesab edirəm ki, bu istiqamətdə səylərimizi birləşdirmək, addımlarımızı daha sıx əlaqələndirmək faydalı olacaq.
Bu sözləri Azərbaycan Prezidenti İlham Əliyev Tacikistan Prezidenti Emoməli Rəhmon ilə geniş tərkibdə görüşdə deyib.
“Transxəzər nəqliyyat dəhlizi Avropa regionu və Mərkəzi Asiya regionu üçün getdikcə daha çox əhəmiyyət kəsb edir. Azərbaycan isə Avropa ilə Asiyanın qovuşuğunda yerləşən birləşdirici ölkə kimi özünün nəqliyyat infrastrukturu ilə, əlbəttə ki, bu məsələdə mühüm rol oynayır”, - deyə dövlətimizin başçısı vurğulayıb.
23-05-2024, 13:41
Təbrizin cümə imamı Şəhidlər Qəbiristanlığında dəfn edilib


Təbrizin cümə imamı Şəhidlər Qəbiristanlığında dəfn edilib

Helikopter qəzasında həlak olan Təmrizin cümə imamı Ayətullah Seyyid Məhəmməd Əli Haşim bu gün Təbrizdə dəfn edilib.
Dəfn mərasimində ictimaiyyətin sıx iştirakı diqqət çəkib.
Dəfn mərasiminə bir çox siyasətçi və ölkə rəsmiləri də qatılıb.
Ayətullah Seyid Məhəmməd Əli Haşim Təbrizdəki Şəhidlər Qəbiristanlığında dəfn edilib.
23-05-2024, 13:23
Rəisinin cənazəsi Məşhədə aparıldı


Rəisinin cənazəsi Məşhədə aparıldı

İranın helikopter qəzasında həlak olmuş prezidenti Seyid İbrahim Rəisinin cənazəsi cümə axşamı günü dəfn olunmaq üçün Tehrandan Məşhəd çəhərinə aparılıb.
Məşhədin Haşiminejad hava limanında cənaəzinin qarşılanması olub.
Rəisi ailə üzvləri də cənazə ilə birlikdə Məşhədə gəlib və burada onları bir qrup rəsmi şəxs qarşılayıb.
Məlumata görə, İmam Rzanın hərəmində prezident Rəisinin dəfn yeri hazırlanır.
23-05-2024, 13:01
Gürcüstan Avropa İnsan Haqları Məhkəməsində Saakaşviliyə qalib gəldi


Gürcüstan Avropa İnsan Haqları Məhkəməsində Saakaşviliyə qalib gəldi

Avropa İnsan Haqları Məhkəməsində “Saakaşvili Gürcüstana qarşı” işi üzrə Gürcüstan qalib gəlib.
Bu barədə Gürcüstanın ədliyyə naziri Rati Breqadze “Facebook”da məlumat paylaşıb.
O, əlavə məlumatın tezliklə ictimaiyyətlə paylaşılacağını qeyd edib.
“Strasburq məhkəməsində “Saakaşvili-Gürcüstana qarşı” işi dövlətimizin tam qələbəsi ilə başa çatıb! Təfərrüatlar barədə tezliklə ictimaiyyətə məlumat verəcəyik”, - Breqadze bildirib.
23-05-2024, 12:59
Azərbaycan-Tacikistan sənədləri imzalandı - FOTO


Azərbaycan-Tacikistan sənədləri imzalandı - FOTO

Mayın 23-də Azərbaycan Respublikasının Prezidenti İlham Əliyevin və Tacikistan Respublikasının Prezidenti Emoməli Rəhmonun iştirakı ilə Azərbaycan-Tacikistan sənədlərinin imzalanması mərasimi olub.
Azərbaycan Respublikasının Prezidenti İlham Əliyev və Tacikistan Respublikasının Prezidenti Emoməli Rəhmon “Azərbaycan Respublikası ilə Tacikistan Respublikası arasında strateji tərəfdaşlıq haqqında Bəyannamə”ni imzaladılar.
Azərbaycanın rəqəmsal inkişaf və nəqliyyat naziri Rəşad Nəbiyev və Tacikistanın sənaye və yeni texnologiyalar naziri Kabir Şerali “Azərbaycan Respublikasının Rəqəmsal İnkişaf və Nəqliyyat Nazirliyi ilə Tacikistan Respublikasının Sənaye və Yeni Texnologiyalar Nazirliyi arasında Anlaşma Memorandumu”nu imzaladılar.
Azərbaycanın ədliyyə naziri Fərid Əhmədov və Tacikistan Respublikası Hökuməti yanında İcra Xidmətinin rəisi Barno Saidvalizoda “Azərbaycan Respublikasının Ədliyyə Nazirliyi ilə Tacikistan Respublikası Hökuməti yanında İcra Xidməti arasında məhkəmə aktlarının və digər orqanların aktlarının icrası sahəsində əməkdaşlıq haqqında Memorandum”u imzaladılar.
Azərbaycanın ekologiya və təbii sərvətlər naziri Muxtar Babayev və Tacikistan Respublikası Hökuməti yanında Ətraf Mühitin Mühafizəsi Komitəsinin sədri Baxodur Şeralizoda “Azərbaycan Respublikasının Ekologiya və Təbii Sərvətlər Nazirliyi ilə Tacikistan Respublikası Hökuməti yanında Ətraf Mühitin Mühafizəsi Komitəsi arasında ətraf mühitin mühafizəsi sahəsində əməkdaşlıq haqqında Anlaşma Memorandumu”nu imzaladılar.
Azərbaycanın iqtisadiyyat naziri Mikayıl Cabbarov və Tacikistanın iqtisadi inkişaf və ticarət naziri Zavki Zavkizoda “Azərbaycan Respublikası Hökuməti ilə Tacikistan Respublikası Hökuməti arasında sənaye mülkiyyətinin mühafizəsi sahəsində əməkdaşlıq haqqında Saziş”i və “Azərbaycan Respublikası Hökuməti ilə Tacikistan Respublikası Hökuməti arasında rəqəmsal ticarət sahəsində əməkdaşlıq haqqında Anlaşma Memorandumu”nu imzaladılar.
Azərbaycanın xarici işlər naziri Ceyhun Bayramov və Tacikistanın daxili işlər naziri Ramazon Raximzoda “Azərbaycan Respublikası Hökuməti ilə Tacikistan Respublikası Hökuməti arasında miqrasiya sahəsində əməkdaşlığa dair Saziş”i imzaladılar.
Azərbaycanın xarici işlər naziri Ceyhun Bayramov və Tacikistanın xarici işlər naziri Muxriddin Sirodjiddin “Azərbaycan Respublikası Hökuməti ilə Tacikistan Respublikası Hökuməti arasında informasiyanın texniki mühafizəsi sahəsində əməkdaşlıq haqqında Saziş”i imzaladılar.


23-05-2024, 12:59
Azərbaycan-Tacikistan sənədləri imzalandı - FOTO


Azərbaycan-Tacikistan sənədləri imzalandı - FOTO

Mayın 23-də Azərbaycan Respublikasının Prezidenti İlham Əliyevin və Tacikistan Respublikasının Prezidenti Emoməli Rəhmonun iştirakı ilə Azərbaycan-Tacikistan sənədlərinin imzalanması mərasimi olub.
Azərbaycan Respublikasının Prezidenti İlham Əliyev və Tacikistan Respublikasının Prezidenti Emoməli Rəhmon “Azərbaycan Respublikası ilə Tacikistan Respublikası arasında strateji tərəfdaşlıq haqqında Bəyannamə”ni imzaladılar.
Azərbaycanın rəqəmsal inkişaf və nəqliyyat naziri Rəşad Nəbiyev və Tacikistanın sənaye və yeni texnologiyalar naziri Kabir Şerali “Azərbaycan Respublikasının Rəqəmsal İnkişaf və Nəqliyyat Nazirliyi ilə Tacikistan Respublikasının Sənaye və Yeni Texnologiyalar Nazirliyi arasında Anlaşma Memorandumu”nu imzaladılar.
Azərbaycanın ədliyyə naziri Fərid Əhmədov və Tacikistan Respublikası Hökuməti yanında İcra Xidmətinin rəisi Barno Saidvalizoda “Azərbaycan Respublikasının Ədliyyə Nazirliyi ilə Tacikistan Respublikası Hökuməti yanında İcra Xidməti arasında məhkəmə aktlarının və digər orqanların aktlarının icrası sahəsində əməkdaşlıq haqqında Memorandum”u imzaladılar.
Azərbaycanın ekologiya və təbii sərvətlər naziri Muxtar Babayev və Tacikistan Respublikası Hökuməti yanında Ətraf Mühitin Mühafizəsi Komitəsinin sədri Baxodur Şeralizoda “Azərbaycan Respublikasının Ekologiya və Təbii Sərvətlər Nazirliyi ilə Tacikistan Respublikası Hökuməti yanında Ətraf Mühitin Mühafizəsi Komitəsi arasında ətraf mühitin mühafizəsi sahəsində əməkdaşlıq haqqında Anlaşma Memorandumu”nu imzaladılar.
Azərbaycanın iqtisadiyyat naziri Mikayıl Cabbarov və Tacikistanın iqtisadi inkişaf və ticarət naziri Zavki Zavkizoda “Azərbaycan Respublikası Hökuməti ilə Tacikistan Respublikası Hökuməti arasında sənaye mülkiyyətinin mühafizəsi sahəsində əməkdaşlıq haqqında Saziş”i və “Azərbaycan Respublikası Hökuməti ilə Tacikistan Respublikası Hökuməti arasında rəqəmsal ticarət sahəsində əməkdaşlıq haqqında Anlaşma Memorandumu”nu imzaladılar.
Azərbaycanın xarici işlər naziri Ceyhun Bayramov və Tacikistanın daxili işlər naziri Ramazon Raximzoda “Azərbaycan Respublikası Hökuməti ilə Tacikistan Respublikası Hökuməti arasında miqrasiya sahəsində əməkdaşlığa dair Saziş”i imzaladılar.
Azərbaycanın xarici işlər naziri Ceyhun Bayramov və Tacikistanın xarici işlər naziri Muxriddin Sirodjiddin “Azərbaycan Respublikası Hökuməti ilə Tacikistan Respublikası Hökuməti arasında informasiyanın texniki mühafizəsi sahəsində əməkdaşlıq haqqında Saziş”i imzaladılar.


23-05-2024, 12:46
Yaşıl rəngli ümid çələngi!



Yaşıl rəngli ümid çələngi!
23 May-Ekoloqlar günü
Təbiət öz çələngini dəyişən fəsillərə uyğun yeniləyir. Bu çələngin özəyini təşkil edən əsas rəng isə yaşıldır. Təbiət yaşıl rəngli ümid çələnginə büründüyü kimi təqvim də ekologiyaya bürünüb. Nəzər salsaq, hər ay, hər həftə mütləq təbiətin zərrəsi ilə bağlı gün var.
Yerdə həyatın olmasının əsas şərti ətrafında olan atmosferin tərkibində oksigenin miqdarının çox olmasıdır. Oksigen mənbəyi olan ağacların mövcudluğu bütün canlılara əvəzsizdir. ABŞ-ın Nebraska ştatının sakini Corc Morton bir günün ətraf ərazilərin yaşıllaşmasına həsr olunmasını təklif etmişdi. İlk olaraq onun özü və ailəsi ağac əkməyə başlayır. Tezliklə bu təşəbbüsə bir çox insanlar qoşularaq təqribən bir milyon ağac əkilir. İllər keçir və bu aksiya hələ də davam edir. Əsas məqsəd isə dünyanı yaşıl rəngə bürüməkdir.
Torpaq bəşəriyyətin ən qiymətli sərvətidir. Onun qorunması insanlar üçün həyati əhəmiyyət kəsb edir. Amma nəzərə almaq lazımdır ki, Yer kürəsində torpaq ehtiyatı o qədər də çox deyil. Xüsusilə əhalinin sürətlə artdığı dövrdə torpağa olan tələbat da artır və yararlı torpaq ehtiyatı isə azalır. Torpaq həm təbii amillərin, həm də insan fəaliyyətinin təsiri ilə çirklənir. Daha çox səbəb kimi insan faktoru danılmazdır. Su, külək, temperaturun dəyişməsi və s. təbii amillər torpaqların yuyulmasına və onun münbit qatının yararsız hala düşməsinə səbəb olur. Bunun nəticəsində torpağın məhsuldarlığı azalır. Lakin torpağa ən böyük ziyanı insanlar vurur. Bitki örtüyünü, xüsusilə meşələri məhv etməklə insanlar torpağın məhsuldarlığını azaldır, eroziyanı gücləndirir. Məhsuldarlığı aşağı düşmüş torpaqların bərpası məqsədi ilə meliorasiya tədbirləri həyata keçirilir. Torpaq bitkiləri qidalandıraraq onlara həyat verir. Bitkilər də öz növbəsində heyvanlar və insanlar üçün mühüm qida mənbəyidir. Torpağın əmələ gəlməsi uzun təbii prosesdir. Buna bir sıra təbii amillər təsir edir. Torpağı “təbiətin güzgüsü” adlandırırlar. Torpaqların müxtəlifliyi ilk növbədə ərazinin iqlim şəraitindən, bitki örtüyündən, relyefindən və s. asılıdır. Bütün sahələrdə olduğu kimi, təbiətin qorunması üçün zəruri olan tədbirlər, ətraf mühitin mühafizəsi, ekoloji problemlərin həlli, ekoloji tarazlığın bərpa edilməsi istiqamətində də mühüm işlər görülür. Ekoloji cəhətdən dayanıqlı sosial-iqtisadi inkişafa, meşələrin bərpa edilməsi və artırılmasına dair milli proqramlar uğurla yerinə yetirilib. Ətraf mühitin sağlamlaşdırılması və ekoloji tarazlığın qorunması, beynəlxalq ekoloji proqramların həyata keçirilməsi, təbii sərvətlərin bərpasının təmin edilməsi və mühafizəsi, milli parkların və ekoloji şəbəkənin yaradılması istiqamətində görülən işlər də bu sıradadır. Təbiətin qorunması üçün zəruri olan tədbirlər kənd təsərrüfatında müasir üsulların tətbiqi, torpaqların mühafizəsi, qorunan ərazilərin yaradılması, qanunların qəbul edilməsi, texnoloji proseslərin yenidən qurulması, əhali arasında təbliğatın aparılması və meşələrin salınmasıdır.

Azərbaycan füsunkar təbiəti, zəngin təbii ehtiyatları ilə həmişə diqqəti cəlb etmişdir. Bu ehtiyatlar uzun illər ərzində coğrafiyaçı alimlər tərəfindən öyrənilmişdir. Vaxt keçdikcə təbii şərait və sərvətlərin öyrənilməsi prosesi davam edir və onların istifadəsi genişlənir. Azərbaycanın görkəmli alimi, filosof, astronom, tarixçi Nəsrəddin Tusi 1259-cu ildə Marağa şəhərində rəsədxana qurmuşdur. Burada o, məlum olan məntəqələrin koordinatlarını müəyyən etmiş, astronomik hesablamalar aparmışdır. Yerin fırlanmasını sübut etmişdir. Azərbaycanda təbiətin inkişafı üçün XIX əsrdə də xeyli işlər görülmüşdür. Bu sahədə fəaliyyət göstərmiş alimlərimiz sırasında ilk təbiətşünas alim Həsən bəy Zərdabi, Abbasqulu ağa Bakıxanov, İsmayıl bəy Qutqaşınlının böyük zəhməti olmuşdur. Tək 23 Mayda deyil, planetimizdə yaşadığımız hər gündə təbiətimizi qorumalıyıq.
Qarabağ torpağı öz zəngin ekologiyası-saf havası, gözəl yaylaqları, Cıdır düzü, dünyada məşhur olan Qarabağ atları, qoruq və yasaqlıqlardakı heyvan və bitkiləri, çayları, yeraltı və yerüstü sərvətləri, sərin bulaqları, meşələri ilə hər zaman dünyaya səs salmışdır. Azan səsi ilə oyanan Qarabağ torpaqlarımızda yetişən kənd təsərrüfatı məhsulları keyfiyyətinə görə yenidən dünyaya səs salacaq!

Aytac MÜBARİZQIZI, (Babayeva)
Azərbaycan Dövlət İqtisad Universitetinin (UNEC) Qiyabi və Əlavə Təhsil Mərkəzinin Ekologiya ixtisasının tələbəs
i
23-05-2024, 12:17
Sabahın havası


Sabahın havası

Mayın 24-nə gözlənilən hava şəraiti açıqlanıb.
Milli Hidrometeorologiya Xidmətindən verilən xəbərə görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gündüzdən bəzi yerlərdə arabir yağış yağacağı ehtimalı var. Şimal-şərq küləyi axşam mülayim şimal-qərb küləyi ilə əvəz olunacaq.
Havanın temperaturu gecə 13-17° isti, gündüz 21-26° isti olacaq. Atmosfer təzyiqi 761 mm civə sütunundan 764 mm civə sütununa yüksələcək. Nisbi rütubət gecə 70-80 %, gündüz 50-55 % olacaq.
Azərbaycanın rayonlarında şimal və qərb rayonlarından başlayaraq bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli intensiv olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Bəzi yerlərdə arabir duman olacaq. Mülayim şərq küləyi əsəcək.
Havanın temperaturu gecə 10-15° isti, gündüz 18-23° isti, dağlarda gecə 3-8° isti, gündüz 10-15° isti olacaq.
23-05-2024, 00:25
Türkiyə Prezidenti Sərvəri mükafatlandırdı - FOTO


Türkiyə Prezidenti Sərvəri mükafatlandırdı - FOTO

Türkiyə Prezidenti Rəcəb Tayyib Ərdoğan “Yurt Dışı Vefa Ödülü”nə layiq görülən azərbaycanlı Sərvər Bəşirli ilə görüşüb.
Bu haqda Türkiyənin Bakı səfirliyinin kommunikasiyalar üzrə müşaviri Cihangir İşbilir “X” sosial şəbəkə hesabında paylaşım edib.
“Cənab Prezidentimiz Rəcəb Tayyib Ərdoğan “Yurt Dışı Vefa Ödülü”nə layiq görülən, Türkiyənin yaşadığı “əsrin fəlakəti”ndən dərhal sonra maşınına yüklədiyi yardımla Azərbaycanın paytaxtı Bakıdan yola düşən Sərvər Bəşirliyə mükafatını təqdim etdi”, - paylaşımda qeyd olunub.


����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    May 2025    »
BeÇaÇCaCŞB
 1234
567891011
12131415161718
19202122232425
262728293031 
Reklam
Hava
Valyuta
Reklam

Sayğac
Ən çox baxılanlar
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!