Əziz Rzaəli oğlu İsayevin adından Butov.aza daxil olan müraciətə görə, Abşeron ağsaqqalları seçkidə(27saylı Sabunçu ikinci dairəsi) Vüqar Əhmədi dəstəkləyirlər. Azərbaycan Respublikasının prezidentinə ünvanlanmış müraciəti oxucularımıza təqdim edirik:

Cənab prezident!

Gündən-günə çiçəklənən müasir Azərbaycan dövlətinin memarı ulu öndərimiz Heydər Əliyev inkişaf yolunun davamçısı Sizsiniz. Son on ildə Vətənimizin sürətli inkişafı və Avropada və Qafqaz dövlətləri arasında bərabəri olmayan iqtisadi və siyasi inkişaf bunun parlaq nümunəsidir.

Cənab İlham Əliyev-sizin analoqu olmayan fəaliyyətiniz nəticəsində Azərbaycan daha güclü dövlətlər sırasındadır. Bütün bunlar 20-ci yüzilliyin siyasi liderləri- dahiləri içərisində özünəməxsus dərin düşüncəsi, uzaqgörən siyasəti analoqu olmayan xidmətləri, bacarığı ilə seçilib, tarixə düşmüş Heydər Əliyevin layiqli davamçısı olan Sizin – cənab İlham Əliyevin gecəli-gündüzlü zəhmətinin bəhrəsidir. Bu, daim xalqa söykənən və xalqı arxasınca aparmağı bacaran dahilərə, sərkərdələrə xas olan xüsusiyyətdir.

Bu gün biz Pirşağılıların, Kürdəxanılıların, Zabratlıların, Balaxanılıların, Sabunçuluların, Ramanalıların parlamentdə bizi təmsil etməyə layiq bildiyimiz yeganə namizəd, sevimli şairimiz, görkəmli alimimiz, professor, xeyrimizdə-şərimizdə həmişə bizimlə olan, Azərbaycanı dövlətini, dövlət rəhbərini ürəkdən sevən Vüqar Əhməddir.

Tarixin taleyüklü və məsul çağları hələ də davam etməkdədir. Bu ağır işlərin öhdəsindən biz yalnız Sizinlə birgə gələ bilərik və bizim səsimizi, sözümüzü, problemlərimizi bir əsgəriniz kimi Vüqar Əhməd Sizə çatdıra bilər.

Cənab Prezident!

Vüqar Əhmədə çox təzyiqlər olur ki, namizədliyini geri götürsün. Onu torpaq, obyekt, pul təklif etməklə satın almaq istəyirlər O, isə izdihamla keçən seçici görüşlərində dəfələrlə bəyan edib ki, qürurumu, şəxsiyyətimi, millətimi, mənliyimi pula satan deyiləm...
O, bizim Sabunçu əhalisinin xahişi və istəyilə namizədliyini verib. Biz inanırıq ki. seçicilərimizin 48 minninin 90 faizi ona səs verəcək. O,türk dünyasının sevimli yazarıdır. Siz ölkədə demokratiyanın qarantısıznız. Sizə inanırıq. Onlar Vüqar Əhmədi siyasi mübarizədən çəkindirə bilməzlər.

Dərin hörmət və ehtiramla Abşeron( Sabunçu) ziyalıları və ağsaqqalları adından: Əziz Rzaəli oğlu İsayev