21-10-2023, 15:30
HƏMAS Qəzza zolağında 210 nəfəri girov saxlayır - İsrail
HƏMAS qruplaşması Qəzza zolağında 210 nəfəri girov saxlayır.
Bunu İsrail Müdafiə Qüvvələrinin sözçüsü Daniel Hagari bildirib.
"İndiyədək qaçırılan 210 və öldürülən 307 hərbçimizin ailələrini xəbərdar etmişik. Yaxın günlərdə bu rəqəm dəyişə bilər", - o deyib.
İsrail girovların Qəzzaya aparıldığını, ancaq onların dəqiq yerinin bilinmədiyini, bu üzdən onları qurtarmağın çətinləşdiyini bildirib. Rəsmilər çox adamın Qəzzanın altındakı tunellər şəbəkəsində saxlana biləcəyini deyiblər. İsrail əsgərləri bu tunelləri “Qəzza metrosu” adlandırırlar.
21-10-2023, 14:44
Fələstinlilər Qəzza zolağından kənara köçürülməyə razı olmayacaq
Fələstin Muxtariyyətinin prezidenti Mahmud Abbas Qahirədə keçirilən beynəlxalq konfransda deyib ki, İsrail ordusunun atəşinin davam etməsinə baxmayaraq, fələstinlilər Qəzza zolağından kənara köçürülməyə razı olmayacaqlar.
M.Abbas Qəzza zolağına yardımın davam etdirilməsinə çağıraraq, “biz heç vaxt köçürülmə ilə razılaşmayacağıq, nə qədər çətinliklər olsa da, öz torpaqlarımızda qalacağıq” deyib.
O, "biz həmçinin, fələstinlilərin İordan çayının qərb sahilindəki və Qüdsdəki evlərindən qovulmasına qarşıyıq" söyləyib.
21-10-2023, 14:10
Sinan Oğan şəhid övladlarıyla görüşdü
Azərbaycan Diaspora Dəstək Fondunun dəstəyi, “Zəfər”Şəhid Ailələrinə Dəstək ictimai Birliyinin tərəfdaşlığı ilə şəhid övladları Azərbaycanın ilk və populyar TEDx Bakı tədbirində iştirak ediblər.
Ali təhsil müəssisələrində təhsil alan və ingilis dilini səlis bilən şəhid övladlar qatılıblar.
Türkiyənin tanınmış siyasətçisi Sinan Oğanın çıxışı tədbirdə maraqla qarşılanıb.
Sinan Oğan tədbirin yekununda şəhid övladları ilə görüşərək, xatirə şəkli çəkdirib.
21-10-2023, 13:26
Milli Məclis Azərbaycan və Türkiyə arasında Əməkdaşlıq Sazişini müzakirə etdi
Milli Məclis "Azərbaycan Respublikası Hökuməti ilə Türkiyə Respublikası Hökuməti arasında Türkiyə Respublikasının Kahramanmaraş vilayətində yaşayış binaları, ibtidai məktəb, uşaq bağçası və mədəniyyət mərkəzinin tikilməsi haqqında Əməkdaşlıq Sazişi"nin təsdiq edilməsi barədə” qanun layihəsini müzakirə edib.
Müzakirə parlamentin Beynəlxalq münasibətlər və parlamentlərarası əlaqələr komitəsinin oktyabrın 20-də keçirilən iclasında baş tutub.
Müzaakirələrdən sonra sənəd Milli Məclisin plenar iclasına tövsiyə edilib.
21-10-2023, 12:47
Paytaxtda azyaşlı faciəvi şəkildə öldü
Bakıda azyaşlının faciəli şəkildə ölməsinə ilə bağlı Nəsimi Rayon Prokurorluğunda araşdırma aparılır.
Prokurorluğun məlumatına görə, oktyabrın 14-də 2012-ci il təvəllüdlü Abdulla Əlizadənin Nəsimi rayonu, R.Behbudov küçəsində yaşadığı evdə ölməsi barədə məlumat daxil olub.
Araşdırma zamanı Abdulla Əlizadənin Xəzər rayonu, Buzovna qəsəbəsi ərazsindən tapdığı kustar üsulla dəmir materialdan hazırlanmış mənşəyi məlum olmayan qurğu ilə yaşadığı evin yataq otağında ehtiyatsız davranması səbəbindən açılmış atəş nəticəsində aldığı xəsarətdən ölməsi müəyyən edilib.
Faktla bağlı Nəsimi rayon prokurorluğunda araşdırma aparılır.
21-10-2023, 12:31
Sabahın havası
ETSN Milli Hidrometeorologiya Xidməti oktyabrın 22-də gözlənilən hava şəraiti barədə proqnoz açıqlanıb.
Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşama doğru bəzi yerlərdə qısamüddətli yağış yağacağı, şimşək çaxacağı ehtimalı var. Səhər bəzi yerlərdə zəif duman olacaq. Cənub-qərb küləyi gündüz arabir güclənən şimal-qərb küləyi ilə əvəz olunacaq.
Havanın temperaturu gecə 12-15° isti, gündüz 17-22° isti olacaq. Atmosfer təzyiqi 761 mm civə sütunundan 768 mm civə sütununa yüksələcək. Nisbi rütubət gecə 70-80%, gündüz 45-55% olacaq.
Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi şərq rayonlarında arabir yağıntılı olacağı, şimşək çaxacağı ehtimalı var. Gecə və səhər bəzi rayonlarda duman olacaq. Şərq küləyi bəzi şərq rayonlarında arabir güclənəcək.
Havanın temperaturu gecə 8-13° isti, gündüz 21-26° isti, dağlarda gecə 1° şaxtadan 4°-dək isti, gündüz 7-12° isti olacaq.
21-10-2023, 12:22
Qəzzada 1,4 milyon məcburi köçkün var
Qəzzada təxminən 1,4 milyon məcburi köçkün var ki, onlardan 544 mindən çoxu BMT-nin Fələstinli Qaçqınlara Yardım və İşlər üzrə Agentliyi tərəfindən yaradılmış 147 müvəqqəti sığınacaqda yerləşib.
Bu barədə BMT-nin Humanitar Məsələlərin Əlaqələndirilməsi İdarəsinin hesabatında deyilir.
Qəzza Mənzil Nazirliyinin məlumatına görə, döyüşlər başlayandan bəri Qəzza zolağında bütün yaşayış binalarının ən azı 30%-i dağıdılıb və ya zədələnib.
“Ehtiyat generatorları işə salmaq üçün yanacağın idxalına qoyulan qadağa ilə daha da kəskinləşən elektrik kəsilməsi ardıcıl onuncu gündür ki, davam edir. Təhlükəsiz mənbələrdən su istehlakının artması yoluxucu xəstəliklərin baş vermə riskini artırır”, - BMT agentliyi vurğulayıb.
21-10-2023, 12:01
Yaralanan İsrail vətəndaşlarının sayı 5 min nəfəri ötdü
Fələstin-İsrail münaqişəsi nəticəsində yaralanan İsrail vətəndaşlarının sayı 5 min nəfəri ötüb.
Bu barədə İsrailin Səhiyyə Nazirliyinin məlumatında bildirilib.
Bundan əvvəl “Times of Israel” 4,9 minə yaxın yaralı barədə məlumat vermişdi.
21-10-2023, 11:43
Qəzza zolağına ilk humanutar yardım daxil oldu
Qəzza zolağına humanitar yardım daşıyan ilk yük maşınları Rəfah keçid məntəqəsindən keçərək anklav ərazisinə daxil olub.
Bu barədə Əl-Ərəbiyyə telekanalı məlumat yayıb
"Humanitar yardım, o cümlədən tibbi ləvazimatlar daşıyan yük maşınları Misirin Rəfahdakı keçid məntəqəsindən Qəzza zolağına keçməyə başlayıb", - deyə hadisə yerindən müxbir bildirib.
“RİA Novosti” müxbirinin verdiyi məlumata görə, Misir və Qəzza zolağının sərhədində humanitar yardım daşıyan 200-ə yaxın avtomobil toplanıb.
Bu gün saat 10:00-dan etibarən Rəfah keçid məntəqəsinin açılması barədə Amerikanın İsraildəki səfirliyi məlumat yayıb.
ABŞ və ya digər Qərb ölkələrinin pasportlarına malik fələstinlilərin, eləcə də bəzi humanitar təşkilatların əməkdaşlarının oradan keçərək Qəzzanı tərk edəcəyi gözlənilir.
Bu həftə Misir prezidenti Əbdülfəttah əs-Sisi və amerikalı həmkarı Co Bayden Qəzza zolağına humanitar yardım çatdırmaq barədə razılığa gəliblər. ÜST-nin regional fövqəladə hallar üzrə direktoru Riçard Brennanın sözlərinə görə, plana görə anklava gündə 100-ə qədər yük maşını göndəriləcək.
21-10-2023, 11:03
Ərdoğan paylaşımında İsrailə çağırış etdi
Türkiyə Prezidenti Rəcəb Tayyib Ərdoğan sosial media hesabındakı paylaşımında Qəzzaya qarşı hücumların genişlənməsinin daha çox ağrı, ölüm və göz yaşlarından başqa bir şey gətirməyəcəyini vurğulayıb.
Ərdoğan “X” paylaşımında bildirib: “Uşaqları, qadınları və mülki insanları öldürməklə, xəstəxanaları, məktəbləri, məscidləri və kilsələri bombalamaqla təhlükəsizliyi təmin etmək mümkün deyil”.
Prezident Ərdoğan paylaşımını belə davam etdirib:
"İsrail rəhbərliyi öz səhvindən dönüb dövlət ağlı ilə hərəkət etmək əvəzinə, bölgə xaricindəki aktorların təxribatı ilə bir təşkilat kimi davranır. Bölgəmizi Qərb ölkələri tərəfindən təşviq edilən bu dəli çılğınlığından bir an əvvəl xilas etmək lazımdır. Bütün dövlətləri və beynəlxalq təşkilatları Qəzzada humanitar atəşkəsin mümkün qədər tez qurulması təşəbbüslərini səmimi şəkildə dəstəkləməyə dəvət edirəm. İsrail administrasiyasına çağırışımızı bir daha təkrar edirəm: dinc əhaliyə qarşı hücumlarının miqyasını heç vaxt genişləndirməməli və soyqırımı sayılan əməliyyatlarını dərhal dayandırmalıdır”.
Prezident Ərdoğan paylaşımında daha sonra deyib:
"İnanırıq ki, müsəlmanların, yəhudilərin, xristianların və bu torpaqlarda yaşayan hər kəsin təhlükəsizliyini təmin edəcək yeni mexanizmlərin qurulması ilə bölgəmizdə daimi sabitliyə nail olacağıq. Türkiyə daha çox günahsız qanların tökülməməsi, daha çox insan faciəsinin yaşanmaması və Fələstindəki münaqişələrin geridönülməz nöqtəyə çatmadan həll edilməsi üçün üzərinə düşəni etməyə davam edəcək".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!