1-09-2023, 13:52
Putin və Ərdoğan görüşünün yeri və saatı dəqiqləşdi
"Putin və Ərdoğan arasında danışıqlar sentyabrın 4-də Soçidə keçiriləcək".
Bunu Kremlin sözçüsü Dmitri Peskov deyib.
1-09-2023, 13:50
Avropa İttifaqı 10 yeni üzvünü qəbul etməyə hazırlaşır
Avropa İttifaqı (Aİ) genişlənmənin yeni mərhələsinə hazırlıqları gücləndirməli və 10 dövlətin qəbulu üçün vaxt çərçivəsini razılaşdırmalıdır.
Bunu Aİ-nin xarici siyasət xidmətinin rəhbəri Jozep Borrel xarici işlər nazirlərinin Toledoda keçirilən qeyri-rəsmi görüşündən sonra bildirib.
"Genişlənmə ideyası bizim müzakirəmizin əsas mövzusu idi. Ukrayna Qərbi Balkanlar da Aİ-nin yeni üzvü olmalıdır. Ukraynadakı müharibə Aİ-nin genişlənməsi prosesini sürətləndirdi. Bu, ləyaqətə əsaslanan bir prosesdir, lakin eyni zamanda, düşünürəm ki, siyasi məqsədləri müəyyənləşdirmək, proseslərə təkan vermək yaxşı olardı. Bu məsələ bizə də aiddir, çünki biz 10 yeni Aİ üzvünü qəbul etməyə hazır olmalıyıq. Bu şərtlər daxilində müəyyən bir üfüqdə, qəbul üçün vaxt çərçivəsi bizə Aİ ölkələrinin və namizəd ölkələrin səylərini cəmləşdirməyə imkan verəcək”, - Borrell bildirib.
Borrelin sözlərinə görə, xarici işlər nazirləri genişlənmə məsələlərini müzakirə etmək üçün sentyabrın sonunda Qərbi Balkan ölkələrindən olan həmkarları ilə görüş keçirməyə razılaşıblar.
Albaniya, Türkiyə, Şimali Makedoniya, Monteneqro, Serbiya, Moldova, Ukrayna və Bosniya və Herseqovina hazırda Aİ-yə üzv olmaq üçün rəsmi namizəd statusuna malikdir. Brüssel Serbiyaya aktiv təzyiq göstərir ki, onu Kosovoya bu statusun verilməsinə razı olmağa məcbur etsin ki, bu da əslində Kosovonun müstəqilliyinin rəsmi şəkildə tanınmasına bərabərdir. Gürcüstan da üzvlüyə namizəd olmağa ümid edir, lakin bunun nə vaxt baş verəcəyi hələ bəlli deyil.
1-09-2023, 13:42
Rusiya ukraynalıların şəxsi məlumatlarını bu yolla əldə edir
"Rusiya ukraynalı əsgərlərin və onların ailələrinin şəxsi məlumatlarını əldə etmək üçün fişinq saytlarından istifadə edir".
Bu barədə "Amerikanın Səsi" məlumat yayıb.
ABŞ Müdafiə Nazirliyinin rəsmiləri "Amerikanın Səsi"nə Rusiyanın minlərlə ukraynalı əsgər və onların ailələrinin şəxsi məlumatlarını əldə etmək üçün istifadə etdiyi fişinq saytları barədə danışıblar. Onların fikrincə, bu, Ukraynanın işğal olunmuş ərazilərində yaşayan ailə üzvlərini saxlayıb Rusiyaya deportasiya etmək üçün edilir.
ABŞ-dakı bu cür fişinq resurslarına, məsələn, "WarTears" və "ForeignCombatants" layihələri daxildir. Rəsmilərin sözlərinə görə, bu resurslar itkin düşmüş, əsir düşmüş və ya ölmüş ukraynalı əsgərlərin dostları və qohumları üçün dəstək saytı kimi görünür.
Ukraynanın Əsirlərin Müalicəsi üzrə Koordinasiya Qərargahının nümayəndəsi Petr Yatsenko da "Amerikanın Səsi" ilə söhbətində bu saytların fişinq olduğunu bildirib. Onun sözlərinə görə, "WarTears.org" məlumat bazasında 170 mindən çox ukraynalı hərbçi haqqında məlumat var.
1-09-2023, 13:34
Ağdam-Xankəndi yoluna işıq çəkilir
Ağdamdan Xankəndi istiqamətinə gedən yola işıq çəkilir.
Hazırda “Azərişıq” ASC-nin əməkdaşları tərəfindən yolun işıqlandırılması üçün yeni dayaqlar basdırılır, hava xətləri çəkilir.
İşlər yekunlaşdıqdan sonra Ağdam-Xankəndi yolu dayanıqlı və fasiləsiz elektrik enerjisi ilə təmin olunacaq.
1-09-2023, 12:44
Erməni silahlı dəstələri Kəlbəcər istiqamətində təxribat törətdi
Ermənistan silahlı qüvvələrinin bölmələri Basarkeçər rayonunun Zod istiqamətində yerləşən atəş mövqelərindən Azərbaycan Ordusunun Kəlbəcər rayonu istiqamətində yerləşən mövqelərini minaatanlardan atəşə tutur.
Bu barədə Azərbaycan Müdafiə Nazirliyi məlumat yayıb.
"Bölmələrimiz tərəfindən zəruri cavab tədbirləri görülür", MN-dən bildirilib.
1-09-2023, 12:43
Sabahın hava proqnozu
Sentyabrın 2-nə gözlənilən hava proqnozu açıqlanıb.
Milli Hidrometeorologiya Xidmətindən verilən xəbərə görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi yerlərdə arabir yağış yağacağı ehtimalı var. Şimal-şərq küləyi əsəcək.
Havanın temperaturu gecə 20-23° isti, gündüz 27-31° isti olacaq. Atmosfer təzyiqi norma daxilində 760 mm civə sütunu olacaq. Nisbi rütubət gecə 70-75 %, gündüz 50-55 % olacaq.
Azərbaycanın rayonlarında əsasən yağmursuz, lakin gündüz şimal və qərb rayonlarından başlayaraq bəzi yerlərdə arabir leysan xarakterli yağış yağacağı gözlənilir. Ayrı-ayrı yerlərdə intensiv olacağı, şimşək çaxacağı, dolu düşəcəyi ehtimalı var. Şərq küləyi ayrı-ayrı yerlərdə arabir güclənəcək.
Havanın temperaturu gecə 17-22° isti, gündüz 30-35° isti, dağlarda gecə 8-13° isti, gündüz 14-19° isti olacaq.
1-09-2023, 12:21
Ermənilər mövqelərimizi artilleriya atəşinə tutdu
Ermənistan silahlı qüvvələrinin bölmələri Basarkeçər rayonunun Zod istiqamətində yerləşən atəş mövqelərindən Azərbaycan Ordusunun Kəlbəcər rayonu istiqamətində yerləşən mövqelərini artilleriya atəşinə tutub.
Bu barədə Azərbaycan Müdafiə Nazirliyi məlumat yayıb.
1-09-2023, 11:46
Rusiyanın ən böyük məktəbi tikildi
Rusiyanın Voronej vilayətində Belarusdan olan inşaatçıların iştirakı ilə Rusiyanın ən böyük məktəbi tikilib.
Bu barədə Belarusun rəsmi BelTA agentliyi məlumat yayıb.
"Bu gün unikal təhsil ocağı öz qapılarını 4000-ə yaxın şagirdin üzünə açdı", - məlumatda qeyd olunub.
Belarus Milli Məclisinin Respublika Şurasının sədri Natalya Koçanova və Rusiya Federasiyası Federal Məclisi Federasiya Şurasının sədri Valentina Matviyenko videobağlantı vasitəsilə Voronej sakinlərini meqa-məktəbin açılışı münasibətilə təbrik ediblər.
1-09-2023, 11:11
Ordumuz düşmənə qətiyyətlə cavab verir: İki erməni hərbiçi məhv edildi, biri yaralandı
Azərbaycan Ordusu Ermənistanın hərbi təxribatına qətiyyətli cavab verib.
Görülən tədbirlər nəticəsində iki erməni əsgər məhv edilib, biri yaralanıb.
Ordumuzin cavab zərbəsi Ermənistan silahlı qüvvələrinin Basarkeçər rayonunun Zod istiqamətindəki mövqelərinə hədəflənib.
Məlumatı Ermənistan Müdafiə Nazirliyi də təsdiqləyib.
Bu barədə Ermənistanın “Hraparak” nəşri məlumat yayıb.
Qeyd edək ki, Azərbaycan Müdafiə Nazirliyinin bu gün yaydığı məlumatda bildirilir ki, sentyabrın 1-i səhər saatlarında Ermənistan silahlı qüvvələrinin Basarkeçər rayonunun Zod istiqamətindəki bölmələri tərəfindən Azərbaycan Ordusunun Kəlbəcər rayonu ərazisində yerləşən mövqelərinə qarşı zərbə PUA-sı tətbiq edilib.
Nəticədə üç hərbi qulluqçumuz yaralanıb.
"Hazırda qeyd olunan istiqamətdə bölmələrimiz tərəfindən qətiyyətli cavab tədbirləri görülür", - Azərbaycan Müdafiə Nazirliyi bildirib.
1-09-2023, 10:46
Erməni silahlı qüvvələri PUA-lardan istifadə edir - Hərbiçilərimiz yaralandı
Sentyabrın 1-i səhər saatlarında Ermənistan silahlı qüvvələrinin Basarkeçər rayonunun Zod istiqamətindəki bölmələri tərəfindən Azərbaycan Ordusunun Kəlbəcər rayonu ərazisində yerləşən mövqelərinə qarşı zərbə PUA-sı tətbiq edilib.
Bu barədə Azərbaycan Müdafiə Nazirliyi (MN) məlumat yayıb.
Xəbərə görə, nəticədə daha iki hərbi qulluqçumuz yaralanıb.
"Hazırda qeyd olunan istiqamətdə bölmələrimiz tərəfindən qətiyyətli cavab tədbirləri görülür", MN-dən bildirilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!