5-09-2023, 14:25
Ərdoğan Rusiya səfərindən qayıdarkən jurnalistlərin sualını cavablandırdı
"Enerji, təbii qaz və mədənçiliklə bağlı kimin nə etmək istəyirsə, gəlsin".
Bu barədə Türkiyə prezidenti Rəcəb Tayyib Ərdoğan Rusiya səfərindən qayıdarkən təyyarədə jurnalistlərin sualını cavablandıranda danışıb.
"Türkmənlərin vətəni Kərkük müxtəlif mədəniyyətlərin sülh içində yaşadığı bir coğrafiya olub. Bu coğrafiyanın sülh və bütövlüyünün pozulmasına imkan verməyəcəyik. Afrika ölkələrinin tutduğu mövqe var. Digər tərəfdən dirçəlişdə olan və müqavimət göstərən ölkələri susdurmaq, dayandırmaq üçün addımlar atan ölkələr var. Əsəd normallaşmamızla bağlı Türkiyə-Rusiya-İran-Suriya formatında atılan addımları təəssüf ki, uzaqdan, tribunadan izləyir", - o qeyd edib.
Ərdoğan ölkələrin ərazi bütövlüyünə hörmətin vacibliyini vurğulayıb. O, Ukraynadakı müharibənin yaxın müddətdə başa çatacağını düşünmədiyini bildirib.
"BMT-nin baş katibi Rusiya Federasiyasının SWIFT ilə birbaşa əlaqəsi olmadan taxıl sazişində iştirakının vasitəçilik mexanizmini təklif edib. BMT Rusiya gəmilərinin sığortası sahəsində Qərbin sanksiyaları səbəbindən yaranmış maneələrin aradan qaldırılması məsələsi üzərində işləyir. Türkiyə Rusiya Federasiyası ilə Ukrayna arasında əsir mübadiləsi üçün vasitəçilik səylərini davam etdirəcək. Türkiyə və Rusiya öz əraziləri vasitəsilə enerji daşıyıcılarının Avropaya və dünya bazarlarına çıxarılması üçün müxtəlif layihələr həyata keçirir. Türkiyədə yaradılan qaz qovşağı enerji daşıyıcılarının beynəlxalq bazarlara çıxarılmasını təmin edəcək və onların qiymətləri ilə məşğul olacaq. Ankara qaz qovşağı üçün lazımi infrastrukturu və fiziki imkanları yaradır və təbii qaz və faydalı qazıntıların ixracı üçün mərkəz yaratmağı planlaşdırır. Türkiyə təbii qaz ixracı ilə bağlı layihələrin maliyyələşdirilməsi mərkəzi yaratmağı planlaşdırır", - o qeyd edib.
5-09-2023, 14:03
Şoyqu: “Böyük itkilərə baxmayaraq, Kiyev əks-hücum əməliyyatı keçirməyə çalışır”
Ukrayna ordusu son iki aydakı əks-hücum əməliyyatı nəticəsində 66 mindən çox hərbçi və 7600 ədəd silah itirib.
Bunu Rusiyanın müdafiə naziri Sergey Şoyqu silahlı qüvvələrin rəhbərliyi ilə görüşdə bildirib.
"Böyük itkilərə baxmayaraq, Kiyev rejimi artıq üçüncü aydır ki, əks-hücum əməliyyatı keçirməyə çalışır. Ukrayna Silahlı Qüvvələri heç bir istiqamət üzrə öz məqsədlərinə nail olmayıb", - nazir deyib.
O qeyd edib ki, ən gərgin vəziyyət Zaporojye istiqamətində yaranıb, düşmən strateji ehtiyatda olan briqadaları döyüşə cəlb edib.
810-cu briqada və 177-ci dəniz alayının, 56-cı desant-hücum və 71-ci motoatıcı alaylarının, eləcə də 76-cı hava desant-hücum diviziyasının bölmələrinin hərəkətləri nəticəsində Ukrayna bölmələrinə xeyli ziyan dəyib.
"Kupyansk və Kremensk istiqamətlərində qətiyyətlə hərəkət edən qoşunlarımız cəbhə xəttində mövqelərini xeyli yaxşılaşdıraraq Novoselovskoye qəsəbəsini azad ediblər", - Şoyqu vurğulayıb.
O, 1-ci, 12-ci və 26-cı tank alaylarının əsgərlərinin şücaətini də qeyd edib.
Müdafiə naziri deyib ki, Rusiya ordusu Ukraynanın hərbi infrastrukturunu məhv etməyə davam edir. Avqust ayında Ukrayna Silahlı Qüvvələrinin 34 komanda məntəqəsi hücuma məruz qalıb.
Bundan əlavə, son bir ay ərzində 159 HIMARS raketi, 1000-dən çox pilotsuz təyyarə və 13 qanadlı raket vurulub.
Ukraynanın Cənubi Donetsk, Artyomovsk və Zaporojye istiqamətlərində əks-hücum əməliyyatı iyunun 4-də başlayıb. Kiyev NATO tərəfindən təlim keçmiş və Qərb texnikası ilə silahlanmış briqadaları döyüşə atıb.
5-09-2023, 13:18
Rusiya Cənubi Qafqaz regionunu tərk etməyə hazırlaşmır - Peskov
Rusiya Cənubi Qafqaz regionunu tərk etməyə hazırlaşmır.
Bunu Kremlin sözçüsü Dmitri Peskov Ermənistan Baş naziri Nikol Paşinyanın Rusiya əleyhinə bəyanatına münasibət bildirərkən deyib.
"Moskva Paşinyanın bəyanatları ilə razılaşmır, Rusiya regionu tərk etməyə hazırlaşmır və tərk edə də bilməz. Rusiya Qarabağda təhlükəsizliyin zəmanətçisi rolunu oynamağa davam edəcək" - deyə Peskov bildirib.
Xatırladaq ki, Paşinyan İtaliya mətbuatına müsahibəsində Rusiyanın Cənubi Qafqaz regionundan gedəcəyini bildirib.
"Bir gün biz yuxudan oyanacağı və görəcəyik Rusiya burada yoxdur. Rusiya Cənubi Qafqazdan gedir", deyə Ermənistan Baş naziri vurğulayıb.
5-09-2023, 12:56
Hərbi vəzifəlilərin növbəti təlim toplanışı keçirilir
Müdafiə nazirinin təsdiq etdiyi 2023-cü il üçün hazırlıq planına əsasən, ehtiyatdan çağırılan bir qrup hərbi vəzifəlilərin növbəti təlim toplanışı keçirilir.
Müdafiə Nazirliyindən verilən xəbərə görə, təlim toplanışında hərbi vəzifəlilərlə sıra və rabitə hazırlığı məşğələləri təşkil olunur, onlara silah və texnikanın taktiki-texniki xüsusiyyətləri və istifadə qaydaları öyrədilir.
Toplanışın keçirilməsində əsas diqqət ehtiyatda olan hərbi vəzifəlilərin döyüş vərdişlərinin təkmilləşdirilməsinə, bilik və bacarıqlarının artırılmasına yönəldilib.
5-09-2023, 12:29
Sabahın havası
Bakıda və Abşeron yarımadasında sentyabrın 6-da hava şəraitinin dəyişkən buludlu olacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, gecə və səhər bəzi yerlərdə duman olacaq.
Şimal-qərb küləyi axşam arabir güclənəcək. Havanın temperaturu gecə 20-25° isti, gündüz 31-36° isti olacaq. Atmosfer təzyiqi 758 mm civə sütunu olacaq. Nisbi rütubət gecə 60-70 %, gündüz 40-45 % olacaq.
Azərbaycanın rayonlarında havanın əsasən yağmursuz keçəcəyi, lakin günün ikinci yarısından şimal və qərb rayonlarından başlayaraq fasilələrlə yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi ehtimalı var. Gecə və səhər bəzi rayonlarda duman olacaq. Mülayim şərq küləyi əsəcək.
Havanın temperaturu gecə 19-23° isti, gündüz 31-36° isti, dağlarda gecə 10-15° isti, gündüz 18-23° isti olacaq.
5-09-2023, 11:38
İlham Əliyev Lavrovun müaviniylə Ağdam-Xankəndi yolunu müzakirə etdi
Azərbaycan Respublikasının Prezidenti İlham Əliyev sentyabrın 5-də Rusiya Federasiyasının
Xarici İşlər Nazirliyinin (XİN) Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayevi qəbul edib.
Görüşdə regionda vəziyyət, Ağdam-Xankəndi və Laçın-Xankəndi yollarının açılması barədə müzakirələr aparılıb.
Dövlətimizin başçısı Azərbaycanın Qarabağ bölgəsinin erməni əhalisinin nümayəndələrinin reinteqrasiya məsələləri ilə bağlı müzakirələrin aparılması üçün paytaxt Bakıya və ölkəmizin digər şəhərlərinə dəvət olunmasına baxmayaraq, onların bundan imtina etdiklərini diqqətə çatdırıb.
İqor Xovayev Rusiyanın Azərbaycan ilə Ermənistan arasında münasibətlərin normallaşdırılması və regionda davamlı sülhün təmin olunması üçün səylərini bundan sonra da davam etdirəcəyini bildirib.
5-09-2023, 06:26
Missiyasını ləyaqətlə yerinə yetirdi
Deyirlər insanın adı onun teleyində mistik bir rol oynayır. Şəhid Əsgər Məmmədov da belələrindəndir. Ona anadan olanda məhz ƏSGƏR adı veriblər. O da bu missiyanı ləyaqətlə yerinə yetirdi. Əsgər oldu... şəhid oldu..!
Əsgərin qardaşı Nicad mənimlə bir sinifdə oxuması səbəbindən onunla da çox isti münasibətimiz var idi. Gülərüzü ilə insanlarda müsbət hislər oyadan Əsgəri yalnız pozitiv duyğularla xatırlamaq mümkündür. Lənətə gəlmiş müharibə nə qədər Azərbaycan gəncinin taleyini yarımçıq qoydu…
Məmmədov Əsgər İsmayıl oğlu 8 yanvar 1972-ci ildə Bərdə rayonunun İmirli (Əmirli) kəndində doğulub. 1979-1989-cu illərdə kənd orta məktəbini bitirib. 1990-cı ildə həqiqi hərbi xidmətə gedib. Moskvada Sovet Ordusu sıralarında həqiqi hərbi xidmət keçib. Əsgərin döyüş yolu Ağdam bölgəsindən başlayıb. O, Xocalı polisinin tərkibində Yusifcanlı, Mərzili Cinlilər, Güllücə kəndlərinin müdafiəsində iştirak edib. Ağdam Atçılıq Zavodu yaxınlığında bir neçə gün davam edən döyüşlərdə fəallığı ilə fərqlənib. 26 aprel 1994-cü ildə şəhid olub.
Azərbaycan Respublikası Daxili İşlər Nazirliyinin Polis Akademiyasına təzəcə qəbul olmuşdu. Bütün arzuları kimi təhsili də yarımçıq qaldı.
Səməd VƏKİLOV
4-09-2023, 23:03
Türkiyədə dəhşət saçan qəza: 4 nəfər həyatını itirdi
Türkiyənin İstanbul şəhərində zəncirvari yol-nəqliyyat hadisəsi baş verib.
Bu barədə TRT kanalı məlumat yayıb.
Qəzada yük maşını, minik maşını və pikaplar iştirak edib.
Yol qəzasında 4 nəfər həyatını itirib, 4 nəfər isə yaralanıb.
Hadisə yerinə xilasedicilər cəlb olunub.
4-09-2023, 22:04
Kadırovun qızı “Vətənə xidmətə görə” ordeni ilə təltif edildi
Rusiya Prezidenti Vladimir Putin Çeçenistanım mədəniyyət naziri, Ramzan Kadırovun qızı Ayşat Kadırovanı 2-ci dərəcəli “Vətənə xidmətə görə” ordeni ilə təltif edib.
Bu barədə TASS məlumat yayıb.
O, mədəniyyət və incəsənətin inkişafındakı xidmətlərinə görə təltif edilib.
Qeyd edək ki, Ayşat Kadırova 2021-ci ildə Çeçenistanın mədəniyyət naziri təyin edilib.
4-09-2023, 21:33
Qarabağdakı Rusiya sülhməramlı kontingentinə yeni komandan təyin olundu
Qarabağdakı Rusiya sülhməramlı kontingentinə yeni komandan təyin edilib.
Bu barədə Rusiya Müdafiə Nazirliyi məlumat yayıb.
Bildirilir ki, sentyabrın 3-dən general-mayor Kirill Kulakov Rusiyanın Qarabağdakı sülhməramlı kontingentinin komandiri vəzifəsinə gətirilib.
O, bu vəzifədə 2023-cü ilin aprelində təyin olunmuş Aleksandr Lentsovu əvəzləyib.
Kirill Kulakov 2017-ci ilin martından Kazan Ali Hərbi Komandanlıq Məktəbinə rəhbərlik edir. 2010-cu illərin ortalarında o, tank və motoatıcı briqadalara komandirlik edib. General “Vətənə xidmətə görə” IV dərəcəli “Qılıncla”, “Şücaət, Şərəf” ordeni, II dərəcəli “Vətənə xidmətə görə” medalı ilə təltif edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!