21-08-2023, 18:50
İdmançımız festivalda finala yüksəldi
Azərbaycanın yunan-Roma güləşi üzrə idmançısı Rusiyanın Yekaterinburq şəhərində keçirilən Beynəlxalq Universitet İdman Festivalında finala yüksəlib.
Ölkəmizi təmsil edən güləşçi Sərxan Məmmədov (130 kiloqram) yarımfinalda İran təmsilçisi Soheyl Yousefi Sanganini məğlub edib və finala yüksəlib.
Xatırladaq ki, bu gün yunan-Roma güləşi üzrə daha 3 idmançımız - Elvin İbadov (55 kiloqram), Ziya Babaşov (63 kiloqram) və Səid Axundzadə (82 kiloqram) növbəti mərhələyə adlayıb.
Qeyd edək ki, avqustun 19-dan 31-dək keçiriləcək Beynəlxalq Universitet İdman Festivalı Yekaterinburq şəhərinin 300 illik yubileyinə həsr edilib. 36 ölkədən müxtəlif universitetlərin tələbələri 14 idman növündə qüvvələrini sınayırlar.
Festivalda Azərbaycanı 10 təhsil ocağından 54-ü kişi, 15-i qadın olmaqla 69 idmançı təmsil edir. Təmsilçilərimiz 8 idman növündə - badminton, stolüstü tennis, boks, güləş, taekvondo, futzal, üzgüçülük, sambo üzrə yarışacaqlar.
21-08-2023, 18:06
Türkiyədə hökumət toplantısı keçirilir
Türkiyə hökumətinin toplantısı keçirilir.
Toplantıya prezident Rəcəb Tayyib Ərdoğan sədrlik edir.
Toplantıda ölkənin qarşısında duran cari məsələlərin və gündəlikdəki digər mövzuların müzakirəsi nəzərdə tutulub.
21-08-2023, 17:55
İranlı general Moskvaya səfər etdi
İranın Quru Qoşunlarının komandanı briqada generalı Kiyumərs Heydərinin başçılıq etdiyi hərbi nümayəndə heyəti Rusiya Müdafiə Nazirliyi ilə ikitərəfli əməkdaşlıq məsələlərini müzakirə etmək üçün Moskvaya gəlib.
Çi, artıq Rusiya Quru Qoşunlarının baş komandanı Oleq Salyukovla danışıqlar aparıb.
“Oleq Salyukov və İran Silahlı Qüvvələrinin Quru Qoşunlarının komandanı Kiyumərs Heydəri əməkdaşlığın artırılması barədə razılığa gəliblər. Görüş zamanı quru qoşunları arasında müxtəlif sahələrdə əməkdaşlığın daha da artırılmasına dair razılıqlar əldə olunub”, - deyə qeyd olunub.
Heydəri son vaxtlar Rusiyaya səfərə gələn yeganə yüksək rütbəli iranlı hərbçi deyil. Belə ki, bir həftə əvvəl İranın Moskvadakı səfirliyi öz saytında Moskva Təhlükəsizlik Konfransı və "Ordu-2023" forumuna daha bir yüksək rütbəli hərbi nümayəndə heyətinin Rusiyaya gəldiyini açıqlamışdı. Bu nümayəndə heyətinə İran Silahlı Qüvvələrinin Baş Qərargah rəisinin müavini, briqada generalı Əziz Nəsirzadə rəhbərlik edirdi.
21-08-2023, 17:42
Avqust ayı ərzində 337 mina aşkarlandı
Avqustun 14-dən 20-dək Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə 453,9 hektar ərazini mina və partlamamış hərbi sursatlardan təmizləyib.
Bu barədə ANAMA tərəfindən icra olunan əməliyyatlar barədə həftəlik məlumatda bildirilir.
Məlumata əsasən, Tərtər, Ağdam, Xocavənd, Laçın, Şuşa, Füzuli, Qubadlı, Cəbrayıl və Zəngilan rayonlarında icra olunan əməliyyatlar nəticəsində ümumilikdə 234 piyada əleyhinə, 103 tank əleyhinə mina, 53 partlamamış hərbi sursat aşkarlanıb.
21-08-2023, 17:22
Türkiyənin XİN Başçısı Rusiya səfirini qəbul etdi
Türkiyənin xarici işlər naziri Hakan Fidan Rusiyanın Ankaradakı fövqəladə və səlahiyyətli səfiri Aleksey Yerxovu qəbul edib.
Bu barədə Türkiyə XİN-in X-dəki rəsmi səhifəsində paylaşım olunub.
Detallar açıqlanmayıb.
21-08-2023, 16:59
Rusiya hərbiçilərinin övladları üçün yerlər xüsusi kvota ayrıldı
Ukraynadakı müharibədə iştirak etmiş 300-dən çox Rusiya hərbçisinin övladları 2023-cü ildə Moskva Dövlət Pedaqoji Universitetinə, Ali İqtisadiyyat Məktəbinə və Moskva Aviasiya İnstitutuna daxil olub.
Bu barədə universitet rektorları bildiriblər.
Qeyd olunub ki, hərbiçi övladları üçün yerlər xüsusi kvota çərçivəsində ayrılıb.
2022-ci ilin sonunda Rusiya prezidenti Vladimir Putin Ukraynada döyüşənlərin, habelə "Rusiya Qəhrəmanı" adı və "Şücaət" ordeni alanların övladlarının kvota əsasında universitetlərdə təhsil ala biləcəkləri barədə qanunu imzalayıb.
Belə tələbələr universitetin hər il müəyyən etdiyi ayrıca kvota çərçivəsində qəbul edilir. Kvota qeydiyyat üçün bütün yerlərin ən azı 10%-i olmalıdır.
21-08-2023, 16:34
İrandan ölkəmizə 32 milyon manat dəyərində nartotik gətirildi
Son 45 gün ərazində “qara” bazarda dəyəri 32 milyon manat olan 400 kiloqram narkotik vasitəni qanunsuz dövriyyədən çıxarılıb.
DİN-in Mətbuat xidmətindən verilən məlumata görə, Baş Narkotiklərlə Mübarizə İdarəsinin əməkdaşları tərəfindən son 45 gündə İrandan qaçaqmalçılıq yolu ilə ölkəyə narkotik vasitələr göndərən mütəşəkkil dəstənin Azərbaycandakı üzvlərinə, eləcə də daxildə narkotiklərin satışını təşkil edən şəxslərə qarşı Bakı və Respublikanın digər bölgələrində silsilə əməliyyatlar həyata keçirilib.
Bu sahədə Baş İdarə əməkdaşlarının həyata keçirdikləri sonuncu əməliyyatlar zamanı mütəşəkkil dəstənin üzvləri - Azər Bədəlov, Əmrah Əlizadə, Nurlan Bayramov, Elmin Məmmədov, tanışı Qüdrət Həsənov və Samirə Novruzəliyeva saxlanılıblar. Onlardan 20 kiloqram heroin, 29 kiloqram marixuana, 10 kiloqram tiryək və 8 kiloqram metamfetamin olmaqla ümumilikdə 67 kq narkotik vasitə və psixotrop maddə aşkar edilib. Bu şəxslər İrandan qanunsuz yollarla göndərilən narkotiklərin əsas tədarükçülərindən olublar.
Qeyd edilən dövrdə Baş İdarə tərəfindən keçirilən əməliyyatlar zamanı ölkə ərazisində narkotiklərin qanunsuz dövriyyəsini təşkil edən ümumilikdə 66 nəfər saxlanılıb. Qanunsuz dövriyyədən ”qara” bazarda dəyəri 32 milyon manat olan 400 kiloqram narkotik vasitə - heroin, tiryək, həşiş, tərkibi psixotrop maddələrlə zənginləşdirilən marixuana, metamfetamin, eləcə də 7300 ədəd metadon həbi çıxarılıb.
Faktlarla bağlı Cinayət Məcəlləsinin müvafiq maddələri ilə cinayət işləri başlanılıb, saxlanılan şəxslər barəsində həbs qətimkan tədbiri seçilib.
Milli genefondumuza olduqca mənfi təsir göstərən narkotiklərin qanunsuz dövriyyəsinə qarşı Daxili İşlər Nazirliyi tərəfindən mübarizə tədbirləri qətiyyətlə davam etdirilir.
21-08-2023, 16:10
Baş prokuror Naxçıvana yeni təyinatla bağlı əmr imzaladı
Baş Prokurorluqda yeni təyinat olub.
Bununla bağlı Baş prokuror Kamran Əliyev müvafiq əmr imzalayıb.
Əmrə əsasən, Qalib İsmayılov Naxçıvan Muxtar Respublikası Naxçıvan şəhər prokuroru vəzifəsinə təyin edilib.
21-08-2023, 15:57
Avstriyada yaşayan Azərbaycan icması etiraz aksiyası keçirdi
Avstriyada yaşayan Azərbaycan icması nümayəndələrinin məşhur Heldenplatz meydanında dinc aksiyası keçirilib.
Avstriya-Azərbaycan Mədəniyyət və İş Adamları Dərnəyinin (AZER-DER) təşkilatçılığı ilə baş tutan aksiyada ölkəmizə qarşı 30 il ərzində işğalçı siyasət yürütmüş Ermənistanın yenidən BMT Təhlükəsizlik Şurasını siyasi, hərbi və informasiya yönümlü manipulyasiya kampaniyası üçün alətə çevirmək cəhdinə etiraz edilib.
Aksiya zamanı Azərbaycan bayrağı dalğalandırılıb, “Ermənistan, bizim torpaqlarımızın minalandırılmasını dayandır!”, “Ermənilərin minaları dinc sakinləri öldürür!”, “Mina qurbanlarına görə ədalət tələb edirik!”, “Ermənistanın ekoloji terroruna son qoyulsun!” “Qarabağın ekoloji mühitinin dağıdılmasına görə ədalət tələb edirik!” və sair şüarlar nümayiş etdirilib.
Aksiya iştirakçıları BMT-nin Təhlükəsizlik Şurasından və beynəlxalq ictimaiyyətdən Azərbaycanın Qarabağ bölgəsində Ermənistanın hərbi və ekoloji terroruna son qoyulmasını, Azərbaycan vətəndaşlarının Qarabağda təhlükəsizliyinin və insan hüquqlarının təmin edilməsini, Azərbaycan dövlətinin sülh səylərinin dəstəklənməsini tələb ediblər.
Aksiya ilə maraqlanan vyanalılara Ermənistanın hərbi və ekoloji cinayətləri barədə ətraflı məlumat verilib. Azərbaycan ərazilərində basdırılmış minaların insan həyatını təhdid etdiyi, 2020-ci il müharibəsindən bəri Azərbaycanda mina qurbanlarının sayının 303 nəfərə çatdığı, rəsmi İrəvanın dəqiq mina xəritələri verməkdən imtinasının insan hüquqlarını kobudcasına pozduğu, erməni KİV-lərinin azərbaycanlılara qarşı pis rəftarla bağlı pərakəndə sübutlar yaymasının III Cenevrə konvensiyasına zidd olduğu, bir neçə azərbaycanlı əsgərin girov götürülərkən fiziki, mənəvi işgəncələrə və təhqirlərə məruz qaldığı, Azərbaycanın Qarabağ bölgəsində qızıl və mis-molibden yataqlarının qeyri-qanuni istismar edildiyi, 60 min hektardan çox meşə sahəsinin darmadağın edildiyi, çaylarımızın çirkləndirildiyi və sair faktlar nəzərə çatdırılıb.
Qeyd edək ki, Ermənistanın ifşasını həzm edə bilməyən erməni icmasının nümayəndələri aksiyaya qarşı təxribat törətməyə çəhd etsələr də, bu təxribatın qarşısı alınıb.
21-08-2023, 15:47
Partiya sədrinin avtomobili cərimə meydançasına aparıldı
Azərbaycan Milli Dövlətçilik Partiyasının sədri Nemət Pənahlının idarə etdiyi avtomobil cərimə meydançasına aparılıb.
Bakı Şəhər Dövlət Yol Polisi İdarəsinin (DYP) baş inspektoru polis mayoru Araz Əsgərli hadisə ilə bağlı açıqlama verib.
O bildirib ki, 2000-ci il təvəllüdlü Pənahlı Əhəd Nemət oğluna məxsus “Toyota Land Cruiser” markalı, 90-KM-590 dövlət qeydiyyat nişanlı avtomobilin üzərində 1100 manat məbləğində ödənilməmiş cərimə olub:
“Həmin cərimələrə uyğun olaraq, İnzibati Xətalar Məcəlləsinin 529.3-cu maddəsinə uyğun olaraq Nəsimi Rayon Məhkəməsində avtomobilin müvəqqəti duracağa təmin edilməsi üçün, yəni nəqliyyat vasitəsinin hərəkətdən uzaqlaşdırılması barədə qərar qəbul olunub. Dövlət Yol Polisi əməkdaşları sükan arxasında olan Nemət Pənahlıya qeyd edilən vəziyyəti izah edib, hüquqi izahdan sonra şəxsin barəsində qanuni tədbirlər görülüb”.
“Bildirmək istəyirik ki, avtomobillər üzərində ödənilməmiş cərimələrə görə nəqliyyat vasitəsinin müvəqqəti duracağa təmin olunması İnzibati Xətalar Məcəlləsinin 96-cı maddəsinə uyğun olaraq, həyata keçirilir. Hər bir avtomobil sahibindən nəzərdə tutmuş qaydalara ciddi şəkildə riayət etməsini xahiş edirik”, - DYP rəsmisi vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!