15-01-2026, 00:32
Trampdan İranla bağlı VACİB AÇIQLAMA
ABŞ Prezidenti Donald Tramp Amerika tərəfinin İrandakı vəziyyətlə bağlı yeni məlumatlar aldığını açıqlayıb.
O, Vaşinqtonun ölkədə qətllərin və edamların dayandırıldığı və başqa edamların planlaşdırılmadığı barədə məlumat aldığını söyləyib.
"İranla bağlı paylaşacaq bəzi xəbərlərimiz var. Qətllərin və edamların dayandırıldığı və sonrakı edamlar üçün heç bir planın olmadığı barədə məlumat aldıq. Bunu yoxlayacağıq. Əgər belə deyilsə, çox məyus olacağıq", - ABŞ Prezidenti bildirib.
O, ABŞ-ın alınan məlumatları yoxlamaq niyyətində olduğunu və vəziyyətin faktiki inkişafına əsasən hərəkət edəcəyini vurğuladı.
15-01-2026, 00:21
Faciəli şəkildə ölən tələbələrin FOTOSU
Naxçıvanda Türkiyədən olan iki tələbə dəm qazından zəhərlənərək ölüb.
Faciəli şəkildə həyatlarını itirən Ahmet və Büşranın fotoları yayılıb.
Qeyd edək ki, hadisə Nizami küçəsi, 61 ünvanında baş verib. Meyitləri tapılan Ahmet və Büşra adlı tələbələr Türkiyə vətəndaşlarıdır.
Hadisə yerinə hüquq-mühafizə orqanlarının əməkdaşları cəlb olunublar.
Faktla bağlı araşdırma aparılır.
14-01-2026, 23:50
Erməni nazir Vaqif Xaçaturyanın səhhətindən danışdı
Ermənistanın səhiyyə naziri Anahit Avanesyan Vaqif Xaçatryanın səhhəti barədə danışıb.
Bu barədə erməni KİV məlumat yayıb.
Nazir jurnalistlərə bildirib ki, Xaçatryan dərhal tibbi nəzarətə götürülüb:
“Vaqif Xaçatryan hazırda həkim müayinəsindən keçir və qohumları ilə görüşmək üçün hazırlıq görülür. Xaçatryanla qısa söhbət etdim və o, Ermənistana qayıtdığı üçün özünü yaxşı hiss etdiyini bildirib. Onun xroniki ürək xəstəliyi var, buna görə də əlavə testlər və müayinələr aparılacaq. Müalicənin növbəti mərhələsi ilə bağlı qərar həkimlərin rəyindən sonra veriləcək”.
Jurnalistlərin Xaçatryanın hər hansı cərrahi əməliyyat keçirib-keçirmədiyi barədə sualına isə nazir tibbi məxfiliyi əsas gətirərək cavab verməkdən imtina edib.
Xatırladaq ki, bu gün Azərbaycan humanizm prinsiplərini rəhbər tutaraq Vaqif Xaçatryanla yanaşı, daha 3 erməni məhkumu — Gevorq Sucyan, David Davtyan və Vigen Eulcekcianı Ermənistana təhvil verib.
14-01-2026, 23:35
ABŞ 24 saat ərzində İranı bombalayacaq - KİV
İran rəsmiləri ABŞ-ın gözlənilən hərbi zərbəsinə cavab olaraq regiondakı Amerika bazalarının vurula biləcəyi barədə xəbərdarlıq edib. Bu açıqlamalar fonunda Vaşinqton Yaxın Şərqdəki bəzi hərbi bazalardan şəxsi heyətin bir hissəsini ehtiyat tədbiri kimi geri çəkir.
Bu barədə "Reuters" məlumat yayıb.
Məlumata görə, anonim ABŞ rəsmisi regionda gərginliyin artması səbəbilə bir sıra əsas bazalarda personalın sayının azaldıldığını bildirib. Böyük Britaniyanın da Qətərdə yerləşən hərbi bazadan bəzi əməkdaşlarını çıxardığı qeyd olunur. Qətər rəsmiləri isə ölkədəki Əl-Udeyd aviabazasında görülən bu addımların mövcud regional gərginliklə əlaqəli olduğunu açıqlayıb.
Qərb hərbi mənbələrinin bildirdiyinə görə, ABŞ-ın İrana qarşı mümkün müdaxiləsi yaxın 24 saat ərzində baş verə bilər. İsrail tərəfi də Vaşinqtonun prosesə qoşulacağını istisna etmir, lakin zərbənin miqyası və vaxtı hələlik dəqiq deyil. Qərb rəsmilərindən biri bildirib ki, ABŞ administrasiyası qeyri-müəyyənlik yaratmaqla psixoloji təzyiq strategiyasından istifadə edir.
İran tərəfi region ölkələrinə mesaj göndərərək, ABŞ-ın hücumu baş verərsə, Səudiyyə Ərəbistanı, BƏƏ və Türkiyə daxil olmaqla, bu ölkələrdə yerləşən Amerika bazalarının hədəf ola biləcəyini bildirib. Eyni zamanda İran xarici işlər naziri Abbas Arakçi ilə ABŞ-ın xüsusi nümayəndəsi Stiv Uitkoff arasında birbaşa təmasların dayandırıldığı qeyd olunur.
Bütün bunlar İranda son iki həftədə baş verən genişmiqyaslı etirazlar fonunda yaşanır. Rəsmi məlumatlara görə, iğtişaşlar zamanı 2 mindən çox insan həlak olub, hüquq müdafiəçiləri isə ölənlərin sayının daha çox olduğunu bildirir. Etirazlar 1979-cu il İslam İnqilabından sonra ölkənin üzləşdiyi ən ciddi daxili böhran kimi qiymətləndirilir.
Qərb rəsmiləri bildirir ki, etirazların miqyasına baxmayaraq, hazırda İran hakimiyyətinin çökməsi real görünmür və təhlükəsizlik strukturları vəziyyətə nəzarəti saxlayır. İranın ali rəhbəri Əli Xamenei və Prezident Məsud Pezeşkian tərəfdarlarını səfərbər etməyə çalışır, dövlət mediası isə hakimiyyətə dəstək nümayişlərini yayımlayır.
ABŞ Prezidenti Donald Tramp isə İrandakı etirazçılara açıq dəstək verərək, Tehranın etirazçılara qarşı edam və sərt addımlar atacağı təqdirdə “çox güclü cavab” veriləcəyini bəyan edib. Regionda vəziyyətin yaxın günlərdə daha da gərginləşə biləcəyi istisna olunmur.
14-01-2026, 23:23
Ukraynada fövqəladə vəziyyət elan edildi
Prezident Volodimir Zelenskinin iştirakı ilə Ukraynanın enerji sektorundakı fövqəladə vəziyyətlə bağlı iclas keçirilib.
Bu barədə Zelenski “Teleqram” səhifəsində məlumat verib. Dövlət başçısı bildirib ki, Kiyevdəki vəziyyətə xüsusi diqqət yetiriləcək.
"Rusiyanın hava hücumları və pisləşən hava şəraitinin nəticələri ciddidir. Təmir briqadaları, enerji şirkətləri, kommunal xidmətlər və Ukrayna Dövlət Fövqəladə Hallar Xidməti elektrik və istilik təchizatını bərpa etmək üçün gecə-gündüz işləməyə davam edir. Bir çox məsələ təcili həll tələb edir", - deyə Zelenski əlavə edib.
Prezident bildirib ki, vəziyyəti əlaqələndirmək üçün Kiyevdə daimi fəaliyyət göstərən qərargah yaradılacaq. Bütün Ukrayna enerji sektoru üçün fövqəladə vəziyyət elan ediləcək. Baş nazirin birinci müavini - Ukraynanın energetika naziri Denis Şmıqal bu şəraitdə insanları və icmaları dəstəkləmək, eləcə də praktik məsələləri həll etmək üçün komissiyaya rəhbər təyin edilib.
Zelenski qeyd edib ki, digər tərəfdən hökumət üzvləri lazımi avadanlıq və əlavə dəstək almaq üçün tərəfdaşlarla işlərini gücləndirəcəklər. Nazirlər Kabineti bu vəziyyətdə ehtiyat enerji avadanlıqlarının şəbəkəyə qoşulması ilə bağlı bütün proseslərin maksimum dərəcədə tənzimlənməsini təmin edəcək.
Digər tərəfdən hökumətə kəskin soyuq hava şəraiti üçün komendant saatı qaydalarının yenidən nəzərdən keçirilməsi tapşırılıb. Əhalinin dəstək mərkəzlərinə maksimum çıxışı olmalı, müəssisələr elektrik şəbəkəsinin vəziyyətinə əsasən fəaliyyətlərini planlaşdıra bilməlidir. Kiyevdəki sığınacaqların sayı artırılmalı və mövcud olanlar yoxlanılmalıdır. Fövqəladə vəziyyət dövründə təhsil formatları ilə bağlı Təhsil və Elm Nazirliyindən və yerli hakimiyyət orqanlarından təkliflər gözlənilir.
“Dövlət qurumlarının, müəssisələrin və yerli idarəetmənin bütün səviyyələrinin əlaqələndirilmiş şəkildə birgə işləməsi vacibdir", - deyə Zelenski əlavə edib.
14-01-2026, 23:01
Naxçıvanda iki türk tələbə dəm qazından öldü
Naxçıvanda iki tələbə dəm qazından zəhərlənərək ölüb.
Hadisə şəhərin Nizami küçəsi 61 ünvanında qeydə alınıb.
Məlumata görə, Ahmet və Büşra adlı tələbələr Türkiyə vətəndaşlarıdır.
Hadisə yerinə hüquq-mühafizə orqanlarının əməkdaşları cəlb olunub.
Faktla bağlı araşdırma aparılır.
Qeyd edək ki, onlar Naxçıvan Dövlət Universitetinin tələbələri imiş.
14-01-2026, 22:52
İsraillə ABŞ İranı müzakirə etdi
ABŞ dövlət katibi Marko Rubio və İsrailin Baş naziri Binyamin Netanyahu yanvarın 12-də danışıqlar apararaq İrandakı vəziyyəti və Vaşinqtonun mümkün addımlarını müzakirə ediblər.
Bu barədə «Axios» portalı mənbələrə istinadən məlumat yayıb.
Məlumata görə, tərəflər arasında növbəti telefon danışığının yanvarın 14-nə planlaşdırıldığı qeyd olunur.
14-01-2026, 22:15
Britaniya hərbçiləri Qətərdəki hərbi bazanı tərk edir
Böyük Britaniya Qətərdə yerləşən və regionun ən böyük Amerika hərbi bazası olan Əl-Udeyd aviabazasından bəzi hərbçilərini geri çəkməyə başlayıb.
Qərar ABŞ Prezidenti Donald Trampın İranda etirazçılara müraciət edərək yardımın yolda olduğunu deməsindən sonra verilib.
İran dəfələrlə bəyan edib ki, ABŞ regionda hərbi hücuma keçərsə, Amerika hərbi obyektlərinə cavab zərbələri endirəcək. Britaniya da Qətərdə yerləşən və regionun ən böyük Amerika hərbi bazası olan Əl-Udeyd aviabazasından bəzi əməkdaşlarını geri çəkməyə başlayıb.
Böyük Britaniyanın Müdafiə Nazirliyinin nümayəndəsi bildirib ki, əməliyyat təhlükəsizliyi səbəbindən yerləşdirmə və dislokasiya ilə bağlı detallara şərh verilmir. Britaniya hər zaman hərbi personalının təhlükəsizliyini təmin etmək üçün qabaqlayıcı tədbirlər görür və zəruri hallarda personalın geri çəkilməsi də bu tədbirlərə daxildir.
Qətərdəki bazadan bütün britaniyalı hərbçilərin çıxarılıb-çıxarılmayacağı hələlik dəqiqləşdirilməyib.
14-01-2026, 21:18
ABŞ Azərbaycan vətəndaşlarına da VİZA VERMƏYƏCƏK
ABŞ Dövlət Departamenti 75 ölkənin vətəndaşları üçün viza müraciətlərinin qəbulunu müvəqqəti olaraq dayandıracaq.
Bu barədə "Fox News" məlumat yayıb.
Məlumata görə, qərar 21 yanvar tarixindən qüvvəyə minəcək, məhdudiyyətlərin nə vaxta qədər davam edəcəyi isə hələlik açıqlanmayıb. Qərar Rusiyadan İrana, Braziliyadan Somaliyə qədər geniş coğrafiyanı əhatə edir. Siyahıya həmçinin Azərbaycan da daxil edilib.
ABŞ Dövlət Departamentinin sözçüsü Tommy Pigott bildirib ki, sözügedən ölkələrdən immiqrasiya Dövlət Departamentinin immiqrasiya nəzarəti prosedurlarına yenidən baxılması dövründə dayandırılacaq. Onun sözlərinə görə, məqsəd sonradan sosial təminat və dövlət güzəştlərindən istifadə edəcək xarici vətəndaşların ölkəyə girişinin qarşısını almaqdır.
Açıqlanan siyahıya Əfqanıstan, Albaniya, Əlcəzair, Ermənistan, Azərbaycan, Belarus, Bosniya, Braziliya, Kuba, Misir, Gürcüstan, Haiti, İran, İraq, Qazaxıstan, Qırğızıstan, Livan, Liviya, Moldova, Mərakeş, Nigeriya, Pakistan, Rusiya, Somali, Sudan, Suriya, Tunis, Özbəkistan və Yəmən daxil olmaqla ümumilikdə 75 ölkə daxildir.
Qərarın humanitar, tələbə və iş vizalarına necə təsir göstərəcəyi, həmçinin istisnaların olub-olmayacağı barədə ABŞ rəsmiləri hələlik əlavə açıqlama verməyib.
14-01-2026, 20:57
Ceyhun Bayramovun qardaşı Mikayıl Cabbarovun müavini oldu
İqtisadiyyat naziri Mikayıl Cabbarova yeni müavin təyin edilib.
Bu barədə Prezident İlham Əliyev müvafiq Sərəncam imzalayıb.
Sərəncamla bu vəzifəyə Azər Bayramova gətirilib
Bununla da iqtisadiyyat nazirinin müavinlərinin sayı 6-ya çatıb.
Qeyd edək ki, A.Bayramov bundan əvvəl maliyyə nazirinin müavini vəzifəsində çalışıb. O, xarici işlər naziri Ceyhun Bayramovun qardaşıdır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!