Dünən, 14:00
Prezidentdən Naxçıvanla bağlı daha bir SƏRƏNCAM
Prezident İlham Əliyev Naxçıvan Muxtar Respublikasında əhalinin içməli su ilə təminatının yaxşılaşdırılmasına dair əlavə tədbirlər haqqında Sərəncam imzalayıb.
Sənəddə deyilir ki, Azərbaycan Dövlət Su Ehtiyatları Agentliyi Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi ilə razılaşdırmaqla bu Sərəncamın əlavəsində göstərilən əhalisi 80 min nəfərdən çox olan 38 yaşayış məntəqəsində 40 ədəd subartezian quyusunun layihə-smeta sənədlərinin hazırlanması, qazılması və əhalinin içməli su ilə təmin olunması üçün müvafiq tədbirlər görsün.
Nazirlər Kabineti və Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi bu Sərəncamdan irəli gələn məsələləri həll etməlidir.
Maliyyə Nazirliyi və İqtisadiyyat Nazirliyi bu Sərəncamın 1-ci hissəsində nəzərdə tutulmuş tədbirlərin maliyyələşdirilməsi üçün aidiyyəti üzrə zəruri tədbirlər görməlidir.
Dünən, 13:27
Hökümənin ailəsinin 80 minini ələ keçirənə bu cəza verildi
Bakı Ağır Cinayətlər Məhkəməsində oğurluq və dələduzluq əməllərində ittiham edilən 1995-ci il təvəllüdlü Ayaz İsgəndərova hökm oxunub.
Onun kibercinayətkarlıq yolu ilə bir neçə vətəndaşa məxsus bank kartlarından külli miqdarda pul oğurladığı bildirilib.
İttihama görə, A.isgəndərov xaricdə yaşayan “Petroviç” soyadlı şəxslə cinayətkar əlaqəyə girib və Azərbaycanda onun üçün “m10” pul kisələri yaradaraq hər birini 300 manata satıb. Kuryer işləyən Ayaz aldığı tapşırıqlar əsasında sosial şəbəkələrdə “ABB-dən payız sürprizi” və digər bu kimi yalan məzmunlu elan yerləşdirib.
Həmin səhifələrdə olan elana inanan müştərilər qeyd olunan güzəştlərdən yararlanmaq məqsədilə yaradılmış saxta səhifələrdəki linklərə daxil olmaqla qeydiyyatdan keçərək anket məlumatlarını, həmçinin onlara məxsus bank kartının üzərindəki 16 rəqəmli nömrəni və “OTP” təhlükəsizlik şifrəsini müvafiq xanalara daxil edib.
Dünən, 13:01
Milli Məclisin növbəti iclasının tarixi açıqlandı
Milli Məclisin növbəti iclasının vaxtı məlum olub.
Milli Məclisin bugünkü pleanar iclasında spiker Sahibə Qafarova növbəti iclasın fevralın 27-si keçiriləcəyini qeyd edib.
Dünən, 12:21
Sabahın havası: yağış, duman...
Fevralın 25-də gözlənilən hava proqnozu açıqlanıb. Milli Hidrometeorologiya Xidmətindən verilən xəbərə görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Günün birinci yarısında bəzi yerlərdə çiskinli olacağı ehtimalı var. Şimal-şərq küləyi gündüz cənub-şərq küləyi ilə əvəz olunacaq.
Havanın temperaturu gecə 3-5° isti, gündüz 6-9° isti olacaq. Atmosfer təzyiqi 762 mm civə sütunu təşkil edəcək. Nisbi rütubət 70-80 % olacaq.
Azərbaycanın rayonlarında hava şəraitinin bəzi yerlərdə arabir yağıntılı olacağı, dağlıq ərazilərdə qar yağacağı gözlənilir. Gündüz yağıntılar tədricən kəsiləcək. Gecə və səhər bəzi yerlərdə duman. Şərq küləyi əsəcək.
Havanın temperaturu gecə 4-7° isti, gündüz 10-15° isti, dağlarda gecə 0-4° isti, gündüz 5-10° isti olacaq.
Dünən, 01:54
Dneprdə məktəbdə sığınacaq məşğələsi zamanı şagird yaralandı
Dneprdə məktəbin sığınacağında keçirilən məşğələ zamanı insident baş verib.
Ukraynanın Dnepr şəhərində məktəbin sığınacağında regional ərazi komplektləşdirmə mərkəzinin (RTCK) nümayəndələrinin iştirakı ilə planlı praktiki məşğələ keçirilib.
Məktəbin direktoru İnna bildirib ki, məşğələ zamanı qranat maketi qəfil səs çıxarıb və tüstülənmə baş verib. Onun sözlərinə görə, bu hadisə tədris proqramının tərkib hissəsi olub.
Hadisə zamanı evakuasiya prosesi zamanı bir şagird ayağından xəsarət alıb və tibbi yardım üçün müraciət edib. Şagirdin vəziyyətinin qənaətbəxş olduğu bildirilir.
Dünən, 00:40
Fuad Oktay: İrəvanla Bakı arasında normallaşma prosesi başlayıb
"Zəngəzur dəhlizi, "Tramp marşrutu" razılaşdırılıb və Ermənistanla Azərbaycan arasında normallaşma prosesi başlayıb".
Bunu Türkiyə Böyük Millət Məclisinin (TBMM) Xarici Əlaqələr Komitəsinin sədri, sabiq vitse-prezident Fuad Oktay jurnalistlərə açıqlayıb.
"Ermənistan Azərbaycandan neft məhsulları alır və bu istər-istəməz Türkiyə ilə Ermənistan arasında normallaşma prosesinin başlanmasına gətirib çıxarır" , - Fuad Oktay bildirib.
Qeyd edək ki, Fuad Oktay Azərbaycana səfəri başlayıb.
23-02-2026, 20:37
Səməd Vəkilov təltif olunub.
Müvəkkil Hüquq Mərkəzinin sədri, tədqiqatçı-hüquqşünas Səməd Vəkilov Qərbi Azərbaycan tarixi hüquq kontekstində apardığı araşdırmlar yüksək qiymətləndirilərək Qərbi Azərbaycan İcmasının İdarə Heyətinin sədri, millət vəkili Əziz Ələkbərli tərəfindən fəxri fərmanla təltif edilib.
QHT.az xəbər verir ki, Mükafat ona Qərbi Azərbaycan İcmasının strateji məqsədlərinin həyata keçirilməsi, Qərbi azərbaycanlıların təşkilatlanması, Qərbi Azərbaycan həqiqətlərinin təbliği istiqamətində xidmətlərinə və 50 illik yubileyi münasibəti ilə verilib.
Qeyd edək ki, S.Vəkilov Qərbi azərbaycanlıların kompakt yaşadığı Bərdə (İmirli kəndi), Kəngərli (Çalxanqala kəndi), Salyan rayonlarında apardığı tədqiqatlar nəticəsində 3 kitabı işıq üzü görmüşdür.
23-02-2026, 19:03
ABŞ-nin Azərbaycandakı səfirliyinin sabiq əməkdaşına HÖKM OXUNDU
ABŞ-nin Azərbaycandakı səfirliyinin təsərrüfat şöbəsinin dələduzluqda ittiham edilən sabiq əməkdaşı Rafiq Göyüşovun cinayət işi üzrə məhkəməsi yekunlaşıb.
Bakı Ağır Cinayətlər Məhkəməsində hakimi Hafiz Kamranovun sədrliyi ilə keçirilən prosesdə təqsiləndirilən şəxsə hökm oxunaraq ona üç il sınaq müddəti olmaqla şərti cəza verilib.
Xatırladaq ki, dövlət ittihamçısı Eldar Həmzə məhkəməyə təqsirləndirilən şəxsin 11 il müddətinə azadlıqdan məhrum edilməsini təklif etmişdi.
Qeyd edək ki, Rafiq Göyüşov xaricdən gələn səfirlər və digər əməkdaşların müvəqqəti yerləşdirilməsi üçün sənədlərdə şişirdilmiş məbləğlər göstərərək bu və digər yollarla ABŞ səfirliyinin yarım milyon manatdan artıq pulunu ələ keçirməkdə ittiham olunur.
R.Göyüşov Cinayət Məcəlləsinin 178.4-cü (xüsusilə külli miqdarda dələduzluq) maddəsi ilə təqsirləndirilir.
Onun barəsində məhkəməyə qədər polisin nəzarəti altına vermə qətimkan tədbiri seçilmişdi.
Cinayət işi üzrə ABŞ səfirliyi zərərçəkmiş qismində tanınıb.
23-02-2026, 18:52
Türkiyə–İsrail gərginliyi dərinləşir
Türkiyə ilə İsrail arasında gərginlik artıq təkcə Qəzza müharibəsi ilə məhdudlaşmır, Egey dənizi, Şərqi Aralıq dənizi, Suriya və Afrika Buynuzuna qədər uzanan geniş bölgədə strateji rəqabət güclənir.
Rəcəp Tayyib Ərdoğan ilə Kyriakos Mitsotakis arasında keçirilən son görüş iki ölkə arasındakı gərginliyi qismən azaltsa da, Egeydə hərbi status və müstəsna iqtisadi zona sərhədləri kimi əsas məsələlər həllini tapmayıb.
Digər tərəfdən, İsrail–Yunanıstan–Cənubi Kipr arasında imzalanan müdafiə əməkdaşlığı sazişi çərçivəsində birgə hərbi təlimlər planlaşdırılır, İsrail hərbi məsləhət dəstəyi verəcək və silah alışı artacaq. Ankara bu əməkdaşlığı bölgədə qüvvələr balansına təsir edən addım kimi qiymətləndirir.
23-02-2026, 18:44
Mingəçevirdə qadın bıçaqlanıb, əri saxlanılıb
Mingəçevirdə qadın bıçaqlanıb, şübhəli bilinən əri saxlanılıb.
Mingəçevir şəhər ərazisində 2003-cü il təvəllüdlü T.Kərimova mübahisə zəminində bıçaq xəsarəti alıb və xəstəxanaya yerləşdirilib.
Hadisəni törətməkdə şübhəli bilinən isə onun əri, 2000-ci il təvəllüdlü E.Kərimovdur.
O, polis əməkdaşları tərəfindən saxlanılıb.
Faktla bağlı araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!