14-05-2026, 08:21
Fırtınadan ölənlər var
Hindistanın Uttar Pradeş ştatında baş verən şiddətli yağış və güclü fırtına nəticəsində azı 27 nəfər həyatını itirib.
Hindistan mətbuatının yaydığı məlumata görə, əlverişsiz hava şəraiti ştatın bir çox bölgəsində ciddi fəsadlara səbəb olub.
Məlumata əsasən, güclü külək və toz fırtınası nəticəsində elektrik xətlərində qəzalar baş verib, nəqliyyatın hərəkətində problemlər yaranıb.
Fırtına zamanı çox sayda ağac və elektrik dirəyi aşıb, evlərə və nəqliyyat vasitələrinə ziyan dəyib.
Səlahiyyətlilərin ilkin məlumatına əsasən, Prayaqraj şəhərində 16, Bhadohi rayonunda 6, Budaun bölgəsində isə 5 nəfər ölüb.
Yerli hakimiyyət orqanları zərərin qiymətləndirilməsi və xilasetmə işlərinin davam etdiyini açıqlayıb.
14-05-2026, 08:17
Neft ehtiyyatları azaldı
Ötən həftə ərzində ABŞ-də kommersiya neft ehtiyatları 4,306 milyon barel azalıb.
Butov.az xəbər verir ki, bu barədə ABŞ-nin Energetika Nazirliyi məlumat yayıb:
Benzin ehtiyatları bu həftə 4,08 milyon barel azalıb, digər neft ehtiyatları məhsulları isə 190 min barel artıb. Analitiklər orta hesabla xam neft ehtiyatlarının 2,1 milyon barel, benzin və neft ehtiyatları məhsullarının isə təxminən 2,85 milyon barel azalacağını proqnozlaşdırmışdılar.
NYMEX-də ticarət edilən xam neftin saxlandığı Kuşinq terminalındakı ehtiyatlar, əvvəlki həftə 648 min barel azalmadan sonra 1,7 milyon barel azalıb.
14-05-2026, 08:14
İrana qəfil hücum başladı
Küveyt Fars körfəzində İran gəmisinə hücum edib və dörd İran vətəndaşını saxlayıb. Bu barədə İranın xarici işlər naziri Abbas Əraqçi məlumat yayıb. Nazirin sözlərinə görə, hadisə beynəlxalq sularda baş verib və Tehran bunu qanunsuz addım kimi qiymətləndirir.
Əraqçi məsələ ilə bağlı aidiyyəti qurumların araşdırma apardığını və İranın öz vətəndaşlarının hüquqlarını müdafiə etmək üçün bütün addımları atacağını bildirib.
Hadisə ilə bağlı Küveyt tərəfindən hələlik açıqlama verilməyib.
13-05-2026, 15:40
Həkimin vətəndaş mövqeyi
Respublika Pediatriya Mərkəzinin direktoru Azər Əhmədov həmkarlarına vida müraciəti yazıb. Müraciəti təqdim edirik:
Dəyərli dostlar, məsləkdaşlar!
Dünən etibarilə Respublika Pediatriya Mərkəzinin Direktoru vəzifəsindən ayrıldım. Vəzifə Dövlətin sənə əmanətidir. Onu göz bəbəyi kimi qoruyub, ləyaqətlə dövlətə geri vermək hər insana nəsib olmur. Bu müddətdə qurduğumuz işləri saymaqla bitməz. Sadəcə mən və zəhmətkeş komandamız, hər təbəqədən olan vətəndaşın müracət edə bildiyi müasir bir Respublika Pediatriya Mərkəzini inşa etdik.
Nə xoş mənə belə fürsəti doğru dəyərləndirə bildim.
Bu quruculuqda əməyi keçən, dəstək verən hər kəsə, xüsusilə də görünməyən qəhrəmanlar olan komandaya təşəkkür edirəm.
Allah körpələrimizi qorusun!
P.S. Gözü xəstənin əlində, cibində olduğundan əməliyyat alətini pasiyentin içində qoyub yarasını tikən, xəstə qıçının əvəzinə sağlam qıçı kəsən, ağrıyan dişi qoyub, ağrımayanı çəkən həkimlərin olduğu indiki zəmanədə hər adam kollektivdən üz ağlığı ilə ayrıla bilmir. Azər, sənə həmişə güvənmişik, harda olsan xalatına ləkə sürtməyəcəksən. Uğur olsun!
13-05-2026, 12:33
İran ordusu əraziyə daxil oldu
SEPAH-ın Küveyt ərazisinə girdiyi iddia olunur.
Butov.az Globalinfo.az-a istinadən xəbər verir ki, bu barədə BƏƏ xarici işlər naziri Abdullah bin Zayed ən-Nəhyan məlumat yayıb.
BƏƏ xarici işlər nazirinin sözlərinə görə, SEPAH üzvləri Bubiyan adasına terror planı həyata keçirmək məqsədilə daxil olublar.
Ən-Nəhyan bu addımı qanunsuz müdaxilə kimi qiymətləndirib və BƏƏ-nin yaranmış vəziyyətdə Küveytlə tam həmrəy olduğunu vurğulayıb. O bildirib ki, regionun təhlükəsizliyini təhdid edən bu cür addımlar qəbuledilməzdir.
13-05-2026, 12:25
Şuşaya gedirsən?
Şuşa şəhərində yol hərəkətinin təşkili ilə bağlı dəyişiklik edilib.
Butov.az Oxu.az-a istinadla xəbər verir ki, bununla bağlı videogörüntülər yayılıb.
Bildirilib ki, Şuşa qalasının qarşısından keçən avtomobil yolunda hərəkət artıq birtərəfli qaydada təşkil olunub. Ərazidə sürücülərin hərəkətinə nəzarət məqsədilə xüsusi müşahidə kameraları da quraşdırılıb.
Qeyd edilib ki, müəyyən olunan hərəkət qaydalarını pozan sürücülər inzibati məsuliyyətə cəlb olunacaqlar.
Belə ki, əks istiqamətdə hərəkət edən sürücülər 4 cərimə balı və 150 manat məbləğində cərimə ilə üzləşə bilərlər.
13-05-2026, 09:32
BA Tv Youtube kanalı
yayıma başlayır
BA Tv (Bütöv Azərbaycan Televiziyası) Youtube kanalı yayıma başlayır. Kanalın qurucusu Hərbi Jurnalistlər Birliyinin sədri Tamxil Ziyəddinoğlu yeni layihəsi ilə bağlı fikrini belə açıqlayıb:
2008-ci ilin 15 sentyabrında- Bakının işğaldan azad olunduğu gün “Bütöv Azərbaycan” qəzetinin nəşrinə başladıq. Aradan 18 il keçib. Demək olar ki, bu illər ərzində çox şey dəyişib. Redaksiyamız bütün qardaş xalqlarımızın- Talış, Ləzgi, Kürd dostlarımızın toplaşdığı isti ocağa çevrilib. 1805-ci ildən başlayaraq işğal olunmuş torpaqlarımızın bir qismini azad edən igid oğullarımız haqqında dastanlar yazılıb, çap eləmişik. Bu illər ərzində yaranan Bütöv Azərbaycançılar Ordusunun əsas kontingenti gənclərdən ibarətdir ki, bu da bizi çox sevindirir.
Demək olar ki, indiki texnoloji inkişaf şəraitində informasiya yayımı sürətləndikcə dünya “kiçilir” və hər yer əlçatan olur. Bu əlçatanlığı oxucularımız üçün də təmin etmək üçün qəzetimizin Youtube kanalının yaradılması zərurəti yarandı. Bu ehtiyacı nəzərə alıb jurnalist dostum Vəfalı Qasımovla birgə fəaliyyətə başladıq. Komandamız formalaşana qədər kiçik təqdimat süjetləri hazırlayırıq.
Kanalımızda tariximizin qaranlıq səhifələrinə işıq tutulacaq. Milli məfkurə liderlərimiz, Milli Azadlıq fədailərimiz, elm fədailərimiz, din xadimlərimiz, şəhidlərimiz, çoxsaylı Azərbaycan xalqlarının mədəni irsi, müasir Azərbaycanın qurucuları - bir sözlə Azərbaycan adına tapınan hər kəsin könül sirdaşı-can qardaşı və silahdaşı olmaq niyyətindəyik!
Sığınacağımız əxlaqımız, dürüstlüyümüz, vicdanımızdır, güvənəcənəyimiz isə xalqımız və onun azadlıq eşqi, mübarizə əzmidir. Yolumuz açıq, ruhumuz azad olsun!
https://www.youtube.com/watch?v=pTkvRHtvq2g
11-05-2026, 18:30
Jurnalistdən maraqlı təklif
"Bakı-Xəbər" qəzetinin baş redaktoru, Əməkdar jurnalist Aydın Quliyev Azərbaycan hökumətinə maraqlı təkliflə öz səhifəsində şıxış edib. Butov.az təklifin mətnini təqdim edir:
"Azərbaycan dövləti Minsk Qrupunda 30 il həmsədr ölkələri təmsil etmiş ABŞ, Fransa və Rus diplomatlarının işinə hüquqi- siyasi qiymət verməli ,cinayət işləri açmalıdır...Onlar 30 il Ermənistanın təcavüzünü dəstəklədilər, Azərbaycan xalqını aldatdılar, özlərinə sərvət yığdılar...Onların öz hökumətlərinə yazdıqları aylıq və ya illik hesabatlar açılmalıdır...Azərbaycan xalqı bilməlidir ki, onlar Qarabağla əlaqədar hər addımlarından sonra öz nazirlərinə nə hesabat təqdim ediblər..."
11-05-2026, 16:12
Qazaxıstanda Azərbaycan Ruhu:
Türküstanda Yeni Dil və Mədəniyyət Ocağı Qazaxıstanda yaşayan azərbaycanlıların öz milli kimliyini, dilini və tarixini yaşatmaq istiqamətində fəaliyyəti yeni bir mərhələyə qədəm qoyub. Türküstan vilayətində fəaliyyətə başlayan özəl Azərbaycan məktəbi, qısa müddət ərzində soydaşlarımızın mənəvi sığınacağına çevrilib. Bu təhsil ocağının əsas özəlliyi dərslərin birbaşa Azərbaycandan dəvət olunmuş peşəkar pedaqoqlar tərəfindən tədris olunmasıdır. Məktəbdə gənc nəslə ana dilimizin incəlikləri ilə yanaşı, Azərbaycanın şanlı tarixi və zəngin mədəniyyəti aşılanır. Bu, qürbətdə böyüyən uşaqların öz köklərinə bağlı qalması üçün atılan ən strateji addımlardan biri kimi qiymətləndirilir.
10 May: Heydər Əliyevin Anım Günü və Zəfər Ruhlu Tədbir keçirildi. Dünən, yəni 2026-cı il mayın 10-da məktəbdə xüsusi bir tədbir baş tutub. Müasir Azərbaycan dövlətinin qurucusu Heydər Əliyevin anım gününə həsr olunmuş mərasim Qazaxıstandakı diaspor nümayəndələrinin təşkilatçılığı ilə yüksək səviyyədə keçirilib.Tədbirin ən duyğulu anları uşaqların ifasında səslənən şeirlər olub.
Şagirdlər Qarabağ zəfərinə, vətən torpağına həsr olunmuş bədii kompozisiyalarla çıxış edərək, minlərlə kilometr uzaqda olsalar da, qəlblərinin Azərbaycanla döyündüyünü sübut ediblər. Təşkilatçılar bildirirlər ki, bu cür təşəbbüslər təkcə təhsil deyil, həm də birlik mesajıdır.
Diaspor nümayəndələrinin və yerli azərbaycanlı icmasının birgə səyləri nəticəsində ərsəyə gələn bu layihə, Qazaxıstan və Azərbaycan arasındakı mədəni körpüləri daha da möhkəmləndirir. Yüksək səviyyədə təşkil olunan bu anım tədbiri bir daha göstərdi ki, Azərbaycan dili və mədəniyyəti dünyanın harasında yaşamasından asılı olmayaraq, hər bir soydaşımızın qürur mənbəyidir.
Hüseyn İsaoğlu, yazıçı-publisist,
AYB-nin və AJB-nin üzvü
Əziz oxucular, şəkilləri və tədbir haqqında məlumatı Qazaxstandan soydaşımız Fərhad Süleymanov göndərib.
Қазақстандағы Әзірбайжан рухы:
Түркістандағы «Жаңа тіл және мәдениет орталығы» Қазақстанда тұратын әзірбайжандықтардың ұлттық болмысын, тілі мен тарихын сақтау мақсатындағы қызметінде жаңа кезеңге аяқ басты. Түркістан облысында жұмысын бастаған жекеменшік әзірбайжан мектебі аз уақыт ішінде қандастарымыздың рухани баспанасына айналды. Бұл оқу орнының басты ерекшелігі – сабақтарды Әзірбайжаннан тікелей шақырылған кәсіби ұстаздар жүргізеді. Мектепте жас ұрпаққа ана тіліміздің қыр-сырын, сонымен қатар Әзірбайжанның даңқты тарихы мен бай мәдениетін үйретеді. Бұл шетелде өсіп келе жатқан балалардың өз тамырымен байланысын сақтауы үшін жасалған стратегиялық қадамдардың бірі болып саналады. 10 мамыр: Гейдар Әлиевті еске алу күні және Жеңіс рухы іс-шарасы өтті. Кеше 2026 жылдың 10 мамырында мектепте ерекше оқиға болды. Қазіргі Әзірбайжан мемлекетінің негізін қалаушы Гейдар Әлиевті еске алу күніне арналған салтанатты шараны Қазақстандағы диаспора өкілдері жоғары деңгейде ұйымдастырды.Ұйымдастырушылар мұндай бастамалардың тәрбиелік мәні ғана емес, ауызбіршілікті де білдіретінін айтады. Диаспора өкілдері мен жергілікті әзірбайжан қоғамдастығының бірлескен күш-жігерінің нәтижесінде жасалған бұл жоба Қазақстан мен Әзірбайжан арасындағы мәдени көпірді одан әрі нығайта түсуде. Жоғары деңгейде ұйымдастырылған бұл еске алу іс-шарасы әзірбайжан тілі мен мәдениеті әлемнің қай түкпірінде тұрса да, әрбір отандасымыз үшін мақтаныш екенін тағы бір паш етті.
Хусейн Исаоғлы, жазушы-публицист,
AYB және AJB мүшесі.
.
11-05-2026, 15:06
Dolu və sel XƏBƏRDARLIĞI
Mayın 12-14-də əsasən günün ikinci yarısında Azərbaycanın bəzi dağlıq və dağətəyi rayonlarında hava şəraitinin arabir yağıntılı olacağı gözlənilir.
Bu barədə Milli Hidrometeorologiya Xidmətindən məlumat verilib. Bildirilib ki, ayrı-ayrı yerlərdə yağıntının qısamüddətli intensiv olacağı, şimşək çaxacağı, dolu düşəcəyi ehtimalı var. Yağıntılarla əlaqədar çaylarda sululuğun artacağı, bəzi dağ çaylarından qısamüddətli sel keçəcəyi istisna olunmur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!