20-08-2022, 15:28
20-08-2022, 13:59
20-08-2022, 13:04
20-08-2022, 13:00
20-08-2022, 01:20
Dünyanın ikinci ən yaşlı qadını vəfat etdi
Dünyanın ikinci ən yaşlı qadını Tekla Yunievicz vəfat edib. Bu barədə cümə günü Polşanın RMF radiostansiyası məlumat yayıb. 116 yaşında olan Polşa vətəndaşı ölkənin ən yaşlı və dünyanın ikinci ən yaşlı qadını idi. O, 1906-cı ildə anadan olub. Yaxınları qadının hər zaman aktiv, əhval-ruhiyyəsinin yüksək olduğunu, zarafat etməyi çox sevdiyini deyirlər.
20-08-2022, 01:18
Quterreşdən gözlənilməz səfər
BMT-nin baş katibi Antoniu Quterreş avqustun 19-da Moldovaya səfər edib. Butov.az xəbər verir ki, Moldovaya gözlənilməz səfər edən Quterreş Prezident Maya Sandu ilə görüşəcək. Quterreşin Moldovaya səfəri əvvəlcədən planlaşdırılmayıb. Baş katib Ukraynadan sonra Moldovaya getmək qərarına gəlib. Məlumata görə, BMT-nin baş katibi Kişinyovdan İstanbula yollanacaq.
20-08-2022, 01:16
Bayden təsdiqlədi - Ukraynaya bu silahlar göndəriləcək
ABŞ prezidenti Co Bayden Ukraynaya 775 milyon dollar məbləğində yeni hərbi yardım paketi ayırıb. Bu barədə Ağ Evin mətbuat xidməti məlumat yayıb. Mətbuatda yayılan məlumatlara görə, yeni yardım paketinə aşağıdakılar daxildir:
- HIMARS sistemləri üçün raketlər
- 15 ədəd "Sky Eagle" kəşfiyyat PUA-ları
- 1500 ədəd TOW tank əleyhinə qumbaraatan
- "Harm" radar əleyhinə raketlər
- 1000 ədəd "Javelin" tank əleyhinə raket
- 40 ədəd minaya qarşı qorumalı maşın
- 16 ədəd artilleriya qurğusu və onlar üçün mərmilər
- Minatəmizləmə avadanlıqları
20-08-2022, 01:10
İranda snayper təlimlərinə start verildi
İran İslam Respublikasının Yəzd şəhərində keçirilən “Snayper həddi” beynəlxalq müsabiqəsinin təntənəli açılış mərasimi olub. Bu barədə Müdafiə Nazirliyindən məlumat verilib. Mərasimdə iştirakçı ölkələrin nümayəndə heyətləri, hərbi attaşelər, kütləvi informasiya vasitələrinin nümayəndələri və digər qonaqlar iştirak ediblər. İran İslam Respublikasının Dövlət Himninin ifası ilə tədbir açıq elan edildikdən sonra müsabiqəyə qatılan komandaların təntənəli keçidi olub. Çıxış edənlər “Beynəlxalq Ordu Oyunları-2022” yarışları çərçivəsində keçirilən “Snayper həddi” müsabiqəsinin başlaması münasibətilə yarış iştirakçılarını təbrik edib, komandalara uğurlar arzulayıblar. Vurğulanıb ki, bu cür müsabiqələrin keçirilməsi döyüş qabiliyyətinin və praktiki bacarıqların artırılması ilə yanaşı, həm də ölkələrarası münasibətlərin möhkəmlənməsində mühüm rol oynayır. Qeyd edək ki, "Snayper həddi" müsabiqəsində iştirak edən hərbi qulluqçularımız Belarus, Çin, İran, Özbəkistan, Rusiya və Zimbabveni təmsil edən komandalar ilə mübarizə aparırlar.
20-08-2022, 01:05
Qəbələ və Xaçmazda meşə yanğınları söndürüldü
Avqustun 15-dən etibarən Qəbələ rayonunun Abrıx, Tikanlı kəndləri və Tufandağ yaxınlığında, eləcə də Xaçmaz rayonunun Sibiroba kəndi yaxınlığındakı əkin yerlərində və meşə massivində qeydə alınmış yanğınlar bu gün axşam saatlarında tam söndürülüb. Bu barədə Fövqəladə Hallar Nazirliyindən məlumat verilib. İlkin məlumata əsasən, yanğın nəticəsində Qəbələ rayonunun Abrıx, Tikanlı kəndləri və Tufandağ yaxınlığında təqribən 4 hektar ərazidə kol-kos və qurumuş ağaclar, eləcə də Xaçmaz rayonunun Sibiroba kəndi yaxınlığındakı əkin yerlərində və meşə massivində ümumilikdə 32 hektar ərazidə biçilmiş taxıl sahəsi, kol-kos və qurumuş ağaclar yanıb. Qeyd edək ki, yanğının söndürülməsi əməliyyatlarına FHN-in Dövlət Yanğından Mühafizə Xidməti, Mülki müdafiə qoşunları, Xüsusi Riskli Xilasetmə Xidməti, Şimal və Şimal-qərb Regional mərkəzlərinin müvafiq qüvvələri, eyni zamanda Aviasiya dəstəsinin "BE 200 ÇS" amfibiya təyyarəsi və 2 ədəd helikopteri cəlb olunub. Yanğınsöndürmə işlərində, həmçinin Ekologiya və Təbii Sərvətlər Nazirliyinin, Daxili İşlər Nazirliyinin, "Azərsu" ASC-nin və yerli icra orqanlarının əməkdaşları iştirak edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!