8-08-2022, 22:00
İranda bir gündə minlərlə yoluxma olub
İranda ötən sutka ərzində 3379 nəfər koronavirusa yoluxub, 54 nəfər dünyasını dəyişib. Bu barədə İranın Səhiyyə, Müalicə və Tibbi Təhsil Nazirliyindən bildirilib. İranda virusdan ölənlərin sayı 142 515 nəfərə çatıb, yoluxanların sayı 7,44 milyondan çoxdur. Virus daşıyıcılarından 1493 nəfərin vəziyyəti ağır qiymətləndirilir. Ölkədə indiyədək 7,1 milyonda çox şəxs koronavirusdan sağalıb, 53,4 milyondan çox diaqnoz testi həyata keçirilib. Ümumilikdə, İranda 153 milyondan çox vaksin vurulub. Birinci mərhələ üzrə vaksinasiya olunanların ümumi sayı 64,8 milyon, ikinci mərhələ üzrə vaksinasiya olunanların sayı 58,1 milyon, üçüncü mərhələ üzrə vaksinasiya olunanların sayı 30,3 milyon təşkil edir.
8-08-2022, 21:56
Orqan donorluğu ilə bağlı Mərkəz yaradıldı
Səhiyyə Nazirliyinin tabeliyində “Orqan Donorluğu və Transplantasiya üzrə Koordinasiya Mərkəzi” publik hüquqi şəxs yaradılıb. Butov.az xəbər verir ki, Baş nazir Əli Əsədov bununla bağlı qərar imzalayıb. Qərara əsasən, Orqan Donorluğu və Transplantasiya üzrə Koordinasiya Mərkəzinin Nizamnaməsi və strukturu təsdiq edilib. Orqan Donorluğu və Transplantasiya üzrə Koordinasiya Mərkəzinin işçilərinin say həddi 30 ştat vahidi müəyyən edilib. Eyni zamanda, müəyyən edilib ki, Koordinasiya Mərkəzinin Nizamnamə Fondu 300 000 manat təşkil edir və qurumun əsas vəsaiti hesabına formalaşır.
8-08-2022, 21:49
Premyer Liqada ilk tura yekun vuruldu
Futbol üzrə Azərbaycan Premyer Liqasında ilk tura yekun vurulub. Butov.az xəbər verir ki, son oyun günündə bir görüş keçirilib. 9 illik fasilədən sonra Azərbaycan Premyer Liqasına qayıdan “Turan Tovuz” klubu öz meydanında “Qəbələ”ni qəbul edib. Tovuz şəhər stadionunda keçirilən görüş qonaqların 2:0 hesablı qələbəsi ilə başa çatıb. Bu nəticədən sonra “Qəbələ” 3 xalla üçüncü pillədə qərarlaşıb. “Sabah”, “Qarabağ”, “Zirə” və “Neftçi” də eyni xala malikdir. Xalı olmayan “Turan Tovuz” isə doqquzuncu sırada yer alıb.
8-08-2022, 21:44
Meymunçiçəyi bu ölkəyə də çatdı
Moldovada meymunçiçəyi virusuna ilk yoluxma halı aşkarlanıb. Butov.az xəbər verir ki, məlumatı ölkənin Səhiyyə Nazirliyi yayıb. Qeyd edək ki, Avropada 30-dan çox ölkədə 15 minə yaxın şəxs meymunçiçəyinə yoluxub.
8-08-2022, 21:41
ABŞ Ukraynaya yeni hərbi yardım ayırdı
ABŞ Ukraynaya yeni hərbi yardım paketini təsdiqləyib. Bu barədə Pentaqonun mətbuat xidməti məlumat yayıb. Paketin həcmi 1 milyard dollardır. Bununla da ABŞ-ın Ukraynaya ayırdığı hərbi yardımın həcmi 10 milyard dollara yaxınlaşıb. Yeni paketə aşağıdakı hərbi sistemlər daxildir:
- HIMARS raket sistemləri üçün sursatlar
- 155 mm çaplı artilleriya qurğuları üçün 75 min mərmi
- "Javelin" tank əleyhinə raket sistemləri üçün 1000 ədəd raket
- 20 ədəd minaatan qurğusu və 20 min ədəd 120 mm çaplı minaatan mərmisi
- NASAMS zenit-raket kompleksləri üçün sursatlar
- 50 ədəd tibbi zirehli maşın
- Müxtəlif təyinatlı minalar, partlayıcı qurğular
- Tibbi avadanlıqlar və s.
8-08-2022, 21:38
Putin BMT-yə getməyəcək, yerinə Lavrovu göndərir
Rusiya Prezidenti Vladimir Putin BMT Baş Assambleyasında iştirak etməyəcək. Bu barədə Kremlin mətbuat katibi Dmitri Peskov məlumat verib. Onun sözlərinə görə, Putin BMT-də çıxış etməyi planlaşdırmır.
Qeyd edək ki, BMT Baş Assambleyası bu ilin sentyabr ayında Nyu-Yorkda keçiriləcək. Rusiya xarici işlər naziri Sergey Lavrov BMT Baş Assambleyasında (BA) Rusiya nümayəndə heyətinə rəhbərlik edəcək.
8-08-2022, 21:33
Yaşayış binasını tankla vuran rus əsgər həbs edildi
Ukrayna məhkəməsi Rusiya ordusunun hərbi qulluqçusunu 10 il azadlıqdan məhrum edib. Bu barədə Ukraynanın daxili işlər nazirinin köməkçisi Anton Qeraşenko məlumat verib. Rusiyalı hərbçi Ukraynada çoxmərtəbəli yaşayış binasını tankla atəşə tutaraq müharibə qanunlarını pozmaqda təqsirli bilinib. Çerniqovun şimal-şərqindəki məhkəmə döyüş zamanı əsir düşən Mixail Kulikov Rusiyanın Ukraynaya müdaxiləsindən iki gün sonra, fevralın 26-da yaşayış binasını vurmaqda ittiham olunur. Ukrayna Baş Prokurorluğu bildirib ki, Kulikov məhkəmədə təqsirli olduğunu etiraf edib və əmrlərə əməl etdiyini bildirərək daha yüngül cəza istəyib. Çerniqov şəhərində vurulan yaşayış məhəlləsinin hərbi hədəf olmadığı və ya hərbi məqsədlər üçün istifadə olunmadığı bildirilib.
8-08-2022, 21:31
Qadın şahmatçılarımız Ermənistanı darmadağın etdi
Hindistanın Çennay şəhərində 44-cü Ümumdünya Şahmat Olimpiadasında qadın şahmatçılarımız Ermənistan komandası üzərində parlaq qələbə qazanıb. Butov.az xəbər verir ki, bu gün keçirilən 10-cu turda qadınlardan (Günay Məmmədzadə, Xanım Balacayeva, Gövhər Beydullayeva, Gülnar Məmmədova) ibarət yığmamız Ermənistan şahmatçıları ilə mübarizə aparıb. Şahmatçılarımız rəqib komanda üzərində böyük hesablı (4:0) qələbə qazanıblar.
8-08-2022, 21:28
Suriyada terrorçuların son bölgələrini təmizləyəcəyik - Ərdoğan
Suriyada terrorçuların olduğu son bölgələr də yaxın vaxtlarda Türkiyə tərəfindən təmizlənəcək. Butov.az xəbər verir ki, bunu Ankarada səfirlər qarşısında çıxış edən Türkiyə prezidenti Rəcəb Tayyib Ərdoğan bildirib. “Terrora qarşı mübarizəmizi qətiyyətlə davam etdirəcəyik. Cənub sərhədləri boyunca 30 kilometr dərinlikdə təhlükəsizlik zonası yaratmaq qərarımız dəyişməz olaraq qalır. Ümid edirəm ki, yaxın vaxtlarda Suriyada terror təşkilatının gizləndiyi son ərazini də təmizləyəcəyik və təhlükəsizlik kəmərinin halqalarını birləşdirəcəyik”, - deyə Ərdoğan qeyd edib. İyunun 1-də Madriddə NATO sammitindən qayıtdıqdan sonra Ərdoğan bildirib ki, Türkiyə hər an Suriyanın şimalında yeni yeni hərbi əməliyyata başlamağa hazırdır. O, əməliyyatın əsas məqsədinin 2019-cu ilin oktyabrında “Sülh çeşməsi” əməliyyatından sonra yaradılmış təhlükəsizlik zonasını genişləndirmək olduğunu bildirib. Ərdoğan sözlərinə görə, ABŞ və Rusiya sərhəd bölgəsində belə bir təhlükəsiz zona yaratmaq öhdəliyini yerinə yetirmədiyi üçün Türkiyə Suriyanın şimalında milləti və yerli əhalinin müdafiəsi üçün əməliyyat keçirməyə hazırdır.
8-08-2022, 21:25
Azərbaycan İslamiadada qızıl medal qazandı
Azərbaycan Türkiyənin Konya şəhərində keçirilən V İslam Həmrəyliyi Oyunlarında qızıl medal qazanıb. Butov.az xəbər verir ki, təmsilçimiz Anna Skidan çəkicatma növündə ilk pilləni tutub. O, bütün rəqiblərini qabaqlayaraq qızıl medal əldə edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!