19-08-2022, 22:25
İslamiadada iştirak edən idmançılarımız Vətənə qayıdıb
Türkiyədə keçirilən V İslam Həmrəyliyi Oyunlarında iştirak edən Azərbaycan idmançıları vətənə qayıdıblar. Butov.az xəbər verir ki, Heydər Əliyev Beynəlxalq Aeroportunda idmançıları idman ictimaiyyəti, media nümayəndələri və digər şəxslər qarşılayıb. Qeyd edək ki, Azərbaycan yarışda 99 medalla 54 iştirakçı ölkə arasında dördüncü yeri tutub. Medallardan 29-u qızıl, 36-sı gümüş, 34-ü isə bürüncdür.
19-08-2022, 22:15
Baytarlar ƏDV-dən azad olundu - Ayda cəmi 20 manat...
Azərbaycanda özəl baytarlıq xidmətlərinin göstərilməsi ilə məşğul olan fiziki şəxslər üçün sadələşdirilmiş vergi üzrə aylıq sabit məbləğ 20 manat müəyyən edilib. Prezident İlham Əliyev bununla bağlı Vergi Məcəlləsinə dəyişiklik edilməsi haqqında qanunu imzalayıb. Dəyişikliyə əsasən, bu fəaliyyət növləri ilə məşğul olan fiziki şəxslər üçün aylıq verginin məbləği aşağıdakı əmsallar tətbiq edilməklə müəyyən ediləcək:
- Bakı şəhərində (kənd və qəsəbələr daxil olmaqla) - 2,0;
- Gəncə, Sumqayıt və Xırdalan şəhərlərində - 1,5;
- Abşeron rayonunun qəsəbə və kəndləri (Xırdalan şəhəri istisna olmaqla), Şirvan, Mingəçevir, Naxçıvan, Lənkəran, Yevlax, Şəki və Naftalan şəhərlərində - 1,0;
- digər rayon (şəhər) və qəsəbələrdə (kəndlərdə) - 0,5.
19-08-2022, 22:10
“Lal-kar, kor” və “şikəst” sözləri qanundan çıxarıldı
Prezident İlham Əliyev Azərbaycan Respublikasının məcəllələrinə bir sıra dəyişikliklər edilməsi ilə bağlı qanunu imzalayıb. Butov.az xəbər verir ki, dəyişikliyə əsasən, məcələllərdə mövcud olan bir sıra sözlər digər söz və ifadələrlə əvəz olunub. “Bədən qüsuruna” sözləri “fiziki çatışmazlıq”, “Lal-kar və kor” sözləri “Nitq-eşitmə və görmə qabiliyyəti tam məhdud olan”, “Kor” sözü “Görmə qabiliyyəti tam məhdud”, “qüsurları” sözü “pozuntuları”, “kəmağıllıq” sözü “əqli gerilik”, “şikəstlik” sözü “xəsarət”, “şikəst olan” sözləri “əlilliyi müəyyən edilmiş” sözləri ilə əvəz edilib.
19-08-2022, 22:04
Hərbçilərin sosial sığortası ilə bağlı yeni qayda
Azərbaycanda hərbçilərin sosial sığorta sistemində fərdi uçotunun aparılması qaydası müəyyənləşib. Butov.az xəbər verir ki, bu, Prezident İlham Əliyevin təsdiqlədiyi “Dövlət sosial sığorta sistemində fərdi uçot haqqında” qanuna dəyişiklik edilməsi barədə qanunda əksini tapıb. Dəyişikliklə qulluğun (xidmətin) xüsusiyyətləri nəzərə alınmaqla kəşfiyyat və əks-kəşfiyyat fəaliyyəti subyektlərinin hərbi qulluqçularının və işçilərinin, əməliyyat-axtarış fəaliyyəti subyektlərinin işçilərinin və “Dövlət sirri haqqında” Azərbaycan Respublikasının Qanununa uyğun olaraq barələrində məlumatların məxfiləşdirilməsi nəzərdə tutulan digər işçilərin və şəxslərin fərdi uçotu müvafiq icra hakimiyyəti orqanının müəyyən etdiyi orqanın (qurumun) müəyyən etdiyi qaydada aparılacaq.
19-08-2022, 22:00
Ərdoğan Putinin devrilməsini istəyir – Sabiq nazirdən şok açıqlama
"Qərbin Ukrayna müharibəsində taktikası bəllidir. Onlar istəyirlər ki, Ukraynada hərbi əməliyyatlar davam etsin və bu da imkan daxilində Rusiyanı zəiflətsin. Amma yaxşı başa düşürlər ki, Rusiyanın tam hərbi məğlubiyyəti mümkün deyil. Çünki Rusiyanı hərbi məğlubiyyətdən qoruyan taktiki nüvə silahı var". Bu sözləri Azərbaycanın sabiq xarici işlər naziri Tofiq Zülfüqarov Türkiyə prezidenti Rəcəb Tayyib Ərdoğanın Lvova səfərinin nəticələrindən danışarkən bildirib. Eks-nazir hesab edir ki, hərbi baxımdan Ukrayna öz ərazisini müdafiə etsə də, müharibə Rusiyanın hərbi məğlubiyyəti ilə nəticələnməyəcək: "Artıq məlumdur ki, siyasi baxımdan Rusiya uduzub. Strategiya siyasi məğlubiyyətin Rusiya daxilində problem yaratmasına hesablanıb. Müxtəlif mütəxəssislər deyirlər ki, müharibə Rusiyanın dağılmasına, yaxud hakimiyyət dəyişikliyinə gətirib çıxaracaq”.
19-08-2022, 15:56
19-08-2022, 14:34
19-08-2022, 13:41
19-08-2022, 13:40
19-08-2022, 12:19
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!