7-11-2022, 23:02
Türkiyə taxıl sazişinin müddətini uzatmağı təklif etdi
Türkiyə Ukrayna taxılının daşınmasını təmin edən müqavilənin uzadılmasını istəyir. Bu barədə Türkiyənin milli müdafiə naziri Hulusi Akar danışıb. O qeyd edib ki, rəsmi Ankara müddəti noyabrın 19-da bitəcək taxıl sazişinin daha bir il uzadılmasını təklif edib. “Ukrayna Türkiyə vasitəsi ilə Rusiyaya zəmanət verib ki, taxıl dəhlizi hərbi məqsədlə istifadə edilməyək. Biz sazişin müddətinin daha bir il uzadılmasını təklif edirik” – deyə Akar bildirib.
7-11-2022, 22:42
İrandan Norveçə etiraz - Səfir XİN-ə çağırıldı
Norveçin Tehrandakı səfiri Sequal Heq İranın Xarici İşlər Nazirliyinə (XİN) çağırılıb. Bu barədə İran XİN rəsmi məlumat yayıb. Rəsmi Tehran Norveç parlament sədrinin İrana qarşı bəyanatları ilə əlaqədar səfirə etirazını bildirib. Norveç parlamentinin spikerinin İrandakı iğtişaşları dəstəkləyən açıqlamaları qəti şəkildə pislənilib.
7-11-2022, 22:40
Ankarada Zəfər Günü qeyd edildi
Azərbaycanın Türkiyədəki səfirliyi və diplomatik nümayəndəliyimizin nəzdində Silahlı Qüvvələrin Hərbi Attaşelik Aparatı 8 Noyabr – Zəfər Günü münasibətilə Ankara şəhərində rəsmi qəbul təşkil edib. Butov.az xəbər verir ki, Quru Qoşunları Məktəbində keçirilən mərasimdə şəhid ailələri və qazilər, rəsmi şəxslər, millət vəkilləri, Türkiyə Silahlı Qüvvələrinin vəzifəli şəxsləri, qardaş ölkə ictimaiyyətinin görkəmli nümayəndələri iştirak ediblər. Əvvəlcə şəhidlərimizin əziz xatirəsi bir dəqiqəlik sükutla yad edilib. Sonra Azərbaycan və Türkiyənin dövlət himnləri səsləndirilib. Tədbirdə çıxış edənlər Müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusunun 44 günlük Vətən Savaşında qazandığı parlaq Qələbənin real nəticələrindən, Azərbaycan-Türkiyə qardaşlıq münasibətlərindən, dövlətlərimizin regionda sülh, sabitlik və inkişaf mühiti yaratmaq istiqamətində göstərdikləri səylərdən danışıblar.
7-11-2022, 22:38
Ukraynalıların 88%-i ölkənin Aİ-yə üzv olacağına inanır
Ukrayna vətəndaşlarının 88%-i ölkələrinin 10 ildən sonra Avropa İttifaqının (Aİ) üzvü olacağına inanır. Bu barədə Kiyev Beynəlxalq Sosiologiya İnstitutu sorğu keçirib. Sorğu ilhaq edilən Krım yarımadası və Rusiyanın işğal etdiyi digər Ukrayna əraziləri istisna olmaqla, bütün ölkə ərazisində keçirilib. Sorğuda 1000 respondent iştirak edib. Sorğunun nəticələrinə əsasən, hətta ağır döyüşlərin müşahidə olunduğu ölkənin şərqində də ukraynalılar Aİ-yə daxil olmağa nikbin baxırlar. Bu ərazidə respondentlərin 76 faizi Ukraynanın gələcəyini Aİ-də gördüklərini bildiriblər.
7-11-2022, 22:36
BRİCS təşkilatına daha bir ölkə qoşulmaq istəyir
Əlcəzair BRİCS təşkilatına qoşulmaq üçün rəsmi müraciət edib. Bu barədə Əlcəzair Xarici İşlər Nazirliyinin beynəlxalq tərəfdaşlıq üzrə xüsusi nümayəndəsi Leyla Zerrouqui məlumat verib. "Rusiya və Çin Əlcəzairin qrupa qoşulmasını alqışlayır", - Zerrouqui deyib. BRİCS Braziliya, Rusiya, Hindistan, Çin və Cənubi Afrikanın daxil olduğu iqtisadi koalisiyadır. Təşkilat 2006-cı ildə Sankt-Peterburq Beynəlxalq İqtisadi Forumu çərçivəsində yaradılıb. "BRICS+Plus" formatına, həmçinin Əlcəzair, Argentina, Misir, İndoneziya, İran, Qazaxıstan, Kamboca, Malayziya, Seneqal, Tayland, Özbəkistan, Fici və Efiopiya daxildir. Əlcəzair BRİCS-ə qoşulmaq istəyən yeganə ölkə deyil. Oktyabrın 18-də Səudiyyə Ərəbistanı hakimiyyəti qrupa qoşulmaq istədiklərini açıqlayıb. İyunun sonunda Argentina və İran tərəfindən təşkilata qoşulmaq üçün ərizələr təqdim edilib.
7-11-2022, 22:34
İlham Əliyevdən Zəfər Günü paylaşımı
Azərbaycan Respublikasının Prezidenti İlham Əliyev 8 Noyabr – Zəfər Günü münasibətilə rəsmi sosial şəbəkə hesablarında foto paylaşıb.
7-11-2022, 22:28
İnanıram ki, Putin G20-də iştirak etməyəcək - Prezident
İndoneziya prezidenti Coko Video Rusiya lideri Vladimir Putinin G20 sammitində iştirak etməyəcəyinə inanır. Bu barədə o, "Financial Times" qəzetinə müsahibəsində bildirib. Vidodo nəşrə açıqlamasında deyib ki, prezident Putinin iştirak etmədiyi halda Rusiya nümayəndələri Balidə keçiriləcək foruma dəvət olunacaqlar. O, həmçinin vurğulayıb ki, G20 siyasi forum olmamalı, sammit iqtisadiyyata və inkişafa həsr olunmalıdır.
7-11-2022, 22:26
Ukraynaya yeni müdafiə sistemləri verildi
İspaniya "Aspide", ABŞ isə NASAMS hava hücumundan müdafiə sistemlərini Ukraynaya təhvil verib. Bu barədə Ukrayna müdafiə naziri Aleksey Reznikov özünün "Twitter" hesabında məlumat yayıb. Nazir dəstəyə görə Norveç, ABŞ və İspaniyaya təşəkkür edib. "Bu silahlar Ukrayna ordusunu əhəmiyyətli dərəcədə gücləndirəcək və hava məkanımızı daha təhlükəsiz edəcək. Bizə hücum edən düşmənin hədəflərini məhv etməyə davam edəcəyik", - Reznikov yazıb.
7-11-2022, 22:24
Rusiya Ukraynaya 80 min döyüşçü göndərib
Rusiyada səfərbərliklə hərbi xidmətə cəlb olunan 80 minə yaxın şəxs Ukraynadakı döyüş bölgəsinə göndərilib. Bu barədə Rusiya Prezidenti Vladimir Putin bildirib. O, 50 min vətəndaşın döyüş əməliyyatlarında iştirak etdiyini açıqlayıb. “Hazırda bizim 50 min vətəndaşımız döyüş bölmələrindədir. Qalanları hələ döyüş əməliyyatlarında iştirak etmir. Digərləri təlim poliqonlarındadır”, - deyə Putin vurğulayıb.
7-11-2022, 22:22
Cəbrayılda hərbi xəstəxana və yaşayış kompleksi istifadəyə verildi
Noyabr ayının 7-də Cəbrayıl rayonu ərazisində Dövlət Sərhəd Xidmətinin hərbi hissəsində hərbi xəstəxana, idman və yaşayış kompleksləri xidməti istifadəyə verilib. Bu barədə Dövlət Sərhəd Xidmətinin (DSX) Mətbuat Mərkəzindən məlumat verilib. Bununla əlaqədar təşkil olunmuş mərasimdə çıxış edən Dövlət Sərhəd Xidmətinin rəisi general-polkovnik Elçin Quliyev işğaldan azad olunmuş ərazilərimizdə yeni inşa olunmuş hərbi hissə komplekslərinin fəaliyyətə başlaması münasibətilə şəxsi heyəti təbrik edib. Çıxışda ölkəmizin ərazi bütövlüyünün bərpa olunmasından və dövlət sərhədlərimizin işğaldan azad edilməsindən sonra Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin tapşırığına uyğun olaraq bu ərazilərdə zəruri sərhəd müdafiə və mühafizə infrastrukturunun yaradılması, hərbi qulluqçuların xidməti şəraitinin və sosial təminatının yaxşılaşdırılması üzrə ardıcıl tədbirlərin həyata keçirilməsi qeyd olunmuş, görülən işlər çərçivəsində yeni hərbi hissələrin xidməti-döyüş fəaliyyətinə başlamasının dövlət sərhədinin mühafizəsi məsələlərinə ali diqqətin növbəti təzahürü olması bildirilmişdir. Vətən Müharibəsində döyüş tapşırıqlarını uğurla icra edərək şücaət göstərən, bu gün də düşmən tapdağından azad olunmuş müqəddəs sərhədlərimizin toxunulmazlığını təmin edən Azərbaycan sərhədçilərinin ölkəmizin ərazi hüdudlarının mühafizəsi vəzifəsini hər zaman layiqincə yerinə yetirəcəkləri vurğulanıb. Tədbir çərçivəsində Azərbaycan Respublikasının ərazi bütövlüyünün bərpa olunmasında iştirak etmiş Vətən Müharibəsi iştirakçılarına “Vətən müharibəsi iştirakçısı” medalı təqdim edilmiş, həmçinin xidməti vəzifələrinin icrası zamanı fərqləndiklərinə görə bir sıra hərbi qulluqçular təltif olunublar. Açılış mərasimindən sonra hərbi qulluqçuların xidməti fəaliyyətinin təşkili üçün yaradılmış şəraitlə tanış olunmuş, o cümlədən zəruri avadanlıqlar, mebel, məişət əşyaları, istilik sistemi ilə təmin edilmiş xidməti otaqlara, döyüş texnikalarına, silah və texniki vasitələrə baxış keçirilib. Tədbirin sonunda şəxsi heyətlə birgə nahar edilmiş və şəxsi heyətlə xatirə fotoşəkilləri çəkilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!