29-03-2023, 16:18
Qərb şirkətlərinin iqtisadiyyatımızda yaratdığı boşluğu doldururuq - Putin
"Rusiya iqtisadiyyatı Qərb şirkətlərinin ölkəni tərk etməsindən yaranmış boş yeri doldurur". Bunu Rusiya prezidenti Vladimir Putin deyib. "Müsbət dinamika var, lakin bu tendensiyaları saxlamaq lazımdır. İqtisadi artımın aparıcı amili daxili tələbatın davamlı şəkildə artmasıdır. Rusiya Federasiyasının bütün səviyyələrdəki səlahiyyətli orqanları bürokratik əngəllər və gecikmə olmadan hərəkət etməlidirlər", - deyə o bildirib. "Daxili tələbin dinamikası inflyasiya meyarlarına uyğun olmalıdır, onun sürətlənməsinin, və ya həddindən artıq ləngiməsinin qarşısını almaq vacibdir. Rusiya Federasiyasının əsas xarici tərəfdaşları ilə xarici ticarət dövriyyəsinin həcmi artır", - Putin söyləyib.
29-03-2023, 16:14
Ərdoğan hökümətdə kadr dəyişiklikləri barədə danışdı
Türkiyə prezidenti Rəcəb Tayyib Ərdoğan hökumət kabinəsində kadr dəyişiklikləri barədə danışıb. Türkiyə prezidenti yeni nazir təyinatları olacağını vəd edib. "Nazirlərimiz bu günə qədər hökumətdə etdiyi xidməti parlamentdə davam etdirəcək. İnşallah, seçkilərdə qələbə qazandıqdan sonra hökumətdə yeni adlar olacaq, yeni kadrlara vəzifə verəcəyik", - deyə o bildirib. "3 dönəm" qaydası və başqa səbəblərlə bayrağı başqasına ötürmək qaçılmazdır", - Ərdoğan əlavə edib.
29-03-2023, 16:10
Baxmutun ərazisinin 5 faizi də rusların nəzarətinə keçdi
Rusiya son bir həftədə Ukraynanın Baxmut ərazisinin daha 5 faizini nəzarətə götürüb. Bu barədə Amerikanın Müharibə Tədqiqat İnstitutu (ISW) məlumat yayıb. Bildirilib ki, şəhərin ərazisinin təxminən 65 faizi Rusiyanın nəzarəti altındadır. İnstitutun ekspertləri Rusiya mənbələrinə və geolokasiya edilmiş videolara istinad edərək yazıblar ki, “Vaqner” qruplaşması cənubdan tam mərkəzə doğru irəliləyib. Qeyd edək ki, uzun müddətdir döyüşlərin davam etdiyi Baxmut şəhərinin sahəsi 40 kv.km-dən bir qədər çoxdur. Ukrayna şəhərin müdafiəsinin davam etdirilməsinə qərar verib.
29-03-2023, 15:40
Deputatın son vəziyyəti açıqlandı
Milli Məclisin deputatı Fazil Mustafaya tibb personalı tərəfindən bütün zəruri xidmətlər göstərilib. Bu barədə TƏBİB-dən bildirilib. Məlumata görə, hazırda deputatın müalicəsi davam edir, həkim müşahidəsi altındadır. Qeyd edək ki, ötən gün Milli Məclisin deputatı Fazil Mustafaya qarşı terror aktı törədilib. Yaşadığı evin qarşısında güllələnən deputat çiyin və ayağından yaralanıb. O, dərhal xəstəxanaya çatdırılaraq, əməliyyat olunub.
29-03-2023, 15:35
İlham Əliyev bu rayona 7,8 milyon manat ayrılmasıyla bağlı sərəncam imzaladı
Prezident İlham Əliyev “Ağsu rayonunun Ağsu–Kürdəmir–Bəhrəmtəpə (19 km)–Ərəbmehdibəy–Dədəli–Qasımbəyli–Xəlilli–Mustafalı–Göydəlləkli–Təklə–Dəlilər–Qaraqoyunlu–Kəndoba avtomobil yolunun tikintisi ilə bağlı əlavə tədbirlər haqqında” Sərəncam imzalayıb. Sərəncama əsasən, on min nəfər əhalinin yaşadığı 12 yaşayış məntəqəsini birləşdirən Ağsu–Kürdəmir–Bəhrəmtəpə (19 km)–Ərəbmehdibəy–Dədəli–Qasımbəyli–Xəlilli–Mustafalı–Göydəlləkli–Təklə–Dəlilər–Qaraqoyunlu–Kəndoba avtomobil yolunun tikintisinin başa çatdırılması məqsədilə “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.3-cü yarımbəndinə uyğun olaraq, Azərbaycan Avtomobil Yolları Dövlət Agentliyinə 7,8 milyon manat ayrılıb.
29-03-2023, 15:19
İrana qarşı birgə hərəkət etməliyik - Eli Kohen
Azərbaycan və İsrail İranın təhdidini bölüşür. Bu barədə İsrail xarici işlər naziri Eli Kohen Azərbaycan XİN başçısı Ceyhun Bayramovla keçirilən birgə mətbuat konfransı zamanı məlumat verib. O qeyd edib ki, İran regionu təhdid edir, terrora dəstək verməklə Yaxın Şərqdə qeyri-sabirlik yaradır. "Biz İrana qarşı birgə hərəkət etməliyik. İranın nüvə imkanlarını genişləndirməsinə imkan verməməliyik", - nazir deyib.
29-03-2023, 14:00
Qazaxıstanda parlamentə sədr müəyyən olundu
Qazaxıstanda hakim "Amanat" Partiyasının sədri Erlan Koşanov parlamentin aşağı palatasına sədr seçilib. Onun namizədliyini deputat Baktıkoja İzmuxambetov irəli sürüb. Bildirilib ki, deputatlar Erlan Koşanovun namizədliyi ilə bağlı gizli səsvermə üçün bülletenin təqdim edilməsi haqqında qərar qəbul ediblər. Qeyd olunub ki, Hesablama Komissiyası gizli səsvermə keçirərək nəticələrini müəyyən edib və Erlan Koşanovun namizədliyi yekdilliklə dəstəklənib. Albert Rau və Daniya Yespayeva isə Qazaxıstan parlamentinin aşağı palatasının vitse-spikerləri seçiliblər.
29-03-2023, 13:55
Serbiyadan Ukraynaya humanitar yardım
Serbiya hökuməti Ukraynaya humanitar yardım göndərib. Bu barədə Aİ-nin Serbiyadakı nümayəndəliyindən bildirilib. "Humanitar yardım 4 yük maşınından ibarətdir. Yük maşınlarında 19 müxtəlif elektron cihaz, Serbiyanın Ukrayna xalqı ilə bölüşmək qərarına gəldiyi elektrik infrastrukturunun detalları var. Rusiyanın Ukraynaya təcavüzü çoxsaylı problemlər yaradıb və bu gün 17 milyondan çox ukraynalının bu və ya digər formada buna ehtiyacı var”, - deyə qeyd olunub. Serbiyanın baş naziri Ana Brnabiç də yardımdan danışıb: “Serbiya Ukrayna əhalisi ilə həmrəy olduğunu bildirir və bu ölkədə dinc əhaliyə və mülki obyektlərə qarşı bütün hücumları və beynəlxalq hüquqa zidd hər hansı güc tətbiqini pisləyir”. Bundan əvvəl Serbiyanın iqtisadiyyat naziri Rade Başta Rusiyaya qarşı tez bir zamanda sanksiyaların tətbiqinə çağırıb və Serbiyanın bundan imtina etdiyi üçün böyük təzyiq altında olduğunu izah edib.
29-03-2023, 13:53
Millət vəkilimiz Fazil Mustafaya qarşı törədilən terror aktı Azərbaycana mesaj göndərmək cəhdidir. Bu sui-qəsdi sifariş edənlər Azərbaycanda narahatlıq, çaxnaşma yaratmağa çalışırlar. Bu hadisə yalnız DTX-nın yarandığı günə yox, İsraildə Azərbaycan səfirliyinin açıldığı günə də təsadüf edir. Artıq bu hadisəni törədənləri həmən anlayırsan ki, kimlərdir.
Bu sözləri açıqlamasında Əbədi Birlik Gənclər İctimai Birliyinin sədri, Qlobal Sülh Səfiri Şahin Əliyev bildirib.
O sözlərinə belə davam edib:
“Azərbaycan xalqı qorxmaz, mübariz xalqdır. Bu təxribatlar bizi nə təşvişə salar, nə də haqlı yolumuzdan yayındırar. Əminəm ki, bundan əvvəlki terror hadisələrində olduğu kimi yenə də Azərbaycan hüquq-mühafizə orqanları millət vəkilimizə qarşı sui-qəsd edən şəxsi tez bir zamanda de-şifrə edəcəkdir.
Cənab Prezidentimiz İlham Əliyevin ətrafında maksimum birləşib birlik nümayiş etdirərək xarici agentura şəbəkəsini sındıra, onu yox edə biləcəyik. Dövlətimizin təhlükəsizliyinə və milli maraqlarına qarşı hərəkət edən, Vətəninə xainlik edən şəxslər ən qatı tədbirlərlə həbs olunacaq. Azərbaycan xalqının əzmini bütün dünya Qarabağ müharibəsində gördü, bu birliyi və qorxmazlığı indi də dövlətimizin və xalqımızın maraqlarına qarşı çıxan şəxslərə göstərməliyik. Heç kimə güzəştdən söz gedə bilməz. Azərbaycanda yaşayıb, başqa ölkələrə işləyir, onların maraqlarına xidmət edirsə onlara heç bir güzəşt edilə bilməz. İçimizdəki casuslar tez bir zamanda ifşa olunacaqlar”,- deyə o qeyd edib.
29-03-2023, 13:53
Mühacirət edən İran vətəndaşlarının sayı artıb
İran əhalisi arasında mühacirət edənlərin sayında artım müşahidə edilir. Bu barədə "Iran International" nəşri yazıb. Bildirilir ki, İran əhalisi siyasi və iqtisadi qeyri-sabitlikdən xilas olmaq üçün ölkədən mühacirət edirlər. Nəşrin məlumatına görə, İran əhalisinin ən çox mühacirət etdiyi ölkə Birləşmiş Ərəb Əmirlikləridir (BƏƏ). İrandan bu ölkəyə 450 min nəfər köçüb. ABŞ, Kanada, Almaniya və Böyük Britaniya da İran əhalisinin ən çox köç etdiyi ölkələr arasındadır. İranlıların ən çox mühacirət etdiyi ölkələrdən biri də Türkiyədir. Bu ölkədə yaşayan iranlıların sayı son 7 ildə 5 dəfə artaraq 155 min nəfərə çatıb. Bundan başqa, Oman İran əhalisinin yeni mühacirət istiqamətinə çevrilib. Xüsusilə tibb işçilərinin Omana köç etdiyi bildirilir. İrandan olan 30,000 həkim, tibb bacısı və feldşer Omana köç edib. Məlumata görə, gənc əhali arasında miqrasiyanın əsas səbəbləri “nəyəsə təsir etmək imkanının olmaması”, “ölkədə lazımsızlıq hissi” və “gələcək üçün perspektivlərin olmaması”dır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!