1-06-2023, 15:20
Makron İlham Əliyev və Paşinyanla Sammitin açılışında ayaqüstə danışdı
İyunun 1-də Moldovada Avropa Siyasi Birliyinin ikinci sammitinin açılış mərasimi zamanı Fransa Prezidenti Emmanuel Makron Azərbaycan lideri İlham Əliyev və Ermənistanın Baş naziri Nikol Paşinyanla salamlaşıb. Liderlər ayaqüstü söhbət ediblər. Daha sonra sammitdə iştirak edən dövlət və hökumət başçıları birgə foto çəkdiriblər. Qeyd edək ki, bu gün Moldovada Avropa Siyasi Birliyinin ikinci sammitinin açılış mərasimi olub. Sammit çərçivəsində İlham Əliyev, Paşinyan, Makron, Avropa İttifaqı Şurasının prezidenti Şarl Mişel və Almaniya kansleri Olaf Şolz arasında beştərəfli görüş planlaşdırılır. Görüş Bakı vaxtı ilə saat 16:30-da başlayacaq.
1-06-2023, 15:01
Ermənistan və Azərbaycan arasında sülh danışıqlarını dəstəkləyirik - Qaribaşvili
"Gürcüstan Ermənistan və Azərbaycan arasında sülh danışıqlarını dəstəkləyir". Bunu Avropa Siyasi Birliyinin sammiti öncəsi keçirdiyi brifinqdə Gürcüstanın baş naziri İrakli Qaribaşvili deyib. O bildirib ki, belə təmaslar həm bu ölkələrin, həm də bütün regionun maraqlarına cavab verir. "Gürcüstan 44 günlük müharibədən sonra İrəvanla Bakı arasındakı təmaslarda vasitəçi kimi çıxış etdi. Bizim mövqeyimiz və rolumuz regionda sabitliyin və sülhün möhkəmləndirilməsi kontekstində neytral və qərəzsizdir", - Baş nazir qeyd edib.
1-06-2023, 14:33
Zelenski NATO-ya üzvlükdən danışdı: “Bu il qərar veriləcək ildir”
Ukrayna prezidenti Volodimir Zelenski ölkəsinin NATO-ya üzvlük prosesindən danışıb. Bu barədə "Reuters" agentliyi yazıb. O bildirib ki, Kiyev alyans liderlərinin iyulda Vilnüsdəki görüşü zamanı NATO-dakı gələcəyi ilə bağlı “aydın” qərar almaq istəyir. Moldovada 40-dan çox avropalı liderin iştirakı ilə keçirilən sammitdə o, Ukraynanın keçən il Rusiyanın genişmiqyaslı işğalına başlamasından sonra Kiyevin qoşulmaq üçün müraciət etdiyi Avropa İttifaqından irəliləyiş istədiyini də bildirib. "Bu il qərar veriləcək ildir. Yayda NATO-nun Vilnüs sammitində Ukraynaya üzvlük üçün açıq-aydın dəvət və təhlükəsizlik təminatları lazımdır", - Zelenski deyib.
1-06-2023, 13:03
Prezident 2-ci Zirvə toplantısının açılış mərasimində iştirak etdi
İyunun 1-də Moldovanın paytaxtı Kişineuda “Avropa siyasi birliyi” 2-ci Zirvə toplantısının açılış mərasimi keçirilib. Azərbaycan Respublikasının Prezidenti İlham Əliyev tədbirdə iştirak edib. Moldova Respublikasının Prezidenti Maya Sandu Azərbaycan Prezidenti İlham Əliyevi, Zirvə toplantısında iştirak edən digər dövlət və hökumət başçılarını qarşılayıb. Toplantı iştirakçıları birgə foto çəkdiriblər.
1-06-2023, 12:47
Türkiyə 1 ay ərzində İsveçin NATO-ya üzvlük müraciətinə baxacaq
Türkiyə çox güman ki, bir ay ərzində İsveçin NATO-ya üzvlük müraciətinə baxacaq. Bununla bağlı "TASS" agentliyi məlumat yayıb. Agentliyin məlumatına görə, Türkiyənin əsas tələbi ödənilib. Belə ki, İsveç hökuməti terrorla mübarizə ilə bağlı qanunvericiliyinə düzəlişlər edib. “Ümumiyyətlə, iyulun 11-də NATO sammiti başlamazdan əvvəl Ankaranın qərarını (İsveçin NATO-ya üzv olmaq ərizəsi ilə bağlı) gözləməliyik",- deyə mənbə bildirib. Qeyd edilib ki, F-16 qırıcılarının Türkiyəyə satış məsələsi də həll olunacaq. Mənbənin verdiyi məlumata əsasən, pərdəarxası da olsa, bu məsələ İsveçin alyansa girməsi ilə bağlıdır.
1-06-2023, 12:34
Zelenski moldovalı həmkarıyla görüşdü
Ukrayna prezidenti Volodimir Zelenski Moldova prezidenti Maya Sandu ilə görüşüb. Görüş Zelenskinin Moldovaya səfəri çərçivəsində baş tutub. Belə ki, Zelenski hazırda paytaxt Kişineu yaxınlığında keçirilən Avropa Siyasi Birliyinin sammiti çərçivəsində Sandu ilə danışıqlar aparıb. "Biz tədbir başlamazdan əvvəl cəbhədəki vəziyyət, ikitərəfli gündəm və Avropaya inteqrasiya yolumuz haqqında çox yaxşı müzakirələr apardıq", - deyə qeyd olunub.
1-06-2023, 12:30
Müharibəni Putin başladıb və savaşa yalnız o, son qoya bilər - NATO
Ukrayna özünümüdafiə hüququna malik olduğu üçün Rusiya Federasiyasının ərazisinə hücum edə bilər. Bunu NATO baş katibi Yens Stoltenberq jurnalistlərin suallarını cavablandırarkən bildirib. "Biz müharibənin əvvəlində olduğu kimi eyni mövqedəyik - Ukraynanın özünü müdafiə etmək hüququ var. Özünümüdafiə hüququ BMT Nizamnaməsində təsbit olunub. Hazırda nə baş verdiyi ilə bağlı heç kəsin şübhəsi yoxdur. Prezident Putin və rəsmi Moskva Ukraynaya qarşı aqressiv müharibə aparır. Rusiyanın Ukraynaya qarşı təcavüzkar müharibəsi beynəlxalq hüququn kobud şəkildə pozulmasıdır”, – Stoltenberq Alyansa üzv ölkələrin xarici işlər nazirlərinin qeyri-rəsmi görüşündən əvvəl keçirdiyi brifinqdə deyib.
Müharibəni Putin başladıb və savaşa yalnız o, son qoya bilər: "Bu, sülh və sabitliyin yaradılması və müharibənin daha da genişlənməsinin qarşısını almağın yoludur. Biz Ukraynanı dəstəkləyirik. Biz Ukraynanı dəstəkləməyə davam edəcəyik. Nə qədər lazımdırsa, biz Ukraynanın tərəfində olacağıq".
1-06-2023, 12:09
Rusiya işğal etdiyi ərazilərimizi tərk etsə, müharibə tez bitər - Zelenski
Müharibə Ukrayna qalib gələnə qədər davam edəcək. Bunu Ukrayna prezidenti Volodimir Zelenski deyib. "Biz qələbə əldə edənə qədər dayanmayacağıq. Rusiya işğal etdiyi bütün ərazilərimizi tərk edərsə, müharibəni daha tez dayandıra bilər",- deyə Zelenski Moldovada jurnalistin suallarını cavablandırarkən deyib. Qeyd edək ki, bu gün Ukrayna Prezidenti Volodimir Zelenski Moldovaya səfərə gedib. O, Kişineuda keçiriləcək Avropa Siyasi Birliyinin sammitində iştirak edəcək.
1-06-2023, 11:54
Zakir Həsənov təhlükəsizlik istiqamətindəki tədbirlərdən danışdı
Müdafiə naziri Zakir Həsənov Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin mayın 28-də Laçın şəhərinə qayıdan əhali ilə görüşdə çıxışında Qarabağ iqtisadi rayonunda qeyri-qanuni fəaliyyət göstərən, özlərini “parlament”, “prezident”, “nazir”, “deputat” adlandıran ünsürlər barədə səsləndirdiyi fikirləri və onlara tətbiq oluna biləcək amnistiya şərtlərini bir daha toplanış iştirakçılarının diqqətinə çatdırıb. Bu barədə müdafiə naziri, general-polkovnik Zakir Həsənov və nazirliyin digər rəhbər heyəti ilə iyunun 1-də Azərbaycan Ordusunun Təlim və Tədris Mərkəzində təlim-metodiki toplanışla bağlı rəhbər heyətin məruzələrini dinləyərkən deyib. Müzəffər Ali Baş Komandanın Qarabağ iqtisadi zonasında təhlükəsizliyin təmin edilməsi ilə bağlı çıxışlarından irəli gələn, Azərbaycan Ordusunun qarşısında duran tapşırıqların qısa zamanda yerinə yetirilməsinin zəruriliyi qeyd edilib. Dövlətimizin başçısının Azərbaycan Ordusuna yüksək diqqət və qayğı göstərdiyini vurğulayan müdafiə naziri bildirib ki, ölkənin müdafiə qabiliyyətinin gücləndirilməsi və milli təhlükəsizlik tədbirlərinin daha da artırılması üçün 1 milyard 105 milyon manat, o cümlədən xüsusi müdafiə təyinatlı layihələr və tədbirlər üzrə xərclər üçün 1 milyard manat əlavə edilməsi Orduda aparılan islahatlar çərçivəsində yeni müasir silah və hərbi texnikanın alınmasına imkan verəcək.
1-06-2023, 00:43
Çavuşoğlu iranlı həmkarıyla telefon danışığı apardı
Türkiyə xarici işlər naziri Mövlud Çavuşoğlu iranlı həmkarı Hüseyn Əmir-Abdullahiyanla telefon danışığı aparıb. Bu barədə yerli mətbuat ölkənin Xarici İşlər Nazirliyinə istinadən məlumat yayıb. Əmir-Abdullahiyan Türkiyə Prezidenti Rəcəb Tayyib Ərdoğanın yenidən prezident seçilməsi və parlament seçkilərində qazanılan uğurlar münasibətilə həmkarını təbrik edib. Telefon danışığı zamanı ikitərəfli əlaqələr də müzakirə olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!