6-12-2023, 19:15
ABŞ sülhün bərqarar olmasına öz töfhəsini verə bilər - Prezident
Dövlətimizin başçısı 44 günlük Vətən müharibəsi başa çatandan sonra Ermənistanın öz öhdəliklərini yerinə yetirmədiyini, Azərbaycan ərazilərinə silah-sursat və hərbi qulluqçular göndərdiyini, separatizmi dəstəklədiyini qeyd edərək, Azərbaycanın antiterror tədbirlərini öz suveren ərazilərində keçirdiyini, təcavüzkar separatizmə son qoyduğunu və əməliyyatın keçirilməsi zamanı nümunəvi şəkildə beynəlxalq humanitar hüququn tələblərinə riayət etdiyini, mülki insanlara və infrastruktura hər hansı zərərin dəymədiyini diqqətə çatdırıb.
Bunu Prezident İlham Əliyev dekabrın 6- ABŞ Dövlət katibinin Avropa və Avrasiya məsələləri üzrə köməkçisi Ceyms O’Braynla görüşdə deyib.
Ölkəmizin regional sülh gündəliyini dəstəklədiyini vurğulayan Prezident İlham Əliyev bildirib ki, münaqişə başa çatandan və Azərbaycan suverenliyini tam şəkildə bərpa edəndən sonra sülhün bərqərar olunması üçün tarixi imkanlar yaranıb və ABŞ da yeni reallıqlar nəzərə alınaraq bu prosesə öz töhfəsini verə bilər.
6-12-2023, 19:07
İlham Əliyev ABŞ rəsmisini qəbul etdi
Azərbaycan Respublikasının Prezidenti İlham Əliyev dekabrın 6-da ABŞ Dövlət katibinin Avropa və Avrasiya məsələləri üzrə köməkçisi Ceyms O’Braynı qəbul edib.
Görüşdə ABŞ Dövlət katibinin köməkçisi Ceyms O’Braynın ölkəmizə səfərinin ikitərəfli əlaqələrin müxtəlif aspektlərinin müzakirəsi və regional məsələlər ətrafında fikir mübadiləsinin aparılması baxımından əhəmiyyəti qeyd edildi.
Prezident İlham Əliyev Azərbaycan ilə ABŞ arasında münasibətlərin zəngin tarixinin olduğunu deyərək, ölkələrimizin Azərbaycanın müstəqilliyi illərində müxtəlif sahələrdə əməkdaşlıq əlaqələri qurduğunu, xüsusilə energetika sahəsində uğurlu əməkdaşlığın həyata keçirildiyini bildirdi.
Dövlətimizin başçısı 44 günlük Vətən müharibəsi başa çatandan sonra Ermənistanın öz öhdəliklərini yerinə yetirmədiyini, Azərbaycan ərazilərinə silah-sursat və hərbi qulluqçular göndərdiyini, separatizmi dəstəklədiyini qeyd edərək, Azərbaycanın antiterror tədbirlərini öz suveren ərazilərində keçirdiyini, təcavüzkar separatizmə son qoyduğunu və əməliyyatın keçirilməsi zamanı nümunəvi şəkildə beynəlxalq humanitar hüququn tələblərinə riayət etdiyini, mülki insanlara və infrastruktura hər hansı zərərin dəymədiyini diqqətə çatdırdı.
Ölkəmizin regional sülh gündəliyini dəstəklədiyini vurğulayan Prezident İlham Əliyev bildirdi ki, münaqişə başa çatandan və Azərbaycan suverenliyini tam şəkildə bərpa edəndən sonra sülhün bərqərar olunması üçün tarixi imkanlar yaranıb və ABŞ da yeni reallıqlar nəzərə alınaraq bu prosesə öz töhfəsini verə bilər.
Prezident İlham Əliyev enerji sahəsində əməkdaşlığı, Azərbaycanın Avropanın enerji təhlükəsizliyində oynadığı rolu və bərpaolunan enerji potensialının inkişafı istiqamətində Xəzərdə və Qara dənizdə həyata keçirilən layihələri qeyd etdi.
Dövlətimizin başçısı regionda Orta Dəhliz üzrə yeni nəqliyyat-logistika imkanlarının yarandığını, Azərbaycanın Mərkəzi Asiya ölkələri ilə tərəfdaşlığının daha da genişləndiyini dedi və bu istiqamətdə yeni əməkdaşlıq imkanları barədə danışdı.
Ceyms O’Brayn öz növbəsində ABŞ ilə Azərbaycan arasında əlaqələrin dərin köklərə malik olduğunu və ölkələrimizin yaxşı tərəfdaşlar olduqlarını vurğuladı. O, Azərbaycanın enerji resurslarının dünya bazarlarına çıxarılmasında ABŞ-ın roluna toxundu, ölkəsinin regionda sülh gündəliyini, Ermənistan ilə Azərbaycan arasında münasibətlərin normallaşmasını, sülh müqaviləsi üzrə danışıqları dəstəklədiyini dedi, bu xüsusda danışıqların Vaşinqtonda davam etdirilməsi üçün ABŞ-ın hazır olduğunu diqqətə çatdırdı.
Ceyms O’Brayn Transxəzər nəqliyyat dəhlizi konsepsiyasının inkişafı, həmçinin Ermənistan ilə Azərbaycan arasında kommunikasiyaların açılması üzrə müzakirələrin davam etdirilməsinin ABŞ tərəfindən dəstəkləndiyi vurğuladı. O, ABŞ-Azərbaycan münasibətlərində gələcəyə baxışın vacibliyini bildirdi.
Görüşdə ikitərəfli münasibətlərin irəli aparılması üçün qarşılıqlı səfərlərin bərpa edilməsi müsbət addım kimi dəyərləndirildi.
Söhbət zamanı qarşılıqlı maraq doğuran regional məsələlər ətrafında da fikir mübadiləsi aparıldı..
6-12-2023, 18:33
ABŞ-ın keçmiş səfiri Ermənistanı ittiham etdi
Zəngilan səfəri məndə çox böyük təəssürat yaradıb. Azərbaycanda bu cür genişmiqyaslı bərpa-quruculuq işlərinin birinci dəfədir şahidi oldum.
Bu sözləri dekabrın 6-da ADA Universitetinin və Beynəlxalq Münasibətlərin Təhlili Mərkəzinin birgə təşkilatçılığı ilə keçirilən “Qarabağ: 30 ildən sonra evə dönüş. Nailiyyətlər və çətinliklər” Forumunda iştirak edən ABŞ-ın Azərbaycandakı sabiq səfiri, ATƏT-in Minsk qrupunun sabiq həmsədri, beynəlxalq ekspert Metyu Brayza söyləyib.
“Məni heyran edən ikinci məqam həmin bu genişmiqyaslı prosesin regionda davam edən mina təhlükəsi dövründə baş tutmasıdır. Çünki Ermənistan tərəfi hələ də dəqiq mina xəritələrini Azərbaycana təqdim etməyib və bu, insanların qayıtması üçün böyük təhlükə yaradır. Buna baxmayaraq, bərpa və quruculuq işləri sürətlə və uğurla davam edir”, - deyə M.Brayza qeyd edib.
Beynəlxalq ekspert bildirib ki, müasir tarixdə tamamilə dağıdılmış və o qədər böyük əraziyə bənzər bir nümunə olmayıb. İndi isə bu ərazi yenidən qurulacaq və öz doğma torpaqlarına qayıdan insanlar üçün normal həyat şəraiti yaradılacaq.
“Bundan əlavə, biz bu gün Prezident İlham Əliyev ilə üç saat ərzində danışıqlar aparmışıq. Dövlət başçısı hər bir iştirakçının sualını cavablandırıb, öz fikrini çox aydın və səmimi şəkildə ifadə edib. O, öz nitqində Azərbaycanın gələcəyindən, Mərkəzi Asiya və Avropa ölkələri ilə əlaqələrdən, həmçinin Azərbaycanın iqtisadi və siyasi müstəqilliyə nail olmasından söz açıb. Azərbaycan Prezidenti Ermənistanla sülh müqaviləsi imzalamaq niyyətindədir. O, həmçinin Paşinyanın sülh müqaviləsini imzalamaq üçün sonuncu maneəni, yəni, Qarabağdan qeyri-qanuni erməni qoşunlarının çıxarılmasını və separatçı siyasi rejimi necə aradan qaldırdığını vurğulayıb”, - deyə sabiq səfir diqqətə çatdırıb.
6-12-2023, 18:10
İlham Əliyev qırğızıstanlı həmkarına zəng etdi
Dekabrın 6-da Azərbaycan Respublikasının Prezidenti İlham Əliyev Qırğız Respublikasının Prezidenti Sadır Japarova zəng edib.
Prezident İlham Əliyev Sadır Japarova ad günü münasibətilə səmimi təbriklərini və xoş arzularını çatdırıb, ona möhkəm cansağlığı və ali dövləti fəaliyyətində uğurlar arzulayıb.
Qırğızıstan Prezidenti göstərilən diqqətə və təbrikə görə Prezident İlham Əliyevə minnətdarlığını bildirib.
Dövlətimizin başçısı Qırğızıstan Prezidenti ilə həm Azərbaycanda, həm də Qırğızıstanda keçirdiyi görüşləri məmnunluqla xatırlayıb, görüşlər zamanı aparılmış müzakirələrin qarşılıqlı etimada və dəstəyə əsaslanan dostluq və qardaşlıq münasibətlərimizin genişlənməsinə, strateji tərəfdaşlığımızın inkişafına mühüm təkan verdiyini qeyd edib.
Telefon danışığı əsnasında Azərbaycanın və Qırğızıstanın SPECA, Türk Dövlətləri Təşkilatı və digər beynəlxalq təşkilatlar çərçivəsində uğurla əməkdaşlıq etdikləri vurğulanıb.
6-12-2023, 17:55
Ermənistan parlamentində gərginlik yaşandı
“Mən artıq demişəm ki, bizim strateji məqsədimiz Ermənistanın dövlətçiliyini, suverenliyini və müstəqilliyini möhkəmləndirməkdir. Və biz bu istiqamətdə irəliləyişimizi davam etdirəcəyik”.
Bunu dekabrın 6-da parlamentdə Baş nazir Nikol Paşinyan “Hayastan” fraksiyasının rəhbəri, eks-müdafiə naziri Seyran Ohanyanın mübahisə tonunda ünvanlanmış suallarına cavab verərəkən deyib.
Seyran Ohanyan Baş nazirdən Ermənistanın qondarma “Artsax”ın gələcəyi ilə bağlı strategiyasının nədən ibarət olduğu, Bakıda həbsdə saxlanılarn Qarabağ separatçılarının “liderlərinin” geri qaytarılması üçün nələr edildiyi barədə suallara cavab istəyib.
Paşinyan deyib ki, müəyyən qüvvələr “Dağlıq Qarabağ məsələsi”ndən yalnız bir məqsəd üçün istifadə ediblər ki, bu da Ermənistanda dövlətçiliyin yaranmasının qarşısını almaq olub.
"Mənim üçün bu inam zaman keçdikcə güclənir", - Baş nazir vurğulaylb.
Paşinyan bir daha təkrar edib ki, 1996-cı ildə keçirilmiş Lissabon sammitindən sonra “Dağlıq Qarabağ məsələsi” artıq yox idi.
“Biz bu reallığı qəbul etmədik. Bu, bizim dərin köklü problemlərdən biridir, o cümlədən hökumətimizin problemidir. Yuxarıda qeyd olunan sammitin yekunu olaraq bəyanat qəbul edilib ki, “Dağlıq Qarabağ məsələsi” öz müqəddəratını təyinetmə hüququ çərçivəsində həll edilməlidir, yəni “Dağlıq Qarabağ” Azərbaycanın tərkibində muxtariyyət statusu almalıdır.
Biz hamımız istifadə etdiyimiz terminləri həmişə dövriyyəyə bu terminləri daxil edən qurumların qavrayışı ilə müqayisə etməmişik. Nəticədə reallıqla qarşıya qoyduğumuz hədəflər arasında keçilməz uçurum yaranıb”, - Paşinyan izah edib.
S.Ohanyan öz növbəsində Azərbaycanın “Artsax”a görə cəzalandırılmasının və “Artsaxın dövlət institutları”nın qorunub saxlanmasının, eləcə də ermənilərin Qarabağa qayıtması üçün şərait yaradılmasının vacibliyini qeyd edib.
O, Paşinyanı ictimaiyyəti çaşdırmaq cəhdində ittiham edərək, “Artsax”ın həmişə mövcud olduğunu və ermənilərin məhz indiki hakimiyyətin bəyanatlarından və hərəkətlərindən sonra yaranmış vəziyyət nəticəsində oradan qovulduğunu xatırladıb.
“Mənim vəzifəm Ermənistanın gələcəyidir. Ermənistan Konstitusiyası Ermənistanın gələcəyi üçün məsuliyyəti mənə həvalə edir və mən bütün diqqətimi bu işə yönəltmişəm”, - deyə Paşinyan Ohanyana cavab verib.
Paşinyan “Ermənistan hakimiyyəti “Artsax”a kömək etmədi” kimi iddialara bir sözlə cavab verib: nankorluq.
Sonda o, əmin edib ki, Bakıda həbsdə olan separatçıların qaytarılması üçün gündəlik iş aparılır.
6-12-2023, 17:47
“Beşiktaş”ın sabiq baş məşqçisi Azərbaycan millisinə rəhbərlik edəcək
Türkiyə millisinin və “Beşiktaş” klubunun sabiq baş məşqçisi Şenol Günəş Azərbaycan millisini çalışdıra bilər.
AFFA 71 yaşlı mütəxəssislə danışıqlara başlayıb.
Türkiyəli məşqçinin son komandası "Beşiktaş" olub. O, bu il oktyabrın 6-da uğursuz nəticələrə görə istefaya göndərilib.
Qeyd edək ki, Azərbaycan millisinə son olaraq Canni De Byazi başçılıq edib. İtaliyalı mütəxəssis noyabrın sonunda öz istəyi ilə yığmadan ayrılıb.
6-12-2023, 17:30
Naxçıvanın xüsusi iqtisadi rejimə keçilməsi nəzərdə tutulur
“Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”na əsasən diyarımızın azad iqtisadi zonaya çevrilməsi mühüm hədəflərdən biri kimi dayanır. Bu məqsədlə Naxçıvanda xüsusi iqtisadi rejimin tətbiq edilməsi nəzərdə tutulur.
Bunu Naxçıvan Sahibkarlar Konfederasiyasının təşkilatçılığı ilə keçirilən tədbirdə konfederasiyanın sədri Vüqar Abbasov bildirib.
O qeyd edib ki, ölkənin dayanıqlı inkişafının təmin edilməsi məqsədilə bütün sahələrdə həyata keçirilən islahatlar muxtar respublika iqtisadiyyatının inkişafında da yeni mərhələnin başlanmasını zəruri edir. Xüsusilə Naxçıvan Muxtar Respublikası ərazisində xüsusi iqtisadi rejimin tətbiq olunması istiqamətində hazırlıqlar bu sahədə müxtəlif tədbirlərin həyata keçirilməsini zəruri edir.
Qeyd olunub ki, Naxçıvan iqtisadi rayonunda dayanıqlı sahibkarlıq və investisiya mühiti yaradılmaqla xarici və yerli investisiyaların cəlb edilməsi, iqtisadiyyatın səmərəliliyinin artırılması üçün xüsusi güzəşt və imtiyazlar mexanizminin formalaşdırılması, yaşıl iqtisadiyyatın inkişafı, şaxələndirilmiş ixrac potensialına nail olunması, yeni iş yerlərinin açılması və digər istiqamətlərdə həyata keçiriləcək tədbirlər xüsusi iqtisadi rejimin tətbiq edilməsinə geniş imkanlar açacaq.
Vurğulanıb ki, xüsusi iqtisadi rejimin tətbiqi “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nda nəzərdə tutulmuş tədbirlərin həyata keçirilməsinə də zəmin yaradacaqdır.
Sonra mövzu ilə bağlı müzakirələr aparılıb.
6-12-2023, 17:02
Peyvənddən sonra qızılcadan ölüm halları 85 faiz azalıb - Rəsmi
Müasir dövrdə bir sıra infeksiyaları peyvəndlərlə idarə edə bilirik.
Bunu Səhiyyə Nazirliyinin mütəxəssis-eksperti, infeksionist Təyyar Eyvazov nazirliyin rəsmi instaqram səhifəsində “Qızılca” mövzusunda yayımlanan canlı yayımda deyib.
Azərbaycan Respublikasında qəbul olunmuş milli peyvənd təqvimində 11 infeksiyanın peyvəndlərlə idarə olunması məsələsinin olduğunu diqqətə çatdıran T.Eyvazov qızılcanın da onlardan biri olduğunu qeyd edib: “Qızılca əleyhinə peyvənd ilk dəfə ötən əsrin 60-cı illərində tətbiq olunub. Peyvənd tətbiq olunmadığı dövrlərdə təxminən 15-16 yaşlı uşaqların 90 faizi qızılcanı keçirirdi. Dünya üzrə peyvənd olmadığı dövrlərdə 1 il ərzində 2 milyon şəxs qızılcadan vəfat edirdi. Peyvəndlərin tətbiq olunması nəticəsində qızılcaya yoluxma hallarının sayı kəskin azalmışdı. Ən aşağı ölüm göstəricisi 2016-cı ildə oldu ki, bu da 100 mindir. Təxminən 85 faiz ölüm halları azaldı. Bu, onu göstərir ki, peyvənd kifayət qədər effektivdir. Peyvənd uzun illərdir tətbiq olunur, öz təhlükəsizliyini və effektivliyini sübut edib”.
Mütəxəssis-ekspert iki yaşadək uşaqlar və hamilə qadınların yanaşı xəstəlikləri olmasa belə qızılcanın fəsadlaşması üçün risk qrupuna aid olduqlarını bildirib.
6-12-2023, 16:53
Amerikalı müğənni "2023-cü ilin adamı" elan edildi
Amerikalı müğənni Teylor Svift nüfuzlu “Taym” jurnalı tərəfindən "2023-cü ilin adamı" reytinqində qalib elan edilib.
Teylor Svift bu titul uğrunda mübarizədə Rusiya prezidenti Vladimir Putin, Çin lideri Si Cinpin və Barbi kuklasını qabaqlayıb.
Reytinq təşkilatçıları qeyd ediblər ki, “Qremmi” mükafatına layiq görülən müğənni “möhtəşəm bir il keçirib”.
Hazırda dünya turunda olan qadın sənətçi ifa etdiyi musiqi sayəsində 1 milyard dollardan çox gəlir əldə edib.
6-12-2023, 16:49
İşğaldan azad olunmuş kəndlər qazlaşdırılır - VİDEO
İşğaldan azad olunmuş bir neçə kəndin qazlaşdırılması üçün daşıyıcı qaz kəmərlərinin tikintisi işləri həyata keçirilir.
SOCAR “Azəriqaz” İstehsalat Birliyindən verilən məlumata görə, Füzuli rayonu işğal dövründə erməni terrorundan ən çox ziyan görən ərazilərimizdəndir. Qələbədən sonra işğaldan azad olunan ərazilərdə infrastrukturun bərpası və yenidən qurulması istiqamətində hərtərəfli işlər görülür.
Məlumata görə, görülən işlərin davamı olaraq Füzuli rayonunun Dövlətyarlı və Dədəli kəndlərinin təbii qazla təmin edilməsi üçün daşıyıcı qaz kəmərlərinin tikintisi işləri aparılır. Dövlətyarlı kəndinin daşıyıcı qaz kəmərinin tikintisi üçün ümumi uzunluğu 4050 metrədək müxtəlif diametrli polad və polietilen borulardan istifadə olunur. Diametri 325 mm olan xüsusi izolyasiya olunmuş polad boru kəməri Quruçay çayının aşağı hissəsindən keçiriləcək, digər daşıyıcı kəmərə birləşdiriləcək.
“Dədəli kəndinə də daşıyıcı qaz kəmərinin çəkilişi işləri icra olunur. İlk olaraq ANAMA tərəfindən kəmərin keçəcəyi dəhliz boyunca ərazilər minalardan təmizlənib, daha sonra qaz kəmərinin çəkilişi işlərinə başlanılıb. Kəndə daşıyıcı qaz kəmərinin çəkilişi üçün ümumi uzunluğu 14 500 metrədək müxtəlif diametrli polietilen borulardan istifadə olunub ki, artıq işlərin yaxın günlərdə tamamilə yekunlaşacağı nəzərdə tutulub”, - məlumatda qeyd olunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!