14-06-2024, 18:36
Baş nazirdən məktəblərlə bağlı qərar
“Dövlət və bələdiyyə tərəfindən yaradılan ümumi təhsil müəssisəsinin Nümunəvi Nizamnaməsi” təsdiq edilib.
Bu barədə Baş nazir Əli Əsədov Qərar imzalayıb.
Qərarla “Ümumtəhsil internat məktəblərinin nümunəvi əsasnaməsinin təsdiq edilməsi haqqında” Azərbaycan Respublikası Nazirlər Kabinetinin 1994-cü il 5 may tarixli 176 nömrəli Qərarı ləğv edilib.
Həmçinin, “Ümumtəhsil məktəbinin Nümunəvi Nizamnaməsi”nin təsdiq edilməsi haqqında” Azərbaycan Respublikası Nazirlər Kabinetinin 2011-ci il 13 yanvar tarixli 5 nömrəli Qərarı ləğv edilib.
14-06-2024, 18:08
Ən yüksək balları bu məktəblərin şagirdləri topladı
I və IV ixtisas qrupları üzrə iyunun 2-də keçirilən qəbul imtahanında I ixtisas qrupu üzrə ən yüksək nəticəni (400 bal) 10 nəfər göstərib.
Bu barədə DİM-dən məlumat verilib.
Bildirilib ki, Şəki şəhər 18 saylı orta məktəbin məzunu İlyasova Zərifə Elmaz qızı hər iki mərhələnin cəminə görə maksimal olan 700 bal toplayıb. Həmin abituriyent imtahanın birinci mərhələsində 300 bal toplamışdı.
Bu imtahanda IV ixtisas qrupu üzrə ən yüksək nəticəni 397.0 bal toplayan V.Veysəlov adına Gəncə şəhər 30 saylı məktəbin məzunu Əhmədova Nəzrin Ramil qızı göstərib. O, imtahanın birinci mərhələsində 300.0 bal toplamışdı. Hər iki mərhələnin cəminə görə IV ixtisas qrupu üzrə ən yüksək nəticə (697.0 bal) ona məxsusdur.
Xatırladaq ki, imtahanın I mərhələsində maksimal olaraq 300, II mərhələsində isə 400 bal toplamaq mümkündür. Müsabiqə hər iki mərhələdə toplanılan balların cəminə görə aparılır.
14-06-2024, 17:45
Bu il BDU-da 8 yeni ixtisas açılacaq - SİYAHI
Bakı Dövlət Universitetində (BDU) bir sıra yeni ixtisaslar açılacaq.
Bildirilib ki, 2024-2025-ci tədris ilində BDU-da açılacaq ixtisaslar aşağıdakılardı:
Bakalavriat üzrə:
- ekologiya mühəndisliyi;
Magistratura üzrə:
- korreksiyaedici təlimin metodika və metodologiyası;
- ölkəşünaslıq (Qazaxıstan üzrə);
- ölkəşünaslıq (Özbəkistan üzrə);
- ərzaq məhsullarının ekspertizası və marketinqi;
- şəhər kadastrı;
- akvabitkilər;
- mədəniyyət hüququ.
14-06-2024, 17:30
Özbəkistan və Koreya liderləri 18 sənəd imzalayıblar
Özbəkistan Prezidenti Şavkat Mirziyoyev və Koreya Respublikasının Prezidenti Yun Seok-yeol 18 sənəd imzalayıb.
Sənədlər Daşkənddə keçirilən danışıqların yekununda imzalanıb.
Tərəflər xüsusi strateji tərəfdaşlığın daha da dərinləşdirilməsi və hərtərəfli genişləndirilməsi haqqında birgə bəyanat imzalayıblar.
Cənubi Koreya Prezidentinin dövlət səfəri çərçivəsində həmçinin 17 sənəd imzalanıb.
14-06-2024, 17:25
Bayram günlərində şəhərin mərkəzi küçələri bağlanacaq - RƏSMİ
Milli Qurtuluş Günü və Qurban bayramı ilə əlaqədar elan edilən istirahət günlərində paytaxtın Zərifə Əliyeva (Rəsul Rza küçəsi ilə kəsişmədən sonra), Əbdülkərim Əlizadə, Tərlan Əliyarbəyov və Yusif Məmmədəliyev küçələrində avtomobillərin hərəkəti məhdudlaşdırılacaq.
Bu barədə Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyi (AYNA) məlumat yayıb.
Sözügedən küçələrdəki binalarda yaşayan sakinlərin avtomobilləri üçün nömrətanıma sistemi tətbiq edilməklə əraziyə giriş təmin olunur. “AzParking” mobil tətbiqində fərdi parklanma talonu olan sakinlər xidmətdən yararlana bilirlər. Bu şəxslərin avtomobilləri sistem tərəfindən tanınır və onlar əraziyə buraxılır. Ərazidə yaşayan sakinlərə məhdudiyyət qoyulacaq əraziyə avtomobilləri ilə daxil olmaq üçün “AzParking” mobil tətbiqi üzərindən müraciət edərək fərdi parklanma talonu almaları tövsiyə edilir.
Sakinlər üçün nəqliyyat vasitələri ilə əraziyə giriş Neftçilər prospektindən Tərlan Əliyarbəyov, çıxış isə Yusif Məmmədəliyev küçələrindən təmin olunur.
14-06-2024, 17:17
Ahıl və tənha vətəndaşlar dələduzluğa məruz qalır – DİN-dən XƏBƏRDARLIQ
Yaxın qohumlarının xəstə olması, müalicəsinə təcili pul lazım olması ilə bağlı vətəndaşlara kütləvi zənglər edilir.
DİN-in Mətbuat Xidmətindən verilən məlumata görə, naməlum şəxslər müxtəlif xarici, yerli nömrələrdən mobil və ev telefonlarına zənglər etməklə yaxın qohumları – övladı, bacısı, qardaşı, atası və anasının xəstəxanaların birində ağır vəziyyətdə olması ilə əlaqədar vətəndaşlara yalan məlumatlar verərək təcili ödəniş edilməsi üçün müxtəlif məbləğlərdə pul vəsaitləri tələb edirlər.
Cinayətkar şəxslər və qruplar tərəfindən əsasən ahıl, tənha vətəndaşlar hədəf seçilməklə, onların yaşadıqları ünvanlara kuryerlər göndərməklə tələb olunan vəsaitlər nağd və ya onlayn formada ələ keçirilir.
Qeyd olunanları nəzərə alaraq, diqqətə çatdırırıq ki, belə hallarla bağlı vətəndaşlar diqqətli olsunlar, daxil olan zənglər üzrə verilən məlumatları dəqiqləşdirsinlər, tanımadıqları şəxslərə pul vəsaitlərini verməsinlər.
14-06-2024, 16:55
Bakı məktəblərində "Son zəng" çalındı
İyunun 14-də paytaxtın ümumi təhsil müəssisələrində məzunlar üçün “Son zəng” çalınıb.
Bakı Şəhəri üzrə Təhsil İdarəsindən bildirilib ki, paytaxt məktəblərində keçirilmiş “Son zəng” tədbirlərində elm və təhsil naziri Emin Əmrullayev, elm və təhsil nazirinin müavini Həsən Həsənli, Elm və Təhsil Nazirliyinin Aparat rəhbəri Mətin Kərimli, elm və təhsil nazirinin müşaviri Nigar Bağırlı, Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov, direktor müavini, BŞTİ-nin müdiri vəzifəsini müvəqqəti icra edən Nərminə Hüseynova, müvafiq qurumların struktur bölmə rəhbərləri, məzunlar, valideyn icmalarının nümayəndələri, ziyalılar və müəllimlər iştirak ediblər.
Tədbirlərdə məktəb məzunlarının iştirakı ilə kompozisiyalar və maraqlı proqram nümayiş etdirilib.
Dərs ilini müvəffəqiyyətlə başa vuran şagirdlər fəxri fərman və diplomlarla təltif olunublar.
“Son zəng” tədbiri hər bir ümumi təhsil müəssisəsinin həyətyanı sahəsində, həyətyanı sahəsi olmayan ümumi təhsil müəssisələrinin idman və ya akt zallarında təşkil olunub.
Qeyd edək ki, 2023-2024-cü tədris ilində BŞTİ-nin tabeliyindəki ümumi təhsil məktəblərinin IX siniflərini 43 min 664, XI siniflərini isə 28 min 993 şagird başa vurub.
14-06-2024, 16:42
Ermənistan və İran qarşılıqlı olaraq ticarət evləri açacaq
"İran və Ermənistan yaxın vaxtlarda bir-birləri ilə ticarət evləri açacaqlar".
Bunu Ermənistanın iqtisadiyyat naziri Gevorq Papoyan bildirib.
O deyib ki, İrəvanda İran ticarət evinin açılışı İslam Respublikasının prezidenti İbrahim Rəisinin Ermənistana səfəri ilə eyni vaxta təsadüf etməli idi, lakin onun faciəvi ölümü ilə əlaqədar bu, təxirə salınıb: "Lakin tezliklə baş tutacaq".
"Ermənistan həmçinin yeni İran-Avrasiya İqtisadi İttıfaqı azad ticarət sazişinin imkanlarını təhlil etməyə hazırlaşır - hansı növ məhsulların İran bazarı üçün maraqlı olacağı və onların təşviqi istiqamətində iş aparılır", - o qeyd edib.
14-06-2024, 16:17
Həcc ziyarətinə gedən azərbaycanlı zəvvarlar yaralandı
Həcc ziyarətində olan iki azərbaycanlı xəsarət alıb.
Məlumata görə, iyunun 14-də səhər Məkkədə hoteldə qalan iki zəvvar qadın liftin şaxtaya düşməsi nəticəsində yaralanıb.
Zəvvarların səhhəti barədə açıqlama verən Qafqaz Müsəlmanları İdarəsinin (QMİ) Xarici əlaqələr şöbəsinin müdiri və Həcc Elektron Sistem məsulu Vüsal Cahangiri qeyd edib ki, xəsarət alanların sağlamlıq durumunda ciddi problem yoxdur.
"Zəvvarlar yüngül xəsarət alıblar, onlara ilkin tibbi yardım göstərilib və sağlamlıqları təhlükədə deyil", - o, sayta açıqlamasında bildirib.
Qeyd edək ki, Azərbaycandan həcc ziyarətinə səfər iyunun 4-dən başlayıb. Ümumilikdə 1 500 azərbaycanlı zəvvar təyyarələrlə iyunun 10-dək Məkkəyə çatdırılıb. Həcc ziyarətinin başa çatmasından sonra zəvvarlar təyyarə reysləri ilə iyulun 2-dək Vətənə qayıdacaqlar.
14-06-2024, 15:31
Ermənistanda hərbçi naməlum şəraitdə ölüb
Ermənistan Müdafiə Nazirliyi müqaviləli hərbçinin ölümü ilə bağlı məlumat yayıb.
Məlumatda faktın iyunun 14-də saat 08:20 radələrində aşkar olunduğu qeyd olunub.
Hərbçi Armen Qasparyanın güllə yarası ilə meyiti qeyri-müəyyən şəraitdə aşkar edilib. Faktla bağlı araşdırmalara başlanılıb.
Detallar hələlik bəlli deyil.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!