Bu gün, 17:06
Sabah paytaxtda bu yollar bağlanacaq - SİYAHI
Noyabrın 3-də səhər saat 10 radələrindən 14 radələrinədək COP29 tədbirinə hazırlıq məqsədi ilə paytaxtın Abbasqulu Ağa Bakıxanov, Tbilisi, İnşaatçılar, Nəriman Nərimanov, Mehdi Hüseyn, Teymur Elçin, Niyazi, Neftçilər, Yusif Səfərov, Xətai, Heydər Əliyev, Zərifə Əliyeva, Üzeyir Hacıbəyli, Kövkəb Səfərəliyeva, Zığ şosesi (qismən), İstiqlaliyyət küçəsində nəqliyyatın idarə edilməsi üzrə monitorinqlərin keçirilməsi üçün avtomobillərin hərəkət istiqaməti dəyişdiriləcək.
Bu barədə Daxili İşlər Nazirliyinin Mətbuat xidmətindən bildirilib.
Sürücülər Hava limanı istiqamətinə alternativ yol kimi 8 Noyabr prospektindən Zığ yoluna keçməklə, Heydər Əliyev prospektində köməkçi yol ilə Bakıxanov qəsəbəsindən keçməklə, eləcə də Ziya Bünyadov prospektindən Qara Qarayev prospektinə və Mikayıl Əliyev küçəsinə keçməklə hərəkət edə bilərlər.
Şəhərin mərkəzinə doğru isə sürücülər Mətbuat prospekti, Mikayıl Müşfiq, Abdulla Şaiq, Mirzağa Əliyev və Şəmsi Bədəlbəyli küçələrindən keçməklə daxil ola bilərlər.
Bilgəh Kardioloji Sanatoriyasından Hava limanı istiqamətində məhdudiyyət tətbiq olunduğundan sürücülər Maştağa qəsəbəsindən, Albalılıq yolundan Mərdəkan istiqamətinə keçməklə Qala dairəsindən Zığ şosesi istiqamətində hərəkət edə bilərlər.
Sürücülərdən monitorinq müddətində qeyd edilən istiqamətlər üzrə nəqliyyat vasitələrinin hərəkətinə tətbiq olunacaq məhdudiyyətləri nəzərə almaları, mümkün qədər ictimai nəqliyyata üstünlük vermələri xahiş olunur.
Bu gün, 16:45
Ermənistan İrana yeni səfir göndərdi
Ermənistan prezidenti Vaaqn Haçaturyan Qriqor Akopiyanı İrana səfir təyin edib.
Bu barədə Ermənistan KİV-nin məlumatında bildirilib.
Ermənistanın İrandakı keçmiş səfiri Arsen Avakyan isə prezidentin sərəncamı ilə Türkmənistana təyinat alıb.
Bu gün, 16:30
İran Milli Təhlükəsizlik Şurasından kritik qərar: İsrailə hərbi cavab verilsin!
İran Ali Milli Təhlükəsizlik Şurasının üzvləri İsrailə hərbi cavab verilməsinə dair qərar qəbul ediblər.
Bunu İran parlamentinin milli təhlükəsizlik komissiyasının üzvü Esmail Kosari “Didban İran” qəzetinə müsahibəsində bildirib.
Bununla yanaşı, Kosari bu yaxınlarda xarici mediada yer alan, İranın yaxın gələcəkdə müəyyən vaxtda zərbə endirəcəyinə dair məlumatları təkzib edib.
"İranın İsrailin təcavüzünə cavabı bizim üçün aydın şəkildə müəyyən edilmiş qanun məsələsidir və necə davam edəcəyi plandan asılıdır. Onun vaxtı və məqsədləri də planlaşdıranların ixtiyarına verilib".
Bundan əvvəl “Axios” portalı İsrail kəşfiyyatındakı mənbələrə istinadən xəbər vermişdi ki, İran yaxın günlərdə İraqdan İsrailə hücum etmək niyyətindədir, hücum ABŞ-da prezident seçkiləri öncəsi baş verəcək.
Bu gün, 16:16
Rusiya qoşunları Ukraynada daha iki şəhəri ələ keçirib
Rusiya qoşunları Ukraynada daha iki yaşayış məntəqəsini ələ keçirblər.
Ruslar Donetsk vilayətində Kuraxovka və Xarkov vilayətində Perşotravnevoye şəhərlərini ələ keçirib.
Məlumatı Rusiya Müdafiə Nazirliyi təsdiqləyib.
Kuraxovka kəndi Donetskdən 46 km, Pokrovskdan 30 km məsafədə yerləşir.
Perşotravnevoe kəndi Kupyanskdan təxminən 40 km məsafədə yerləşir.
Kuraxovka "Mərkəz" qoşun qruplarının hissələri, Perşotravnevoe isə "Qərb" qoşunları tərəfindən işğal edilib.
Müdafiə Nazirliyinin məlumatına görə, rus qoşunları Xarkov və Luqansk vilayətlərində Ukraynaya məxsus 5 briqadanı da darmadağın edib.
Bildirilib ki, son 24 saat ərzində Rusiya qoşunları Ukrayna Silahlı Qüvvələrinin istifadə etdiyi infrastruktur obyektlərinə hücumlar həyata keçirib. Bunlara enerji obyektləri, aerodrom infrastrukturu, yanacaq anbarı və pilotsuz təyyarələrin istehsalı emalatxanası daxildir.
Bu gün, 15:58
Xamenei ABŞ və İsraili hədələdi: “Mütləq sərt cavab alacaqlar!”
İran İslam Respublikasının ali rəhbəri Ayətullah Seyid Əli Xamenei İsrail və ABŞ-ı hədələyib
Xamenei Tehranda İmam Xomeyni Hüseyniyyəsində universitet tələbələrini qəbul edib.
Ali rəhbər bu görüşdə "İran millətinin hərbi, silah və siyasi hazırlığı üçün edilməsi lazım olan hər şeyi mütləq edəcəyik və əlhəmdülillah, hakimiyyət bunu hazırda edir" deyib.
“Əlbəttə, İran xalqı və hakimiyyəti qlobal imperializm və bu gün dünya nizamını idarə edən cinayət aparatı ilə qarşı-qarşıya gəlməkdən çəkinməyəcək. Bundan əmin olun”, - deyə əlavə edib.
Çıxışının sonunda Ayətullah Xamenei deyib: “ABŞ və İsrail rejimi də daxil olmaqla bütün düşmənlər bilməlidirlər ki, İran və müqavimət cəbhəsinə qarşı hərəkətlərinə görə mütləq sərt cavab alacaqlar”.
Bu gün, 15:22
Gürcüstanda müxalifətdən olan yeganə mer öldü
Gürcüstanın Tsalenjixa şəhərinin meri Gia Xarçilava 54 yaşında vəfat edib.
Gürcü mətbuatının bu gün verdiyi məlumata görə, ölümün mümkün səbəbləri arasında qan laxtasının yırtılması var.
Xarçilava Gürcüstanda müxalifətdən olan yeganə mer idi.
O, 2021-ci ildə keçirilən yerli seçkilərdə 51,1% səslə Vahid Milli Hərəkat Partiyasının namizədi kimi qalib gəlmişdi.
Bu gün, 15:13
ABŞ Rusiya ilə o sazişi imzalasaydı, Ukraynada müharibə başlamayacaqdı - Medvedev
“Əgər ABŞ Rusiya ilə təhlükəsizlik sazişi imzalasaydı, Ukraynada xüsusi hərbi əməliyyat başlamazdı”.
Bunu Rusiya Təhlükəsizlik Şurasının sədr müavini Dmitri Medvedev RT-yə müsahibəsində bildirib.
“Əgər Qərb ölkələri və ilk növbədə ABŞ çeviklik nümayiş etdirsəydi və Rusiya ilə təhlükəsizlik sazişi bağlasaydı, xüsusi hərbi əməliyyat olmazdı”, - Medvedev bildirib.
Onun sözlərinə görə, Qərb hakimiyyətləri öz siyasətində ABŞ maraqlarının müstəsnalığı prinsipinə əsaslanır.
Medvedevin dediyinə görə, bu, ABŞ-ı bir gün məhv edəcək böyük səhvdir.
Medvedev bildirib ki, Rusiya öz varlığını nüvə silahı ilə müdafiə etməyə hazır olacaq.
“Amerika dərin dövləti çətin ki, üçüncü Dünya müharibəsini istəsinr, lakin nədənsə rusların heç vaxt müəyyən xətti keçməyəcəyinə də inanırlar.
Onlar səhv edirlər. Prezidentimizin də dəfələrlə dediyi kimi, dövlətimizin varlığından danışırıqsa, təbii ki, bizim sadəcə olaraq seçimimiz qalmayacaq. Nüvə ölkəsinin prezidenti vəzifəsinə başlayan hər bir şəxs mahiyyətcə ölkəni sona qədər müdafiə etmək öhdəliyini üzərinə götürür. Bu, Rusiya Federasiyasına da aiddir”, - Medvedev bildirib.
Bu gün, 13:48
Bakıda 31 avtobus marşrutunun istiqaməti dəyişir - SİYAHI
COP29 əməliyyatlarının həyata keçirilməsi ilə bağlı 4 noyabr 2024-cü il tarixindən 10 noyabr 2024-cü il tarixinədək "Koroğlu" Nəqliyyat Mübadilə Mərkəzi (Atletlər kəndi tərəf), Bakı Olimpiya Stadionu və ətraf ərazilər üzrə nəqliyyat vasitələrinin hərəkəti məhdudlaşdırılacaq.
Bu barədə Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, Bununla əlaqədar olaraq "Koroğlu" Nəqliyyat Mübadilə Mərkəzinə ("Koroğlu" NMM) daxil olan 31 sayda müntəzəm marşrutun son və aralıq dayanacaq məntəqələri dəyişdiriləcək. Həmçinin E1 nömrəli marşrutun fəaliyyəti müvəqqəti olaraq dayandırılacaq. Marşrutların son dayanacaqları müəyyən edilmiş digər ərazilər üzrə təyin ediləcək.
Marşrutlar üzrə edilən dəyişikliklər:
197 və 198 nömrəli marşrutlar son dayanacaq məntəqəsi Zabrat dairəsi olmaqla fəaliyyət göstərəcək;
14 sayda (7B, 38, 71, 107, 118A, 118B, 131, 139, 173A, 173B, 189, 204, 216, 217, M8) marşrutun son dayanacaq məntəqəsi “Ulduz” metrostansiyası təyin edilmişdir;
15, 148 və 162 nömrəli marşrutların son dayanacaq məntəqəsi "Qara Qarayev" metrostansiyası təyin edilmişdir;
166 və 38 nömrəli marşrutlar "Koroğlu" NMM-ə(Atletlər kəndi tərəf) daxil olmadan fəaliyyət göstərəcək;
62, 70, 184 və 214 nömrəli marşrutlar "Koroğlu" NMM-ə (Atletlər kəndi və "Piramida" tərəf) daxil olmadan fəaliyyət göstərəcək.
H1 nömrəli marşrutun hərəkət sxemində dəyişiklik nəzərdə tutulmayıb;
1 nömrəli marşrut "28 May" metrostansiyası istiqamətində "Koroğlu" NMM-ə daxil olmadan Heydər Əliyev prospekti kənar hərəkət hissəsində mövcud dayanacaqda ("Koroğlu" metrostansiyası, Atletlər kəndi tərəf) dayanmaqla fəaliyyət göstərəcək;
24 nömrəli marşrut "Nəriman Nərimanov" metrostansiyası istiqamətində Ziya Bünyadov prospektində (Yerüstü piyada keçidi), Qaraçuxur qəsəbəsi istiqamətində isə "Koroğlu" NMM (“Piramida” tərəf) dayanacağa daxil olmaqla fəaliyyət göstərəcək;
93 nömrəli marşrut "Koroğlu" NMM-ə daxil olmadan fəaliyyət göstərəcək;
163, 60 və 13 nömrəli marşrutların son dayanacaq məntəqəsi "Koroğlu" NMM (“Piramida”tərəf) təyin edilmişdir;
184 nömrəli marşrut "Ulduz" metrostansiyası və Suraxanı qəsəbəsi istiqamətində "Koroğlu" metrostansiyasında yerləşən dayanacağa daxil olmadan fəaliyyət göstərəcək.
Sərnişinlərdən müvəqqəti dəyişiklikləri anlayışla qarşılamaq və təyin edilmiş hərəkət sxemlərinə uyğun olaraq ictimai nəqliyyat xidmətlərindən istifadə etmələri xahiş olunur.
Bu gün, 13:43
Sabahın hava proqnozu açıqlandı
Milli Hidrometeorologiya Xidməti sabahın hava proqnozunu açıqlayıb.
Qurumdan verilən məlumata görə, sabah Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin axşam buludluluğun artacağı, gecəyə doğru bəzi yerlərdə arabir yağış yağacağı, şimşək çaxacağı gözlənilir. Gecə və səhər bəzi yerlərdə duman olacaq. Arabir güclənən cənub-qərb küləyi günün ikinci yarısında güclü şimal-qərb küləyi ilə əvəz olunacaq.
Havanın temperaturu gecə 11-14° isti, gündüz 16-20° isti olacaq. Atmosfer təzyiqi 756 mm civə sütunundan 764 mm civə sütununa yüksələcək. Nisbi rütubət gecə və gündüz 65-75 %olacaq.
Azərbaycanın rayonlarında havanın əsasən yağmursuz keçəcəyi, lakin günün ikinci yarısı şimal və qərb rayonlarından başlayaraq bəzi yerlərdə arabir yağıntılı olacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi, dağlıq və dağətəyi rayonlarda qar yağacağı ehtimalı var. Bəzi yerlərdə arabir duman olacaq. Mülayim qərb küləyi ayrı-ayrı yerlərdə arabir güclü olacaq.
Havanın temperaturu gecə 5-10° isti, gündüz 20-25° isti, dağlarda gecə 1-6° isti, gündüz 10-15° isti olacaq
Bu gün, 13:20
Braziliya lideri ABŞ-da yeni prezident kimi onu görmək istəyir
Braziliya lideri Luis İnasio Lula da Silva ABŞ prezidenti postunda hazırkı vitse-prezident Kamala Harrisi görməyə üstünlük verdiyini bildirib.
Braziliya prezidenti bu haqda fikrini LCI telekanalına müsahibəsində bildirib.
Luis İnasio Lula da Silva “Hakimiyyətdə demokrat namizəd görmək əla olardı” deyib.
Onun fikrincə, Harrisin ABŞ prezidenti postuna gəlməsi ölkədə demokratiyanın möhkəmlənməsinə töhfə verəcək. Bununla bağlı o, Donald Trampın tərəfdarlarının 2021-ci il yanvarın 6-da Kapitoliyə hücumunu xatırladıb.
ABŞ-da prezident seçkiləri noyabrın 5-nə təyin edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!