19-11-2024, 17:33
Azərbaycan su təchizatını təmin etmək üçün çətinliklərlə üzləşir
Su qıtlığı kənd təsərrüfatı, sağlamlıq və iqtisadi inkişaf kimi sahələrə təsir göstərən mühüm bir problemdir.
Bunu Bakıda COP29 çərçivəsində "Su ehtiyatlarının idarə olunmasında dövlət-özəl tərəfdaşlıqların rolu" mövzusunda keçirilən tədbirdə Azərbaycan Dövlət Su Ehtiyatları Agentliyinin sədrinin müşaviri Əsəd Şirinov deyib.
O, bildirib ki, Azərbaycan digər ölkələr kimi artan tələbat və məhdud resurslar fonunda davamlı su təchizatını təmin etmək üçün çətinliklərlə üzləşir: "Bu problemə perspektiv həllərdən biri Xəzər dənizinin suyunun duzsuzlaşdırılması kontekstində Dövlət-Özəl Tərəfdaşlıqların potensialıdır. Xəzər Dənizinin suyunun Duzsuzlaşdırılması Layihəsi Azərbaycanın su qıtlığı problemini həll etmək məqsədini daşıyan irimiqyaslı təşəbbüsdür. Layihənin əsas məqsədi Xəzər dənizinin duzlu suyunu qabaqcıl duzsuzlaşdırma texnologiyaları vasitəsilə içməli suya çevirməkdir.
2023-cü il 12 aprel tarixində Azərbaycan Respublikasının Prezidenti tərəfindən 3843 nömrəli Fərman imzalanmışdır. Layihənin illik istehsal gücü 100 milyon m³, müddəti isə 27,5 ildir (2,5 il tikinti, 25 il istismar). Hazırda tender təkliflərinin qiymətləndirilməsi prosesi həyata keçirilir".
O qeyd edib ki, iqlim dəyişikliyi ilə əlaqədar temperaturun yüksəlməsi, qeyri-müntəzəm yağıntılar və artan buxarlanma Azərbaycanın su ehtiyatlarını daha da azaldır:
"Azərbaycan yarımsəhra iqlimində yerləşdiyindən məhdud su resurslarına malikdir və əsasən qonşu ölkələrdən (Gürcüstan, Türkiyə, Ermənistan) gələn Kür və Araz çaylarından asılıdır. Bu, Azərbaycanı suyun keyfiyyəti və axını baxımından həssas edir".
19-11-2024, 17:21
Alpaqut üzrə Dünya Çempionatı bu şəhərdə keçiriləcək - AÇIQLAMA
“Dekabr ayının 5-dən 8-ə qədər Gürcüstanın Kutais şəhərində Alpaqut döyüş sənəti üzrə 5-ci dünya kuboku keçiriləcək. Bununla əlaqədar olaraq texniki hazırklıqların hamısı başa çatıb”.
Bu barədə Alpaqut idman növünün qurucusu, Kutsan Vasif Namazov bildirib.
Onun sözlərinə görə, artıq bütün tələb olunan ölkələrdən sifarişlər alınıb, vizalar açılıb:
“20-dən çox ölkənin, 500-dən çox idmançının iştirak edəcəyi mötəbər bir yarış olacaq. Düşünürəm ki, biz bu yarışı ən yaxşı şəkildə həyata keçirəcəyik”.
19-11-2024, 16:57
IDEA ilə ICESCO arasında niyyət protokolu imzalanıb
Noyabrın 19-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində İslam Dünyası Təhsil, Elm və Mədəniyyət Təşkilatı (ICESCO) ilə IDEA (Ətraf Mühitin Mühafizəsi Naminə Beynəlxalq Dialoq) İctimai Birliyi arasında niyyət protokolunun imzalanma mərasimi keçirilib.
Protokol IDEA İB-nin təsisçisi və rəhbəri Leyla Əliyeva və ICESCO-nun Baş direktoru Səlim bin Məhəmməd əl-Maliki tərəfindən imzalanıb.
Niyyət protokolunun məqsədi iqlim dəyişmələri ilə mübarizə sahəsində ICESCO ilə IDEA arasında iki tərəfli əməkdaşlığın genişləndirilməsi, ətraf mühitin qorunmasına yönələn tədbirlərdə birgə iştirak və hər iki təşkilatın fəaliyyət istiqamətləri ilə uyğunluq təşkil edən digər müvafiq fəaliyyətlərin müştərək icrasından ibarətdir.
Hər iki təşkilat ICESCO-ya üzv dövlətlərdə ətraf mühitin mühafizəsi, torpağın deqradasiyasının qarşısının alınması, qida və su təhlükəsizliyinin təmin olunması, məlumatlandırma işlərinin aparılması, birgə tədqiqat işləri və pilot layihələrin həyata keçirilməsi, gənclərin və könüllülərin iştirakçılığının artırılması, mübadilə proqramlarının icrası, eləcə də bilik və ən yaxşı təcrübələrin paylaşılması istiqamətində əməkdaşlığın genişləndirilməsinə dair razılığa gəldilər.
Görüş iştirakçıları IDEA ilə ICESCO arasında əməkdaşlıq əlaqələrinin bundan sonra da inkişaf edəcəyinə inandıqlarını bildirərək birgə fəaliyyətlərin genişləndirilməsinin İslam dünyası ölkələrində iqlim dayanıqlığının təmin olunması naminə həmrəyliyin möhkəmləndirilməsi və daha səmərəli birgə layihələrin icra olunmasına mühüm töhfə verəcəyini qeyd etdilər.
19-11-2024, 16:50
Moskva təsdiqlədi: Ukrayna ilk dəfə qorxunc raket atıb
Rusiya Müdafiə Nazirliyi Ukrayna Silahlı Qüvvələrinin noyabrın 19-na keçən gecə Bryansk vilayətinin ərazisinə ATACMS raketləri ilə hücum etdiyi barədə xəbəri təsdiqləyib.
Rusiya Müdafiə Nazirliyinin məlumatına görə, Bryansk vilayətinə atılan ATACMS uzaqmənzilli raketlərindən eşi “Pantsir” kompleksi tərəfindən vurulub, biri isə zədələnib.
Rusiya Müdafiə Nazirliyi raketlərin Bryansk vilayətindəki hərbi obyektin texniki ərazisinə düşdüyünü, yanğın baş verdiyini və onun söndürüldüyünü vurğulayıb.
“Hər hansı tələfat və dağıntı yoxdur”, - nazirlik qeyd edib.
Xatırladaq ki, ABŞ prezidenti Bayden Ukraynaya Rusiyanın dərinliklərində ATACMS ballistik raketlərilə zərbələr endorməyə icazə verib. Bu haqda "Nyu-York Tayms" məlumat yayıb.
19-11-2024, 16:38
Almaniyanın xarici işlər naziri Bakıya gəlir - RƏSMİ
Almaniyanın xarici işlər naziri Annalena Berbok Azərbaycana səfər edəcək.
O, Bakıda keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasında (COP29) iştirak edəcək.
Məlumatı Xarici İşlər Nazirliyinin mətbuat katibi Ayxan Hacızadə də təsdiqləyib.
Berbokun Bakıda azərbaycanlı həmkarı Ceyhun Bayramovla da görüşü gözlənilir.
Qeyd edək ki, Berbok Azərbaycandan əvvəl Ermənistana səfər edəcək və bu ölkənin xarici işlər naziri Ararat Mirzoyanla görüşəcək.
19-11-2024, 16:31
Prezidentdən Naxçıvanla bağlı fərman
Prezident İlham Əliyev "2024-cü il dövlət büdcəsi haqqında” qanunun tətbiqi ilə bağlı bir sıra məsələlər barədə 26 dekabr 2023-cü il tarixli fərmanında dəyişiklik edib.
Dövlət başçısı bununla bağlı yeni fərman imzalayıb.
Fərmana əsasən, bu il "Naxçıvan Muxtar Respublikasının sosial-iqtisadi inkişafına dair Dövlət Proqramı"nın maliyyələşdirilməsi xərcləri 70 milyon manatdan 41,7 milyon manata endirilib.
19-11-2024, 16:19
İlham Əliyev onları hakim təyin etdi - SİYAHI
Prezident İlham Əliyev bir sıra birinci instansiya məhkəmələri hakimlərinin təyin edilməsi haqqında Sərəncam imzalayıb.
“Məhkəmələr və hakimlər haqqında” Azərbaycan Respublikası Qanununun 94-cü və 96-cı maddələrinə uyğun olaraq, hakim vəzifəsinə aşağıdakı namizədlər birinci instansiya məhkəmələrinin hakimləri təyin ediliblər:
Ağır cinayətlər məhkəmələri üzrə:
Gəncə Ağır Cinayətlər Məhkəməsi
İbişov İlkin İlqar oğlu
Müslümov Bəhruz Firizman oğlu
Lənkəran Ağır Cinayətlər Məhkəməsi
Nəbiyev Cavanşir Şirvan oğlu
Nuriyev Aqil Abdul oğlu
Şəki Ağır Cinayətlər Məhkəməsi
Aşurova Günay Raqif qızı
hərbi məhkəmələr üzrə:
Tərtər Hərbi Məhkəməsi
Qənbərov Tağı Ədalət oğlu
İnzibati məhkəmələr üzrə:
Gəncə İnzibati Məhkəməsi
Hüseynov Nurəli Əvəz oğlu
Sumqayıt İnzibati Məhkəməsi
Mahmudlu-Abbaszadə Mehriban Tapdıq qızı
Məmmədli Qəşəm Fərhad oğlu
Şəki İnzibati Məhkəməsi
Şirinova Əsədova Günel Soltan qızı
Kommersiya məhkəmələri üzrə:
Gəncə Kommersiya Məhkəməsi
Məmmədli Əbülfəz Namiq oğlu
Şəki Kommersiya Məhkəməsi
Hüseynova Elnarə Ramiz qızı
Şirvan Kommersiya Məhkəməsi
Nəbiyev Rəmzi Sultan oğlu
Bakı şəhərinin rayon məhkəmələri üzrə:
Bakı şəhəri Binəqədi Rayon Məhkəməsi
İbrahimova Aytəkin Nazim qızı
Nəsibov Samir Nadir oğlu
Bakı şəhəri Xətai Rayon Məhkəməsi
Şövkətli-Mənsimli Leyla Şahin qızı
Bakı şəhəri Sabunçu Rayon Məhkəməsi
Həsənov Teymur Həsən oğlu
Məmmədova Günel İqbal qızı
Bakı şəhəri Yasamal Rayon Məhkəməsi
Əsədzadə Aytəkin Aqil oğlu
rayon (şəhər) məhkəmələri üzrə:
Ağstafa Rayon Məhkəməsi
Mürsəlova Heyran Mehman qızı
Astara Rayon Məhkəməsi
Meybullayeva Şəfiqə Eldar qızı
Balakən Rayon Məhkəməsi
Cəfərova Arifə Namus qızı
Bərdə Rayon Məhkəməsi
Məhərrəmov Bayram Yusif oğlu
Xaçmaz Rayon Məhkəməsi
Bayramov Samir Zakir oğlu
İmişli Rayon Məhkəməsi
Ağakişiyeva Lətafət Almazxan qızı
Lənkəran Rayon Məhkəməsi
Ələsgərov Elvin Əvəz oğlu
Masallı Rayon Məhkəməsi
Hüseynov Elşən Təbrizoviç
Siyəzən Rayon Məhkəməsi
Quluzadə Günel Cəbrayıl qızı
Sumqayıt Şəhər Məhkəməsi
İsmayılova Günel Rza qızı
Nəsimiyev Fərid Aydın oğlu
Şəmkir Rayon Məhkəməsi
Heydərova Nazlı Azər qızı
Şirvan Şəhər Məhkəməsi
İmanov Əli Sərməz oğlu
Tovuz Rayon Məhkəməsi
Hacıyev Süleyman Aslan oğlu
Zaqatala Rayon Məhkəməsi
Məmmədova Zərifə Faiq qızı.
Bu Sərəncam imzalandığı gündən qüvvəyə minir.
19-11-2024, 16:07
Azərbaycanla İran arasında hərbi əməkdaşlıq müzakirə edildi
Müdafiə Nazirliyinin nümayəndə heyəti "Azərbaycan Müdafiə Nazirliyi və İran Silahlı Qüvvələrinin Baş Qərargahı arasında Hərbi və Hərbi-texniki Əməkdaşlığa dair Birgə Komissiya"nın iclasında iştirak etmək üçün Tehrana səfər edib.
Bu barədə Müdafiə Nazirliyinin (MN) Mətbuat xidmətindən məlumat verilib.
Bildirilib ki, səfər çərçivəsində Azərbaycan nümayəndə heyətinin rəhbəri Hərbi-Texniki Təchizat Baş İdarəsinin rəisi vəzifəsini icra edən general-mayor Fərid Əliyev İran İslam Respublikası Silahlı Qüvvələrinin Baş Qərargah rəisinin birinci müavini general-mayor Məhəmmədrza Aştiani ilə görüşüb. Görüşdə hər iki ölkə arasında hərbi əməkdaşlığın cari vəziyyəti və inkişaf perspektivlərinə dair ətraflı fikir mübadiləsi aparılıb, həmçinin qarşılıqlı maraq doğuran digər məsələlər müzakirə edilib.
Daha sonra birgə komissiyanın iclasında Azərbaycan və İranın hərbi strukturları arasında hərbi sahədə əməkdaşlığın inkişafı, yeni fəaliyyət istiqamətləri və sahələrinin müəyyən edilməsi üzrə geniş müzakirələr aparılıb. Yekunda razılıq əldə edilmiş əməkdaşlıq istiqamətləri üzrə maddələri özündə əks etdirən protokol imzalanıb.
19-11-2024, 15:59
Nazirdən polislərə müjdə: Maaşları artırılacaq
Cari ildə Daxili Qoşunların hərbi qulluqçularının əməkhaqqı artırılıb.
Bunu maliyyə naziri Samir Şərifov Hüquq siyasət və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Regional məsələlər komitələlərinin birgə iclasında 2025-ci ilin büdcə müzakirələri zamanı deyib.
Nazir bildirib ki, növbəti ildə ümumi əməkhaqqılarının artırılması çərçivəsində Daxili İşlər Nazirliyinin əməkdaşlarının əməkhaqqının artırılması nəzərdən keçiriləcək.
Qeyd edək ki, İnsan hüquqları komitəsinin sədri Zahid Oruc ictimai asayişi ləyaqətlə qoruyan polislərin maaşının artırılması təklifi ilə çıxış edib.
19-11-2024, 15:15
Tbilisidə polislə etirazçılar arasında toqquşma
Tbilisidə parlament seçkilərinin nəticələrinə etiraz edən şəxslərlə polis əməkdaşları arasında qarşıdurma yaranıb.
Gürcüstan paytaxtının Melikişvili prospektində polis aksiya iştirakçılarını geri çəkməyə və yolun hərəkət hissəsini açmağa çalışırlar.
Etirazçılara qarşı gözyaşardıcı qazdan istifadə edilib. Etirazçılar isə öz növbəsində polislərə daş atıb. Bir neçə nəfərin saxlanıldığı qeyd olunur.
Qeyd edək ki, Gürcüstanda oktyabrın 26-sı keçirilən parlament seçkilərində hakim “Gürcü arzusu – Demokratik Gürcüstan” partiyası 53,93% səslə qalib gəlib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!