2-08-2022, 19:27
Paşinyan Putinə zəng etdi - Razılığa gəldilər
Rusiya Prezidenti Vladimir Putin ilə Ermənistanın Baş naziri Nikol Paşinyan arasında telefon danışığı olub. Bu barədə Kreml rəsmi məlumat yayıb. Bildirilib ki, danışıqlar zamanı Rusiya, Ermənistan və Azərbaycan liderləri arasında 2020 və 2021-ci illərdə imzalanmış üçtərəfli bəyanatların həyata keçirilməsinin praktiki aspektlərinə toxunulub. Məlumata görə, Ermənistan və Rusiya liderləri müxtəlif səviyyələrdə təmasları davam etdirmək barədə razılığa gəliblər.
2-08-2022, 19:19
“Meymunçiçəyini bizə sırımağa çalışdılar” - Lukaşenko
“Bizə meymunçiçəyini sırımağa çalışdılar, amma insanlar buna reaksiya vermədi. Nəticədə koronavirusa qayıtdılar”. Butov.az xəbər verir ki, bunu Belarus Prezidenti Aleksandr Lukaşenko bildirib.“Unutmayın, COVID başlayanda çoxları məni başa düşmürdü, kimsə koronopsixoz haqqında danışanda mənə nifrət edirdi. Sonra bunun niyə baş verdiyini, niyə belə olduğunu izah etməyə çalışdım. Dedim ki, bu, dünyanın yenidən bölüşdürülməyinin başlanğıcıdır. Pandemiya bütün bu yaraları daha da şiddətləndirir. Belə vəziyyət həmişə qarşıdurmalara, müharibələrə səbəb olur”, - deyə Lukaşenko söyləyib.
2-08-2022, 19:04
Kanada Rusiyaya yeni sanksiyalar tətbiq etdi
Kanada Rusiya Federasiyasına qarşı yeni sanksiya tətbiq edib. Bu barədə Kanada Xarici İşlər Nazirliyi məlumat yayıb. Bildirilib ki, Rusiyadan olan 40 fiziki və 17 hüquqi şəxs "qara siyahı"ya daxil edilib.
2-08-2022, 19:00
G7 Rusiya neftindən tam imtina etməyi düşünür
G7 ölkələrinin xarici işlər nazirləri Rusiyanın enerji ixracından beynəlxalq siyasi təzyiq vasitəsi kimi istifadə etməsini pisləyən bəyanatla çıxış ediblər. Butov.az xəbər verir ki, bəyanat Almaniya Xarici İşlər Nazirliyinin saytında yerləşdirilib. Bildirilir ki, G7 Rusiya ilə ticarət əməkdaşlığını azaltmaq üçün tədbirlər hazırlamağa davam edir. Tədbirlərə Rusiyadan neft ixracına tam qadağa qoymaq da daxildir.
2-08-2022, 18:45
Pelosinin təyyarəsi Tayvanda: Çin qırıcıları havaya qaldırdı
ABŞ Konqresi Nümayəndələr Palatasının sədri Nensi Pelosinin təyyarəsi Tayvanın hava məkanına daxil olub.
“Flight Radar 24” resursu xəbər verir ki, siyasətçinin təyyarəsinin Tayvanın paytaxtı Taybeydə enəcəyi gözlənilir.
Çin Tayvan boğazı istiqamətində Su-35 qırıcıları göndərib.
2-08-2022, 12:53
Bu ərazilər tezliklə Rusiyaya birləşəcək
Krımı, Azov dənizini qorumaq üçün biz Xerson və Zaporojye bölgələrinə sahib olmağa məcburuq. Bu sözləri “Regnu” xəbər agentliyinin baş redaktoru Modest Kolerov deyib.
“Yaxın vaxtlarda Xerson, Zaporojye, Donetsk və Luqanskda referendumlar keçiriləcək və bu vilayətlər Rusiyanın tərkibinə qatılacaq. Buna heç bir şübhə yoxdur. Bundan əlavə, Rusiyanın Odessa və Nikolayevi tutub, Dnestryanı ilə quru əlaqəsi əldə edəcəyinə də əminəm. Ən təmiz rusca danışan şəxslər Dnestryanıdadır, ona görə də ora bizim torpağımızdır. Beləliklə də keçmiş Ukraynanın yerində yeni xəritə belə formalaşdırılır və burada Makrona ehtiyac yoxdur”.
Kolerovun sözlərinə görə, reallıqda Ukraynada gedən mübarizədə Rusiyanın tərəfində yalnız Belarus durur:
“Postsovet məkanında demək olar ki, Rusiya tək qalıb. Lakin dünyada dövlətlərin bir çoxu Qərbin Rusiyaya qarşı sanksiyalarını dəstəkləmir. Rusiya Çinin gücü sayəsində özünü yenidən alternativ ittifaqda tapıb. Zaman bizim tərəfimizdədir, həm də qış gəlir. Və bu şərtlər altında Qərbin bütün danışıq cəhdləri Rusiyanın Ukraynada təslim olmasına yönəlib. Son məqamda Ukrayna Krımın, Luqansk və Donetsk bölgələrinin bizim olmasına razılaşmalı olacaq”.
1-08-2022, 21:22
Nüvə müharibəsinin qalibi olmayacaq - Putin
Nüvə müharibəsində heç kim qalib olmayacaq və bu müharibə heç vaxt başlamamalıdır. Bunu Rusiya prezidenti Vladimir Putin Nüvə Silahlarının Yayılmaması Müqaviləsi konfransının iştirakçılarına müraciətində deyib. O qeyd edib ki, Rusiya Federasiyası Nüvə Silahlarının Yayılmaması haqqında Müqaviləyə ardıcıl şəkildə əməl edir. “Müvafiq silahların azaldılması və məhdudlaşdırılması ilə bağlı ABŞ-la ikitərəfli müqavilələr üzrə öhdəliklərimiz də tam yerinə yetirilib", - deyə Putin əlavə edib.
1-08-2022, 21:08
Fransa Ukraynaya DNT laboratoriyaları verəcək
Fransa Ukraynaya mobil DNT laboratoriyaları göndərəcək. Bu barədə Fransa Prezidenti Emmanuel Makron məlumat verib. O, Ukrayna lideri Volodimir Zelenski ilə telefon danışığında Rusiya qüvvələri tərəfindən törədilən müharibə cinayətlərinin cəzasız qalmamasına əmin olmaqda qərarlı olduğunu bildirib.
1-08-2022, 21:03
Rusiya keçmiş baş naziri “qara siyahı”ya saldı
Rusiya Xarici İşlər Nazirliyi (XİN) Böyük Britaniyanın 39 vətəndaşına sanksiya tətbiq edib. Bu barədə "Reuters" Rusiya XİN məlumat yayıb. Sanksiya tətbiq edilən şəxslər "Britaniyanın düşmənçilik kursuna töhfə verməkdə" ittiham olunur. "Qara siyahı"ya salınan şəxslər arasında Britaniyanın keçmiş baş naziri Devid Kameron da var. "Times", "Guardian", "Daily Telegraph", "Sun", "The Economist", həmçinin BBC və İTV yayım korporasiyalarının əməkdaşlarına da sanksiya tətbiq olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!