10-08-2022, 22:15
Çin Tayvan ətrafında hərbi təlimləri başa vurdu
Çin Xalq Azadlıq Ordusu Tayvan ətrafında keçirilən hərbi təlimləri başa vurub. Bu barədə Çinin Şərq Komandanlığının mətbuat katibi Şi Yi bildirib. Onun sözlərinə görə, ABŞ Konqresinin Nümayəndələr Palatası sədrinin Tayvana səfərindən sonra başlayan hərbi təlimlərdə Çin bütün tapşırıqları uğurla yerinə yetirib. Bundan əlavə, Çin Tayvan boğazında patrul reydləri təşkil etməyi planlaşdırır.
10-08-2022, 22:11
Rusiya hava məkanını pozdu, səfir XİN-ə çağırıldı
Rusiyaya məxsus Mi-8 helikopteri çərşənbə günü Estoniyanın hava məkanını pozub. Bu barədə Estoniya Müdafiə Qüvvələrinin Baş Qərargahının mətbuat xidməti məlumat yayıb. “Avqustun 9-u axşam saatlarında Rusiyanın Mi-8 helikopteri ölkənin cənub-şərqindəki Koidula bölgəsində icazəsiz Estoniyanın hava məkanına daxil olub. Helikopter təxminən bir dəqiqə Estoniyanın hava məkanında olub. Helikopterin uçuş planı olmayıb, ötürücü söndürülüb, həmçinin Estoniya Hava Hərəkəti Xidməti ilə ikitərəfli radio rabitəsi olmayıb”, - məlumatda deyilir. Estoniya Xarici İşlər Nazirliyinin mətbuat xidmətindən bildirilib ki, insidentlə bağlı Rusiya səfiri Vladimir Lipaev XİN-ə çağırılıb və ona sərhədi pozduqlarına görə etiraz notası göndərilib.
10-08-2022, 22:08
Ukraynaya daha 4 "Gepard" sistemi verildi
Almaniya Ukrayna ordusuna daha 4 ədəd "Gepard" özüyeriyən zenit-artilleriya sistemi təhvil verib. Bu barədə Almaniya Müdafiə Nazirliyi məlumat yayıb. Zenit sistemləri ilə yanaşı Ukraynaya 50 min ədəd sursat göndərilib. Ümumilikdə Ukraynaya təhvil verilən "Gepard"ların sayı 12-yə çatıb. "Gepard" sistemləri təyyarə və helikopter kimi hava hədəflərini vurmaq üçün nəzərdə tutulub.
10-08-2022, 21:39
Güclü yağış 9 nəfərin ölümünə səbəb oldu
Cənubi Koreyanın paytaxtı Seul və qonşu əyalətlərdə güclü leysan yağışları yağıb. Bu barədə "Yonhap" xəbər agentliyi məlumat yayıb. Leysan səbəbindən yaranan daşqınlar nəticəsində üç gün ərzində 9 nəfər ölüb, 7 nəfər isə itkin düşüb. Bundan əlavə, 2,5 mindən çox ev və bina su altında qalıb. Rəsmi məlumatlara görə, Seulda beş, Gyeonggi-do əyalətində üç və Kanvondo əyalətində bir ölüm qeydə alınıb. Ümumilikdə 17 nəfər yaralanıb.
10-08-2022, 21:35
Berluskoni aktiv siyasətə qayıdır
İtaliyanın 85 yaşlı keçmiş baş naziri Silvio Berluskoni sentyabrda keçiriləcək Senat seçkilərində iştirak etmək niyyətindədir. Bu barədə o, "Radio-1"ə müsahibəsində bildirib. Berluskoninin sözlərinə görə, ondan İtaliya siyasətinə qayıtmağı yalnız "Forza Italia" partiyasının tərəfdarları deyil, bir çox insan tələb edir. Qeyd edək ki, İtaliyada növbədənkənar parlament seçkiləri sentyabrın 25-də keçiriləcək.
10-08-2022, 21:32
Danimarka Ukrayna hərbçilərinə təlim keçəcək
Danimarka Ukrayna əsgərlərinə təlim keçmək üçün Böyük Britaniyaya hərbi təlimatçılar göndərəcək. Məlumatı Danimarka Müdafiə Nazirliyi yayıb. Ölkə, həmçinin öz ərazisində ukraynalı zabitlərə təlim keçməyi təklif edəcək. Bu açıqlama Kopenhagendə keçiriləcək konfransdan əvvəl verilib. Konfransda Böyük Britaniya, Danimarka və Ukrayna müdafiə nazirlərinin Ukraynaya uzunmüddətli dəstəyi, o cümlədən hərbi təlim, minalardan təmizləmə və silah təchizatını müzakirə edəcəkləri gözlənilir. Müdafiə naziri Morten Bodskov bildirib ki, təlimatçılar məhdud döyüş təcrübəsi olan Ukrayna əsgərlərinə ilkin hərbi təlimlər, o cümlədən şəhər döyüşləri barədə taktiki əməliyyatlar keçəcəklər.
10-08-2022, 21:23
35 ölkənin müdafiə naziri Rusiyada toplaşacaq
Rusiya hakimiyyəti Beynəlxalq Təhlükəsizlik üzrə Moskva Konfransı keçirməyi planlaşdırır. Bu barədə Rusiyanın müdafiə nazirinin müavini general-polkovnik Aleksandr Fomin məlumat verib. O bildirib ki, konfrans “Rusiyanın hərəkətləri haqqında həqiqəti əks etdirən məlumatı” dünyaya çatdırmaq üçün nəzərdə tutulub. Nazir müavininin sözlərinə görə, 35 ölkənin müdafiə naziri tədbirdə iştirakını təsdiqləyib, onlardan 25-i şəxsən gələcək. Lakin həmin ölkələrin adları açıqlanmayıb. Fomin onu da vurğulayıb ki, konfransda müxtəlif formatlarda iştirak, o cümlədən videokonfrans formatında, eləcə də əvvəlcədən qeydə alınmış videomüraciətlər nəzərdə tutulub. Konfransı Rusiyanın müdafiə naziri Sergey Şoyqu açacaq.
10-08-2022, 21:05
Polşadan Avropa İttifaqına sərt ittihamlar
Polşanın Baş naziri Mateus Moraviski Avropa İttifaqını kiçik üzv dövlətlərə qarşı imperialist davranışda ittiham edib. Bu barədə o, Almaniyanın "Welt" qəzetində yazdığı məqalədə bildirib. "Siyasi təcrübə göstərir ki, İttifaq daxilində Almaniya və Fransanın mövqeləri hamıdan daha vacibdir", - deyə Baş nazir Avropa İttifaqını üzv dövlətlərə bərabər yanaşmaya çağırıb. Hökuməti qanunun aliliyi məsələlərində dəfələrlə Brüssellə toqquşan Baş nazir deyib ki, Ukraynadakı müharibə Avropa İttifaqının çatışmazlıqlarına diqqət çəkib. O, ümumi rifahı və bərabərliyi İttifaqın əsas prinsiplərinə çevirəcək dərin islahatların aparılmasının vacibliyini diqqətə çatdırıb.
10-08-2022, 20:44
Hazırda sülh danışıqları aparılmır - Podolyak
Kreml ultimatum verməkdən əl çəkdikdən sonra Ukrayna Rusiya ilə danışıqlara qayıdacaq. Bu barədə Ukrayna Prezident Ofisi rəhbərinin müşaviri Mixail Podolyak bildirib. Onun sözlərinə görə, hazırda Kiyev və Moskva arasında faktiki olaraq sülh danışıqları aparılmır. "Danışıqlarda yalnız cəsədlərin və hərbi əsirlərin dəyişdirilməsi müzakirə olunur. Rusiya dövləti Ukraynanın işğal olunmuş ərazilərində mülki əhaliyə qarşı müharibə və humanist rəftar qaydalarına əməl etmir. Müharibənin altı ayından sonra biz Rusiya Federasiyasının hər hansı razılaşmanı yerinə yetirəcəyinə inanmağa davam edə bilmərik", - Mixail Podolyak deyib.
10-08-2022, 20:39
Daha bir erməni əsgəri öldü
Ermənistan ordusunun əsgəri ölüb. Ermənistan Müdafiə Nazirliyinin yaydığı məlumata görə, döyüş mövqelərindən birində 19 yaşlı əsgər Erik Karsyanın meyiti aşkarlanıb. Onun güllə yarasından öldüyü məlum olub. Əsgərin hansı şəraitdə öldüyü açıqlanmayıb. Nazirlikdən qeyd edilib ki, faktla bağlı araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!