3-07-2024, 13:16
Mirzoyan Gürcüstanda səfərdədir
Ermənistanın xarici işlər naziri Ararat Mirzoyan Gürcüstanda rəsmi səfərdədir.
Bu barədə Ermənistanın Xarici İşlər Nazirliyinin (XİN) mətbuat xidməti məlumat yayıb.
Gürcüstan XİN-in binasında onu gürcü həmkarı İlya Darçiaşvili qarşılayıb.
Nazirlər arasında təkbətək formatda görüş keçirilib.
3-07-2024, 12:34
Ermənistanda hərbçi öldü
Ermənistan ordusunun müddətdən artıq xidmət edən hərbi qulluqçusu Sarkis Xaçatryan naməlum şəraitdə adlığı güllə yarasından ölüb.
Bu barədə Ermənistan Müdafiə Nazirliyi məlumat yayıb.
Bildirilib ki, hadisə gecə saatlarında baş verib.
Nazirlik həmçinin faktla bağlı araşdırmaların aparıldığını da açıqlayıb.
2-07-2024, 23:27
Dini ibadətgahdakı izdihamda 116 nəfər öldü
Hindistanın Uttar Pradeş ştatında dini ibadətgahda ayin zamanı baş verən izdihamda ölənlərin sayı 116-ya çatıb.
Bu barədə ştatın rəsmi qurumları açıqlama yayıb. Bildirilir ki, 88 nəfər ibadətgahda keçinib, yaralı vəziyyətdə olan 27 nəfər qonşu Etah rayonunun hospitalında, bir nəfər isə Hathras rayon xəstəxanasında ölüb. Səlahiyyətli qurumlar ölü sayının artacağını istisna etmir. Çünki xəsarət alanlar arasında ağır vəziyyətdə olanlar da var.
Qeyd edək ki, hadisə iyulun 2-də ştatın Hathras ştatının Muğal Qarhi kəndində baş verib. Təxminən 50 minə yaxın adamın iştirak etdiyi dini ayin zamanı yaranmış sıxlıqda ölənlərin çoxu qadınlardır. Bundan başqa, ölənlər arasında uşaqlar da var. Hadisə baş verən vaxt havanın isti olması ölüm hallarının çoxalması ilə nəticələnib.
2-07-2024, 20:22
Ukrayna üçün yeni yardım paketi - 2.3 milyard...
ABŞ Ukraynaya 2,3 milyard dollar dəyərində yeni hərbi yardım paketi ayırmaq niyyətindədir.
Bu barədə ABŞ-ın müdafiə naziri Lloyd Ostin Ukraynanın müdafiə naziri Rustem Umerovla görüşündən sonra bildirib.
Amerikalı nazirin sözlərinə görə, yeni paketə tank əleyhinə silahlar və hava hücumundan müdafiə sistemləri daxil olacaq.
ABŞ-ın Ukraynaya yardım paketi sonuncu dəfə iyunun 7-də ABŞ prezidenti Co Bayden və Ukrayna prezidenti Volodimir Zelenski arasında keçirilən görüşdən sonra elan edilib. Bayden bildirib ki, 225 milyon dollarlıq paketə HIMARS sursatları, "Stinger" yer-hava raketləri və HAWK hava hücumundan müdafiə raketləri daxildir.
"Associated Press" agentliyi mənbələrə istinadən bildirir ki, ABŞın yeni hərbi yardım paketi iyunun 25-də açıqlanacaq. Məlumata görə, paketə HIMARS reaktiv yaylım atəş sistemi üçün mərmilər, 105 mm və 155 mm çaplı artilleriya mərmiləri, tank əleyhinə silahlar, atıcı silahlar və qumbaraatanlar daxil olacaq.
1-07-2024, 21:17
Blinkendən Bakı və İrəvana mesaj: "Sülh mümkündür"
ABŞ indi Azərbaycan və Ermənistan arasında sülh sazişlərinə nail olmaq üçün müstəsna imkanların olduğunu düşünür.
Bunu ABŞ dövlət katibi Entoni Blinken Brukinqs İnstitutunda çıxışı zamanı deyib.
“Ölkələr arasında sülh sazişlərinin həyata keçirilməsi üçün müstəsna imkan var, bu, onilliklər davam edən münaqişəyə son qoyacaq və hesab edirəm ki, regionda iqtisadi əlaqələr, iqtisadi artım, şimal və cənub, qərb və şərq ölkələri arasında əlaqələrin qurulması baxımından böyük imkanlar yaradacaq”, - deyə Blinken vurğulayıb.
O, bir həftə əvvəl Azərbaycan Prezidenti İlham Əliyevlə telefonla danışdığını xatırladıb.
Blinken ölkəsinin diplomatiya vasitəsilə Azərbaycan və Ermənistanı sülh sazişinə yaxınlaşdırmağa çalışdığını vurğulayıb.
"Hesab edirəm ki, bu, Azərbaycan və Ermənistan xalqlarının maraqlarına tam cavab verir", - amerikalı diplomat qeyd edib.
1-07-2024, 20:22
Kadırovun qızı mükafatlandırıldı
Çeçenistan baş nazirinin sosial blok üzrə müavini, respublika rəhbərinin böyük qızı Ayşad Kadırova Beynəlxalq Tatarlar İttifaqının medalı ilə təltif edilib.
Bu barədə Ramzan Kadırov özünün teleqram kanalında məlumat yayıb.
Kadırovaya “Tatar xalqı qarşısında böyük xidmətlərinə görə” medalı verilib.
Çeçenistan rəhbərinin böyük qızı Ayşat Kadırovanın 25 yaşı var. O, oktyabrda Çeçenistan hökuməti başçısının sosial məsələlər üzrə müavini olub. Bundan əvvəl, 2021-ci ilin oktyabr ayından o, Çeçenistanın Mədəniyyət Nazirliyinə rəhbərlik edib.
1-07-2024, 16:14
Dağıstandakı terrorda ölənlərin sayı artıb
Dağıstanda baş verən silahlı hücumlar zamanı ölənlərin sayı 22-yə yüksəlib.
Bu barədə Dağıstan Respublikasının rəhbəri Sergey Məlikov bildirib.
“Təəssüf ki, terror aktları nəticəsində 22 nəfər həlak olub: 21 nəfər birbaşa terror aktları zamanı, ertəsi gün isə bir polis əməkdaşı aldığı ağır xəsarətlərdən dünyasını dəyişib”, - o deyib.
1-07-2024, 14:40
Cəlili bu axşam Pezeşkianla debata çıxır - Namizədlər bir-birini vurur
İyulun 5-də İranda növbədənkənar prezident seçkilərinin 2-ci turu keçiriləcək.
İkinci tura keçən Səid Celili (İran ali rəhbərinin Təhlükəsizlik Şurasındakı nümayəndəsi) və Məsud Pezeşkian (parlamentin deputatı, keçmiş səhiyyə naziri) bu gün canlı yayımda debata çıxacaqlar.
İran qəzetlərinin bugünkü sayında iki namizədlə bağlı fərqli yazılar dərc olunub.
“Armane Emruz” qəzeti bu axşam iki namizəd arasında keçiriləcək debatla bağlı “İki fərqli düşüncə qarşı-qarşıya” adlı manşet yazısı dərc edib.
Jurnalist İrfan Büyüknejadın yazdığı məqalədə bu ifadələr yer alıb:
“Səid Cəlili və Məsud Pezeşkian ölkənin iki mühüm siyasi fiqurudur. Hər iki şəxs müxtəlif siyasi qanadlardan olduqları üçün daxili və xarici siyasətə baxışları fərqlidir. Bu axşam iki namizəd arasında incə duel baş tutacaq.
Onların hərəsi İran cəmiyyətinin bir hissəsinin fikrini təmsil edir – Cəlili mühafizəkarları, Pezeşkian islahatçıları. Ona görə də bu namizədlərin ölkənin gələcəyi ilə bağlı fərqli baxışları var. Məsələn, mühafizəkar namizəd Səid Cəlili FATF-ın (Maliyyə Fəaliyyəti İşçi Qrupu) əleyhinədir. Lakin Pezeşkian vurğulayır ki, FATF-ı qəbul etməmək təzyiqlərin və beynəlxalq sanksiyaların artmasına səbəb ola bilər”.
“Keyhan” qəzeti “Pezeşkianın seçki kampaniyasının yeganə proqramı ictimaiyyəti rəqibindən qorxutmaqdır” başlıqlı məqalə ilə çıxış edib.
“Rəqibi qorxutmaq taktikası bütün dünyada ən çox yayılmış seçki taktikalarından biridir. Məsud Pezeşkianın ölkəni idarə etmək üçün öz planı olmasa da, seçki kampaniyasını vaxtilə Həsən Ruhaninin kabinetində olmuş şəxslər həyata keçirir. Bu adamlar prezident seçkilərinin ikinci dönəmində öz rəqibini vurmağa çalışırlar.
Məsələn, Qərbədn İrana tətbiq olunmuş sanksiyaların səbəbi kimi Səid Cəlili, hətta mərhum İbrahim Rəisi göstərilir”, - məqalədə deyilir.
“Şərq” qəzeti “İqtisadiyyat doktoru” başlığından istifadə edərək Məsud Pezeşkianı dəstəkləyən keçmiş iqtisadiyyat naziri Əli Tayyibniya haqqında məqalə dərc edib və onu tərifləyib.
Jurnalist Davud Haşmeti məqaləsində yazıb: "Son 10 ilin ən yaxşı iqtisadi dövrü Həsən Ruhaninin ilk prezidentliyi zamanı iqtisadiyyat naziri Əli Tayyibniyanın rəhbər olması ilə bağlı idi”.
30-06-2024, 18:21
İzmirdə qaz partlayışı: 5 nəfər ölüb, 63 nəfər yaralanıb
Türkiyənin İzmir şəhərininin Torbalı rayonunda restoranda baş verən partlayış nəticəsində 5 nəfər ölüb.
Hadisə zamanı daha 63 nəfər yaralanıb.
Hadisə yerinə təcili yardım, xilasedicilər və polis əməkdaşları cəlb olunub. Polis partlayışın baş verdiyi restoranın qarşısında təhlükəsizlik tədbirləri görüb.
Partlayış nəticəsində ətrafdakı 11 binaya da ziyan dəyib.
30-06-2024, 18:00
"Fırtına" hələ də səngimir - Dağıstan rəhbəri
Mahaçqala və Dərbənddə baş verən terror aktlarından sonra region və onun sakinləri təqiblərlə üzləşib.
Bu barədə Dağıstanın rəhbəri Sergey Melikov bildirib.
Onun sözlərinə görə, respublika ətrafında fırtına hələ də səngimir: "Respublikanı təhqir edən bəyanatlar artıq bir həftədir ki, dayanmır. Bizi radikalizmdə ittiham edirlər, cinayətkarları bütün dindarlarla qarışdırırlar, niqablarda terror əlamətləri görürlər və ictimaiyyətin gözü qarşısında ehtiyatsızlıq edirlər, hətta deyərdim ki, təhlükəli şərhlər verirlər”, - deyə respublika rəhbəri öz "Telegram" kanalında yazıb.
Melikovun fikrincə, hər şey elə görünür ki, sanki bəzi yüksək rütbəli spikerlər vəziyyəti gərginləşdirmək istəyir.
Dağıstan rəhbəri həmçinin terror aktlarının ötən il İsraildən təyyarənin gəlməsi zamanı baş verən iğtişaşlarla əlaqələndirilməsini qəribə cəhdlər adlandırıb. O, əmin edib ki, həmin hadisələrə görə məsuliyyət daşıyanların hamısı layiq olduqları cəzanı alacaqlar və iğtişaş iştirakçılarına qarşı cinayət işləri onlara daha obyektiv baxılması üçün Krasnodar diyarına köçürülüb.
“Dövlət Dumasının bəzi deputatlarının həmin cinayət işlərinin Dağıstana qaytarılması ilə bağlı qəribə, razılaşdırılmamış bəyanatları tamamilə yersizdir. Mən bunun əleyhinəyəm, necə ki, kiminsə xüsusi strukturların işinə qarışmasının əleyhinəyəm”, - deyə Melikov qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!