3-12-2024, 09:06
“Əliyev və Tokayevlə bu problemi müzakirə edirik” - Putin
Rusiya prezidenti Vladimir Putin bildirib ki, azərbaycanlı və qazaxıstanlı həmkarları İlham Əliyev və Kasım-Jomart Tokayevlə görüşlərində Xəzər dənizinin dayazlaşması məsələsi müzakirə olunub, çünki bu, hamını narahat edir.
Putinin sözlərini “RİA Novosti” sitat gətirib:
“Azərbaycanda keçirilən görüşlərdə İlham Heydəroviç (Əliyev - red.) bu barədə danışırdı, indi Qazaxıstanda Kasım-Jomart Kemeleviç (Tokayev - red.) da məsələ qaldırır. Xəzərin dayazlaşması hər kəsi narahat edir. Və əlbəttə ki, bundan açıq-aydın və nəzərəçarpacaq dərəcədə əziyyət çəkən heyvan növlərinə diqqət yetirməliyik. Amma ümumilikdə bu, böyük problemdir”.
3-12-2024, 08:54
“Əgər mənim andiçməmə qədər girovlar buraxılmasa...” - Tramp hədələdi
ABŞ-ın yeni seçilmiş prezident Donald Tramp bildirib ki, əgər onun andiçmə mərasiminə qədər Qəzzadakı girovlar azad edilməsə, Yaxın Şərqdə "dəhşətli haqq-hesab" olacaq.
Bu barədə “Daily Mail” nəşri məlumat yayıb.
“Hamı Yaxın Şərqdə girovların qəddar, qeyri-insani və bütün dünyanın iradəsinə zidd tutulmasından danışır. Amma hər şey danışıqdır, hərəkət yoxdur!
Əgər girovlar 2025-ci il yanvarın 20-nə qədər, yəni qürurla Birləşmiş Ştatların prezidenti vəzifəsinə keçdiyim tarixə kimi azad edilməsələr, Yaxın Şərqdə insanlığa qarşı törədilən bu vəhşiliklərə görə məsuliyyət daşıyanlar üçün dəhşətli hesab sorulacaq.
Məsul olanlar Amerika Birləşmiş Ştatlarının uzun və şərəfli tarixində hamıdan çox əziyyət çəkəcəklər”, - deyə Tramp təhdidlə bildirib.
1-12-2024, 19:42
Gürcüstan parlamentindən son görüntülər
Ötən gün Tbilisidə baş verən iğtişaşlar zamanı Gürcüstan parlamentində 48 otağa ziyan dəyib.
Bunu Gürcüstan parlamentinin spikeri Şalva Papuaşvili bildirib.
Onun sözlərinə görə, binanın aşağı mərtəbələrində bütün pəncərələr sınıb, istilik sistemi və ofis avadanlığı sıradan çıxıb, taxta qapılardan biri yanıb.
"O cümlədən kompüter laboratoriyasına da ziyan dəyib, yeməkxana tamamilə dağıdılıb", - Papuaşvili qeyd edib.
1-12-2024, 18:50
Dəhşətli qəza - 50 avtomobil toqquşdu
Almaniyada 50 avtomobil toqquşub, 30-a yaxın adam xəsarət alıb.
Hadisə ölkənin qərbindəki Şimali Reyn-Vestfaliya əyalətində qeydə alınıb.
Qəza nəticəsində 26 nəfər xəsarət alıb, onlardan 8-nin vəziyyəti ağırdır.
Hadisəyə səbəb olan yük maşınının sürücüsü polisin dayanmaq tələbinə əməl etməyib və sürəti artırıb. Nəticədə qarşıdakı zolağa çıxan yük maşını bir neçə avtomobilə çırpılıb.
Hüquq-mühafizə orqanlarının əməkdaşları 30 yaşlı sürücünü saxlayarkən onun sərxoş olduğu üzə çıxıb.
1-12-2024, 18:21
Yaponiya Baş naziri qəzaya düşdü
Bu gün Yaponiyanın Baş naziri Şiqeru İşibanın olduğu avtomobil Tottori prefekturasının qərbində polis maşını ilə toqquşub.
Yerli vaxtla saat 10:30 radələrində Yaponiya Baş nazirinin avtomobili yol ayrıcında qırmızı işıqda dayanan polis maşınına çırpılıb. Şiqeru İşiba xəsarət almayıb.
Kortej bir neçə dəqiqə hadisə yerində qalıb, daha sonra Tottori hava limanına doğru hərəkət edib. Baş nazir hava limanından təyyarə ilə Tokioya qayıdıb.
Qeyd edək ki, Şiqeru İşiba Tottoridə valideynlərinin məzarını, həm də anadan olduğu yaşayış məntəqəsini ziyarət edib.
1-12-2024, 18:05
Tbilisidə etirazlar - Parlamentin binasına ciddi ziyan dəyib
Gürcüstan parlamentində dünənki etiraz aksiyasından sonra 48 iş otağı zədələnib.
Bunu Gürcüstan parlamentin spikeri Şalva Papuaşvili bildirib.
“Çiçinadze küçəsi və Rustaveli prospektindən aşağı mərtəbələrdə demək olar, bütün pəncərələr sındırılıb, ofis avadanlıqları zədələnib. Eyni zamanda Çiçinadze küçəsindən olan taxta qapı yanıb, istilik/soyutma sistemi zədələnib, anbar, kompüter laboratoriyası zədələnib, kafeteriya tamamilə məhv edilib, parlamentin xarici işıqlandırması kəsilib”, - o, mətbuat konfransında deyib.
1-12-2024, 17:52
Rusiya Donetskdə daha iki yaşayış məntəqəsini ələ keçirib
Rusiya Silahlı Qüvvələri Ukraynanın Donetsk vilayətinin Petrovka və İlyinka yaşayış məntəqələrini ələ keçirib.
Bu barədə Rusiya Müdafiə Nazirliyi məlumat yayıb.
Bildirilib ki Rusiya qoşunları "Donetsk Xalq Respublikası"nın (Ukraynanın Donetsk vilayəti-red) Petrovka və İlyinka yaşayış məntəqələrini nəzarətə götürüb.
Bundan əlavə, məlumatda ötən sutka ərzində Rusiya Silahlı Qüvvələrinin Ukrayna Silahlı Qüvvələrinin hərbi aerodromlarına, PUA istehsalı sexləri anbarlarına zərbə endirdiyi bildirilib.
Rusiyanın hava hücumundan müdafiə sistemlərinin ötən sutka ərzində Ukraynanın 55 PUA-sını vurduğu qeyd olunub.
1-12-2024, 17:44
Aİ-nin Ali Nümayəndəsi Gürcüstanı sanksiya ilə hədələdi
Avropa İttifaqı Gürcüstana qarşı sanksiya tətbiq edə bilər.
Bunu Avropa İttifaqının Xarici İşlər və Təhlükəsizlik Siyasəti üzrə yeni Ali Nümayəndəsi Kaja Kallas bildirib.
Kaja Kallas deyib ki, dinc aksiyaçılara qarşı zorakılıq yolverilməzdir, Gürcüstan hökuməti gürcü xalqının iradəsinə və ölkə Konstitusiyasına hörmətlə yanaşmalıdır. Gürcüstanla bağlı məsələnin Avropa İttifaqının bütün üzvləri ilə birgə müzakirə olunacağını söyləyən Kaja Kallas mümkün addımlar sırasında sanksiya tətbiqini, o cümlədən viza verilməsinin məhdudlaşdırılmasını qeyd edib: “Aydındır ki, Gürcüstan hökuməti gürcü xalqının iradəsinə hörmət etmir”.
Qeyd edək ki, Avropa İttifaqı yalnız bütün üzvlərinin razılığı ilə hər hansı ölkəyə qarçı sanksiya tətbiq edə bilər. Ancaq bir müddət əvvəl Macarıstan Baş naziri Viktor Orbanın Gürcüstan hakimiyyətinə dəstəyini açıqlaması fonunda Avropa İttifaqının belə sanksiyanın tətbiqi barədə qərar verməsi ehtimalı çox azdır.
1-12-2024, 17:23
Aİ və Avropa Şurası rəsmiləri Kiyevdədir
Avropa Şurasının rəhbəri Antonio Kosta, Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas və Aİ-nin genişlənmə üzrə yeni komissarı Marta Kos yeni vəzifədə ilk dəfə Ukraynaya səfər ediblər.
Bu barədə Kallas və Kostanın “X” sosial şəbəkəsindəki rəsmi hesablarında bildirilir.
“Deutsche Welle”nin məlumatına görə, onlar Ukrayna Prezidenti Volodimir Zelenski ilə görüşməyi planlaşdırırlar.
"Vəzifəyə gəldikdən sonra ilk səfərimdə ismarışım budur: Aİ Ukraynanın bu müharibədə qalib gəlməsini istəyir", - Kalas yazıb.
Xatırladaq ki, noyabrın 27-də Avropa Parlamenti bu gün rəsmi olaraq işə başlayan Avropa Komissiyasının yeni tərkibini təsdiqləyib.
1-12-2024, 16:18
Avropa Gürcüstan vətəndaşlarını işə götürməyəcək
Gürcüstanın Baş naziri İrakli Kobaxidze noyabrın 28-dəki çıxışında hakim "Gürcü arzusu" partiyasının Avropa İttifaqına daxil olma prosesini 2028-ci ilə qədər təxirə salmağı qərara aldığını və hökumətin Avropanın büdcə qrantlarından imtina etdiyini bəyan edib.
Gürcüstan iqtidarının qərarına etiraz edən insanlar həmin gündən Tbilisi küçələrinə çıxıblar. Etiraz aksiyasında Gürcüstanın hazırkı prezidenti Salome Zurabişvili də iştirak edib. O, müxalif qüvvələri dəstəkləyib. Tbilisinin mərkəzində küçələrə çıxan insanlarla polis və xüsusi təyinatlılar arasında gərginlik yaşanıb.
Gürcüstana cavab isə gecikməyib. Ötən gecə ABŞ Gürcüstanla strateji tərəfdaşlığını dayandırıb.
Dövlət Departamentinin sözçüsü Metyu Miller bununla bağlı açıqlama verib:
“ABŞ Avropa İttifaqı ilə (birlikdə) “Gürcü Arzusunun” Aİ-yə üzvlüyü dayandırmaq qərarına təəssüf edir. Biz öz konstitusiyalarına xəyanətə qanuni etiraz edən gürcülərə qarşı həddindən artıq güc tətbiq edilməsini qınayırıq – Aİ Kremlə qarşı istehkamdır. Ona görə də biz Gürcüstanla Strateji Tərəfdaşlığı dayandırdıq”.
Avropa İttifaqının Gürcüstandakı səfiri Pavel Qerçinski isə Aİ-nin Xarici İşlər Şurasının dekabrın 16-da keçiriləcək iclasında Gürcüstanla münasibətlərin müzakirəyə çıxarılacağını bildirib.
İslacda 27 üzv ölkənin təmsilçiləri iştirak edəcəklər. Diplomat gündəlikdə Gürcüstanla ilə mövcud viza rejiminin ləğv edilib-edilməməsi məsələsinin də olduğunu bildirib.
Qeyd edək ki, Avropa İttifaqı və Gürcüstan arasındakı soyuq əlaqələrdən sonra Avropada gürcülərə qarşı münasibət dəyişib.
Belə ki, artıq Avropada Rusiya vətəndaşları ilə yanaşı Gürcüstan vətəndaşlarını da işə qəbul etməməyə başlayıblar.
İş elanlarında Gürcüstan vətəndaşları istisna olaraq digər ölkə vətəndaşlarını qəbul edəcəklərini bildirirlər. Bəzi iş yerlərində isə Gürcüstan vətəndaşlarının sıxışdırıldığı və çıxarıldığı qeyd olunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!