19-02-2025, 17:40
Türkiyə Ukraynaya qoşun göndərəcək? - ÖZƏL AÇIQLAMA
Ötən gün Ukrayna Prezidenti Volodimir Zelenski Türkiyə Prezidenti Rəcəb Tayyib Ərdoğanın dəvəti ilə Ankaraya səfər edib. Zelenskinin Türkiyəyə səfəri və Ərdoğanla görüşü rəsmi danışıqlarla yanaşı simvolik məqamlarla da diqqət çəkib.
Xüsusilə Ankarada keçirilən rəsmi qarşılanma mərasimində yağış başladığı üçün Ərdoğanın çətirini Zelenski ilə paylaşması sosial mediada geniş müzakirələrə səbəb olub. Bir çox analitiklər bu görüntünü sadəcə nəzakət jesti kimi deyil, həm də Türkiyənin Ukraynaya verdiyi dəstəyin rəmzi kimi dəyərləndirir.
Bu görüş, Zelenskinin son beynəlxalq toplantılarda iştirakı ilə bağlı yaşanan gərginliklər fonunda xüsusi əhəmiyyət daşıyır. Belə ki, Ankaradakı görüşdən əvvəl Ər-Riyadda Rusiya və ABŞ rəsmiləri uzun müddət sonra ilk dəfə görüş keçirib. Səudiyyə Ərəbistanının vəliəhd şahzadəsi Məhəmməd bin Salman Zelenskinin də görüşə qatılmasını istəsə də, Vaşinqton və Moskva bunu qəbul etməyib. Ukrayna lideri bu görüşün onlar üçün “sürpriz” olduğunu və məlumatı yalnız mediadan aldıqlarını bildirib. O vurğulayıb ki, müharibəni dayandırmaq barədə qərarlar Ukraynasız qəbul edilə bilməz.
Eyni zamanda, Parisdə Avropa liderlərinin görüşündə də Ukrayna məsələsi müzakirə edilib. Fransada keçirilən görüşdə Avropa liderləri Ukraynaya qoşun göndərmək məsələsini də müzakirə ediblər. Britaniya bu məsələyə açıq olduğunu bildirsə də, hələlik yekun razılıq əldə olunmayıb və ABŞ-nin bu qərardakı rolu həlledici hesab edilir.[s][/s]
Türkiyə bu günə qədər Rusiya-Ukrayna müharibəsində balans siyasəti aparmağa çalışsa da, son hadisələr Ankaranın Kiyevə daha açıq dəstək verdiyini göstərir. Ərdoğanın çətiri altına girən Zelenskinin Ankaradan hansı zəmanətləri aldığı isə qarşıdakı günlərdə daha da aydınlaşacaq.
Bəzi ekspertlər Türkiyənin də Ukraynaya qoşun göndərmək ehtimalını tamamilə istisna etmir. Xüsusilə Ankara ilə Kiyev arasında hərbi sahədəki strateji əməkdaşlıq, o cümlədən pilotsuz uçuş aparatlarının istehsalı və müdafiə sənayesi layihələri nəzərə alınarsa, bu ssenari gələcəkdə daha çox gündəmə gələ bilər.
Məsələ ilə bağlı Türkiyə Böyük Millət Məclisinin hakim Ədalət və İnkişaf Partiyasından olan deputatı Şamil Ayrım bildirib ki, Türkiyə ən çətin zamanlarda Ukraynanın yanında olub:
“Ukrayna-Rusiya müharibəsi başlayanda tək vasitəçi ölkə Türkiyə olub. Həm Rusiya, həm də Ukrayna ilə dialoqu olan Türkiyə taxıl daşınmasında təşəbbüs göstərib. Proses çox da yaxşı gedib. İndiki vəziyyətdə ABŞ Prezidenti Donald Tramp müharibəni dayandıracağını deyir. Proses davam edir. ABŞ-nin ağır tələblərinin olduğunu öyrənirik. Bu isə Ukraynanı məyus edib. Çünki Ukraynanın bir qisim resurslarını ABŞ özü istifadə etmək istəyir. Ukrayna Rusiya və ABŞ arasında qalıb. Onun ən çətin günlərində yanında olan tək ölkə Türkiyədir. Buna görə də, Zelenski Türkiyə ilə belə bir dialoq qurmaq ehtiyacını hiss etdi”.
Parlamentari Türkiyənin Ukraynaya əsgər göndərib göndərməyəcəyi ilə bağlı məsələyə də cavab verib:
“Asan olmayan proseslər davam edir. Biz də gözləyəcəyik. Türkiyənin Ukraynaya əsgər göndərməsi bildiyim qədəri ilə planlaşdırılmır”.
19-02-2025, 17:11
Zelenski prezident postundan yalnız bu şərtlərlə gedəcək - AÇIQLADI
Vladimir Zelenski Ukraynada müharibə başa çatdıqda və ölkənin təhlükəsizliyi üçün müvafiq təminatlar olduqda prezident postunu tərk etməyə hazır olduğunu bildirib.
Zelenski bunu Almaniyanın ARD telekanalındakı tok-şouda deyib.
“Ukraynada sülh naminə hər şeyə hazıram. Uzun və davamlı sülh üçün. Bir insan kimi, bir vətəndaş kimi, bir ata kimi... Mən heç nədən yapışmıram. Mən Ukraynanın prezidentiyəm, çünki insanların 73 faizi mənə səs verib və bu gün mən Ukrayna prezidentiyəm, çünki ölkəmdəki əksəriyyət məni dəstəkləyir”, – o, "sülh müqaviləsinin imzalanması tələbi “yalnız Zelenski olmadan” olarsa, vəzifəsini tərk etməyə hazırdımı" sualına cavabında deyib.
Prezident qeyd edib ki, o, ölkəni müdafiə edən insanlar kimi Ukraynanın vətənpərvəridir. Və təbii ki, Rusiya ondan xilas olmaq istəyir. Bəlkə də müharibənin əvvəlində cəhd etdikləri kimi fiziki yox, siyasi cəhətdən.
“Və bu olduqca başa düşüləndir. Mən Putin üçün çox əlverişsiz adamam”, - dövlət başçısı bildirib.
O xatırladıb ki, Parisdə Normandiya dördlüyünün sammitində (2019-cu ilin dekabrında) Putinlə çox gənc və təcrübəsiz vaxtında tanış olub.
“Biz uzun müddət danışdıq, razılaşdıq və hətta qışqırdıq. Danışıqlar 6 saat fasiləsiz keçdi. Aydındır ki, bu gün daha çox təcrübəm var və... mənim üçün heç də asan deyil. Ona görə də Rusiya məndən yaxa qurtarmaq istəyir”, - deyə Zelenski bildirib.
Eyni zamanda o qeyd edib: “Sabah Ukrayna Aİ və NATO-ya daxil olarsa, Rusiya qoşunları geri çəkilsə və bizim təhlükəsizlik zəmanətimiz olsa, prezidentlik postu mənə daha lazım olmayacaq. Amma bunlar baş verənə qədər mən ölkəmi müdafiə edəcəm”.
Zelenski avtoritar idarəçilik ittihamlarını rədd edib və deyib ki, o, “müharibə zamanı prezidentin etməli olduğu işi” edir. Dövlət başçısı özünü “ən liberal insanlardan biri” adlandırıb və ölkələrində müharibələr gedən zaman digər liderlərin atdığı addımları xatırladıb.
“Kiminsə xoşuna gəlsə də, gəlməsə də, müharibə həmişə müəyyən azadlıqların məhdudlaşdırılmasını tələb edir”, - o deyib.
19-02-2025, 17:11
Zelenski prezident postundan yalnız bu şərtlərlə gedəcək - AÇIQLADI
Vladimir Zelenski Ukraynada müharibə başa çatdıqda və ölkənin təhlükəsizliyi üçün müvafiq təminatlar olduqda prezident postunu tərk etməyə hazır olduğunu bildirib.
Zelenski bunu Almaniyanın ARD telekanalındakı tok-şouda deyib.
“Ukraynada sülh naminə hər şeyə hazıram. Uzun və davamlı sülh üçün. Bir insan kimi, bir vətəndaş kimi, bir ata kimi... Mən heç nədən yapışmıram. Mən Ukraynanın prezidentiyəm, çünki insanların 73 faizi mənə səs verib və bu gün mən Ukrayna prezidentiyəm, çünki ölkəmdəki əksəriyyət məni dəstəkləyir”, – o, "sülh müqaviləsinin imzalanması tələbi “yalnız Zelenski olmadan” olarsa, vəzifəsini tərk etməyə hazırdımı" sualına cavabında deyib.
Prezident qeyd edib ki, o, ölkəni müdafiə edən insanlar kimi Ukraynanın vətənpərvəridir. Və təbii ki, Rusiya ondan xilas olmaq istəyir. Bəlkə də müharibənin əvvəlində cəhd etdikləri kimi fiziki yox, siyasi cəhətdən.
“Və bu olduqca başa düşüləndir. Mən Putin üçün çox əlverişsiz adamam”, - dövlət başçısı bildirib.
O xatırladıb ki, Parisdə Normandiya dördlüyünün sammitində (2019-cu ilin dekabrında) Putinlə çox gənc və təcrübəsiz vaxtında tanış olub.
“Biz uzun müddət danışdıq, razılaşdıq və hətta qışqırdıq. Danışıqlar 6 saat fasiləsiz keçdi. Aydındır ki, bu gün daha çox təcrübəm var və... mənim üçün heç də asan deyil. Ona görə də Rusiya məndən yaxa qurtarmaq istəyir”, - deyə Zelenski bildirib.
Eyni zamanda o qeyd edib: “Sabah Ukrayna Aİ və NATO-ya daxil olarsa, Rusiya qoşunları geri çəkilsə və bizim təhlükəsizlik zəmanətimiz olsa, prezidentlik postu mənə daha lazım olmayacaq. Amma bunlar baş verənə qədər mən ölkəmi müdafiə edəcəm”.
Zelenski avtoritar idarəçilik ittihamlarını rədd edib və deyib ki, o, “müharibə zamanı prezidentin etməli olduğu işi” edir. Dövlət başçısı özünü “ən liberal insanlardan biri” adlandırıb və ölkələrində müharibələr gedən zaman digər liderlərin atdığı addımları xatırladıb.
“Kiminsə xoşuna gəlsə də, gəlməsə də, müharibə həmişə müəyyən azadlıqların məhdudlaşdırılmasını tələb edir”, - o deyib.
18-02-2025, 20:04
Türkiyə Ukrayna-Rusiya danışıqları üçün ideal məkandır
Türkiyə prezidenti Rəcəb Tayyib Ərdoğan Ukrayna prezidenti Volodimir Zelenski ilə danışıqlar aparıb.
Danışıqlardan sonra keçirilən mətbuat konfransında Ərdoğan bildirib ki, Vaşinqtonun danışıqlara başlamaq təşəbbüsü Ankaranın siyasəti ilə üst-üstə düşür.
Ərdoğan əlavə edib ki, döyüşlər “indi dayandırılmalıdır”.
“Ölkəmiz qarşıdakı dövrdə Rusiya, Ukrayna və ABŞ arasında baş tuta biləcək danışıqlar üçün ideal məkan olacaq... (Zelenski ilə görüşdə) vurğuladım ki, danışıqlar nəticəsində davamlı sülhün əldə olunması üçün hər cür dəstəyi verəcəyik”, – Rəcəb Tayyib Ərdoğan deyib.
Türkiyə prezidentinin sözlərinə görə, 2022-ci ildə Rusiya və Ukrayna arasında İstanbul danışıqları “mühüm başlanğıc nöqtəsi” oldu. Onun sözlərinə görə, münaqişə tərəfləri orada ən böyük razılığa gəliblər.
Ərdoğan həmçinin bildirib ki, Türkiyə Qara dənizdə təhlükəsiz ticarət daşımalarına dair tənzimləmə üzərində işləməyə davam edəcək. O, sənədin “danışıqlara aparan prosesdə etimadı artıran tədbir” kimi xidmət edəcəyinə inanır.
18-02-2025, 19:50
Həmin görüş Ukrayna üçün sürpriz olub
“Ukraynada müharibənin bitməsi ilə bağlı danışıqlar Kiyevin iştirakı olmadan qeyri-realdır”.
Bunu Ukrayna Prezidenti Volodimir Zelenski Ankarada türkiyəli həmkarı Rəcəb Tayyib Ərdoğanla keçirilən birgə brifinqdə deyib.
Zelenski bununla yanaşı bu gün Ər-Riyadda keçirilən Rusiya-ABŞ görüşü ilə bağlı fikirlərini belə ifadə edib:
“Ər-Riyaddakı görüş bizim üçün sürpriz oldu. Biz bunu mediadan öyrəndik. Düşünürəm ki, bu, təkcə bizim üçün yox, bir çox insana sürpriz idi”.
18-02-2025, 18:24
Səfirliklər bərpa olunur
Rusiya və ABŞ səfirlərin tezliklə təyin edilməsi barədə razılığa gəlib.
Bunu Rusiyanın xarici işlər naziri Sergey Lavrov bildirib.
Onun sözlərinə görə, RF və ABŞ iki ölkənin diplomatik missiyalarının fəaliyyəti ilə bağlı məsələləri birdəfəlik həll etmək barədə demək olar ki, razılığa gəlib.
Xatırladaq ki, bu gün ABŞ-nin Dövlət katibi Marko Rubio Ər-Riyadda aparılan danışıqların sonunda bildirib ki, təmasları davam etdirmək üçün diplomatik nümayəndəliklərin aktiv fəaliyyətinə ehtiyac olacaq. Tərəflər Moskva və Vaşinqtondakı səfirliklərin ştatını bərpa etmək barədə razılığa gəliblər.
18-02-2025, 17:25
Putin Zelenski ilə də danışıqlara hazırdır - Peskov minnət qoydu
Rusiya prezidenti Vladimir Putin, o cümlədən Vladimir Zelenski ilə danışıqlara hazırdır.
Rusiya dövlət başçısının mətbuat katibi Dmitri Peskov brifinqdə qeyd edib ki, , Zelenskinin Ukrayna lideri kimi legitimliyi şübhə altındadır.
“Putin özü dəfələrlə deyib ki, lazım gələrsə, Zelenski ilə də danışıqlar aparacaq”, - Peskov xatırladıb.
“Eyni zamanda, Zelenskinin özünün legitimliyinə meydan oxumaq imkanından danışan reallıq nəzərə alınmaqla, razılaşmaların hüquqi qeydiyyatı ciddi müzakirə obyektidir”, - Kreml nümayəndəsi əlavə edib.
18-02-2025, 17:13
Erməni general həbsdən buraxıldı
Fevralın 18-də hakim Artur Voskanyanın sədrliyi ilə keçirilən iclasda Sünik vilayətinin Baş Yurisdiksiya Cinayət Məhkəməsi general Tiran Xaçatryan barəsində həbs qətimkan tədbirinin dəyişdirilməsi ilə bağlı müdafiə tərəfinin vəsatətini təmin edib.
Tiran Xaçatryanın həbsi 10 milyon dram girov və heç yerə getməmək barədə yazılı öhdəliklə əvəzlənib.
Müdafiə tərəfi həbs-qətimkan tədbirinin dəyişdirilməsi vəsatəti ilə Tiran Xaçatryanın aldığı mükafatların və xatirə medallarının bir qismini məhkəməyə təqdim edib.
Prokuror həbs müddətinin 3 ay uzadılmasını istəyib.
Tiran Xaçatryan 2020-ci ildə 44 günlük müharibə zamanı xidməti vəzifələrinə səhlənkarlıq etməkdə ittiham olunur. İttihama görə, o, 2020-ci il oktyabrın 7-dən 17-dək cənub qrupunun komandiri kimi tam tərkibdə komanda məntəqəsi yarada bilməyib və hərbi əməliyyatların idarə olunması üçün kifayət qədər tədbirlər görməyib, bu isə ağır nəticələrə gətirib çıxarıb. O cümlədən, strateji yüksəkliklər və müdafiə xətləri itirilib.
Tiran Xaçatryan Ermənistan Respublikası Cinayət Məcəlləsinin 376-cı maddəsinin 3-cü hissəsi ilə ittiham olunub. O, 2025-ci il yanvarın 5-də həbs edilmişdi.
18-02-2025, 16:10
Ər-Riyad görüşü başa çatdı: ABŞ-Rusiya bu mövzularda RAZILAŞDI
Səudiyyə Ərəbistanının paytaxtında Amerika və Rusiya nümayəndə heyətləri arasında danışıqlar yekunlaşıb.
Görüşdə iştirak edən Rusiya prezidentinin köməkçisi Yuri Uşakov danışıqların uğurlu keçdiyini bildirib.
Uşakov tərəflərin gələcəkdə bir-birinin maraqlarını nəzərə almağa razılaşdıqlarını deyib.
O qeyd edib ki, Putinlə Trampın görüşünün konkret tarixini söyləmək çətindir, lakin onun gələn həftə baş tutacağı ehtimalı azdır:
"Rusiya və ABŞ-dan ibarət ayrı-ayrı danışıqlar qrupları Ukrayna ilə bağlı təmaslara başlayacaq. Ukrayna ilə bağlı ABŞ-la təmasların nə vaxt başlayacağına Rusiya prezidenti özü qərar verəcək".
Rusiya tərəfini Rusiya xarici işlər naziri Sergey Lavrov və prezidentin köməkçisi Yuri Uşakov təmsil ediblər. ABŞ komandasına dövlət katibi Marko Rubio, Mərkəzi Kəşfiyyat İdarəsinin direktoru Con Ratkliff, Milli Təhlükəsizlik Müşaviri Mayk Uolz və xüsusi nümayəndə Stiv Vitkoff daxildir.
“Bloomberg” agentliyi yazıb ki, Ər-Riyadda aparılan danışıqlar iki liderin sammitinin ən tezi gələn həftə keçirilməsinə gətirib çıxara bilər.
18-02-2025, 15:35
Ərdoğanla Zelenskinin görüşü başladı
Ankarada Türkiyə Prezidenti Rəcəb Tayyib Ərdoğan və Ukrayna Prezidenti Volodimir Zelenski arasında görüş keçirilir.
İkitərəfli münasibətlər və Rusiya-Ukrayna müharibəsinin müzakirə ediləcəyi görüşün nəticələrinə dair mətbuat konfransının keçirilməsi nəzərdə tutulub.
Mətbuata qapalı keçirilən görüşdə xarici işlər naziri Hakan Fidan, milli müdafiə naziri Yaşar Gülər, prezidentin kommunikasiya direktoru Fahrettin Altun və prezidentin xarici siyasət və təhlükəsizlik üzrə baş müşaviri Akif Çağatay Kılıç iştirak edib.
Ərdoğan və Zelenski daha sonra iş yeməyində bir araya gələcək nümayəndə heyətlərinin görüşünə də rəhbərlik edəcəklər.
Danışıqlar başa çatdıqdan sonra müxtəlif sahələrdə sazişlər imzalanacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!