4-03-2026, 00:05
Tezliklə İranın yeni liderinin adı açıqlanacaq
İran mediasının yaydığı xəbərə görə, ölkə yaxın saatlar və ya günlər ərzində İslam Respublikasının yeni Ali liderinin seçilməsi ilə bağlı səsvermənin rəsmi nəticələrini açıqlamağa hazırlaşır.
Ali lider Ayətullah Əli Xameneinin ABŞ və İsrail hücumları nəticəsində həyatını itirməsindən sonra yeni rəhbərin müəyyənləşdirilməsi prosesi başlayıb. Açıqlamada vurğulanır ki, İran İslam sisteminin davamlılığını və birliyini nümayiş etdirməlidir.
Eyni zamanda, ABŞ və İsrail qüvvələrinin zərbə endirdiyi deyilən Qumdakı Ekspertlər Məclisinin binasında iclas keçirilməsi ilə bağlı yayılan məlumatlar təkzib olunub. Qeyd edilib ki, hücum faktı doğrudur, lakin həmin vaxt binada toplantı baş tutmayıb. Təhlükəsizlik baxımından iclasların məsafəli formatda və alternativ səsvermə üsulu ilə davam etdirildiyi bildirilib.
Məlumatlı mənbələr səsvermənin yekun mərhələdə olduğunu və yeni liderin adının tezliklə açıqlanacağını qeyd ediblər.
3-03-2026, 23:06
İsrail İranın gizli nüvə obyektinə hücum edib
İsrail Ordusu Tehran yaxınlığında yerləşən məxfi nüvə obyektinə zərbə endirdiyini açıqlayıb.
Bu barədə İsrail Ordusunun rəsmi nümayəndəsi, briqada generalı Efi Defrin məlumat verib.
«Bir neçə saat əvvəl Minzadəhi bazasına zərbə endirdik. Orada nüvə silahı hazırlamağa çalışan alimlər fəaliyyət göstərirdi,» — o, brifinqdə bildirib.
Qeyd edək ki, fevralın 28-də ABŞ və İsrail İranın şəhərlərinə hava zərbələri endirərək hərbi əməliyyata başlayıblar. İran cavab olaraq İsrail ərazisinə raketlər atıb və ABŞ-ın bir sıra Yaxın Şərqdəki hərbi bazalarına da hücum həyata keçirib.
3-03-2026, 21:58
Ərəb ölkəsi İranla müharibəyə hazırlaşır - KİV
Birləşmiş Ərəb Əmirlikləri İranın raket obyektlərinə zərbə endirməyi müzakirə edir.
Bildirilib ki, ölkə hakimiyyəti bu addımı müharibənin başlanğıcından bəri BƏƏ-nin 186 raket və 812 dron hücumuna məruz qalmasından sonra düşünür.
İranın hücumları əsasən Əbu-Dabi və Dubay şəhərlərini hədəf alıb. Bu vəziyyət Körfəz regionunda gərginliyi daha da artırıb. BƏƏ rəhbərliyi müttəfiqlərlə hərbi əməliyyatları koordinasiya etməyi planlaşdırır. Hazırda mümkün hücumların konkret vaxtı və həcmi açıqlanmayıb.
3-03-2026, 21:32
İspaniya ilə ticarəti tam dayandırırıq - Tramp
ABŞ Prezidenti Donald Tramp İspaniya onlara bazalarından istifadə icazəsi vermədiyini açıqlayıb.
Bu barədə Donald Tramp Ağ Evdə Almaniya kansleri Fridrix Merzlə görüşü zamanı bildirib.
O, bu səbəbdən ABŞ İspaniya ilə bütün ticarət əməliyyatlarını tam dayandıracağını deyib.
Tramp həmçinin bildirib ki, Böyük Britaniyadan da razı deyil və əlaqələrdə bəzi gərginliklər mövcuddur. ABŞ milli maraqlarını qorumaq üçün sərt addımlar atmağa hazırdır.
3-03-2026, 21:04
Tramp ABŞ-ın hücum strategiyasını AÇIQLADI
ABŞ Prezidenti Donald Tramp İranın yalnız mülki obyektlərə, otellərə və mənzillərə zərbə endirdiyini deyib.
Prezident ABŞ-ın hücumlarının daha məqsədəuyğun hərbi hədəflərə yönəliyini qeyd edib.
O, iranlıları hazırda etiraz etməməyə çağırıb və əvvəlcə hərbi əməliyyatların başa çatdırılmasının vacib olduğunu vurğulayıb.
3-03-2026, 19:47
Tramp İrandakı silahlı qrupları dəstəkləyəcək
ABŞ Prezidenti Donald Trampın İranda hakimiyyətə qarşı silahlı mübarizəyə hazır olan müxalif qüvvələrə dəstək imkanını nəzərdən keçirdiyi bildirilir.
“The Wall Street Journal” nəşrinin anonim amerikalı rəsmilərə istinadən yaydığı məlumata görə, Tramp martın 1-də İran–İraq sərhədi boyunca yerləşən silahlı kürd liderlərlə danışıqlar aparıb.
Mənbələrin sözlərinə görə, Vaşinqton Tehranın zəifləməsindən istifadə edə biləcək qüvvələrlə əməkdaşlığa açıqdır, lakin hələlik anti-hökumət qüvvələrinə silah və ya digər yardımın göstərilməsi barədə qərar verilməyib.
3-03-2026, 19:42
İsrail Livan və İrana hücumları gücləndirəcək: Netanyahu
İsrail Baş naziri Benyamin Netanyahu, müdafiə naziri İsrael Katz və Müdafiə Qüvvələrinin Baş Qərargah rəisi general-leytenant Eyal Zamir ilə birlikdə Palmaçim hava bazasına səfəri zamanı İsrailin Livan və İrana hücumlarını artıracağını açıqlayıb.
Netanyahu Hizbullah İsrailə hücum edərkən böyük səhv etdiyin və İsrailin artıq güclü cavab verdiyini deyib. Baş nazir bundan sonra daha böyük və əlavə güclə reaksiya göstəriləcəyini qeyd edib.
O həmçinin vurğulayıb ki, İsrail İrana hücumlarını tam gücü ilə davam etdirəcək və pilotlar İran, Tehran və Livan səmasında uçuşlar həyata keçirir.
3-03-2026, 19:21
Tehranda hava limanına hücum edilib
İsrail və ABŞ-nin hərbi hava qüvvələri İranın paytaxtı Tehranda Mehrabad hava limanına zərbələr endiriblər.
Bu barədə “NourNews” agentliyi məlumat yayıb.
Agentlik hücum nəticəsində xəsarət alanlar barədə məlumat yayımlamayıb, lakin Tehrana və digər bölgələrdə hava zərbələrinin davam etdiyi bildirilir.
3-03-2026, 19:03
İranın Qum şəhərində kritik binaya hava zərbəsi
Martın 3-də İranın Qum şəhərində yerləşən və ölkənin ali rəhbərini seçən Ekspertlər Şurasının ofisinə zərbə endirilib.
Bununla bağlı məlumatı "Tasnim" agentliyi yayıb.
Bildirilib ki, ABŞ və İsrail qüvvələri binanı hədəf alıblar. Qeyd olunur ki, ötən gecə Tehranda da Ekspertlər Şurasının ərazisi ABŞ və İsrail hərbi təyyarələrinin hücumuna məruz qalmışdı.
3-03-2026, 18:54
Ukraynada seçkilər nə vaxt olacaq? – Zelenskidən AÇIQLAMA
Ukrayna Prezidenti Volodimir Zelenski növbəti prezident seçkiləri ilə bağlı mövqeyinə aydınlıq gətirib.
Prezident Ofisi bildirib ki, Zelenskinin Corriere della Sera nəşrinə müsahibəsi daha çox seçkilərin keçirilmə şərtləri ilə bağlı olub.
Zelenski qeyd edib ki, seçkilər yalnız müharibə başa çatdıqdan sonra keçirilməlidir, müvəqqəti atəşkəs dövründə deyil. O, ikinci müddətə namizəd olub-olmayacağı barədə isə qərarı ukraynalıların iradəsinə uyğun verəcəyini bildirib.
Prezident həmçinin təhlükəsizlik təmin olunacağı təqdirdə ölkədə seçkilərin keçirilməsinə hazır olduğunu vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!