2-03-2026, 16:36
İran-İsrail müharibəsində öldürülən ABŞ hərbçilərinin sayı 4-ə çatıb
ABŞ-ın Yaxın Şərqdə hərbi əməliyyatlarda həlak olan hərbçilərinin sayı 4-ə çatıb.
Bu barədə ABŞ Mərkəzi Komandanlığı (CENTCOM) məlumat yayıb.
“Ağır yaralanan dördüncü hərbçimiz həlak olub. Döyüş əməliyyatları və cavab zərbələrimiz davam edir”, - məlumatda qeyd olunub.
2-03-2026, 16:11
İran polisi əhaliyə xəbərdarlıq etdi
İran polisi əhaliyə xəbərdarlıq edib.
Polis yerli əhalini vurulan yerlərə yaxınlaşmamağa çağırıb.
"Düşmən mərmilərinin 2 mərhələli olması və bəzən birinci partlayışdan bir neçə dəqiqə sonra ikinci partlayışın baş verməsi mümkündür, ona görə də insanlar diqqətli olmalıdırlar" - deyə açıqlamada bildirilib.
2-03-2026, 16:08
Livan hökuməti "Hizbullah"ı qadağan edib
Livan hökuməti ölkə daxilində "Hizbullah"ın silahlı fəaliyyətini qadağan edib.
Bu barədə qərarı Baş nazir Nəvaf Salam açıqlayıb.
Bu addıma səbəb kimi təşkilatın rəsmi dövlət qurumları ilə məsləhətləşmədən İsrail istiqamətində raket atışları həyata keçirməsi olub. Bildirilir ki, bu cür hərəkətlər hökumətin regional eskalasiyanın qarşısını almaq strategiyasına ziddir və ölkəni birbaşa təhlükə altına qoyur.
Livan Prezidenti Cozef Aun və Baş nazir Nəvaf Salam "Hizbullah"ın addımını ölkənin suverenliyinin pozulması kimi qiymətləndiriblər. Onların fikrincə, dövlət institutlarından kənar silahlı qərarlar Livanı daha genişmiqyaslı müharibəyə sürükləyə və İsrailin cavab zərbələri üçün əsas yarada bilər.
Rəsmi Beyrut vurğulayıb ki, ölkənin təhlükəsizlik və hərbi qərarları yalnız dövlət strukturları çərçivəsində qəbul olunmalıdır.
Bununla belə, "Hizbullah"ın uzun illərdir silahlı struktur kimi fəaliyyət göstərməsi və İsraillə münaqişə fonunda hərbi potensialını qoruyub saxlaması qərarın praktik icrasını çətinləşdirir. Təşkilatın silahsızlaşdırılması və ya fəaliyyətinin məhdudlaşdırılmasının hansı mexanizmlərlə həyata keçiriləcəyi hələlik açıqlanmayıb.
2-03-2026, 15:39
Şahın oğlu İran rəsmilərini təslim olmağa çağırıb
İranın sonuncu şahının oğlu Rza Pəhləvi İslam Respubliaksının ali lideri Ayətullah Əli Xameneinin ölümünə münasibət bildirib.
Rza Pəhləvi sosial şəbəkələrdə İran xalqına növbəti müraciət ünvanlayıb. O bildirib ki, Xameneinin və İran rəhbərliyinə daxil olan genaralların ölümü ilə İslam Respublikası son nəfəsini verir
“Böyük İran xalqı İslam Respublikasının tam süqutunu istəyir. Biz bu zalım rejimi devirməyə nail olacağıq”, - Pəhləvi müraciətində deyib.
Rza Pəhləvi İran rəsmilərinə təslim olmağa çağırıb:
“İran xalqına təslim olun. Mənim proqramıma və keçid planına sadiqliyinizi elan edin. Daha çox qan tökülmədən hakimiyyəti təhvil verin.
Rejimin qalıqlarının Xameneiyə varis təyin etmək cəhdi əvvəlcədən məğlubiyyətə məhkumdur. Onun yerinə kim gətirilsə, nə legitim olacaq, nə də bu rejimin cinayətlərindən kənarda qalacaq.
Ölkənin hərbi, polis və təhlükəsizlik qüvvələrinə deyirəm:
Silahınız Böyük İran xalqını qorumaq üçün olmalıdır; cinayətkar respublikanı və onun anti-İran quldur dəstələrini müdafiə etmək üçün deyil. İran xalqına və Şir-Günəş inqilabına qoşulun. Silahlarınızı İran vətəndaşlarını İslam Respublikası rejiminin muzdlu qüvvələrindən qorumaq üçün istifadə edin ki, bu 47 illik kabus daha tez sona çatsın”.
Rza Pəhləvi xalqı rejimə qarşı ayağa qalxmağa çağırıb:
"Mənim gücüm sizin gücünüzdən və dəstəyinizdən qaynaqlanır.
Xaricdə yaşayan iranlılardan – həftələrdir yorulmadan ölkə daxilindəki həmvətənlərimizin səsi olan sizlərdən – xahiş edirəm ki, səylərinizi daha da artırın. İran xalqının bu humanitar müdaxiləyə dəstəyini və rejimin tam süqutu tələbimizi dünya ictimaiyyətinə çatdırın.
Qarşıda həssas günlər var. Biz birlikdə qələbə yolunu keçəcəyik və İslam Respublikasını devəcəyik".
2-03-2026, 15:22
Ermənistan İranda baş verənlərdən narahatdır - Paşinyan
Ermənistanın Baş naziri Nikol Paşinyan İran Prezidenti Məsud Pezeşkiana ali lider Xamenein və vətəndaşların həlak olması ilə bağlı başsağlığı teleqramı göndərib.
Ermənistan Baş nazirinin Aparatından göndərilən teleqramda belə deyilir:
“Cənab Prezident,
Biz İrandakı hadisələrin gedişini böyük narahatlıqla izləyirik. İranda rəhbərlik və vətəndaşlar arasında baş verən itkilərlə bağlı dərin başsağlığımı qəbul edin. Biz həmişə İslam Respublikasının ali lideri Əli Xameneinin Ermənistan-İran münasibətlərinin inkişafındakı şəxsi rolunu xatırlayacağıq.
Bu çətin vaxtda Yaxın Şərqdə sülh və sabitliyin tezliklə bərpa olunacağına ümid edirik.
Bu fürsətdən istifadə edərək, Sizə səbir, dost, qonşu İran xalqına isə sülh və dözüm arzulayıram”.
2-03-2026, 15:17
Pezeşkian müvəqqəti müdafiə naziri təyin etdi
İran müdafiə nazirinin vəzifələrini general Seyyid Məcid İbn Əl-Rza icra edəcək.
Bununla bağlı İran Prezidenti Məsud Pezeşkian qərar verib.
Qeyd edək ki, İranın müdafiə naziri Əziz Nəsirzadə İsraillə ABŞ-ın hava zərbələri nəticəsində öldürülüb.
2-03-2026, 15:01
Ermənistan vətəndaşlarının Rusiyaya girişi sərtləşdirilir
Rusiya hökuməti 2000-ci il tarixli “Rusiya–Ermənistan vizasız səyahət haqqında” sazişə dəyişikliklərlə bağlı layihəni təsdiqləyib. Qərara əsasən, Ermənistan vətəndaşlarının Rusiyaya giriş qaydaları sərtləşdirilir.
Yeniliklərə görə Ermənistan vətəndaşları bundan sonra Rusiyaya yalnız pasportla – o cümlədən diplomatik pasportla daxil ola biləcəklər. Digər sənədlər sərhəd keçidi üçün məqbul hesab edilməyəcək.
Məlumata görə, dəyişikliklər İrəvanla razılaşdırılıb və nota mübadiləsi yolu ilə rəsmiləşdiriləcək.
Yenilənmiş siyahıya əsasən, Rusiyaya giriş üçün aşağıdakı sənədlər qüvvədə qalacaq:
- Ermənistan vətəndaşının pasportu;
- diplomatik pasport;
- Ermənistana qayıtmaq üçün şəhadətnamə (yalnız Rusiyadan çıxış zamanı, məsələn, pasportun itirilməsi halında).
Qeyd edək ki, indiyədək Ermənistan vətəndaşları Rusiyaya 16 yaşadək uşaqlar üçün doğum haqqında şəhadətnamə, hərbi və hüquq-mühafizə orqanlarının şəxsiyyət vəsiqələri, uçuş heyəti üzvünün vəsiqəsi, eləcə də dəmir yolu işçisinin vəsiqəsi ilə də səfər edə bilirdilər. Yeni dəyişikliklərlə bu sənədlər siyahıdan çıxarılıb.
2-03-2026, 14:56
Küveyt səhvən 3 ABŞ təyyarəsini vurub
Küveytin hava hücumundan müdafiə sistemləri 3 ABŞ təyyarəsini vurub.
Bu barədə Pentaqon məlumat yayıb. Ekipaj üzvlərinin sağ olduğu qeyd edilib.
Qeyd olunub ki, təyyarələr səhvən vurulub.
Gələcəkdə insidentlərin qarşısının alınması üçün tədbirlər görülür.
2-03-2026, 14:48
Hökumət xalqın yanındadır - Pezeşkian
İran Prezidenti Məsud Pezeşkian X sosial şəbəkə hesabında paylaşım edib.
Həmin paylaşımda deyilir:
"Məcburi müharibənin sonuna qədər bütün nazirlərə, qurum və icra strukturlarının rəhbərlərinə tam səlahiyyət və xüsusi planlama ilə xalqa fasiləsiz və əlaqələndirilmiş xidmət göstərmələri barədə göstəriş vermişəm.
Hökumət xalqın yanındadır", - deyə o qeyd edib.
1-03-2026, 15:21
Putin Pezeşkiana başsağlığı verdi
Rusiya prezidenti Vladimir Putin iranlı həmkarı Məsud Pezeşkiana başsağlığı verib.
Putin İran İslam Respublikasının Ali Lideri Seyid Əli Xameneinin sui-qəsd nəticəsində öldürülməsi ilə əlaqədar dərin kədər hissi keçirdiyini deyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!