3-03-2026, 18:36
İsrail Tehran əhalisinə çağırış etdi: bu əraziləri tərk edin!
İsrail ordusu İranın paytaxtı Tehran yaxınlığında yerləşən bəzi ərazilərdə yaşayan mülki şəxslərə ərazini tərk etməklə bağlı xəbərdarlıq edib.
Hərbi qurum Tehran sənaye zonası və Payam Beynəlxalq Hava Limanı ətrafında yaşayanların təhlükəsizlik məqsədilə dərhal uzaqlaşmalı olduğunu bildirib.
Ordunun açıqlamasına görə, yaxın saatlarda həmin ərazilərdə əməliyyatların həyata keçirilməsi planlaşdırılır.
3-03-2026, 18:29
İordaniya hava məkanını yenidən açdı
İordaniya hava məkanını mülki aviasiya üçün yenidən istifadəyə verib.
Bu barədə ölkənin Mülki Aviasiya Tənzimləmə Komissiyası açıqlama yayıb.
Xatırladaq ki, Yaxın Şərqdə artan gərginlik fonunda İordaniya hökuməti daha əvvəl hava məkanında uçuşlara müvəqqəti məhdudiyyət tətbiq etmişdi.
3-03-2026, 18:15
]İran gərginliyi: İsrail yüzlərlə həkimi geri çağırır
İsrail hakimiyyəti İranla hava müharibəsinin başlanmasından sonra xaricdə qalan həkimləri ölkəyə qaytarmaq üçün yük gəmilərindən istifadə edir.
İsrailin yükdaşıma şirkəti ZIM Shipping gəmilərin Kiprin Limassol limanı ilə İsrailin Hayfa limanı arasında reyslər həyata keçirdiyini bildirib.
Əməliyyat Nəqliyyat Nazirliyi, böyük xəstəxanalar və şirkət arasında koordinasiya olunur.
İndiyədək iki reyslə 40 həkim geri dönüb, həftə ərzində yüzlərlə tibb işçisinin qaytarılması planlaşdırılır. Onlar İran raketləri nəticəsində yaralananlara yardım göstərmək üçün iş başına qayıdırlar.
Rəsmilər bildiriblər ki, uçuşların dayandırılması fonunda bu üsul ən asan və effektiv variantdır. Səfər təxminən 15 saat çəkir və həkimlərin təhlükəsizliyi üçün gəmidə xüsusi şərait yaradılıb.
İsrail və ABŞ-ın İrana zərbələrindən sonra bölgədə hava məkanlarının bağlanması yüz minlərlə sərnişinin müxtəlif ölkələrdə qalmasına səbəb olub.
3-03-2026, 17:42
Ukrayna ordusunda döyüşən azərbaycanlı həlak oldu - FOTO
Rusiya-Ukrayna müharibəsində daha bir həmyerlimiz həlak olub.
Ukrayna ordusu sıralarında döyüşlərə qatılan 1988-ci il təvəllüdlü Ruslan Adil oğlu Quliyev aldığı xəsarətlərdən vəfat edib.
Onun nəşi dəfn edilməsi üçün Azərbaycana göndərilib.
Mərhumun əslən Qazax rayonundan olduğu bildirilib.
3-03-2026, 17:30
Qazaxıstan da vətəndaşlarını Yaxın Şərqdən çıxırır
“Flydubai” aviaşirkəti Dubaydan Astana və Almatıya iki təxliyə reysi həyata keçirərək 306 sərnişini Qazaxıstana çatdırıb.
Vətəndaşların geri qaytarılması üzrə işlər bu ölkənin Xarici İşlər Nazirliyi ilə birgə aparılır.
Yaxın vaxtlarda Mədinə və Ciddədən əlavə təxliyə reyslərinin təşkili planlaşdırılır.
3-03-2026, 13:05
İranda dörd günə 767 nəfər ölüb
İranda ABŞ və İsrailin aviazərbələri nəticəsində ölənlərin sayı 767 nəfərə çatıb.
Bu barədə İran Qızıl Aypara Cəmiyyəti məlumat yayıb.
İndiyə qədər 1039 hava hücumu qeydə alınıb.
Ümumilikdə, ölkə üzrə 153 rayonda 504 nöqtəyə zərbələr endirilib.
3-03-2026, 13:05
İranda dörd günə 767 nəfər ölüb
İranda ABŞ və İsrailin aviazərbələri nəticəsində ölənlərin sayı 767 nəfərə çatıb.
Bu barədə İran Qızıl Aypara Cəmiyyəti məlumat yayıb.
İndiyə qədər 1039 hava hücumu qeydə alınıb.
Ümumilikdə, ölkə üzrə 153 rayonda 504 nöqtəyə zərbələr endirilib.
3-03-2026, 12:28
İlin ilk Ay tutulması baş verir
2026-cı ilin ilk Ay tutulması hadisəsi başlayıb.
Bu barədə Nəsrəddin Tusi adına Şamaxı Astrofizika Rəsədxanasından məlumat verilib.
Bildirilib ki, Ay tutulması saat 12:44-də başlayıb saat 18:23-də bitəcək: “Tutulmanın makisumumu isə saat 11:33-də olacaq. Bu tutulma Tam Ay tutulmasıdır və Asiya, Avstraliya, Şimali Amerika və Cənubi Amerika, Arktika, Antarktida və Sakit, Atlantik, Hind okeanında müşahidə olunacaq. Azərbaycanda isə Ay üfüqdən aşağıda olduğu və sutkanın işıqlı vaxtına düşdüyü üçün tutulma hadisəsini izləmək mümkün olmayacaq”.
Qeyd edilib ki, “Qanlı Ay” kimi bilinən hadisə məhz tam Ay tutulması zamanı baş verir və Ayın rəngi qırmızı çalara boyanır: “Bunun səbəbi tutulma zamanı Yer atmosferindən keçən Günəş şüalarının ancaq uzundalğalı hissəsinin Ayın səthinə çata bilməsidir ki, bu zaman qırmızı çalara bürünür. Həmçinin Ay tutulması zamanı Yer Günəşlə Ay arasına düşür və Günəş işığının Ay səthinə birbaşa çatmasını məhdudlaşdırır. Bu zaman Yerin kölgəsi Ayın üzərinə düşür və Ay tutulması baş verir. Ay tutulmaları adətən Günəş tutulmalarından daha uzun çəkir, çünki Yerin kölgə sahəsi Ayın kölgəsindən daha böyükdür. Ay tutulması yalnız tam Ay fazasında baş verir. Tam Ay tutulması təxminən 105 dəqiqəyə qədər davam edə bilir. Günəş tutulmasından fərqli olaraq Ay tutulması Ayın üfüqdən yuxarıda olduğu hər yerdən müşahidə oluna bilər”.
3-03-2026, 02:55
Türkiyədə bələdiyyə başçısı və müavini həbs edildi
Türkiyənin Bolu şəhərinin bələdiyyə başçısı Tanju Özcan həbs olunub.
Tanju Özcan və Bolu bələdiyyə sədrinin müavini Süleyman Can barəsində qərar Növbətçi Sulh Ceza Hakimliği tərəfindən verilib.
Bu gün məhkəməyə çıxarılan Özcan da daxil olmaqla 13 nəfər əvvəlcə prokurorluqda ifadə verib, daha sonra hakim qarşısına çıxarılıb. Prokurorluq Tanju Özcan, Süleyman Can və Ali Sarıyıldızın həbsini, digər 10 nəfər barəsində isə məhkəmə nəzarəti qətimkan tədbirinin seçilməsini tələb edib.
Hakimlik Tanju Özcan və Süleyman Canın həbsinə qərar verib, digər 11 nəfər haqqında isə məhkəmə nəzarəti tədbiri tətbiq olunub.
3-03-2026, 00:47
Dohada güclü partlayış səsləri eşidilib
Qətərin paytaxtı Doha şəhərində güclü partlayış səsləri eşidilib.
İranın ABŞ və İsrailin hücumlarına cavab olaraq həyata keçirdiyi əks-zərbələr fonunda paytaxtın müxtəlif ərazilərindən ard-arda partlayış səslərinin gəldiyi bildirilir.
Məlumata görə, şəhərdə hava hücumundan müdafiə sistemi işə salınıb. Eyni zamanda, mobil telefonlara fövqəladə xəbərdarlıq sistemi vasitəsilə bildirişlər göndərilib.
Partlayışlardan sonra bəzi ərazilərdə siren səslərinin eşidildiyi, təhlükəsizlik qüvvələrinin isə mühüm obyektlər ətrafında gücləndirilmiş rejimdə tədbirlər gördüyü qeyd olunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!