10-03-2026, 17:04
Lavrov İrana dəstək verdi
Rusiya xarici işlər naziri Sergey Lavrovun iranlı həmkarı Abbas Əraqçi ilə telefon danışığı aparıb.
Bu barədə Rusiya Xarici İşlər Nazirliyi məlumat yayıb
Rusiya və İran xarici işlər nazirlərinin telefon danışığında Yaxın Şərqdə sürətlə pisləşən vəziyyəti müzakirə etdiklərini açıqlayıb. Lavrov gərginliyin mümkün qədər tez azaldılmasının vacibliyi ilə bağlı Rusiyanın prinsipial mövqeyini və Rusiyanın bu prosesi asanlaşdırmağa hazır olduğunu vurğulayıb.
10-03-2026, 16:56
Bu ölkədə işçilər İrana görə məsafədən işləyəcək
Vyetnamın Ticarət Nazirliyi ölkədə yanacaq sərfiyyatını azaltmaq məqsədilə şirkətlərə əməkdaşların məsafədən işləməsinə icazə verməyi tövsiyə edib.
Bu addım ABŞ və İsrailin İranla müharibəsi fonunda enerji təchizatında yaranan fasilələr və qiymət artımlarının ölkəyə təsiri ilə əlaqələndirilir.
Məlumata görə, enerji resurslarının böyük hissəsini Yaxın Şərqdən idxal edən Vyetnam mövcud vəziyyətdən ən çox zərər görən ölkələrdən biri hesab olunur.
10-03-2026, 16:53
Tramp administrasiyası müharibəni tezliklə bitirmək istəyir - KİV
Trampın ətrafı İrandan müharibədən çıxış yolu axtarır.
Bu qorxu qarşıdan gələn seçkidə uğur qazanmaq istəyi ilə əlaqədardır.
ABŞ prezidenti Trampın müşavirləri xəbərdarlıq edirlər ki, neft qiymətlərinin artması və vətəndaşların narazılığı “siyasi fırtına” yarada bilər.
Trampın müşavirləri ona təklif edirlər ki, iqtisadi nəticələr reytinqinə kritik təsir göstərmədən əvvəl hədəflərə çatıldığını elan edib əməliyyatı dayandırsın.
10-03-2026, 16:50
Ter-Petrosyan Paşinyanı satdı - rusiyalı milyarderə qoşuldu
Ter-Petrosyan müxalifəti Karapetyan ətrafında birləşməyə səsləyib.
Onun sözlərinə görə, Ermənistanda parçalanmış müxalifəti bir araya gətirə biləcək yeganə siyasi fiqur “Güclü Ermənistan” Partiyasının lideri Samvel Karapetyandır.
Bu çağırış Ermənistanda rusiyameylli müxalifətin iyun ayında keçiriləcək parlament seçkiləri öncəsi üç fərqli siyasi düşərgəni birləşdirərək hakimiyyətə gəlmək imkanlarını müzakirə etdiyi bir vaxtda səsləndirilib. Bu ssenari şərti olaraq “Gümrü-2” planı kimi dəyərləndirilir.
Erməni Milli Konqresinin lideri olan Ter-Petrosyan müxalif düşərgədə vəziyyəti qiymətləndirərək qeyd edib ki, aylarla davam edən danışıqlar heç bir razılaşma ilə nəticələnməyib.
“Son nəticədə başa düşmək lazımdır ki, müxalifətin birləşməsi siyasi məsələ deyil, millətin xilası məsələsidir. Karapetyan özünü təmin edən və formalaşmış şəxsiyyət kimi bu problemi həll edə bilər”, – deyə o vurğulayıb.
Qeyd olunub ki, Ermənistan Milli Konqresi də parlament seçkilərində iştirak edəcəyini açıqlayıb. Partiya baş nazir postuna namizəd kimi Levon Zurabyanın irəli sürüldüyünü bildirib. Samvel Karapetyan Rusiyada "Taşir" şirkətinin sahibi və milyarder kimi tanınır. O. Ermənistan baş naziri olmağa iddialıdır.
10-03-2026, 16:47
Ermənistanda seçkilərə xaricdən müdaxilə cəhdləri var - AÇIQLAMA
Ermənistanın Xarici Kəşfiyyat Xidməti ölkədə keçiriləcək parlament seçkilərinin nəticələrinə xarici müdaxilə cəhdlərinin ola biləcəyi barədə açıqlama yayıb.
Qurum bildirib ki, bəzi ölkələrdə erməni sahibkarlara yerli xüsusi xidmət orqanlarının nümayəndələri tərəfindən təzyiq göstərilir. Məqsəd həmin biznes nümayəndələrini Ermənistanda müəyyən siyasi qüvvələri maliyyələşdirməyə və dəstəkləməyə məcbur etməkdir.
Xarici Kəşfiyyat Xidmətində qeyd olunub ki, qurum vəziyyəti və seçki proseslərinə xaricdən mümkün müdaxilə cəhdlərini diqqətlə izləyir.
10-03-2026, 16:45
Pentaqon rəhbəri: İran qonşularını hədəfə almaqla böyük səhv edib
ABŞ müharibə naziri Pit Heqset İranın regiondakı addımlarını sərt tənqid edib.
O jurnalistlərə açıqlamasında İranın qonşu ölkələri hədəfə almasını şərh edib.
“İran qonşularını hədəfə almaqla böyük səhv edib. Biz bu vəziyyəti əvvəlcədən proqnozlaşdırmışdıq. Bu addım onların ümidsizliyini nümayiş etdirir”, – deyə o qeyd edib.
Pit Heqset əlavə edib ki, ABŞ prezidenti Donald Tramp müharibəyə rəhbərlik edəcək və onun necə davam edəcəyinə dair qərar verəcək.
Nazirin sözlərinə görə, ABŞ bu mübarizədə başqa ölkələrə demokratiya ixrac etmək və ya dövlət quruculuğu ilə məşğul olmaq niyyətində deyil.
10-03-2026, 16:44
ABŞ-ın müdafiə naziri Rusiyanı hədələdi: İranla müharibəyə qarışma!
ABŞ müdafiə naziri Pit Heqset Rusiyanın İranla münaqişəyə müdaxilə etməməli olduğunu bildirib.
Onun bu şərhi prezident Donald Trampın dünən Rusiya prezidenti Vladimir Putinlə telefon danışığı ilə bağlı sualdan sonra verilib.
Heqset söhbəti "həlledici zəng" adlandırıb və ümid etdiyini bildirib ki, bu, "Rusiyanın Ukrayna ilə müharibəsində sülhə nail olmaq ehtimalını" təsdiqləyib.
O əlavə edib ki, zəng həmçinin "Rusiyanın bu münaqişəyə müdaxilə etməməsi anlayışını" möhkəmləndirib.
10-03-2026, 16:40
İsrail ilk fürsətdə onları öldürəcək - ADLAR
İsraildə İranla bağlı yeni mümkün “hədəf siyahısı”nı açıqlanıb.
İsrailin Kanal 14 telekanalı tərəfindən yayımlanan siyahıda İranın yüksək vəzifəli siyasi və təhlükəsizlik fiqurları yer alır.
Siyahıda göstərilən şəxslər və hazırkı vəzifələri:
Möctəba Xamenei – İranın Ali Lideri .
Əli Laricani – İran Ali Milli Təhlükəsizlik Şurasının katibi.
Qulamhüseyn Möhsün Ecei - İran Məhkəmə hakimiyyətinin rəhbəri.
Əli Abdullahi – SEPAH-ın “Xatəm əl-Ənbiya” Mərkəzi Qərargahının rəhbəri.
Məhəmməd Baqir Qalibaf – İran parlamentinin sədri.
Ahmad Vahidi – SEPAH rəhbəri.
9-03-2026, 17:13
Husilər də İran müharibəsinə qoşulurlar
Husilər müharibəyə qoşulduqlarını bildirirlər.
Bu barədə İranın "Fars" agentliyi Yəməndə fəaliyyət göstərən husilərin yüksək rütbəli nümayəndəsinə istinadən məlumat yayıb.
Bildirilib ki, “Ənsar Allah” qruplaşması İranın apardığı hərbi əməliyyatlara qoşulur.
Nümayəndə bildirib: “Biz düşmən üçün sürprizlər hazırlayırıq”.
Qeyd edək ki, husilər hərbi əməliyyatlara qoşulduqlarını ilk dəfə müharibənin başladığı gün – fevralın 28-də bəyan etmişdilər. Lakin indiyədək bu bəyanatın ardınca konkret addımlar atıldığı barədə məlumat verilməyib.
Martın 8-də isə “Ənsar Allah” hərəkatı bəyanat yayaraq Müctəba Xameneyinin İranın ali lideri seçilməsini alqışlayıb. Bəyanatda Ekspertlər Şurasının qərarı “İslam inqilabının yeni qələbəsi və İranın düşmənlərinə vurulan sarsıdıcı zərbə” kimi qiymətləndirilib.
9-03-2026, 17:11
ABŞ ilə İsrail hərbi məqsədlərinə çatmağa yaxındır - KİV
Rejim devrilənə qədər mübarizə aparmağın maraqlarımıza uyğun olduğundan əmin deyiləm.
Bu barədə adı açıqlanmayan İsrail rəsmisi “Washington Post” qəzetinə bildirib:
"Heç kim bunun əbədi davam etməsini istəmir. İran təslim olacaq, lakin ABŞ-ın şərtləri ilə atəşkəsi qəbul etməyə hazır olduğunu göstərə bilər”.
İsrailli rəsmi qeyd edib ki, İsrail-ABŞ bombardman kampaniyası İranın nüvə proqramının qalıqlarını, raket ehtiyatlarını, silah istehsalı müəssisələrini və hərbi-kəşfiyyat rəhbərliyinin böyük hissəsini məhv etmək kimi hərbi məqsədlərə çatmağa yaxındır.
Rəsmi şəxs əməliyyatın nə qədər davam edəcəyi ilə bağlı konkret müddət açıqlamayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!