11-03-2026, 17:40
İspaniya səfirini geri çağırdı - İsraildən
İspaniya hökuməti İsraildəki səfirini geri çağırmaq qərarına gəlib.
Bundan sonra Təl-Əvivdəki İspaniya səfirliyi müvəqqəti işlər vəkili tərəfindən idarə olunacaq.
Xatırladaq ki, ötən həftə Baş nazir Pedro Sançezin rəhbərlik etdiyi solçu hökumət ABŞ-İsrail müharibəsini İrana qarşı təhlükəli və qanunsuz adlandırıb. Madrid həmçinin ABŞ təyyarələrinin İspaniyanın cənubundakı hərbi bazalardan İrana qarşı əməliyyatlar üçün istifadəsini qadağan edib. Bundan sonra-3 martda Tramp Madridə qarşı tammiqyaslı ticarət embarqosu tətbiq etməklə hədələyib.
11-03-2026, 16:46
Hörmüz boğazında gəmi vuruldu: 3 nəfər itkin düşüb
Hörmüz boğazında Tayland bayrağı altında üzən “Mayuree Naree” yük gəmisi raket hücumuna məruz qalıb.
Hücum nəticəsində üç ekipaj üzvü itkin düşüb. Hücum Birləşmiş Ərəb Əmirliklərindən çıxan gəminin Hörmüz boğazına daxil olmasından qısa müddət sonra baş verib.
Tayland Kral Dəniz Xidmətinin məlumatına əsasən, Oman donanması xilasetmə əməliyyatı həyata keçirərək gəmini tərk edən 20 ekipaj üzvünü xilas edib və onları Xasab şəhərində sahilə çıxarıb. Lakin üç nəfər hələ də itkin düşmüş sayılır.
Bununla bağlı, İran İslam İnqilabı Keşikçiləri Korpusu (SEPAH) Hörmüz boğazında Tayland bayrağı altında üzən “Mayuree Naree” yük gəmisinə atəş açdığını açıqlayıb.
Məlumatlara görə, regionda təhlükəsizlik risklərinin artması səbəbindən Tayland ixracatçılarına təcili olmayan yükləri geri qaytarmaq tövsiyə edilib. Alternativ olaraq konteynerlərin digər limanlara yönləndirilməsi və ya tranzit limanlarında müvəqqəti saxlanılması variantları da nəzərdən keçirilir. Lakin bu addımlar daşınma xərclərinin əhəmiyyətli dərəcədə artmasına səbəb ola bilər.
Qeyd olunur ki, Hörmüz boğazı dünya neft və ticarət daşımalarının ən mühüm marşrutlarından biri hesab olunur və burada baş verən hər hansı insident qlobal logistika və enerji bazarına təsir göstərə bilər.
11-03-2026, 15:57
Pekin Tokionu "sarsıdıcı zərbə" endirəcəyi ilə hədələyib
Çin Yaponiyanın zərbə silahlarını yerləşdirəcəyi təqdirdə Tokioya "sarsıdıcı zərbə" endirəcəyi ilə hədələyib.
Qeyd olunub ki, Yaponiyanın mart ayının sonuna qədər Çin ərazisinə çata biləcək təxminən 1000 km mənzilli uzun mənzilli raketlər döyüş mövqeyinə yerləşdirməyi planlaşdırdığı bildirilir.
11-03-2026, 15:42
İranda öldürülən generallarla vida mərasimi keçirilir
ABŞ və İsrailin hava hücumlarında həlak olan İran generalları, o cümlədən İslam İnqilabı Keşikçiləri Korpusunun (SEPAH) rəhbəri Məhəmməd Pakpur, müdafiə naziri Əziz Nəsirzadə və İran Silahlı Qüvvələrinin Baş Qərargah rəisi Əbdürrəhim Musəvi ilə vida mərasimi keçirilir.
Bu barədə SEPAH-ın Böyük Tehran İdarəsi məlumat yayıb.
Vida mərasimi Tehranın İnqilab meydanında keçirilir.
11-03-2026, 15:24
Avropa İttifaqı İrana qarşı sanksiyaları TƏSDİQLƏDİ
Aİ İrana qarşı yeni sanksiyaları təsdiqləyib.
Bu barədə Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas bildirib.
“Aİ İranı məsuliyyətə cəlb etməyə davam edir. Bu gün Aİ üzv dövlətlərinin səfirləri ciddi insan haqları pozuntularında məsul olan 19 rejim rəsmisi və qurumunu hədəf alan yeni sanksiyaları təsdiqlədilər. İran müharibəsi davam etdikcə, Aİ öz maraqlarını qoruyacaq və daxili repressiyalara görə məsul olanları təqib edəcək. Bu, həmçinin Tehrana İranın gələcəyinin repressiya üzərində qurulmaması mesajını göndərir”, - Kallas qeyd edib.
11-03-2026, 00:30
ABŞ İranın 10 gəmisini məhv etdi
ABŞ prezidenti Donald Tramp İranın dəniz imkanlarına qarşı yeni zərbələr endirildiyini açıqlayıb.
Bu barədə Tramp sosial media hesabında paylaşım edib
O bildirib ki, ABŞ hərbi qüvvələri mina yerləşdirmək üçün istifadə oluna bilən 10 ədəd fəaliyyətsiz gəmini vuraraq tamamilə məhv edib.
Tramp eyni zamanda xəbərdarlıq edib ki, bu cür hədəflərə qarşı əməliyyatlar davam edə bilər və lazım gələrsə daha çox gəmi məhv ediləcək.
ABŞ prezidenti İranı Hörmüz boğazında yerləşdirilmiş ola biləcək dəniz minalarını dərhal çıxarmağa çağırıb. Onun sözlərinə görə, əks halda ABŞ bu təhlükəni aradan qaldırmaq üçün əlavə tədbirlər görəcək.
11-03-2026, 00:21
Rusiyalı diplomatlar partlayış nəticəsində yaralandılar
Rusiyanın İrandakı konsulluğunun bir neçə əməkdaşı bomba partlayışı nəticəsində yaralanıb.
Bbu barədə Rusiyanın Xarici İşlər Nazirliyinin sözçüsü Mariya Zaxarova məlumat verib.
Onun sözlərinə görə, 8 martda Rusiyanın İsfahandakı konsulluq binasına hücum olub. Konsulluq binasına hücum zamanı baş vermiş partlayış dalğası bir neçə nəfərin xəsarət almasına səbəb olub. Hadisə nəticəsində ölən və ya ciddi xəsarət alan olmayıb.
10-03-2026, 23:52
İranda müharibə nə vaxt başa çatacaq?
İranla bağlı hərbi əməliyyatlar yalnız Tehran qeyd-şərtsiz təslim olduqda və ABŞ prezidenti Donald Tramp hərbi məqsədlərin tam yerinə yetirildiyini hesab etdikdə başa çatacaq.
Bunu Ağ Evin mətbuat katibi Karolin Levitt bildirib.
Levittin sözlərinə görə, Tramp İranın artıq ABŞ və onun müttəfiqləri üçün birbaşa təhlükə yaratmadığı qənaətinə gəldiyi zaman müharibənin bitdiyini elan edəcək.
Ağ Ev rəsmisi qeyd edib ki, ABŞ ordusu hazırda İranın raket istehsalı infrastrukturunu sıradan çıxarmağa çalışır. Onun sözlərinə görə, əməliyyatın başlanmasından 10 gün sonra kampaniya uğurlu şəkildə davam edir və ABŞ qüvvələri gözləniləndən daha sürətlə irəliləyir.
Levitt əlavə edib ki, indiyədək ABŞ qüvvələri İranın 50-dən çox hərbi gəmisini, o cümlədən iri pilotsuz uçuş aparatları daşıyan gəmini məhv edib. O bildirib ki, əməliyyatın məqsədləri dəyişməz olaraq qalır və Tramp hədəflərə qısa müddətdə nail olunacağına inanır.
10-03-2026, 17:15
Laricani Trampı hədələdi: Ehtiyatlı ol!
İran Ali Milli Təhlükəsizlik Şurasının katibi Əli Laricani ABŞ prezidenti Donald Trampın ünvanına sərt açıqlama verib.
O, bu barədə Trampın İranın yeni ali lideri Müctəba Xameneiyə qarşı səsləndirdiyi son təhdidlərə reaksiya olaraq sosial şəbəkədə paylaşım edib.
Laricani X platformasında yazıb:
“Ehtiyatlı olun, yoxsa məhv edilə bilərsiniz”.
Qeyd edək ki, bundan əvvəl ABŞ prezidenti Donald Tramp İranın yeni ali lideri Müctəba Xameneiyə qarşı sərt bəyanatlar səsləndirmişdi.
10-03-2026, 17:11
İran bu gün darmadağın ediləcək! - Pentaqon rəhbəri
ABŞ müharibə naziri Pet Heqset bildirib ki, bu gün İrana qarşı həyata keçirilən hərbi əməliyyatlarda indiyədək olan hücumlarla müqayisədə ən intensiv zərbələr endiriləcək.
Pentaqon rəhbəri əməliyyatların planlaşdırılan şəkildə davam etdiyini və birləşmiş qüvvələrin strateji hədəflərə qarşı fəaliyyətini gücləndirdiyini vurğulayıb.
ABŞ Silahlı Qüvvələrinin Birləşmiş Qərargah Rəisləri Komitəsinin sədri general Den Keyn isə bildirib ki, koalisiya qüvvələri üç əsas məqsədə fokuslanıb. Onun sözlərinə görə, ilk məqsəd İranın raket və pilotsuz uçuş aparatlarının imkanlarını ABŞ və müttəfiqlərinin maraqlarını təhdid etməzdən əvvəl məhv etməkdir. İkinci istiqamət İranın hərbi-dəniz qüvvələrinə zərbələr endirərək onların potensialını zəiflətmək, üçüncü məqsəd isə İran rejiminin ABŞ və tərəfdaşlarına qarşı gələcək illərdə hücum imkanlarını aradan qaldırmaqdır.
General qeyd edib ki, əməliyyatların başlanmasından bu yana İranın ballistik raket hücumlarının sayı təxminən 90 faiz azalıb. O həmçinin bildirib ki, ABŞ qüvvələri dəniz minalarının yerləşdirilməsi üçün istifadə oluna biləcək İran raketlərini də hədəfə alır.
Dan Keyn vurğulayıb ki, həyata keçirilən əməliyyatlar çətin və yorucu prosesdir, lakin o, birləşmiş qüvvələrin kampaniya boyunca nümayiş etdirdiyi fəaliyyət və nəticələrlə qürur duyduğunu bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!