31-10-2022, 13:59
Ermənistan gələn il üçün Qarabağa bu qədər pul ayırdı
2023-cü ildə Ermənistan büdcəsindən Qarabağdakı seaparatçı rejimə maliyyə yardımının həcmi dəyişməyəcək və 144 milyard dram (təxminən 355 milyon dollar) təşkil edəcək. Bunu Ermənistanın maliyyə naziri Tiqran Xaçatryan ölkə parlamentində 2023-cü il dövlət büdcəsi layihəsinə dair dinləmələrdə deyib. Onun sözlərinə görə, yardımın həcmi 2022-ci ildə olduğu kimi olacaq. Bu il Qarabağda maliyyə xərclərinin bir hissəsi birdəfəlik (infrastrukturun bərpası və mənzil tikintisi) olub. 2023-cü ildə bu xərclər o qədər də böyük olmayacaq, ona görə də Qarabağa ayrılan yardımlar digər xərclər üçün daha böyük həcmdə istifadə oluna biləcək. Nazir qeyd edib ki, Maliyyə Nazirliyi vaxtaşırı Xankəndidəki rejimlə vəziyyəti müzakirə edir və lazım gəldikdə maliyyə artırılır. Beləliklə, 2022-ci il ərzində dəstək şəklində əlavə olaraq 20 milyard dram ayrılıb. Oxşar qərarlar 2023-cü ildə də verilə bilər.
31-10-2022, 13:54
Ukraynada 23 gürcü döyüşçü həlak olub
Ukraynada müharibə zamanı 23 gürcü əsilli döyüşçü həlak olub. Bu barədə “Georgia News” nəşri məlumat yayıb. Bildirilib ki, sonuncu həlak olan döyüşçü 40 yaşlı Quqa Qaqnidze olub. O, Ukrayna Silahlı Qüvvələrinin 25-ci Hava Desant Briqadasında xidmət edib. Quqa Qaqnidze Baxmut yaxınlığında döyüşlər zamanı ölüb. Onun ölümü ilə bağlı məlumatı sosial şəbəkələrdə gürcü döyüşçüləri yayıb. Qeyd olunub ki, bu günədək 23 gürcü əsilli döyüşçü Ukrayna müharibəsinin qurbanı olub.
31-10-2022, 13:52
Asma körpü uçub, 140 nəfər ölüb
Hindistanın Qucarat ştatında asma körpünün uçması nəticəsində ölənlərin sayı 140 nəfəri keçib. Bu barədə xarici media məlumat yayıb. Bildirilib ki, Divali festivalı qeyd edilərkən yaranmış sıxlıq nəticəsində körpü çöküb. Hadisə zamanı itkin düşənlərin əksəriyyəti uşaqlar və qocalardır. Ölənlərin sayının artacağı istisna edilmir. İndiyədək 177 nəfər xilas edilib, 19 nəfər isə ağır xəsarətlər alıb.
31-10-2022, 13:48
Kiyevə raketlərlə hücum edildi
Oktyabrın 31-i bazar ertəsi səhər saatlarında rus işğalçıları Ukrayna şəhərlərinə raket zərbəsi endiriblər. Bu barədə Nikolaev OVA-nın rəhbəri Vitali Kim məlumat evrib. O qeyd edib ki, bölgə üzərindən şimal və şimal-qərb istiqamətində raketlər keçib. Yarım saat sonra, təxminən saat 08:30 radələrində bölgəyə daha bir qrup raketin uçuşu barədə məlumat daxil olub. Krivoy Roq ROA-nın rəhbəri Aleksandr Vilkul da bu istiqamətdə raketlər qrupunun buraxıldığını açıqlayıb. O, həmçinin səhər saat 9:30 radələrində mümkün növbəti raket zərbələri barədə xəbərdarlıq edib. Daxili işlər nazirinin müşaviri Anton Geraşenko Ukrayna səmasında havada düşmənin 40 raketinin olması barədə məlumatın olduğunu söyləyib.
31-10-2022, 13:43
Ərdoğan Rusiyanın taxıl sazişindən çıxmasına münasibət bildirdi
Türkiyə Prezidenti Rəcəb Tayyib Ərdoğan Rusiyanın taxıl sazişində iştirakını müvəqqəti olaraq dayandırmasına münasibət bildirib. Butov.az xəbər verir ki, Ərdoğan Türkiyənin bu istiqamətdə səylərini davam etdirəcəyini bildirib. "Biz əldə etdiyimiz razılıqla Ukraynadan 9,3 milyon ton buğdanın dünya ölkələrinə göndərilməsini təşkil etmişik. Bununla da qida böhranının qarşısını nisbətən almışıq. Rusiya Ukrayna buğdasının ixracı üzrə göstərilən səylərlə bağlı tərəddüdlü davransa da, biz bəşəriyyət üçün cəhdlərimizi qətiyyətlə davam etdirəcəyik”, - deyə Ərdoğan vurğulayıb. Qeyd edək ki, Rusiya taxıl müqaviləsindən imtina edir. Rusiya Müdafiə Nazirliyinin yaydığı məlumata görə, Sevastopolda “Taxıl dəhlizi”nin təhlükəsizliyini təmin edən Qara dəniz donanmasının gəmilərinə və mülki gəmilərə hücumlardan sonra Moskva taxıl müqaviləsində iştirakını dayandırır. Rusiya tərəfi iddia edir ki, Ukrayna Böyük Britaniyanın dəstəyi ilə sentyabrın 29-da gəmilərə doqquz pilotsuz uçan aparat və yeddi dəniz pilotsuz uçan aparatları vasitəsilə hücum edib. Ukrayna isə deyilənlərin tamamilə yalan olduğunu açıqlayıb.
31-10-2022, 13:30
Rusiyanın daha bir Su-25 təyyarəsi vuruldu
Ukrayna hərbçiləri cənubda Rusiyanın Su-25 hücum təyyarəsini vurub. Bu barədə Ukrayna Hərbi Hava Qüvvələri məlumat yayıb."Rusiyanın Su-25 hücum təyyarəsi cənub istiqamətində zenit-raket bölməsi tərəfindən vurulub", - məlumatda bildirilib. Bundan əlavə, oktyabrın 30-da Xarkov vilayətində Ukrayna hərbçiləri Rusiyanın hücum helikopterini məhv ediblər. Qeyd edək ki, Ukrayna Silahlı Qüvvələrinin Baş Qərargahının məlumatına görə, Rusiya Silahlı Qüvvələri Ukraynada azı 252 helikopter itirib.
30-10-2022, 19:25
Quterreş Ukraynaya görə səfərini təxirə saldı
BMT-nin baş katibi Antonio Quterreş taxıl müqaviləsi ilə bağlı yaranmış vəziyyətə görə Ərəb Liqasının Əlcəzairdə keçiriləcək sammitinə səfərini təxirə salıb. Bu barədə Quterreşin ofisi məlumat yayıb.“Baş katib Qara Dəniz Taxıl Təşəbbüsü ilə bağlı vəziyyətdən dərin narahatdır. O, diqqətini bu məsələyə yönəltmək üçün Əlcəzairdə Ərəb Liqasının sammitinə səfərini bir gün təxirə salmaq qərarına gəlib”, - deyə açıqlamada bildirilib. İyulun 22-də İstanbulda Ukrayna taxılının və ərzaq məhsullarının Qara dəniz vasitəsilə ixracı üçün dəhlizin yaradılmasına dair saziş imzalanıb. Dünən Rusiya Müdafiə Nazirliyi ərzaq sövdələşməsindən çəkildiyini açıqlayıb.
30-10-2022, 19:18
İsveç Ukraynaya müasir silahlar göndərəcək
İsveç hakimiyyəti Ukraynaya müasir və daha ağır silahlar verməyə hazırlaşır. Bunu İsveçin yeni müdafiə naziri Pol Yonson deyib. Yonson Ukraynaya hansı silahların göndəriləcəyini açıqlamayıb. O, Ukraynanın daha güclü hava hücumundan müdafiə sistemlərinə ehtiyacı olduğunu qeyd edib:“Mən Kiyevə daha müasir silahlar verməyə hazıram. Mənim ilk ikitərəfli görüşüm Ukrayna müdafiə naziri Aleksey Reznikovla olub. Artıq biz razılaşmışıq".
30-10-2022, 19:16
Zelenski ilə razılaşmaq olar, amma... - Peskov
Ukrayna üzrə danışıqlar ilk növbədə Vaşinqtonla aparılmalıdır, çünki Kiyev “kənardan gələn sifarişlə” hərəkət edir. Bunu Rusiya prezidentinin mətbuat katibi Dmitri Peskov deyib. Rusiya rəsmisi bildirib ki, Ukrayna Prezidenti Volodimir Zelenski ilə müəyyən razılaşmalar əldə etmək mümkündür:"Buna baxmayaraq, razılaşmaların heç bir dəyəri yoxdur, çünki xaricdən tələb olunarsa, dərhal ləğv edilə bilər".
30-10-2022, 15:46
"Molla rejimi"nə qarşı çıxanların məhkəməsi başladı
İranın Ədliyyə Nazirliyi son bir ay ərzində baş verən iğtişaşlarda həbs olunanların hazırlıq məhkəməsinin keçirildiyi barədə məlumat verib. Butov.az xəbər verir ki, hazırlıq məhkəməsində həbs olunanlar və onların vəkilləri iştirak ediblər. Müxtəlif maddələrlə açılan cinayət işləri üzrə ittihamlar irəli sürülüb. Ədliyyə Nazirliyinin məlumatına əsasən, bu günə kimi Kirmanda 25, Semnanda 89, Zəncanda 119, Xuzistanda 105, Qəzvində 55, Kürdüstanda 110, Tehranda 315 nəfər həbs edilib. Cinayət işlərinə inqilab məhkəməlində baxılacaq. Həbs olunanlar bankları dağıtmaqda, polis, təcili tibbi yardın və yanğınsöndürən avtomobillərinə zərər vurmaqda ittiham edilirlər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!