3-04-2023, 23:34
Ermənistan Putinin həbsiylə bağlı mövqeyini dəyişdi
Ermənistan Beynəlxalq Cinayət Məhkəməsinin Rusiya prezidenti Vladimir Putin haqqında həbs qərarı çıxarmasından sonra Roma Statutunun ratifikasiyasını ertələmək niyyətindədir. Bunu ölkə parlamentinin spikeri Alen Simonyan deyib. "Ermənistanın Roma Statutunun erkən ratifikasiyasına ehtiyacı yoxdur, bu, Rusiyaya qarşı mənfi addım olacaq", - deyə o bildirib. Qeyd edək ki, bundan əvvəl Ermənistan parlamentinin vitse-spikeri Akop Arşakyan oxşar məzmunlu açıqlama vermişdi. Onun sözlərinə görə, hökumət Azərbaycanla fikir ayrılıqlarına görə 2022-ci ilin dekabrında Roma Statutuna qoşulub və Beynəlxalq Cinayət Məhkəməsinin sonrakı qərarlarını öncədən proqnozlaşdırmaq mümkün olmayıb: "Buna görə də hakim komanda Putin Ermənistana səfər edəcəyi təqdirdə onu həbs etmək fikrində deyil".
3-04-2023, 17:02
İranda insan ölümü ilə nəticələnən partlayış baş verdi
İranın İsfahan bölgəsində güclü partlayış baş verib. Hadisə 1 nəfərin ölümü ilə nəticələnib. İsfahan Yanğınsöndürmə İdarəsinin sözçüsü Kave Ahangaranın verdiyi məlumata görə, partlayış 12 yaşayış evinin qismən və tam dağılmasına səbəb olub. "Hadisə bir nəfərin ölümü ilə nəticələnib, ilkin araşdırmalar partlayışın böyük ehtimalla qaz sızması nəticəsində baş verdiyini göstərir", - deyə o qeyd edib.
3-04-2023, 17:00
Bu ölkələr Ukraynaya birgə yardımla bağlı razılığa gəldi
Danimarka və Norveç Ukraynaya birgə hərbi yardım barədə razılığa gəlib. İki ölkənin MN-ləri arasında müvafiq sənəd imzalanıb. Belə ki, Danimarka Müdafiə Nazirliyi Norveç Müdafiə Nazirliyi ilə Ukraynaya 8 min artilleriya mərmisinin birgə tədarük edilməsi haqqında müqavilə imzalayıb. Sənədə əsasən, proses yaxın vaxtlarda start götürəcək.
3-04-2023, 16:56
Qələbə paradı üçün gücləndirilmiş tədbirlər görülür - Peskov
"Mayın 9-da keçiriləcək qələbə paradında təhlükəsizliyin təmin edilməsi üçün gücləndirilmiş tədbirlər görülür, bayram tədbirində dəyişiklik gözlənilmir". Bunu Kremlin sözçüsü Dmitri Peskov deyib. "Rusiya ətrafında hadisələrin aqressiv inkişafı silahlı qüvvələrdən profilaktik istifadə hüququnu zəruri edir. Rusiya və Səudiyyə Ərəbistanı tərəfindən neft hasilatının azalması ilə bağlı ayrı-ayrı ölkələrin narazılığı onların öz işidir. Neft hasilatının səviyyəsinin aşağı salınması dünya enerji sektorunun maraqlarına uyğun həyata keçirilir. Rusiya Federasiyası OPEC+ ölkələri ilə daim təmasdadır və bazarın sabitləşdirilməsində öz maraqları var", - sözçü bildirib. Peskov bir sıra OPEC+ ölkələrinin neft hasilatını könüllü şəkildə azaltmaq qərarını “müstəqil xətt” adlandırıb: "Putin bu həftə xarici səfirlərin etimadnaməsini qəbul edəcək və Moskva vilayətinin qubernatoru ilə işgüzar görüş keçirəcək".
3-04-2023, 16:52
“Baykar” şirkəti Pakistana “Akıncı” PUA-ları göndərdi
Pakistana Türkiyənin "Baykar" şirkəti tərəfindən istehsal edilən "Akıncı" zərbə tipli pilotsuz uçuş aparatları (PUA) tədarük edilib. PUA-nın fotoları Pakistan mediasında yayılıb. Qeyd edək ki, Pakistan Türkiyədən 7 ədəd "Akıncı" sifariş edib. Digər PUA-ların daha sonra Pakistana göndəriləcəyi bildirilir. İki mühərrikə malik "Akıncı" PUA-ları Türkiyə ordusu tərəfindən aktiv istifadə edilir. Ümumi çəkisi 1500 kq olan PUA artıq PKK terrorçularına qarşı əməliyyatda tətbiq edilib.
3-04-2023, 13:55
Aİ regionda sülhün təşviqi üçün dəyərli vasitədir - Mirzoyan
"Avropa İttifaqı missiyasının yerləşdirilməsi regionda sülhün təşviqi üçün dəyərli vasitədir". Bunu Ermənistanın XİN başçısı Ararat Mirzoyan rumıniyalı həmkarı ilə görüşündə deyib. Mirzoyanın Buxarestə səfəri zamanı Ermənistan və Rumıniyanın xarici işlər nazirləri arasında siyasi mövzular, təhlükəsizlik məsələləri və Ermənistan-Aİ Hərtərəfli və Genişləndirilmiş Tərəfdaşlıq Sazişinin səmərəli icrası ilə bağlı dialoq baş tutub.
3-04-2023, 13:50
Vardanyana şiddət göstərn deputat azadlığa buraxıldı
Ermənistan parlamentində düşən dava zamanı deputat həmkarı Vladimir Vardanyanı döyən Mher Saakyan azadlığa çıxıb. O, həbsindən 72 saat sonra sərbəst buraxılıb. Qeyd edək ki, insident 31 martda baş vermişdi.
3-04-2023, 13:33
Paşinyanın oğlu hücuma məruz qaldı
Ermənistanın baş nazirinin oğlu Aşot Paşinyana 1 gün əvvəl hücum edilib. Bunu parlamentin spikeri Alen Simonyan bildirib. O qeyd edib ki, deputat Vladimir Vardanyan və özünün şəhərin mərkəzində başına gələn insidentdən sonra bunu düşünülmüş təxribatlar silsiləsi kimi qiymətləndirir. Spiker hücumla bağlı təfərrüatları açıqlamayıb.
3-04-2023, 13:31
Rusiya Krımda yeni hərbi hissə inşa edir
Rusiya tərəfindən ilhaq edilən Krımda yeni hərbi hissə inşa edilir. Bununla bağlı "Atəş" partizan hərəkatı teleqram səhifəsində məlumat yayıb. Məlumata görə, ruslar Yevpatoriyada tikinti işləri həyata keçir. Yeni hərbi hissə ilə bağlı əlavə məlumat verilməyib, yalnız ərazidə lentə alınan fotolar paylaşılıb.
3-04-2023, 13:26
İsrail Hərbi Hava Qüvvələri İran istehsalı PUA-nı məhv etdi
İsrail Hərbi Hava Qüvvələri Suriyadan ölkənin hava məkanına daxil olmağa cəhd göstərən pilotsuz uçuş aparatını (PUA) məhv edib. İran istehsalı PUA-nın Hizbullaha məxsus olduğu iddia edilir. İsrail müdafiə qüvvələri ərazini mühasirəyə alaraq PUA-nı məhv edib. Hazırda PUA-nın hissələri axtarılır. Pilotsuz uçan aparatın kəşfiyyat və ya zərbə tipli olması hələlik məlum deyil.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!