20-09-2022, 19:26
Britaniya Ukraynaya 2.6 milyardlıq hərbi yardım ayıracaq
Böyük Britaniya 2023-cü ildə Ukraynaya hərbi yardım üçün ən azı 2,3 milyard funt-sterlinq (2,63 milyard dollar) xərcləmək niyyətindədir. Bu barədə "Financial Times" (FT) qəzeti məlumat yayıb. Qəzetin yazdığına görə, Böyük Britaniyanın baş naziri Liz Trass bu həftə Birləşmiş Millətlər Təşkilatı (BMT) Baş Assambleyasının (GA) 77-ci sessiyasındakı çıxışı zamanı Ukraynaya gələn il üçün 2,3 milyard funt-sterlinq məbləğində vəsaitin ayrılacağını elan edəcək. Sentyabrın əvvəlində Ukrayna Prezidenti Volodimir Zelenski ilə telefon danışığında Trass onu əmin edib ki, Kiyev uzunmüddətli perspektivdə Londonun dəstəyinə arxalana bilər. 1,5 milyard funt-sterlinq (1,8 milyard dollar) iqtisadi və humanitar yardımı nəzərə alsaq, bu il Britaniyanın Ukraynaya yardımının ümumi həcmi 3,8 milyard funt-sterlinqə (4,6 milyard dollar) çatıb.
20-09-2022, 19:24
İran prezidenti Makronla danışıqlar apardı
İran prezidenti İbrahim Rəisi Nyu-Yrokda Fransa prezidenti Emmanuel Makronla görüşüb. Butov.az-ın məlumatına görə, görüş Birləşmiş Millətlər Təşkilatının (BMT) Baş Assambleyasının 77-ci sessiyası çərçivəsində baş tutub. Görüşdə iki ölkənin əlaqələrinin inkişafı, regional və beynəlxalq məsələlər müzakirə olunub.
20-09-2022, 19:22
ABŞ Ukraynaya müasir tanklar verəcək
ABŞ Ukraynaya təkcə sovet istehsalı deyil, həm də müasir tipli tankların tədarükünü nəzərdən keçirir. Bu barədə “The New York Times” nəşri yazıb. “Tanklar digər variantlarla yanaşı, şübhəsiz ki, gündəmdədir. Minimum ekipaj hazırlığı ilə dərhal çatdırıla bilən mövcud tanklar Sovet modellərinin tanklarıdır. Lakin müvafiq təlim, təmir və texniki xidmət həyata keçirildiyi müddətdə biz başqa variantlara açığıq”, - mənbə qəzetə bildirib. Məlumata görə, ABŞ-ın Ukraynaya hərbi yardımı Ukrayna Silahlı Qüvvələrinin hərbçilərinin SSRİ dövründəki silahlardan NATO ölkələrinin istifadə etdiyi silahlara keçməsinə də aiddir. Nəşr, həmçinin bildirir ki, zirehli texnika Ukrayna Silahlı Qüvvələri üçün vacibdir.
20-09-2022, 19:20
Çavuşoğlu Blinkenlə görüşdü - Nədən danışdılar?
Türkiyənin xarici işlər naziri Mövlud Çavuşoğlu ABŞ Dövlət katibi Entoni Blinkenlə görüşüb. Bu barədə “Anadolu” agentliyi məlumat yayıb. Görüş Birləşmiş Millətlər Təşkilatının (BMT) 77-ci Baş Assambleyasının iclası çərçivəsində Nyu-York şəhərində baş tutub. Tərəflər iki ölkə arasındakı münasibətlər, Rusiya-Ukrayna müharibəsi və bölgəni əhatə edən digər aktual mövzular ətrafında fikir mübadiləsi aparıblar.
20-09-2022, 19:17
“ABŞ-ın hegemonluğu əbədi davam edə bilməz”- Putin
Rusiya öz suveren mövqeyindən dönməyəcək. Butov.az xəbər verir ki, bunu Rusiya Prezidenti Vladimir Putin xarici ölkələrin səfirləri ilə görüşündə deyib. Onun sözlərinə görə, ölkələrin çoxqütblü dünyaya doğru hərəkəti beynəlxalq siyasətin əsas istiqamətinə çevrilib. “Sizin işiniz beynəlxalq münasibətlərin arxitekturasının köklü transformasiyası proseslərinin sürətləndiyi, dünya nizamının çoxqütblü, daha demokratik və ədalətli sisteminin formalaşmasının aktiv mərhələyə qədəm qoyduğu bir şəraitdə davam edir”, - deyə Rusiya lideri bildirib. Prezident vurğulayıb ki, Qərbin, xüsusilə də ABŞ-ın Latın Amerikası, Avropa və Asiyanın beynəlxalq işlərində hegemonluğu əbədi davam edə bilməz. Putin bunun mümkün olmadığını söyləyib.
20-09-2022, 19:12
Avropa Komissiyası ruslara qarşı viza qadağasını dəstəklədi
Avropa Komissiyası Şengen vizası olan Rusiya vətəndaşlarını öz ərazilərinə buraxmamaq qərarına gələn Avropa İttifaqı ölkələrini dəstəkləyir. Bunu Avropa Komissiyasının nümayəndəsi Anita Hipper deyib. Onun sözlərinə görə, Rusiyaya viza rejiminin dayandırılması ilə yanaşı, qurum giriş üçün ciddi səbəbləri olmayan şəxslərin Avropa İttifaqı ölkələrinə gəlməsinin qarşısını almağa yönəlmiş ümumi xətt həyata keçirir. Xatırladaq ki, Avropa İttifaqına üzv olan bir sıra dövlətlər, o cümlədən İsveçrə, Latviya, Litva, Estoniya, Polşa, Çexiya rusiyalılara vizaların verilməsini dayandırıb.
20-09-2022, 18:57
Köçəryan tərəfdarlarına söz verdi
Ermənistanın ikinci prezidenti Robert Köçəryan tərəfdarları ilə görüşdə müxalifətin “Müqavimət” hərəkatının lideri kimi çıxış etməməsinin səbəbini açıqlayıb. Butov.az xəbər verir ki, Köçəryanın tərəfdarları ilə görüşü dünən keçirilib. Eks-prezident qeyd edib ki, 2021-ci ilin iyulunda keçirilən parlament seçkilərindən sonra səsvermənin nəticələri təhlil edilib və onun blokunun qalib gəlməsinə mane olan iki amil müəyyən edilib. Köçəryanın qənaətinə görə, seçkiqabağı kampaniya zamanı iki tezis irəli sürülüb: “Hayastan” blokunun təklif etdiyi “Layiqli sülh” və Ermənistan hakimiyyətinin irəli sürdüyü “Nəyin bahasına olursa olsun sülh”. Köçəryan hesab edir ki, onun siyasi yolu, müharibədə qalib gələn lider obrazı yeni müharibədən çəkinən seçiciləri qorxudub. Onun sözlərinə görə, ikinci amil Ermənistan və Qarabağdan olan siyasətçilərin köhnə və yeniyə bölünməsidir. Köçəryanın sözlərinə görə, bu ideyalar uzun illər ərzində alovlanıb və vətəndaşların şüurunda öz izlərini qoyub. "Bu iki tezisi zərərsizləşdirmək üçün yürüşlərdə iştirak etdim, amma lider kimi çıxış etmədim. Məqsədimizə çata bilmədik, lakin təşkilati məsələləri həll etdik. Ermənistan tarixində ilk dəfə belə bir mütəşəkkillik və genişmiqyaslı
20-09-2022, 18:54
Paşinyan müxalifətlə görüşdü
Ermənistanın baş naziri Nikol Paşinyan parlamentdə olmayan müxalifət nümayəndələri ilə növbəti görüş keçirib. Bu barədə hökumətin mətbuat xidməti məlumat yayıb. Görüşdə “Respublika” partiyasının lideri Aram Sarkisyan, Ermənistan Avropa Partiyasının sədri Tiqran Xzmalyan, Ermənistan Xristian-Demokrat Partiyasının rəhbəri Levon Şirinyan, “Vahid Vətən” partiyasının lideri Mher Terteryan, “Hnçakyan” Sosial-Demokrat Partiyasının rəhbəri Sedrak Açemyan, “Vətən gücü” partiyasının lideri Tiqran Arzakantsyan iştirak edib. Məsləhətləşmələr zamanı hansı məsələlərin müzakirə edildiyi barədə məlumat verilmir. N.Paşinyan vaxtaşırı parlamentdə olmayan müxalifət liderləri ilə görüşlər keçirir. Ekspertlər hesab edir ki, Ermənistan hökumətinin başçısı loyal müxalifət formalaşdırmağa çalışır.
20-09-2022, 18:27
Rusiya Xəzər regionunda sülh olmasında maraqlıdır - Lavrov
Rusiya Xəzər regionunda sülhün və sabitliyin qorunmasında maraqlıdır, beş sahilyanı dövlət çərçivəsində mehriban qonşuluq əsasında əməkdaşlığın inkişafının tərəfdarıdır. Bunu Rusiyanın xarici işlər naziri Sergey Lavrov bildirib. “Rusiya üçün həyati maraqlar Xəzər regionunda sülhün, sabitliyin və təhlükəsizliyin qorunması, onun mehriban qonşuluq, sahilyanı dövlətlərin etimadı və əməkdaşlığı əsasında davamlı inkişafı, Xəzər dənizinin iqtisadi, o cümlədən tranzit potensialının reallaşdırılmasıdır”, - deyə Lavrovun “International Affairs” jurnalının saytında Xəzər regionunda əməkdaşlığa dair məqaləsində bildirilib. "Bu məqsədlə Rusiya "Beşlik" çərçivəsində çoxşaxəli sistemli əməkdaşlığın hərtərəfli inkişafının, bu prosesin tədricən institusionallaşdırılmasının tərəfdarıdır. Biz regiondakı qonşularımızla bütün sahələrdə əlaqələri genişləndirmək üçün fəal işləyirik", - Lavrov vurğulayıb. Nazir əlavə edib ki, bütün Xəzər məsələləri regiondankənar qüvvələrin mənfi təsirindən qaçaraq, yalnız beş sahilyanı dövlət tərəfindən konsensus əsasında həll edilməlidir. Eyni zamanda o qeyd edib ki, Rusiyadan əlavə İran, Qazaxıstan, Azərbaycan və Türkmənistanın daxil olduğu “Xəzər beşliyi” xarici aləmdən, ilk növbədə, iqtisadi sahədə hasar almaq fikrində deyil.
20-09-2022, 18:15
Ərdoğan ABŞ-ı hədələdi: “F-16 ala bilməsək...”
"Türkiyə ABŞ-dan F-16 qırıcıları ala bilməsə, bununla bağlı özü işi həll edəcək". Bu barədə Türkiyə Prezidenti Rəcəb Tayyib Ərdoğan bildirib. "Cənab Bayden mənə bu məsələni həll edəcəyini vəd edib. Bilirəm ki, Bayden buna müsbət baxır. Hətta respublikaçılarla görüşlərimiz oldu və onlar da buna müsbət baxacaqlarını dedilər. İndi əgər biz F-16 məsələsində ABŞ-dan istədiyimiz nəticəni almasaq, bununla özümüz məşğul olacağıq”, - deyə Ərdoğan ABŞ-a mesaj ünvanlayıb. Qeyd edək ki, ABŞ daha əvvəl Ankaranın Rusiyadan S-400 hava hücumundan müdafiə sistemlərini alması səbəbindən Türkiyəyə ən son F-35 qırıcılarının tədarükü proqramından çıxarılması ilə bağlı rəsmi bildiriş göndərmişdi.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!