19-05-2023, 15:36
Həlledici qərarı xalqımız verəcək - Ərdoğan
Türkiyənin prezidenti Rəcəb Tayyib Ərdoğan mayın 28-də keçiriləcək prezident seçkilərinin ikinci turunda qalib gələcəyi təqdirdə ABŞ-la münasibətlərin necə olacağından danışıb. O, CNN-ə müsahibəsində bu barədə sualı cavablandırıb. "Şübhəsiz ki, mən ABŞ prezidenti cənab Co Baydenlə işləyəcəyəm", - Ərdoğan deyib. O, həmçinin ilk turda "ATA İttifaqı"nın namizədi olmuş Sinan Oğanın ikinci turda dəstəkləmək üçün açıqladığı şərtlərə toxunub. "Bu şəkildə sövdələşmələrə getməyi sevən biri deyiləm. Həlledici qərarı xalqımız verəcək", - o əlavə edib.
19-05-2023, 15:12
Paşinyanın oğlunu oğurlayan qadına dəstək aksiyası keçirildi
Ermənistanın paytaxtı İrəvanın mərkəzində etiraz aksiyası keçirilib. Bu barədə "Sputnik Armenia" məlumat yayıb. 44 günlük müharibədə ölən hərbçilərin ailələri Ermənistanın baş naziri Nikol Paşinyanın oğlu Aşot Paşinyanı oğurlamağa cəhd ittihamı ilə saxlanılan, müharibədə ölmüş əsgərin anası olan Qayane Akopyana aksiya ilə dəstək veriblər. Onların tələbi Akopyanın azadlığa buraxılması olub. Aksiya zamanı etirazçılarla polis arasında toqquşma yaşanıb. Saxlanılanlar barədə məlumat yoxdur.
19-05-2023, 14:46
İsveçin NATO-ya üzvlüyünə hazır deyilik - Ərdoğan
"Türkiyə indi İsveçin NATO-ya üzv olmasına hazır deyil". Bunu Türkiyə prezidenti Rəcəb Tayyib Ərdoğan bildirib. "Türkiyə indi Qərbin etdiyi kimi Rusiyaya qarşı sanksiyalar tətbiq etmək mərhələsində deyil", - deyə o əlavə edib. Finlandiya mart ayında alyansa qoşulduqdan sonra o, İsveçin üzvlüyünün onun gələcək addımlarından asılı olacağını bildirmişdi. Mayın əvvəlində Türkiyə XİN başçısı Mövlu Çavuşoğlu bu məsələdə hələlik irəliləyiş olmadığını bildirmişdi.
19-05-2023, 14:14
Suriya XİN-dən qaçqınların ölkəyə qayıtmasıyla bağlı açıqlama
Suriyanın Xarici İşlər Nazirliyi qaçqınların ölkə qayıtması barədə açıqlama verib. Bu barədə Suriyanın rəsmi SANA agentliyi məlumat yayıb. Bildirilib ki, rəsmi Dəməşq qaçqınların Suriyaya geri dönməsini istəyir. "Lakin Suriyaya qarşı sanksiyaların tətbiq olunması buna əngəl törədir", - deyə qeyd olunub. Xatırladaq ki, 2011-ci ildə Suriyada prezident Bəşər Əsədə qarşı etirazlar vətəndaş müharibəsinə çevrildikdən sonra milyonlarla suriyalı ölkəsini tərk etməyə məcbur qalıb. Qaçqınlar əsasən, Türkiyə, Livan və İordaniya kimi həmsərhəd ölkələrə, eləcə də Avropaya köçüb.
19-05-2023, 14:02
Zelenski Səudiyyə Ərəbistanına getdi
Ukrayna prezidenti Volodimir Zelenski Səudiyyə Ərəbistanına gedib. Bu barədə "Unian" məlumat yayıb. Zelenski teleqram kanalında səfər çərçivəsində Ərəb Liqasının sammitində çıxış edəcəyini və vəlihəd Məhəmməd bin Salman əl-Səudla görüşəcəyini bildirib. Əsas müzakirə mövzuları Krım və digər işğal olunmuş ərazilərdən əsir və qeyri-qanuni deportasiya olunmuş girovların qaytarılması, Ukrayna sülh formulunun təqdimatı və Ukraynanın müsəlman icmasının müdafiəsi olacaq.
19-05-2023, 13:57
Kreml üçtərəfli təmasların mümkünlüyü barədə məlumat verəcək - Peskov
"Kreml Rusiya, Azərbaycan və Ermənistan liderləri arasında üçtərəfli təmasların mümkünlüyü barədə operativ məlumat verəcək". Bunu Kremlin sözçüsü Dmitri Peskov deyib. "Rusiya Federasiyası ilə ABŞ arasında silahlara nəzarət mövzusunda heç bir əsaslı əlaqə yoxdur. Silahlara nəzarət üzrə müqavilə bazasının son qalıqları sıradan çıxır və bunun məsuliyyəti tamamilə ABŞ-ın üzərinə düşür", - deyə o əlavə edib.
19-05-2023, 13:39
Lavrov Ceyhun Bayramovla görüşü münasibətləri müzakirə etmə imkanı adlandırdı
Rusiyanın xarici işlər naziri Sergey Lavrov Azərbaycanın XİN başçısı Ceyhun Bayramovla görüşünü prezidentlər arasında təmaslar ərəfəsində ölkələr arasında ikitərəfli münasibətləri müzakirə etmək imkanı adlandırıb. Lavrov Rusiya və Azərbaycan prezidentləri Vladimir Putin və İlham Əliyev tərəfindən əvvəllər əldə edilmiş bütün razılaşmaların həyata keçirilməsinə Moskva və Bakının ümumi diqqətinin olduğunu vurğulayıb.
18-05-2023, 21:49
Azərbaycan və Ermənistan arasında birbaşa dialoqu dəstəkləyirik - ABŞ
ABŞ Azərbaycan və Ermənistan arasında Moskvada baş tutacaq danışıqları dəstəkləyir. Bu barədə Dövlət Departamentinin sözçüsünün müavini Vedant Patel bildirib. “ABŞ danışıqların harada getməsindən asılı olmayaraq, Azərbaycan və Ermənistan arasında birbaşa dialoqu dəstəkləyir”, - o deyib. Xatırladaq ki, mayın 19-da Moskvada Ermənistan və Azərbaycan xarici işlər nazirləri arasında görüş baş tutacaq. Danışıqlar zamanı Azərbaycanla Ermənistan arasında “sülh sazişi” layihəsi üzrə danışıqların növbəti raundunun keçirilməsi nəzərdə tutulub.
18-05-2023, 20:41
Zelenski: Rusiyaya sülh yox, zaman lazımdır - yeni hücum üçün
Rusiyaya sülh deyil, yeni hücuma hazırlaşmaq üçün vaxt lazımdır. Bunu Ukrayna prezidenti Volodimir Zelenski deyib. O qeyd edib ki, XXI əsr işğalçı ölkənin dəyişməz siyasəti üçün sonuncu əsr olmalıdır. "Rusiyaya sülh yox, zaman lazımdır - yeni raketlər, yeni plan, yeni hücum üçün. Bu, əsrlər boyu dəyişməz qalan Rusiya siyasətinin düsturudur. XXI onun üçün sonuncu olmalıdır", - Zelenski bildirib.
18-05-2023, 18:32
ABŞ prezidenti Yaponiyaya söz verdi - Nüvə silahı ilə müdafiə olunacaq
ABŞ prezidenti Co Bayden Hiroşima şəhərində Yaponiyanın baş naziri Fumio Kişida ilə görüşüb. Bu barədə Yaponiyanın Xarici İşlər Nazirliyi məlumat yayıb. ABŞ tərəfinin açıqlamada deyilir ki, Bayden və Kişida müdafiə sahəsində əməkdaşlığı gücləndirmək yollarını müzakirə ediblər. Yaponiya XİN-in məlumatına görə, Bayden ikitərəfli Təhlükəsizlik Müqaviləsinə uyğun olaraq Yaponiyanı nüvə imkanları da daxil olmaqla, bütün vasitələrlə müdafiə edəcəyinə söz verib. Qeyd edək ki, Bayden 2023-cü il mayın 19-dan 21-dək Xirosimada keçiriləcək G7-nin 49-cu sammitində iştirak etmək üçün üçün Yaponiyada səfərdədir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!