8-05-2023, 17:44
Ərdoğandan Kılıçdaroğluyla bağlı şok açıqlama - ..ABŞ-a hədiyyə etmək istəyir
Kamal Kılıçdaroğlu Atatürk Hava Limanını Amerikaya hədiyyə etmək istəyir. Bunu Türkiyə Prezidenti Rəcəb Tayyib Ərdoğan Ədirnə vilayətində təşkil edilən seçki mitinqində çıxışı zamanı bildirib. Onun sözlərinə görə, Türkiyə xalqı 14 mayda keçiriləcək prezident və parlament seçkilərinin nəticəsində terrorçularla əməkdaşlıq edənlərə lazımi cavabı verəcək. Qeyd edək ki, Türkiyədə prezident və parlament seçkiləri 14 may 2023-cü il tarixində keçiriləcək.
8-05-2023, 14:06
Putin bu ölkənin dövlət başçısını təbrik etmədi
Rusiya prezidenti Vladimir Putin 9 May - Qələbə Günü ilə bağlı bəzi xarici dövlətlərin rəhbərlərinə və vətəndaşlarına təbrik ünvanlayıb. Bu barədə Kreml məlumat yayıb. Təbrikdə bildirilib ki, bu irs ölkələr və xalqlar arasında münasibətlərin möhkəmlənməsinə, səmərəli inkişafına öz töhfəsini verəcək. Qeyd edək ki, Moldovaya göndərilən təbriklər digər təbriklərdən fərqli olaraq, dövlət başçısı və xalqa yox, yalnız xalqa ünvanlanıb.
8-05-2023, 13:45
Özbəkistanda prezident seçkilərinin vaxtı açıqlandı
Özbəkistanda keçiriləcək növbədənkənar prezident seçkilərinin vaxtı açıqlanıb. Bu barədə Özbəkistan Prezidentinin Mətbuat Xidməti məlumat yayıb. Bildirilir ki, növbədənkənar prezident seçkiləri iyulun 9-na təyin edilib.
8-05-2023, 13:02
İran bizə problem yaradır - Çavuşoğlu
Qarabağda şanlı Azərbaycan bayrağı dalğalanır, amma bu, Qərbin xoşuna gəlmir. Bunu Türkiyənin xarici işlər naziri Mövlud Çavuşoğlu “Lider haber”ə müsahibəsində deyib. O bildirib ki, Türkiyə-Azərbaycan-Özbəkistan, Türkiyə-Azərbaycan-Qazaxıstan üçtərəfli təmasları başlayıb. "Təmaslarla məqsədimiz əlaqələrimizi daha da gücləndirməkdir", - Çavuşoğlu qeyd edib. Nazir nəqliyyat sahəsində əməkdaşlığa da toxunub: "Bizim İranla münasibətlərimiz məlumdur. Bizim sürücülər daha çox Azərbaycandan daşınmalara üstünlük verirlər, İrandan yox. Çünki İran bizə problem yaradır. Azərbaycan isə bir tərəfdən həm qiymətlərlə bağlı jest etdi, həm də çox sürətli bir şəkildə çatdırılma həyata keçirildi - deyə M.Çavuşoğlu əlavə edib.
8-05-2023, 12:24
Kiyevə çoxsaylı zərbələr endirildi - Yaralılar var
Rusiya qüvvələri Ukraynanın paytaxtı Kiyev şəhərinə zərbələr endirib. Bu barədə şəhərin meri Vitali Kliçko məlumat verib. "Bu, müharibə başlayandan bəri şəhərimizə edilən ən kütləvi hücumdur. Lakin bütün PUA-ları vurduq. Hava hücumundan müdafiə sistemimiz sayəsində heç kim ölmədi. 5 nəfər yaralanıb, onların həyatına heç bir təhlükə yoxdur", - Kliçko bildirib. Onun sözlərinə görə, evlərə, uşaq bağçalarına və məktəblərə ziyan dəyib. Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
8-05-2023, 11:39
Bu ölkələrdəki türk vətəndaşlarının səsləri Ankaraya göndərildi
Polşa və İspaniyada səs verərək seçkilərdə iştirak edən Türkiyə vətəndaşlarının səsləri Ankaraya göndərilib. Seçki bülletenlərini daşıyan təyyarələr artıq yola çıxıb. Səslərin daşınması diplomatik kuryerlərə həvalə edilib. Hazırda digər ölkələrdə Türkiyə vətəndaşları arasında səsvermə prosesi davam edir. Bəzi ölkələrdə isə proses başa çatdırılıb. Qeyd edək ki, 14 mayda Türkiyədə keçiriləcək parlament və prezident seçkiləri üçün ölkə xaricində səsvermə prosesi 27 aprel tarixindən start götürüb.
8-05-2023, 11:08
Prosesdə Ermənistan səmimi deyil - Çavuşoğlu
Türkiyənin xarici işlər naziri Mövlud Çavuşoğlu Cənubi Qafqazdakı vəziyyət haqqında danışıb. O, vəziyyətin həssas olduğunu bildirib. "Hazırda Qafqazlarda vəziyyət çox həssasdır. Çünki Ermənistan səmimi davranmır. Prosesdə Ermənistan səmimi deyil", - deyə o söyləyib. Qeyd edək ki, Ermənistanla Türkiyə arasında 44 günlük müharibədən sonra normallaşma prosesi başlayıb. Türkiyə tərəfindən danışıqlar üzrə xüsusi nümayəndə kimi Serdar Kılıç, Ermənistan tərəfdən isə Ruben Rubinyan təyin olunub.
7-05-2023, 14:06
ABŞ Türkiyəyə təklif etdi: S-400 zenit raket kompleksi Ukraynaya göndərilsin
ABŞ Türkiyəyə S-400 zenit raket kompleksini Ukraynaya göndərməyi təklif edib. Bu barədə Türkiyənin xarici işlər nazi Mövlud Çavuşoğlu "Haberturk" telekanalına müsahibəsində bildirib. “Bizə S-400-ə özlərinin nəzarət etməsini təklif etdilər. Bu, bizim müstəqilliyimizə müdaxilədir. Hətta bizə S-400-ü Ukraynaya göndərmək də təklif olundu, bizə bununla razılaşmadıq, imtina etdik. Biz onları öz ehtiyaclarımız üçün almışıq”, - deyə XİN başçısı vurğulayıb.
7-05-2023, 13:24
Kılıçdaroğlunun təqdim etdiyi xəritə birmənalı qarşılanmadı
Türkiyə müxalifətinin təmsil olunduğu "Millət İttifaqı"nın prezidentliyə vahid namizədi, CHP lideri Kamal Kılıçdaroğlu seçkiöncəsi “böyük layihə” adı altında video müraciət yayıb. Sözügedən videoda Kılıçdaroğlunun prezident seçiləcəyi təqdirdə canlandıracağını vəd etdiyi “Yeni İpək Yolu” haqqında xəritə əks olunub. Prezidentliyə namizədin təqdim etdiyi xəritə birmənalı qarşılanmayıb. Belə ki, Kılıçdaroğlunun vəd etdiyi “Yeni İpək Yolu” layihəsinin Azərbaycandan keçməməsi həm Türkiyədə, həm də Azərbaycanda etiraz doğurub. Məlumat üçün bildirək ki, xəritədə 5,5 min kilometrlik quru yolu İran (Təbriz və Tehran), Türkmənistan (Aşqabad), Özbəkistan (Daşkənd) və Qazaxıstandan (Almatı) keçərək Çinə birləşir. Bununla da Kılıçdaroğlu "Yeni İpək Yolu" layihəsində Azərbaycanın yer almadığını nümayiş etdirib. CHP-nin hazırkı deputatı Atilla Sertel saytımıza açıqlamasında bildirib ki, "Millət ittifaqı" hakimiyyətə gəldikdən sonra Azərbaycanla əlaqələrdə dəyişiklik olmayacaq. “Məlum video partiya sədri tərəfindən ötən gün axşam saatlarına paylaşılıb. Mən də sizin bildiyiniz qədər məlumatlıyam. Bildirim ki, partiya hakimiyyətə gəldikdən sonra Azərbaycanla əlaqələr həmişəki kimi olacaq. İndikindən güclü olaraq qalacaq”, - deputat vurğulayıb.
7-05-2023, 12:17
İkinci erməni inqilabını həyata keçirməliyik - Deputat
Ermənistan parlamentinin deputatı Andranik Tevanyan xalqı inqilaba çağırıb. Bu barədə Ermənistan mətbuatı məlumat yayıb. “Biz ikinci erməni inqilabını həyata keçirməliyik. Ölkədə klassik mənada inqilab cəmi bir dəfə baş verdi”, - deyən Tevanyanın fikrincə, seçkiqabağı rüşvətxorluq, talançılıq, bizneslə siyasətin birləşməsi xalqın dövlətdən uzaqlaşmasına səbəb olub. O, 2018-ci ildə küçələrə çıxanların haqlı olub-olmadığını da toxunub. Bildirib ki, xalq yalnız o adamları (Paşinyanı nəzərdə tutur-red) seçməkdə səhv edib, həmin şəxslər indi Ermənistanı məhvə aparır. “Ona görə də, ikinci əsl erməni inqilabını həyata keçirməli və əsl ədaləti təmin etməliyik”, - deputat söyləyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!