Dünya » Səhifə 895

8-02-2023, 17:01

Suriyada zəlzələ nəticəsində ölənlərin sayı 2500-ü keçdi

Suriyada zəlzələ nəticəsində həyatını itirən insanların sayı 2500-ü keçib. Bu barədə "Reuters" nəşri məlumat yayıb. Həmçinin 4500-dən çox yaralının olduğu qeyd edilib.

Suriyada zəlzələ nəticəsində ölənlərin sayı 2500-ü keçdi

8-02-2023, 16:59

Türkiyədə zəlzələdən sonra 648 afterşok müəyyən olunub

Kahramanmaraşda 7.7 ballıq zəlzələdən sonra indiyədək 648 afterşok qeydə alınıb. Bu barədə Türkiyənin Fövqəladə Halların İdarə Olunması Agentliyindən (AFAD-dan) bildirilib. Məlumata görə, psixoloji yardım məqsədilə əraziyə 2 902 nəfər və 132 nəqliyyat vasitəsi cəlb olunub. Qeyd edək ki, fevralın 6-da Türkiyədə baş vermiş güclü zəlzələ nəticəsində ölənlərin sayı 6 957 nəfərə çatıb. Təbii fəlakət nəticəsində 38 224 nəfər yaralanıb. Dağıdıcı zəlzələ Türkiyənin 10 vilayətində 13,5 milyon insana təsir göstərib. Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib. Ölkənin zəlzələ baş verən 10 əyalətində 3 aylıq fövqəladə vəziyyət elan olunub.

Türkiyədə zəlzələdən sonra 648 afterşok müəyyən olunub

8-02-2023, 16:20

Zelenskidən Baydenə təşəkkür mesajı

Ukrayna prezidenti Volodimir Zelenski ABŞ-ın dövlət başçısı Co Baydenə təşəkkür edib. Zelenski bu barədə twitter səhifəsində yazıb. "Millətə səslənişində Ukrayna üçün güclü dəstək sözlərinə görə təşəkkürlər, Bayden. Biz ABŞ-a Ukraynaya yardımlarda liderlik etdiyi üçün, Amerika xalqına Ukrayna ilə həmrəylik göstərdiyi üçün minnətdarıq. Dəyərlərimiz eynidir, ortaq hədəfimiz isə zəfərdir. Ukrayna azad şəkildə öz gələcəyini seçir. Belə də olacaq", - deyə o bildirib. Qeyd edək ki, Bayden çıxışı zamanı Ukraynaya dəstəyin davam edəcəyini vurğulamışdı.

Zelenskidən Baydenə təşəkkür mesajı

8-02-2023, 16:16

Rusiya zəlzələylə bağlı İrana 35 ton humanitar yardım yolladı

Rusiya İrana zəlzələ ilə bağlı 35 ton humanitar yardım yollayıb. Bu barədə Rusiya Fövqəladə Hallar Nazirliyi (FHN) məlumat yayıb. Bildirilib ki, göyərtəsində 35 ton humanitar yardım daşıyan Rusiya FHN-ə məxsus təyyarə İrana uçub. Qeyd edək ki, bir neçə gün öncə Qərbi Azərbaycan ostanının Xoy şəhərində güclü zəlzələ olub. Təbii fəlakət nəticəsində 3 nəfərin öldüyü, 1200-dən çox insanın yaralandığı, habelə minlərlə insanın evləri dağıldığı üçün şaxtalı havada küçədə qaldığı bildirilmişdi.

Rusiya zəlzələylə bağlı İrana 35 ton humanitar yardım yolladı

8-02-2023, 16:09

Jurnalist ailəsi ilə birlikdə zəlzələdə həyatını itirdi

Türkiyənin "DHA" xəbər agentliyinin Hataydakı müxbiri İzzət Nazlı ailəsi ilə birlikdə zəlzələdə həyatını itirib. Zəlzələ nəticəsində İ.Nazlı, onun həyat yoldaşı və 2 uşağı dağıntılar altında qalıb. Hadisədən 35 saat sonra onların cəsədləri aşkar edilib. Xatırladaq ki, fevralın 6-da Türkiyədə 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.

Jurnalist ailəsi ilə birlikdə zəlzələdə həyatını itirdi

8-02-2023, 15:57

Kosovada matəm elan olundu

Türkiyədə baş vermiş güclü zəlzələ nəticəsində çoxlu sayda insan tələfatı ilə əlaqədar fevralın 8-i Kosovoda milli matəm elan olunub. Bunu Kosovo Prezidenti Vyosa Osmani deyib. “Bu kimi faciələr zamanı dəstəyə ehtiyacı olanların yanında olmalıyıq. Türkiyə və Suriya xalqlarının ağrısı bizim də ağrımızdır. Buna görə fevralın 8-i Kosovoda milli matəm elan edilib. Kosovo lazımi dəstəyini davam etdirməyə tam hazırdır”, - deyə Osmani bildirib. Qeyd edək ki, Kosovo axtarış-xilasetmə əməliyyatlarına dəstək olmaq üçün təhlükəsizlik qüvvələrinin 30 nəfərlik heyətini Türkiyəyə göndərib.

Kosovada matəm elan olundu

7-02-2023, 23:07

Zəlzələ qurbanlarının sayı 5400-ü keçdi

Türkiyədə baş vermiş zəlzələ nəticəsində ölənlərin sayı 5434 nəfərə çatıb. Bu barədə ölkənin səhiyyə naziri Fəxrəddin Qoca məlumat yayıb. O qeyd edib ki, təbii fəlakət nəticəsində 31777 nəfər yaralanıb.

Zəlzələ qurbanlarının sayı 5400-ü keçdi

7-02-2023, 23:04

Hataydakı yanğın söndürüldü

Türkiyədəki zəlzələdən sonra Hatay limanında başlayan yanğın bir gün sonra söndürülüb. Vilayətin İskenderun rayonunda yerləşən limanda konteynerlərdən birinin alovlanmasının səbəb olduğu güclü yanğının qarşısını almaq mümkün olub.

Hataydakı yanğın söndürüldü

7-02-2023, 23:02

Ukrayna xilasedicilər Türkiyədə

Ukrayna Türkiyəyə 90 xilasedici göndərib. Bu barədə Ukraynanın Rusiyadakı səfiri Vasil Bodnar məlumat yayıb. O qeyd edib ki, Türkiyəyə zəlzələnin yaratdığı fəsadları aradan qaldırmaq üçün yardımlar davam edəcək.

Ukrayna xilasedicilər Türkiyədə

7-02-2023, 22:59

Paşinyan Ərdoğanla telefonda danışdı

Ermənistan Baş naziri Nikol Paşinyan Türkiyə Prezidenti Rəcəb Tayyip Ərdoğana zəng edib. Bu barədə Ermənistan hökuməti məlumat yayıb. Bildirilib ki, Paşinyan Türkiyə Prezidentinə başsağlığı verib və zəlzələdə xəsarət alanların tezliklə sağalmasını arzulayıb. O, Ərdoğana bildirib ki, fəlakət zonasına gedəcək xilasediciləri daşıyan təyyarə artıq İrəvanın Zvartnots hava limanından qalxmağa hazırlaşır. Türkiyə lideri köməyə görə Paşinyana təşəkkür edib. O, həmçinin Türkiyə hökumətinin Ermənistanın dəstəyini yüksək qiymətləndirdiyini qeyd edib, iki ölkə arasında dialoqun daha da dərinləşməsi üçün bu addımın vacibliyini vurğulayıb.

Paşinyan Ərdoğanla telefonda danışdı