30-09-2022, 14:55
Avropada meymunçiçəyinə yoluxma 24 mini keçdi
Avropada meymunçiçəyi virusuna yoluxanların sayı 24 mini keçib. Bu barədə Ümumdünya Səhiyyə Təşkilatının (ÜST) Avropa Bölgəsinin saytında məlumat yayılıb. Avropada yoluxma sayının 24 622-yə çatdığı, Avropa regionunda 44 ölkədə virusun mövcud olduğu bildirilib. Xəstələrin 96 faizində virus əlaməti olaraq qızartı və qaşınma, 68 faizində isə yüksək hərarət, yorğunluq və əzələ ağrısı kimi əlamətlər olduğu qeyd edilib. Ən çox yoluxma halları 7 min 149 nəfərlə İspaniyada qeydə alınıb.
30-09-2022, 14:52
Quterreş Rusiyaya etiraz etdi
Ukraynanın Donetsk, Luqansk, Xerson və Zaporojye vilayətlərinin Rusiyaya birləşdirilməsi qanunsuzdur. Bunu BMT Baş katibi Antonio Quterreş deyib. O bildirib ki, bu proses heç bir hüquqi qüvvəyə malik deyil. Baş katib vurğulayıb ki, "referendum"lar xalqın iradəsinin həqiqi ifadəsi sayıla bilməz.
30-09-2022, 14:50
İrəvan müharibəyə hazırlaşır - Erməni general: "Əmr almışıq!"
“Ermənistanın suveren sərhədlərinin bərpası ilə bağlı aydın və konkret əmr var”. Bunu sentyabrın 29-da Silahlı Qüvvələrin Baş Qərargah rəisinin müavini, general-mayor Arakel Martikyan Qeqarkunik vilayətinin Kut kəndində Ermənistanda akkreditə olunmuş səfirlərlə görüşündə bildirib. Onun sözlərinə görə, Silahlı Qüvvələrin vəzifəsi Ali Baş Komandanın əmrini yerinə yetirməkdir. Arakel Martikyanın açıqlamasından belə məlum olur ki, Ermənistan Azərbaycan ordusunu sərhəddə əvvəlki mövqelərə qaytarmaq üçün hücuma hazırlaşır. Qeyd edək ki, hakim “Mülki müqavilə” fraksiyasının deputatı, parlamentin müdafiə və təhlükəsizlik məsələləri üzrə komissiyanın rəhbəri Andranik Köçəryan bugünkü açılqlamasında bildirib ki, Ermənistan bütün mümkün ölkələrdə ehtiyaclarını ödəyə biləcək silahlar axtarır. Xatırladaq ki, Ermənistan-Azərbaycan sərhəddində son insident sentyabrın 28-də baş verib. Ermənistan hərbi birləşmələri Kəlbəcər istiqamətində təxribata əl atıb. Nəticədə Azərbaycan tərəfi düşmənə layiqli cavab verib. Bu insident zamanı Azərbaycan tərəfdən bir əsgər yaralanıb. Ermənistanın isə 3 hərbi qulluqçusu ölüb.
30-09-2022, 14:47
Rusiya XİN: ABŞ Ukraynadakı münaqişənin tərəfinə çevrilib
ABŞ reallıqdan qopduğunu nümayiş etdirib və Ukraynadakı münaqişənin tərəfinə çevrilib. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.“Vaşinqton faktiki olaraq münaqişənin tərəfinə çevrilərək reallıqla nə qədər əlaqəni itirdiyini bir daha nümayiş etdirdi. Bunun başqa bir sübutu bu yaxınlarda ABŞ Konqresində Kiyev rejiminə 12 milyard dollara yaxın yeni yardım paketinin ayrılması ilə bağlı əldə edilmiş ilkin razılaşmadır”, - deyə Zaxarova qeyd edib. Sentyabrın 28-də Dmitri Peskov bildirib ki, Amerika tərəfi faktiki olaraq Ukrayna münaqişəsinə “daxil olub” və bu, çox təhlükəlidir. ABŞ dövlət katibi Entoni Blinken bir müddət əvvəl deyib ki, Vaşinqton Ukraynanın Rusiya ordusu tərəfindən işğal olunmuş ərazilərdə, o cümlədən Rusiya Federasiyasının referendumlar nəticəsində ilhaq etmək niyyətində olduğu ərazilərdə Amerika silahlarından istifadə etməsinin əleyhinə deyil.
29-09-2022, 22:22
Türkiyə Şimali Kiprə qoşun və silah göndərəcək
Türkiyə Şimali Kiprə silah və hərbi kontingent göndərə bilər. Bu barədə Türkiyənin xarici işlər naziri Mövlud Çavuşoğlu məlumat verib.
O bildirib ki, bu barədə qərar ABŞ-ın Kiprə qarşı tətbiq edilən silah embarqosunun ləğvinə cavab olaraq qəbul edilə bilər.“Kipr türklərini qorumaq məqsədi ilə oraya daha çox ordu göndərəcəyik və silah olaraq da nəyə ehtiyacları varsa, onu verəcəyik”, - XİN rəhbəri vurğulayıb.
29-09-2022, 22:18
İranın bu əyalətində 120 nəfər saxlanılıb
İranın Loristan əyalətində Məhsa Əmininin ölümündən sonra başlayan nümayişlərdə 120 nəfər saxlanılıb. Bunu əyalətin baş prokuroru Məhəmməd Rezm Tehranda nümayişlərdə həyatını itirən Loristan mühafizəçisi Ferid Kerempurun ailəsini ziyarəti zamanı deyib."Bu insanlar qanun qarşısında lazımi cəzalarını alacaqlar. Onların bundan əvvəl də bir çox cinayətləri olub", - deyə o, vurğulayıb. Qeyd edək ki, Əmininin ölümündən sonra ölkə daxilində başlayan nümayişlər zamanı Gilan əyalətində 739, Mazandaran əyalətində 450, İlam şəhərində 180 nəfərin saxlandığı açıqlanıb.
29-09-2022, 22:16
Ermənistan ehtiyatdakı artilleriyaçıları hərbi təlimlərə çağırdı
Ermənistan Müdafiə Nazirliyi hərbçilərin yeni təlimini planlaşdırır. Bu barədə nazirliyin mətbuat katibi Aram Torosyan bildirib. Onun sözlərinə görə, budəfəki təlimlərə raket-artilleriya ixtisasına malik olan ehtiyatdakı hərbçilər cəlb olunacaqlar. Təlimlər noyabrın 22-dək keçiriləcək.
29-09-2022, 22:13
Putin dost olmayan ölkələrlə bağlı yeni fərman imzaladı
Rusiya prezidenti Vladimir Putin yeni fərman imzalayıb. Butov.az xəbər verir ki, fərmana əsasən, Rusiya hökuməti dost olmayan ölkələrə Rusiya ərazisindən avtomobil nəqliyyatı üçün istifadəni qadağan edə biləcək. Xatırladaq ki, bundan öncə Avropa İttifaqı (Aİ) ölkələri Rusiyanın avtomobil nəqliyyatının Avropa torpaqlarından istifadəsinə müxtəlif məhdudiyyətlər qoyub.
29-09-2022, 22:09
İran Fransaya nota verdi
İran Fransaya nota verib. Butov.az xəbər verir ki, Fransa səfirliyinin müvəqqəti işlər vəkili Floran İdalo İran Xarici İşlər Nazirliyinə çağırılıb. Ona Fransa Xarici İşlər Nazirliyinin İranın daxili işlərinə müdaxilə xarakterli bəyanatına görə rəsmi Tehranın etiraz notası təqdim olunub.
29-09-2022, 22:05
Finlandiya ruslar üçün sərhədi bağladı
Finlandiya quru sərhədlərini rus turistlər üçün bağlayıb. Bu barədə məlumatı Finlandiya hökuməti təsdiqləyib. Qeyd edək ki, Rusiyada səfərbərlik elan edildikdən sonra rus vətəndaşlarının ən çox üz tutduğu ölkələrdən biri də Finlandiya olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!