1-09-2023, 14:45
Şəhid və qazi övladları məktəbli ləvazimatlarıyla təmin olundu
Ölkəmizin ərazi bütövlüyünün təmin olunması uğrunda qəhrəmancasına vuruşaraq canından və sağlamlığından keçən şəhidlərin və qazilərin övladlarının qayğıları dövlətimizin daim diqqət mərkəzindədir.
Naftalan Şəhər İcra Hakimiyyətində qarşıdan gələn yeni tədris ilinin başlanması münasibətilə məktəbli şəhid və qazi övladları ilə görüş keçirilib.
İcra başçısı Vüqar Novruzov dövlətimiz tərəfindən şəhid ailələrinə, qazilərə göstərilən diqqət və qayğıdan danışaraq şəhid və qazilərin məktəbli övladlarını yeni tədris ilinin başlanması münasibətilə təbrik edib.
Artıq ənənə halını alan və uşaqlarda sevinc dolu anlar yaşadan tədbirdə onlara “Oyal”-ın məktəbli çantaları və müxtəlif dərs ləvazimatları təqdim edilib.
Görüşdə iştirak edən şəhid ailələri onlara göstərilən diqqət və qayğıya görə Müzəffər Ali Baş Komandanımız, möhtərəm Prezidentimiz cənab İlham Əliyevə minnətdarlıqlarını bildiriblər.
1-09-2023, 14:37
Erməni seperatçıları Əsgəran yoluna baryerlər qurmağa başlayıb
Qarabağdakı separatçı-terrorçular Əsgəran yoluna baryerlər qurmağa başlayıblar.
Bu barədə teleqram kanallarında görüntülər yayılıb.
Məlumata görə, baryerlər Azərbaycanın göndərdiyi humanitar yardımların qarşısını kəsmək üçün qurulur.
Qeyd edək ki, AzQAC tərəfindən Qarabağda yaşayan erməni sakinlərin ehtiyaclarını qarşılamaq üçün avqustun 29-da Bakıdan göndərilən 40 ton un yüklü iki avtomobil Ağdam-Əsgəran-Xankəndi yolunda, Rusiya sülhməramlılarının postunun qarşısında gözləyir. AzQAC əməkdaşları və könüllülər ərazidə qurulan çadırlarda gecələyir.
1-09-2023, 14:28
Qarabağ ərazisində avqust ayı ərzində 1992 mina aşkarlanıb - ANAMA
Azərbaycan Minatəmizləmə Agentliyi (ANAMA) işğaldan azad edilmiş ərazilərdə avqust ayında aşkarlanan minaların sayını açıqlayıb.
ANAMA-dan verilən məlumata görə, avqustun 1-dən 31-dək Tərtər, Ağdam, Xocavənd, Füzuli, Şuşa, Qubadlı, Cəbrayıl və Zəngilanda aparılan minatəmizləmə əməliyyatları zamanı piyada əleyhinə 972, tank əleyhinə 1 020 mina və 1 121 partlamamış hərbi sursat aşkarlanaraq zərərsizləşdirilib.
5 264,14 ha ərazi mina və partlamamış hərbi sursatlardan təmizlənib.
1-09-2023, 14:18
Almaniya XİN Başçısının səsləndirdiyi ifadələr erməni təbliğatının məhsuludur
“Azərbaycanın xoş niyyətinin dəfələrlə rədd edilməsi səslənən bütün iddiaların əsassız olduğunu nümayiş etdirir”.
Bunu Azərbaycan Xarici İşlər Nazirliyinin mətbuat xidməti idarəsinin rəhbəri Ayxan Hacızadə “X”də yazıb.
O bildirib ki, Azərbaycan Qarabağ bölgəsində yaşayan erməni sakinlərə yaşamaq üçün lazımi təminatı göstərməyə hazır olduğunu təklif edib.
A.Hacızadə bildirib ki, Almaniya xarici işlər naziri Annalena Berbokun səsləndirdiyi ifadələr erməni təbliğatının məhsuludur.
Qeyd edək ki, A.Berbok daha əvvəl Qarabağda fəlakətli vəziyyətin hökm sürdüyü bildirmişdi.
1-09-2023, 14:05
Ermənistanın yaydığı məlumatın heç bir əsası yoxdur - MN
Azərbaycan Ordusunun bölmələrinin guya erməni mülki əhaliyə təhlükə yaratması barədə Ermənistan tərəfinin yaydığı məlumatın heç bir əsası yoxdur.
Bu barədə Müdafiə Nazirliyindən bildirilib.
Qeyd olunub ki, Azərbaycan Ordusunun bölmələri Ermənistan silahlı qüvvələrinin bölmələrinin təxribatına qarşı zəruri cavab tədbirləri görür və yalnız legitim hərbi hədəfləri atəşə tutur.
1-09-2023, 13:52
Putin və Ərdoğan görüşünün yeri və saatı dəqiqləşdi
"Putin və Ərdoğan arasında danışıqlar sentyabrın 4-də Soçidə keçiriləcək".
Bunu Kremlin sözçüsü Dmitri Peskov deyib.
1-09-2023, 13:50
Avropa İttifaqı 10 yeni üzvünü qəbul etməyə hazırlaşır
Avropa İttifaqı (Aİ) genişlənmənin yeni mərhələsinə hazırlıqları gücləndirməli və 10 dövlətin qəbulu üçün vaxt çərçivəsini razılaşdırmalıdır.
Bunu Aİ-nin xarici siyasət xidmətinin rəhbəri Jozep Borrel xarici işlər nazirlərinin Toledoda keçirilən qeyri-rəsmi görüşündən sonra bildirib.
"Genişlənmə ideyası bizim müzakirəmizin əsas mövzusu idi. Ukrayna Qərbi Balkanlar da Aİ-nin yeni üzvü olmalıdır. Ukraynadakı müharibə Aİ-nin genişlənməsi prosesini sürətləndirdi. Bu, ləyaqətə əsaslanan bir prosesdir, lakin eyni zamanda, düşünürəm ki, siyasi məqsədləri müəyyənləşdirmək, proseslərə təkan vermək yaxşı olardı. Bu məsələ bizə də aiddir, çünki biz 10 yeni Aİ üzvünü qəbul etməyə hazır olmalıyıq. Bu şərtlər daxilində müəyyən bir üfüqdə, qəbul üçün vaxt çərçivəsi bizə Aİ ölkələrinin və namizəd ölkələrin səylərini cəmləşdirməyə imkan verəcək”, - Borrell bildirib.
Borrelin sözlərinə görə, xarici işlər nazirləri genişlənmə məsələlərini müzakirə etmək üçün sentyabrın sonunda Qərbi Balkan ölkələrindən olan həmkarları ilə görüş keçirməyə razılaşıblar.
Albaniya, Türkiyə, Şimali Makedoniya, Monteneqro, Serbiya, Moldova, Ukrayna və Bosniya və Herseqovina hazırda Aİ-yə üzv olmaq üçün rəsmi namizəd statusuna malikdir. Brüssel Serbiyaya aktiv təzyiq göstərir ki, onu Kosovoya bu statusun verilməsinə razı olmağa məcbur etsin ki, bu da əslində Kosovonun müstəqilliyinin rəsmi şəkildə tanınmasına bərabərdir. Gürcüstan da üzvlüyə namizəd olmağa ümid edir, lakin bunun nə vaxt baş verəcəyi hələ bəlli deyil.
1-09-2023, 13:42
Rusiya ukraynalıların şəxsi məlumatlarını bu yolla əldə edir
"Rusiya ukraynalı əsgərlərin və onların ailələrinin şəxsi məlumatlarını əldə etmək üçün fişinq saytlarından istifadə edir".
Bu barədə "Amerikanın Səsi" məlumat yayıb.
ABŞ Müdafiə Nazirliyinin rəsmiləri "Amerikanın Səsi"nə Rusiyanın minlərlə ukraynalı əsgər və onların ailələrinin şəxsi məlumatlarını əldə etmək üçün istifadə etdiyi fişinq saytları barədə danışıblar. Onların fikrincə, bu, Ukraynanın işğal olunmuş ərazilərində yaşayan ailə üzvlərini saxlayıb Rusiyaya deportasiya etmək üçün edilir.
ABŞ-dakı bu cür fişinq resurslarına, məsələn, "WarTears" və "ForeignCombatants" layihələri daxildir. Rəsmilərin sözlərinə görə, bu resurslar itkin düşmüş, əsir düşmüş və ya ölmüş ukraynalı əsgərlərin dostları və qohumları üçün dəstək saytı kimi görünür.
Ukraynanın Əsirlərin Müalicəsi üzrə Koordinasiya Qərargahının nümayəndəsi Petr Yatsenko da "Amerikanın Səsi" ilə söhbətində bu saytların fişinq olduğunu bildirib. Onun sözlərinə görə, "WarTears.org" məlumat bazasında 170 mindən çox ukraynalı hərbçi haqqında məlumat var.
1-09-2023, 13:34
Ağdam-Xankəndi yoluna işıq çəkilir
Ağdamdan Xankəndi istiqamətinə gedən yola işıq çəkilir.
Hazırda “Azərişıq” ASC-nin əməkdaşları tərəfindən yolun işıqlandırılması üçün yeni dayaqlar basdırılır, hava xətləri çəkilir.
İşlər yekunlaşdıqdan sonra Ağdam-Xankəndi yolu dayanıqlı və fasiləsiz elektrik enerjisi ilə təmin olunacaq.
1-09-2023, 12:44
Erməni silahlı dəstələri Kəlbəcər istiqamətində təxribat törətdi
Ermənistan silahlı qüvvələrinin bölmələri Basarkeçər rayonunun Zod istiqamətində yerləşən atəş mövqelərindən Azərbaycan Ordusunun Kəlbəcər rayonu istiqamətində yerləşən mövqelərini minaatanlardan atəşə tutur.
Bu barədə Azərbaycan Müdafiə Nazirliyi məlumat yayıb.
"Bölmələrimiz tərəfindən zəruri cavab tədbirləri görülür", MN-dən bildirilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!