5-06-2025, 17:58
Sumqayıtdakı yanğında fəhlə xəsarət aldı
Sumqayıtda baş verən yanğın zamanı xəsarət alan fəhlənin vəziyyəti məlum olub.
Bu barədə Sumqayıt Tibb Mərkəzindən məlumat verilib.
Qeyd olunub ki, iyunun 5-də saat 12:20 radələrində Sumqayıt Tibb Mərkəzinin Təcili Tibbi Yardım Xəstəxanasına 1998-ci il təvəllüdlü şəxs (kişi) hospitalizasiya olunub.
Bədənin bir neçə nahiyəsinin termiki və kimyəvi yanığı, II-III dərəcəli diaqnozu təyin edilən pasiyent Reanimasiya şöbəsinə yerləşdirilib.
Zəruri tibbi xidmətlər göstərilən və vəziyyəti ağır qiymətləndirilən şəxs daha ixtisaslı tibbi xidmət almaq üçün Nərimanov Tibb Mərkəzinin nəzdindəki Yanıq Mərkəzinə təxliyə edilib.
***
Bakı-Quba-Rusiya Federasiyası dövlət sərhəd avtomobil yolunun 28-ci kilometrliyində yerləşən, hazırda fəaliyyət göstərməyən və sahibinin kimliyi məlum olmayan ərazidə yanğın hadisəsi baş verib.
Hadisə nəticəsində ərazidə yerləşən bir ədəd mazutvuran nasos və təxminən 30 kvadratmetr sahədə olan mazut kütləsi yanıb.
Yanğın zamanı orada fəhlə kimi çalışan Sumqayıt şəhər sakini, 1996-cı il təvəllüdlü Əliyev Famil Qələmşah oğlu termik yanıq xəsarətləri alıb. Yaralı dərhal xəstəxanaya yerləşdirilib.
Faktla bağlı araşdırma aparılır.
5-06-2025, 17:24
Sel Bakı-Şamaxı yolunda hərəkəti çətinləşdirdi
Sel sularının yaratdığı fəsadlar Bakı-Şamaxı-Yevlax yolunda avtomobillərin hərəkətini çətinləşdirib.
Qobustan dağlarında başlayan leysan bir neçə saat ərzində güclü selə çevrilib.
Selin gətirdiyi daş və torpaq kütləsi Bakı-Şamaxı-Yevlax avtomobil yolunun 78-ci kilometrində hərəkəti çətinləşdirib. Təmizləyici qurğular selin ağırlığına tab gətirməyib, nəticədə yağış suları yolun hərəkət hissəsinə yayılıb, yolda torpaq və çınqıl qatı əmələ gəlib.
Hazırda yolda vəziyyət nisbətən sabitləşsə də, yağıntılı hava şəraitinin yeni fəsadlara səbəb olacağı istisna edilmir.
5-06-2025, 17:00
Tramp Çin lideri ilə danışıqlar apardı
ABŞ prezidenti Donald Tramp və Çin lideri Si Cinpin arasında telefon danışığı olub.
Nəşrin məlumatına görə, söhbət Amerika tərəfinin təşəbbüsü ilə baş tutub.
Söhbətin təfərrüatları hələlik açıqlanmayıb.
Bundan əvvəl Ağ Ev bildirib ki, liderlər tezliklə tarif sazişi və digər ticarət məsələlərini müzakirə edəcəklər.
5-06-2025, 16:47
Pezeşkianı İrəvanda gözləyirik - Mirzoyan
İran prezidenti Məsud Pezeşkianın İrəvana səfəri gözlənilir.
Bunu iyunun 5-də Ermənistanın xarici işlər naziri Ararat Mirzoyan parlamentin daimi komitələrinin birgə iclaslarında deyib.
O, İran İslam Respublikası ilə əlaqələrin hazırkı səviyyəsindən danışaraq, yüksək səviyyəli ikitərəfli səfərlərin davam etdiyini qeyd edib.
"Biz İrəvanda prezident Pezeşkianı gözləyirik", - XİN rəhbəri qeyd edib.
5-06-2025, 16:42
Müsəlmanları təhqir edən erməni “bloger”ə cinayət işi açıldı
İstintaq Komitəsi Moskvadakı Yaroslavski dəmir yolu vağzalında saxlanmış erməni bloger Areq Şepixinə qarşı cinayət işi açıb.
Komitənin mətbuat xidmətinin məlumatına görə, linqvistik araşdırmalar zamanı onun ifadələrində milli/etnik əlamətlərə görə müəyyən edilmiş bir qrup şəxsə qarşı zorakılıq hərəkətləri etməyə təhrik əlamətləri, habelə onların alçaldılması aşkarlanıb.
Cinayət işi internet vasitəsilə ekstremizmə açıq çağırışlar (Rusiya Federasiyası Cinayət Məcəlləsinin 280-ci maddəsinin 2-ci hissəsi) və nifrətə çağırış (Rusiya Federasiyası Cinayət Məcəlləsinin 282-ci maddəsinin 2-ci hissəsinin "a" bəndi) maddələri ilə açılıb.
"Yaxın vaxtlarda onun barəsində həbs qətimkan tədbiri seçiləcək", - İstintaq Komitəsidnən əlavə ediblər.
Şepixin özü bildirib ki, onu şəhərdən çıxarıblar və “qulaqları tapança qundağı ilə sındırılıb”, amma “ona ağır işgəncə verməyiblər, daha çox dindiriblər”, xüsusən də Ukrayna ilə əlaqəsinin olub-olmadığı soruşulub.
Çeçenistan hakimiyyəti bildirib ki, Şepixin oğurlanmayıb, saxlanılıb. Çeçenistanın milli siyasət naziri Əhməd Dudayev xatırladıb ki, “bloger” öz videolarında çeçenləri və İslamı təhqir edib.
"Həbsi həyata keçirən hüquq-mühafizə orqanlarının əməkdaşları onun həyatını və ya ən azı, sağlamlığını mahiyyət etibarı ilə xilas etdilər. Onun din, Allah, millətlər haqqında qəbuledilməz, təhqiramiz ifadələrini eşidən yüz minlərlə müsəlmanda sözün əsl mənasında hiddət yaranıb.
5-06-2025, 16:20
Çörək maşını ilə narkotik paylayan şəxs tutuldu - VİDEO
Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsi və satışına qarşı mübarizə davam etdirilir.
DİN-in Mətbuat xidmətindən verilən məlumata görə, Xəzər rayonunda keçirilən növbəti əməliyyat zamanı 37 yaşlı Bəhruz Şükürov tutulub. Onun evindən 14 kiloqram tərkibinə zərərli maddələr əlavə edilmiş marixuana aşkarlanıb. Saxlanılan şəxs kamuflaj olunmaq məqsədi ilə mağazalara çörək daşıdığı avtomobili ilə narkotiklərin ünvanlara çatdırılmasını təşkil edib.
B.Şükürov ifadəsində narkotik vasitələri şəxsiyyəti istintaqla araşdırılan İran vətəndaşı vasitəsilə Qaradağ rayonu ərazisindən götürdüyünü və ayrı-ayrı ünvanlara çatdıraraq maddi qazanc əldə etmək niyyətində olduğunu bildirib.
Faktla bağlı cinayət işi başlanılıb. Saxlanılan şəxs barəsində həbs qətimkan tədbiri seçilib.
5-06-2025, 01:37
Lerikdəki zəlzələdən sonra dağıntı olub? - FHN-dən AÇIQLAMA
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, 04.06.2025-ci il tarixində yerli vaxtla saat 23:32-də Lerik rayonu ərazisində 17 km dərinlikdə 3.6 maqnituda zəlzələ qeydə alınıb.
Bu barədə Fövqəladə Hallar Nazirliyi məlumat yayıb.
Qeyd olunub ki, zəlzələ nəticəsində hər hansı dağıntı və ya insan xəsarəti barədə bu vaxtadək Fövqəladə Hallar Nazirliyinə məlumat daxil olmayıb.
5-06-2025, 00:53
Rusiyanın təqdim etdiyi memoranduma Zelenskidən reaksiya
Rusiyanın İstanbulda keçirilən danışıqlarda Ukraynaya təqdim etdiyi “memorandum” “aşağı səviyyəli insanlar” tərəfindən hazırlanıb.
Bunu Ukrayna Prezidenti Volodimir Zelenski mətbuat konfransında söyləyib.
Onun sözlərinə görə, bu “memorandum” 1969-cu il Vyana Konvensiyasını, xüsusilə də beynəlxalq danışıqlar hüququnu pozur. Axı həmin “sənəd”in üçüncü bəndində gələcəkdə beynəlxalq danışıqlardan imtina nəzərdə tutulur.
“Bir daha vurğulayıram ki, bu sənəd aşağı səviyyəli insanlar tərəfindən hazırlanıb. Rusiya tərəfindən Ukrayna ilə dialoq aparan komanda lazımi səviyyədə deyil. Onlar nəinki qərar qəbul etmirlər, həm də beynəlxalq hüquqda və Ukrayna qanunvericiliyində baş verənlərdən xəbərsizdirlər”, – deyə Zelenski bildirib.
Onun fikrincə, əgər Rusiya Ukraynadan istənilən ittifaqdan çıxmağı tələb edirsə, o zaman Rusiya da Kollektiv Təhlükəsizlik Müqaviləsi Təşkilatından çıxmalıdır.
Rusiya “memorandumu”nda yer alan bəndlərdən biri də Ukraynanın nüvə silahına malik olmayan ölkə olması və bu silahdan istifadə etməsinə qadağa qoyulmasıdır.
“Bu sadəcə spam kimidir, elə də ki var. Məqsəd spamlaşaraq özlərini göstərməkdir. Bu, təcrübəsiz daxili elektorata və siyasi piara yönəlib. Hamı bilir ki, biz öz ərazimizdə heç bir nüvə silahı yerləşdirmirik, çünki bizdə belə silah yoxdur. 1994-cü ildən Budapeşt Memorandumu çərçivəsində nüvə silahlarının yayılmaması haqqında müqavilənin tərəflərindən biriyik. Bizim statusumuz tamamilə aydındır”, – deyə Zelenski vurğulayıb.
O, əksinə, Rusiyanın “nüvə silahını Belarus ərazisində yerləşdirməməsinin vacib olduğunu” qeyd edib.
“Rus dili məsələsinə gəldikdə isə hamı bilir ki, bizdə bir dövlət dili var ki, o da Ukrayna dilidir. Onların rusdilli əhalinin “təhlükəsizliyi” ilə yenidən “narahat olmaları” qəribə görünür, çünki əsasən rusdilli olan bölgələr məhv edilir. Bu da bir daha göstərir ki, bu, Rusiyanın qanlı piar kampaniyasıdır”, – deyə Prezident vurğulayıb.
Xatırladaq ki, iyunun 2-də İstanbulda Ukrayna və Rusiya arasında sülh danışıqlarının ikinci raundu keçirilib. Görüşdən əvvəl tərəflər öz sülh memorandumu layihələrini təqdim etməli idilər. Lakin Rusiya nümayəndə heyəti öz sənədini yalnız danışıqlar zamanı təqdim edib.
5-06-2025, 00:35
ABŞ Qəzza ilə bağlı qətnaməyə veto qoydu
ABŞ BMT Təhlükəsizlik Şurasının Qəzza zolağında dərhal atəşkəs tələb edən qətnamə layihəsinə veto qoyub.
Qətnamə layihəsini BMT Təhlükəsizlik Şurasının on qeyri-daimi üzvü hazırlayıb.
Birləşmiş Ştatlar Təhlükəsizlik Şurasında qətnaməni dəstəkləməyən yeganə ölkə olub.
ABŞ BMT Təhlükəsizlik Şurasının Qəzza zolağında dərhal atəşkəs tələb edən qətnamə layihəsinə veto qoyub.
Qətnamə layihəsini BMT Təhlükəsizlik Şurasının on qeyri-daimi üzvü hazırlayıb.
Birləşmiş Ştatlar Təhlükəsizlik Şurasında qətnaməni dəstəkləməyən yeganə ölkə olub.
5-06-2025, 00:26
Selçuk Bayraktardan
Azərbaycan paylaşımı
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!